古琴雅苑 (QRE Plaza)

营业中

休息中

我一向也很喜歡吃北京填鴨， 有次我真係太掛念食北京填鴨， 特地即刻買機票，weekend飛過去北京食。 最近暫時都不能飛， 想食北京填鴨就諗起這家 #古琴雅苑。🦆北京填鴨北京填鴨是古琴雅苑的主打菜。 賣相非常吸引，填鴨皮薄， 肥瘦剛好。 我最享受包填鴨的過程：薄薄的捲皮， 加上青瓜絲， 蔥絲，蘿蔔絲， 甜醬汁和柚子汁， 還加了有少許砂糖， 再把他捲起。 咬落後，簡直有『北京』的感覺， 北京填鴨的由慢慢流出，鴨皮燒得非常香脆， 肉質嫩滑，皮脆餡靚，層次咁豐富。再加上甜醬汁襯托出填鴨的鮮味， 我先發現原來唔一定要特登飛過去北京食。🥣桂花薑汁湯圓平日試過出去吃湯圓太大粒，感覺反而很漏，這個湯圓大小剛好， 適合一口一粒。 桂花薑汁甜度調配得剛剛好，不會過甜， 微微的薑辣配上甜甜的湯圓感覺很配。🍤清炒蝦仁清炒蝦仁粒粒圓潤， 選用新鮮蝦炮製。 咬落去爽口彈牙， 肉質鮮嫩。 再配上新鮮綠豆， 令清炒蝦仁有一種更清新的感覺。🍜 雞煨麵雞煨麵最緊要係湯底。 這個湯底感覺像淆製了數個小時， 雞味濃郁。 再加上嫩雞切粒， 佩些青菜， 麵條索曬濃郁湯底的鮮味， 非常入味。最後再配一個烏龍茶， 消一消油膩感 。

疫情期間都來同朋友食lunch我哋四個人叫咗個六人餐🤣叫套餐就免茶位最先上菜嘅係「揚州水晶肉」，有得點汁，但係我唔係好好慣呢陣味，「松花皮蛋伴豆腐」就好快黎埋，佢嘅豆腐超級滑，一片片切好晒，好快就分到之後就黎到我哋嘅重頭戲「烤北京填鴨」（半隻）😍有得親眼睇住師一塊塊咁片落黎，隔住口罩都聞到好香，侍應會同我哋介紹，有一啲肥膩嘅填鴨，就可以食咗先，因為比較脆，同埋凍咗會唔好食，點埋佢哋自製嘅黃梅醬，伴菜仲有哈密瓜，非常新奇之後仲有魚羹，都分到六整碗，味道唔錯，最後仲嚟咗紅燒肉，入邊有個蠟燭，可以keep住佢嘅溫度總結來講，呢度嘅北京填鴨係非常推薦，女侍應（經理）都非常有禮，照顧周到，環境優美，應該會再幫襯👍🏻

我平日最鍾意就係捐窿捐罅周圍去搵好嘢食。湊住小朋友嘅時候，餐廳環境同位置更加係我考慮因素之一。北京填鴨向來都係我兩個囡囡最愛嘅食物之一。今次我哋一家四口就選擇左呢間位於灣仔嘅淮揚菜館《古琴雅苑》。踏入餐廳燈光明亮，樓底夠曬高，充滿空間感，座位間隔寬敞，侍應對客人有禮，俾到人一種賓至如歸嘅感覺。疫情關係，我哋在中午時段惠顧，考慮到小朋友食量一向都唔算大，就叫咗午市二人餐再加一客小籠包：1️⃣前菜：意大利黑醋骨排骨大大粒，非常軟腍，再配上甜甜酸酸嘅黑醋，味道濃厚得黎夠曬醒胃，我自己就好鍾意，份量比起一般淮揚菜館嘅前菜大碟得多，抵食2️⃣宋嫂鮮魚羹呢個魚羹好有驚喜，因為肉質夠新鮮，令到湯羹味道清甜，而且廚師烹調嘅稀稠度啱啱好，湯羹亦都好夠熱，我哋好快就一飲而盡3️⃣烤北京填鴨（半隻）終於嚟到今次午餐嘅重點所在，亦係小朋友最期待嘅菜式。務求新鮮，鴨一烤好，師傅便即席為客人片鴨，端上的第一小碟是「一口酥」，把烤得香脆的小片鴨皮，簡單配以砂糖，便能帶出鴨香，令人有想繼續大口大口吃下去的感覺。片皮鴨的脂肪分布比例剛好，沒有多餘的肥膩部份，一直吃下去也沒有半點油膩感覺。除了一般配料，餐廳還特設哈密瓜絲與特製蜂蜜黃

穿過利東街🎆，會見到一座🏚️QRE Plaza, 今次同屋企人擇左中菜，古琴雅苑，因為弟弟想吃北京填鴨🦆，我地叫左一隻，首先師傅在客人面前片皮，兩三下，便一開三了，這裡與傳統的烤鴨🦆有所不同🍃，酥脆的鴨胸皮蘸砂糖吃，入口即化，油香與甜味交織；鴨皮連肉dad 的吃法，我吃烤鴨，慣常地鴨皮連肉，再加京葱、甜醬🧂，用餅皮包著來吃；鴨胸肉細嫩香甜，配以飯店特製的蜂蜜黃梅醬同吃🍴，感覺很新鮮！屋企人慣左要吃飯，要有飯氣🍚！所以我地叫左古琴鴨炒飯，啖啖鴨肉油香，真係好滿足！

午餐時間去咗朝聖呢一間出名食北京填鴨嘅餐廳依家佢哋做緊夏日午市套餐所以餐牌上面嘅菜式都特登為咗呢個咁熱嘅夏天而準備例如我哋食咗一個海蜇同埋醉雞我哋三個人叫咗個套餐其實除翻開每人都係二百幾價錢方面非常抵最推介大家食佢嘅蘇式爆炒鴨絲北京填鴨 同埋古琴鴨肉炒飯炒鴨絲配埋燈籠椒去炒食落口會有清爽嘅感覺唔會好油膩而且火候亦都非常好食落真係感覺到好有鑊氣北京填鴨雖然就話只係得半份但係因為套餐仲會有其他嘢食所以份量係足夠嘅 而且聽聞佢哋嘅北京填鴨仲要係北京全聚德嘅烤鴨 所以質素非常高另一個古琴鴨肉炒飯初頭見佢係炒飯以為食落會好油膩但係一食就真係完全比呢個飯吸引咗佢唔單止識落唔會好油膩而且飯仲會吵到粒粒分明 食得出放到好多心思同埋認真製作總結來講呢間餐廳俾人有時尚現代化嘅感覺就算年輕人去食都唔會覺得個環境好似好傳統如果平時想同屋企人或者朋友一聚嘅話都好推薦呢一間俾大家

古琴雅苑位於灣仔合和中心對面的QRE Plaza，位置很方便。主打原味淮揚菜及正宗北京填鴨。因為一行三人所以沒有點套餐，其實單點更合個人口味呢🤪.意大利黑醋骨：用了意大利黑醋製成的排骨，黑醋汁的甜酸比例剛好💯，排骨好軟腍，每件都有滿滿的黑醋汁，甜甜酸酸惹味又開胃，完全吃到不想停下來，到現在還念念不忘的一道菜🤤.烤北京填鴨（半隻）：幾乎每檯必點，師傅會即場片鴨，首先切幾小片近鴨頸下位置的，名叫可以配砂糖和黃梅醬食，脆口又不油膩，鴨皮極香👍🏻半隻鴨其實份量蠻多，配以青瓜絲、哈蜜瓜絲、京蔥絲、砂糖、京醬和黃梅醬，還有一籠薄餅皮，每塊餅皮之間都夾著一片紙，確保餅皮不會黏在一起，而且更容易取出。片好的鴨皮脆肉嫩，鴨肉味道香濃 , 脂肪分佈均勻，不會太膩。把片皮鴨放於餅皮上，抹上醬料和配料，卷起來吃，味道層次豐富😋.蔥香鮑魚拌麵：看到餐牌的圖片很吸引所以點了，一碟有四隻鮑魚很豐富，鮑魚肉質軟腍，連醬汁吃味道香濃。麵條分量偏小，軟硬度適中，蔥香味頗濃😋.黃金明蝦球：因為十分喜歡鹹蛋黃的香味，所以每次見到黃金明蝦球都會點。鹹蛋黃流沙配上爽口彈牙的蝦球🦐一流.南翔小籠包：一籠有六粒，皮不算薄，幸好湯汁夠

A fulfilling night at zither gardenOrdered the set for twoOh my god the portion is so generous that we can only finish 50% for three paxCredit to the fish soupLove the thin slice of fish without bones! Friendly to kids as wellBamboo shoots added great texture to the soup and increase your appetite Roasted Peking duck is so huge in sizeAlthough the saucing is standardBut the taste is so classic and yumSkin is sweet and crispy when servedIt’s always nice to have some tianjin cabbage to balance out

朋友話過一定要嚟呢間古琴雅苑試佢嘅片皮鴨，聽講這裏的烤鴨味道幾好，價錢唔貴，這次終於有機會可以去嚐一下了，我同家人一行四人去食晚飯。這裏的環境好摩登，看過餐牌發覺食物種類繁多，感覺唔錯！餐前小碟：花生、三色酸菜，好開胃，好好食吖，不過每碟要收$15。重點推介當然係北京填鴨啦！我們點了烤北京填鴨（濃香） $185 半隻，這個北京填鴨的性價比真的超高! 配以饃饃皮一籠，蜜瓜絲、哈蜜瓜絲、京蔥絲及京醬和蜂蜜黃梅漿。鴨皮顏色吸引，皮下無咩脂肪，在燈光下透出光，比較健康。薄薄的饃饃皮暖暖的又軟熟，放好材料和醬汁包住再大啖咬，多食幾片都唔會太膩。肉厚嫩而鴨味香，鴨皮夾下去聽到很脆的聲色，脆卜卜的，肉質又嫩。除左傳統京醬，呢度仲有特色蜂蜜黃梅醬，可以食到唔同嘅口味，醬唔夠仲可免費添加。這道菜我一向喜歡，這裡亦做得好吃，怪不得每枱都叫上了一碟北京填鴨。我見呢個花雕醉雞$79係推薦嘅，咁就一於就試下啦！砌到圓形咁，好靚吖。凍凍地好正，好開胃，花雕味唔算勁濃，但微微酒香非常入味，雞皮薄，雞肉皮香肉嫩，亦唔肥膩，果然係無推薦錯呀! 黃金明蝦球$188每次見到黃金明蝦球都會嗌，因為咸蛋嘅香味真係好吸引。惹味的

今日一行6人食晚飯，揀左位於灣仔合和中心對面QRE Plaza，位置相當方便，係灣仔MTR 利東街出口就最近。這裡座位唔錯，我哋坐係sofa 卡位，坐底後先開一壼好香嘅玫荔鐵觀音茶，鐵觀音滲透著好香玫瑰同荔枝味，而前菜有一碟花生及一碟酸瓜蘿蔔。呢度有兩款6人套餐，一個係套餐A$1908，另一個係鮑魚海鮮餐$2188，呢個多一個餸，其他餸菜款式有點不同，兩款套餐都一樣有烤北京填鴨，因為無打算食海鮮，所以我哋最後揀左平d個款。先黎松花皮蛋拌豆腐同花雕醉雞，再有宋嫂鮮魚羹。而北京填鴨就係分兩碟片皮上，再加一碟鴨頸片，連埋大蔥絲、青瓜絲、甜麵醬，用薄餅夾埋一齊食。片皮鴨帶有少少肉，肉質肥瘦適中，鴨皮香脆。醉雞皮有少許肥，花雕味濃夠入味，相當好食。至於魚類可以揀黃魚燒年糕同風味松子魚，我哋就揀左無乜骨嘅松子魚，果然好好味。花雕醉肘子有少少花雕味係豬手度，好爽口，份量都幾多。蜜汁燒火方係雲南火腿，再配有荷葉包，可以包住火腿蓮子一齊食，有鹹味配上荷葉包，配合起來簡直一流。農家醬爆牛肉乾煸四季豆最後有古琴鴨肉炒飯， 甜品有杞子桂花糕。古琴鴨肉炒飯看似唔係咁大碟，但係我哋食到尾聲都已經好飽喇，其實鴨肉就

之前一開新店嘅時候好多雜誌網上都好高調報道，搞到我一直都好想去試，但係一直都book唔到枱。今次早一個禮拜就可以book到weekend重點講個鴨Selling point係個師傅會出嚟切到108片片皮鴨，擺碟擺得相當之靚，而且鴨皮色澤都好靚，睇到都流晒口水。入口後有啲失望了眼皮唔係太香，味道好淡，加上呢個價錢，有好多好好嘅選擇。不過總算試過 滿足心願

由到步到落單全程冇服務可言，要求落單竟然同我講好忙唔得閒理你，食完完嘅碗碗碟碟，每一次你都要叫佢地先會叫走，追order追四次，最後同會同客人講，廚房未整幫你取消！呢間咩嚟㗎，同一價錢，大把鋪頭好過呢間垃圾級！

又一次失望的烤鴨，先前試咗食評較好的几家烤鴨以失望告忠，本想再餄自己一次機會食古琴雅苑的烤鴨，但今晚食完之後又一次失望，烤鴨皮軟肉肥有鴨臊味，其它菜也不怎麼樣，再有現在疫情期間也沒有為每位食客量體溫，政府雖然放寬每枱的人數，但是枱與枱之間要保持1.5米的距离，此處連0.5米都冇，真是衛生安全的隱患，違反政府的衛生指引，勸君莫去，如此質素的餐廳遲早被淘汰！

父親節帶父母食，一早訂左位，去到仲要企左半個鐘先放到人入去坐...都算啦...叫野食..又等半個鐘....等到人都燥左...都算...黎第一味送...黎錯..單都落錯..真係唔講粗口都算叫修養好了。三個人食，叫唔到佢個set唯有單叫，叫左扁鴨，蜜汁火方，鱔胡，津白...每樣野都隔三四個字咁黎...質素都唔同你計..呢個上菜速度點忍你...如果你人手唔夠做唔到單叫既就剩係做set menu 啦...你又唔係...真係考驗人既修養既一餐。可一不可再，大家大時大節去食真係諗真d...

以前食過尖沙咀既古琴雅苑，食物質素同服務態度都滿意。 但灣仔哩間服務態度仲衰過酒樓首先，一入到門口好細既空間已經好多人等緊入座，再加上撞正上一批食完既客離座，係門口沙甸魚咁逼左成幾分鐘先無咁多人。第二，門口個小姐安排入坐好混亂。本身book 好左枱既人陸續黎到，門口個小姐就同大家mark 次序陸續入座。突然一批新黎既客話book 左佢就直接比左果枱客入。咁我完全唔知mark number 既意義係邊到第三，個個staff 都好忙，根本無人有時間有心serve 你！無人會主動行埋黎同你落單，我落到單都係因為隔離枱埋緊單 review 緊將單時果一分鐘都無既空隙怱怱忙忙落單。之後叫佢加水，叫完又叫先加到。同先前係尖沙咀staff 會主動serve 你 問你d 野滿唔滿意係完全唔同。第四， 枱與枱之間好近，好逼。酒樓都無佢咁逼。食物質素就唔講了，服務差食野都無胃口。總結：唔知點解尖沙咁同灣仔隔左個海，連d 服務質素都差左咁遠。 我第二次食，由滿意變到唔滿意，對“古琴雅苑”呢個brand 完全失望！ 成個消費體驗好似去左“古琴酒樓”咁

本打算一心想食片皮鴨，因為平時係古琴雅苑食開，所以今次都黎一到達，位都未坐好，就不停催人地要咩茶食片皮鴨會有醬料同埋配料，餐牌明明寫住可以隨意添加，叫個侍應添加配料，同我哋講：「你估而家任食咩，第三碟要俾錢㗎。」d態度好差，好似睇唔起人咁。已經變左了：1，以前會有鍋貼而家都冇鍋貼2，以前有幾款小籠包揀宜家得一款3，啲服務態度越嚟越差4，以前會有一個肥肥地專業師傅片啲片皮鴨，而家無左總括而言，都唔會再幫襯啦，令人大失所望。