古琴雅苑 (QRE Plaza)

营业中

休息中

Lunch都要食好啲，一於去左古琴雅苑食烤鴨，附近多office, lunch都幾多人，幾乎滿座，可能餐廳都唔係好多枱，夜晚就一定要book. walk in分分鐘冇位！主角嚟啦！北京烤鴨！呢到可以叫半隻鴨烤，我地人少少叫左半隻。首先嚟咗一小碟一口酥，點沙糖食入口即融🤤烤鴨配料有青瓜、京蔥、同比較少見嘅哈密瓜，醬料就京醬同蜂蜜黃梅醬。好啦，正題！🦆🦆🦆🦆🦆半份烤鴨都算幾多，2-4個人都夠食，呢度片法係肉連皮，唔會太油膩，鴨肉都幾滑。🌮烤鴨餅皮好好，薄身又煙韌，每一塊都有一張紙隔住，啲皮唔會痴埋一齊之餘，仲可以用隔住張紙托住塊皮送配料（你都可以用膠手套，個人唔鍾意）。蜂蜜黃梅醬好清新，京醬較重口味，兩樣輪流食就最好！小菜方面，主要係淮揚菜，接近上海菜。叫咗個黃魚雲吞湯，超鍾意飲魚湯，奶白色魚湯湯味濃郁，兩條魚仲會畀埋你食。另外叫左個農家醬爆牛肉，有鑊氣，炒得好香，即刻叫咗碗飯。螞蟻上樹都炒得好干身，味道唔錯。最後仲食咗待應推薦嘅腰果露（唔記得影相）食得出係即磨腰果露，唔係溝粉，好好味，同埋好少地方有得食😋

除左扁皮鴨之外其它都麻麻....外賣膠盒要額外收費都明，但點解一碗酸辣湯都要分兩個膠盒裝就極度不環保同搵笨！糖水都係咁！而且仲要執漏單返到屋企先發現（所以下次外賣一定要check清楚先好離開）🤦‍♀️⚠️⚠️⚠️雖然外賣自取有折但冇諗過會咁離譜，經常外出用餐或外賣都從未見過一間餐廳會有廚部手寫單收費而且仲charge 左$20！真心覺得生意做到咁好cheap！

性價比極低，請都唔會再去食！作為主角的片皮鴨可以做到咁難食又凍又蘇希望真的用心做菜，主菜都甘難食🤮🤮🤮雞丁，四季豆还算可以其他菜不值一提，最重要係個小籠包塊皮口過你塊面，麻煩叫个師傅留意下，點俾客食🤦🏽‍♂️🤦🏽‍♂️🤦🏽‍♂️

想試古琴雅苑好耐佢嘅片皮鴨出名又抵又好食之前試過幾次預早一個月前想book晚飯 但都食唔到今次lunch time黎到因為疫情關係啦 成間餐廳都冇乜人不過今次冇試到佢個片皮鴨話說因為佢有兩個二人餐 一個有片皮鴨但係除左片皮鴨就好似冇乜其他野食因為驚食唔飽所以就叫左另一個二人餐平啲之餘 仲要有多啲野食況且佢好多都係鴨嘅菜式食唔到片皮鴨 都叫做試下佢嘅鴨嘛雞絲粉皮我一向好鍾意 而呢度更加係出奇地咁大碟因為佢係前菜 好多餐廳份量都唔會太多 而且有花生醬 多都會漏 但我同朋友都清哂成碟南翔小籠包又係比我想像份量多我覺得二人餐俾4粒正常啦點知佢有成6粒喎 雖然皮唔係我食過最薄 但入面都算多肉多汁 而且打開真係出哂煙 熱辣辣架蘇式爆炒鴨絲或芹香鴨松生菜包呢啲時勢避免用手 所以唔揀生菜包揀左炒鴨絲 都炒得幾香高湯嫩雞煨麵或古琴鴨肉炒飯貫徹我地想食鴨嘅始終揀左鴨肉炒飯 又好香好正喎再講 份量都真係多好彩本人比較大食又咁啱同大食友黎食我地清哂所有野但我都好肯定好多人會食唔哂價錢方面 $338兩個人真係好抵食

📍 古琴雅苑 灣仔皇后大道東202號QRE Plaza 19樓💰$1198/4人餐額外再加多幾碟小菜平均💰$350一人 水準還好 ✨前菜有花鵰醉雞好入味 雞好滑都算大件✨烤北京填鴨(半隻)額外再叫多半隻一尼會片幾片鴨胸皮特別脆既部份食住先，淨係點砂糖醬汁，又幾特別😌鴨吾係好夠熱 但個皮燒得都算脆薄餅皮有驚喜 同出面食開吾同 好薄好軟又煙韌 熱辣辣👍🏻✨松子魚甜酸汁做得好好 味道吾錯 外層好脆 但炸粉略厚 魚肉仲好鮮嫩🐟✨上海炒年糕👍🏻👍🏻👍🏻吾會好咸但年糕軟硬炒得啱啱好 保留到年糕既韌度 想食哂成碟🤣✨金銀炒鱔糊💰$128✨外婆百葉結紅燒肉💰$108✨雞骨醬💰$108個雞炸完先再炒 咸左少少但食落好香口又入味 少少辣👍🏻🤤甜品送杞子桂花糕 食落似啫喱😐

同男朋友好耐冇食過中菜，所以心思思想黎食北京填鴨。黎到都幾肚餓所以就叫咗個二人餐。一開始就上咗個宋嫂魚羹，味道酸咸幾開胃，但可惜魚有雪藏味之後就嚟咗松花皮蛋豆腐同埋醉雞。呢兩個我覺得係最好食嘅。皮蛋豆腐唔會過鹹，醉雞入味得黎，唔會濃到覺得苦。之後就嚟到主菜之一嘅北京填鴨。見到我就心諗點解啲肉咁厚同我平時食嘅片皮鴨有出入。之後見到啲餅皮更加之SAD，DRY到冇朋友。不過我哋都係為咗過下口癮。之後嘅雞湯津白，比想像中清淡，似係普通烚菜。雞湯冇雞味，金華火腿冇金華火腿嘅味。其實仲有個鴨肉炒飯，不過我唔記得影相，反而炒飯炒得幾好食，粒粒分明。小插曲：不過上炒飯之前佢俾咗個炒年糕我，我心諗我幾時叫過炒年糕啊？原來係夥計落錯單。另外店舖嘅衛生都有待改善。見到d waiter一手揸落我飲過嘅茶杯邊到，佢又冇戴手套喎🤷🏻‍♀️大佬，呢啲時期搞啲咁嘅嘢。

之前呀媽呻哂話新年好多嘢搞，團年又要煮開年飯又要煮喎😫。為咗等佢無咁辛苦，我就上網睇吓啲盆菜，好多地方都有得賣，例如酒樓、快餐店同工廈啲舖仔，本身以為工廈嗰啲會平啲，但原來唔係！同時，我買盆菜有一個要求，就係要細Size的，因為我哋得四個人食嘛。除咗大集團嘅廣告外，我又上Instagram搵吓，搵搵吓期間見到古琴雅苑嘅盆菜幾符合我條件喎，因為係六人份量。我就打電話去餐廳問吓詳情，個姐姐幾有禮貌，解釋我聽一定要最少五日前親身去門市俾錢落訂，而預早訂就有酒、炒飯／炒年糕同優惠卷送。即係成個Set夾埋都只係承惠$788，其實都幾抵喎，一嚟係六人份量有飯有酒，二嚟就係大XX嗰類連鎖集團嘅盆菜雖然平百幾二百蚊，但感覺無咁好食😛。年三十晚我放工三點半去到灣仔分店自取，雖然餐廳已經落咗場，但佢都可以安排我呢個時段拎。之前店員仲溫馨提示我盆菜都大袋㗎，又重，叫我最好兩個人嚟拎，幾細心😊。餐廳將盆菜放一袋，第二袋就係兩盒盆菜嘅湯汁同盒炒飯，另外再加一支酒，確係幾重。店員提示我要先整熱兩盒湯，其後將熱咗嘅湯倒入個盆菜到，再以慢火滾熱全部食材，最後加熱15-20分鐘就食得🍲。不過呀媽滾下滾下都搞咗一個鐘！題

新年快到，今晚好開心約到一班朋友仔食團年飯。 朋友仔想食片皮鴨，所以今晚選擇了灣仔QRE plaza的一間淮揚菜館，古琴雅苑，食晚飯。餐廳是可以訂位的。 臨近新年最好先訂定位。 新春期間餐廳有一個訂位優惠， 五位以上訂座及至少一天前要交500元訂金可免費享用藥膳花雕醉雞鍋一份。 我們一行六人，剛好享用了這優惠。餐廳的裝修不是想像的傳統中式，反正是帶點簡約。餐廳中間的玻璃開放式廚房和模仿古式石烤爐的裝飾就比較搶眼。為免大家要動腦筋單點菜式，我們簡單來了一個金玉滿堂六人套餐 ($1798 包茶錢)。這個套餐很豐富，六至七人食也足夠有餘。六人餐首先有冷盤三款。雞絲粉皮 這個味道一般沒有特別松花皮蛋豆腐豆腐很滑溜，皮蛋比一般的香口。不錯。花雕醉雞醉雞酒味不算濃， 但雞肉很嫩滑也很入味。宋嫂鮮魚羹羹內有筍絲，冬菇絲，蛋絲和少量魚肉。羹帶酸味，酸味蓋過其他材料的味道。這個不推介。烤北京填鴨全隻份量不少，鴨味不算很重，但勝在皮脆肉嫩，脂肪不多，不會太膩。北京填鴨還配兩籠薄餅皮，蒜，青瓜和蜜瓜條 (蜜瓜條平時真的較少見）。薄餅皮上枱仍是熱辣辣的，每塊餅皮中間都夾著一片牛油紙，容易一塊塊取出。朋友提議了

老婆生日就係平安夜，佢唔係咁ＬＩＫＥ西菜，於是上網搵左呢間京菜，見到好多食評都係正面既，就去試下個片皮鴨。８點第二輪，唔滿，但就好在比較清靜，睇左一輪菜牌，叫左半隻片皮鴨（酒糟既，諗住會清新Ｄ），無錫脆鱔，口水雞，同埋冰豆腐湯。先上小食花生，好味。再上口水雞，比較鹹，又無老婆心中想要既花椒，雖然都份量幾多，只可以叫合格。跟住就上冰豆腐湯，幾清，豆腐通晒窿，菜又甜，仲有４件咸肉，好飲。叫左四個菜，但上得好慢，好似食法國菜咁。等左２０分鐘先上片皮鴨頭盆鴨皮，肥就一定架喇，但入口又只係覺得多汁咁，幾得意。之後再上脆鱔，一條條炸到硬晒，再淋啲甜醋醬，雖然勁脆，但炸到無鱔味，食落口同去雲呑麵舖食魚皮無咩分別，但呢個就貴好多。最後先上片皮鴨，仲有一籠皮，有一碟少見啲嘅哈密瓜，正常咁用皮包好所有配料，再加甜醬，味道好，鴨肉多汁（可能係油）但如果抱住食燒鵝嘅期望去食，就會有啲失望，因為就咁食舊鴨肉，先知道原來隻鴨係無調味，完全唔鹹嘅，可能係我唔識嘢喇。總嚟講，叫左四個菜，有三個唔合格，失望

感恩節晚餐考慮了好耐, 究竟食火雞好還是食填鴨好. 最後和愛人都是決定食 北京填鴨! 我在香港這兩年食了很多好貴的有性價比的填鴨. 但是我覺得這間 的北京填鴨是最美味! 而且合乎我的口味. 我比較喜歡 皮薄有肉又juicy 而且他們其他的北京菜式也非常美味. 當晚我們也叫了烏參和拼盤. 誠意介紹, 好過大董!

Where do I normally go for Peking duck now ? Now I do come here especially when it’s for family gathering ! They offer a decent price on their food and also have set menus ! Crispy eel is one of my favorite dish. It’s crunchy with a sweet honey coating on the outside ! They have to edit on of Peking duck, normal roasted duck or wine braised roasted duck ! This time I had picked the wine edition. First they will carve the duck right in front of you ! Some places carve the skin just for the Peking

古琴雅苑，聽到噶名就覺得好有詩意，店噶裝飾都好有古典風味。點左松花皮蛋拌豆腐、風味松子魚、花雕醉雞同一壺茶瑰荔堂皇，即系玫瑰荔枝茶，茶有好清香噶玫瑰同荔枝味。松花皮蛋拌豆腐整得好精緻，靚到我地掛住影相都唔記得味道點樣咯。風味松子魚好脆、好香。花雕醉雞就好嫩好滑啦。

仲新信用卡有優惠 有d 幾個人套餐 就去試下呢間片皮鴨 叫左個六人餐 千幾蚊 但係都食得飽飽 佢個松子魚好好食 炸得好夠脆 仲有佢個鴨 熱食真係一流 總結經驗 真係好低食 同埋環境都好靚

古琴雅苑，點片皮鴨既話，師傅係會係你面前表演架！主打原味淮揚菜及正宗烤北京填鴨「古琴雅苑」招牌原隻烤北京填鴨揚州水晶肉，感覺不膩滯，不錯花雕醉雞，肉嫩又有酒香味

香港既餐廳好少可有半隻片皮鴨叫🤪呢度就岩哂情侶/女仔啦，唔洗驚太多叫唔到其他菜式🤪師傅會係你面前片鴨，首先會切幾片叫既鴨皮俾你配沙糖食，非常脆口又唔會太油膩🤤半隻鴨其實都幾多，不過味道比以前退步左少少🤔皮好脆，但不夠熱，好似唔係即烤咁，可能係餐廳冷氣太大，係切既過程已經吹凍左，鴨肉有d羶味🤦🏻‍♀️餅皮只係微暖，食到第二三塊已經係凍，所以加埋所有野就變得好油膩🤦🏻‍♀️ 另外叫左個黃金蝦，咸蛋黃落得好豪爽，蝦肉好大而且好爽口，但個質感唔似新鮮蝦，價錢貴過半隻鴨，值唔值真係見一見智啦🤗