影片
更多
2020-07-06
132 浏览
今日一行6人食晚飯，揀左位於灣仔合和中心對面QRE Plaza，位置相當方便，係灣仔MTR 利東街出口就最近。這裡座位唔錯，我哋坐係sofa 卡位，坐底後先開一壼好香嘅玫荔鐵觀音茶，鐵觀音滲透著好香玫瑰同荔枝味，而前菜有一碟花生及一碟酸瓜蘿蔔。呢度有兩款6人套餐，一個係套餐A$1908，另一個係鮑魚海鮮餐$2188，呢個多一個餸，其他餸菜款式有點不同，兩款套餐都一樣有烤北京填鴨，因為無打算食海鮮，所以我哋最後揀左平d個款。先黎松花皮蛋拌豆腐同花雕醉雞，再有宋嫂鮮魚羹。而北京填鴨就係分兩碟片皮上，再加一碟鴨頸片，連埋大蔥絲、青瓜絲、甜麵醬，用薄餅夾埋一齊食。片皮鴨帶有少少肉，肉質肥瘦適中，鴨皮香脆。醉雞皮有少許肥，花雕味濃夠入味，相當好食。至於魚類可以揀黃魚燒年糕同風味松子魚，我哋就揀左無乜骨嘅松子魚，果然好好味。花雕醉肘子有少少花雕味係豬手度，好爽口，份量都幾多。蜜汁燒火方係雲南火腿，再配有荷葉包，可以包住火腿蓮子一齊食，有鹹味配上荷葉包，配合起來簡直一流。農家醬爆牛肉乾煸四季豆最後有古琴鴨肉炒飯， 甜品有杞子桂花糕。古琴鴨肉炒飯看似唔係咁大碟，但係我哋食到尾聲都已經好飽喇，其實鴨肉就
這裡座位唔錯，我哋坐係sofa 卡位，坐底後先開一壼好香嘅玫荔鐵觀音茶，鐵觀音滲透著好香玫瑰同荔枝味，而前菜有一碟花生及一碟酸瓜蘿蔔。
呢度有兩款6人套餐，一個係套餐A$1908，另一個係鮑魚海鮮餐$2188，呢個多一個餸，其他餸菜款式有點不同，兩款套餐都一樣有烤北京填鴨，因為無打算食海鮮，所以我哋最後揀左平d個款。
先黎松花皮蛋拌豆腐同花雕醉雞，再有宋嫂鮮魚羹。而北京填鴨就係分兩碟片皮上，再加一碟鴨頸片，連埋大蔥絲、青瓜絲、甜麵醬，用薄餅夾埋一齊食。片皮鴨帶有少少肉，肉質肥瘦適中，鴨皮香脆。醉雞皮有少許肥，花雕味濃夠入味，相當好食。
至於魚類可以揀黃魚燒年糕同風味松子魚，我哋就揀左無乜骨嘅松子魚，果然好好味。
花雕醉肘子有少少花雕味係豬手度，好爽口，份量都幾多。
蜜汁燒火方係雲南火腿，再配有荷葉包，可以包住火腿蓮子一齊食，有鹹味配上荷葉包，配合起來簡直一流。
農家醬爆牛肉
乾煸四季豆
最後有古琴鴨肉炒飯， 甜品有杞子桂花糕。
古琴鴨肉炒飯看似唔係咁大碟，但係我哋食到尾聲都已經好飽喇，其實鴨肉就唔係太多。
杞子桂花糕每人一件，有少許桂花香味。
整體來說都算唔錯，價錢合宜。
张贴
