古早牛肉麵 (已結業)

今日係深水埗早食lunch，經過試咗一間幾有特色的牛肉麵店，味道唔錯，值得推介！首先個裝修好有台灣小店色彩，即時另人幻想嘢食是否都十足台灣風味呢？🤔（舖頭11:40開門我做咗第一個客人！）滷水切大腸大約有六七件大腸，味道濃郁，但我肯定絕不是味精調味。肥瘦適中，女仔見到都唔會托手掙。招牌半筋半肉湯麵叫得上招牌麵當然有番咁上下水準。牛肉軟得黎唔鬆散，牛筋「膠」得黎唔癡牙。麵煮得剛剛好唔太鯰，吸收晒牛肉湯的精華，互相輝映。蜂蜜綠茶跟餐送的，清甜潤喉👍🏻辣菜圃，脆脆地，酸辣適中，伴麵食一流！

古早古早，我真係古佢老祖明明一早知道香港好難搵到同台灣一樣味道嘅嘢食，明明知道裝修越吸引的食店味道會越一般，但我仲天真地以為佢會有夜市嘅質素。。。。早知。。。今日總共叫咗五樣嘢，先講佢招牌「古早牛肉麵」，飲第一口湯就知賴嘢，個味道仲淡過我淥福字麵d味粉，有啲似豉油水。啲麵太淋仲衰過我自己去759買關廟麵自己煮。牛肉唔夠味得個諗字。第二樣嘢係酥炸雞扒伴麵，點知啲面又係759嗰隻關廟麵，快雞扒得粉漿，粉漿冇香味。冇淮鹽、冇五香。個伴面唔鹹唔淡，可能要加大量豉油同埋醋先至有令人開胃的感覺。最得人驚嘅係個滷豆腐滷蛋，豆腐用豆腐卜冇問題，隻蛋整到眼斑斑都冇問題，但個滷水冇滷水味就係最大問題。成碟野同我去買包台灣包裝食品加熱食冇分別。魷魚羹竟然係變咗生菜凌魚肉嘅魚肉羹，鍾意食魚肉羹嘅可以一試，但都係果句記得自己要加大量豉油同埋醋。蚵仔煎可以當甜品咁食，因為成pat野係冇蛋香，只有黏黏的感覺。我自己覺得加啲椰汁當椰汁糕咁食可能仲好味。成間餐廳唯一可取嘅，就係店員幾親切同埋裝修都幾靚，但味道連茶木都不如，仲話係古早味食完只覺味精，好食就算食少少味精都算啦，但唔夠咪都可以食到咁重味精就唔抵啦! 用同一個

見門口有人排隊，又見是新開的餐廳，一個人等位不會很久，便決定試試。檸檬紅茶冰涼解渴，似正常紙包維他檸檬茶的甜度，都幾甜。涼拌小黃瓜青瓜新鮮，爽脆多汁，不過沒有預計的醋味或調味。吃得清新的選擇。古法滷水大雞腿肉燥便當原來是原隻雞脾，大大隻本來很開心，不過滷水完全不入味，肉亦出奇地不嫩。不嚡不韌，但很實。肉燥墊在雞脾下面，味道正常，不太濃味，清清地可以接受，不過肉燥很多的油全都滲入飯裡，飯變得很油。飯有珍珠飯香，可惜太濕太腍，飯粒完全變型，黏在一起，入口一團團的，吸得太多油亦稍蓋過飯香。幸有塊醃蘿荀和幾塊酸薑在旁，消一消滯，去一去膩。店員幾熱情，份量夠大吃得飽，不過質素平平。可能牛肉麵才是招牌，我卻點了雞肉飯，聽到隔離枱讚食物好吃。

<好耐冇喺香港食過甘正既牛肉麵>🐂🍜😍#fafafoodblog深水埗深水埗真係勁多野食 , 但大多都係港式茶記大排檔 中菜 小食等 , 但比較少台灣野 , 今日經過福榮街見到一間新開既台灣小店 古早牛肉麵😲 一睇個名都知食牛肉麵 🐂 仲會有好多台灣野 好似滷肉飯🍚 皮蛋豆腐之類 我得一個人食唔到甘多 於是就試左個麵 雞扒同珍珠奶茶 質素都好高下😍(點野食好似車仔麵甘用紙仔點📄)🍴招牌半筋牛肉湯麵 60 蚊🍜🐂超大碗牛肉麵 湯底好香牛肉味 口感好綿 估計落左好多牛骨去煲 ☠🐮 我好鍾意佢既甜咸度 而麵身落足料 麵比較粗身爽口 🍜所以好有口感 😍 上面有新鮮生菜🌿好軟林既白蘿白 當然仲有主角牛筋腩 🐂 牛腩口感好軟熟 咬落去充滿肉汁 肉味香濃 😄而牛筋 好煙靭彈牙 黏度高 好食 推介！👍🏻😍 p.s. 旁邊既辣菜莆夠哂惹味 鍾意食辣既朋友記得點黎食 🍴鹽酥大雞(海苔味) 36 蚊🐤🔥用左炸海苔做面既裝飾 好香脆🌿 雞扒大大件 36 蚊好抵食🐤 雞扒真係外脆內軟 外皮係薄得黎好脆 保留應有既雞油 雞肉厚得黎又好嫩滑 超正 ! 😍🐥🍹香芋珍珠奶茶 18 蚊🥛 700 ml(少

見新開張台灣野又少諗住試下，睇下餐牌成~$60 一碗麵，坐低左試下啦，朋友叫左紅燒牛肉麵，牛肉淋到唔知食緊乜，我叫半筋半肉，牛筋完全無味，D麵衰過公仔麵，另外叫左杯益力多蘆薈綠茶微糖，衰過飲水，無益力多味無綠茶味。服務差，係咁迫人搭枱(見到) 。 我兩個人坐四人外枱，餐具在內枱(有兩人食緊野) ，有禮貌都唔會跨過人拎餐具，叫店員拎只係識講話裡面有自己拎，拎兩套餐具好似要攞佢命咁。難食之餘服務又差，一定唔會再幫襯。

好久沒來深水埗了。與女朋友行過黃金買完switch game後。剛剛看到了一家新開的台式牛肉麵小店。就來試一試。 剛進店中就看到很多老店台灣裝飾。感覺不錯很有台灣風格。與女朋友坐下來看看餐牌，就點了牛三寶紅燒湯麵，豬軟骨肉燥拌麵，台式蚵仔煎和鹽酥雞扒。牛肉麵和豬軟骨拌麵先到。一到心諗大x獲了。因為份量頗大，店家出手唔孤寒! 先試牛肉麵。呷了一口湯!唔!味道不錯!牛味頗出。但就是稍嫌不夠惹味。好在旁邊一有樽出色既辣菜寶。加落個牛肉麵度可以話係神來之筆。不過唔好太貪心，因為都頗辣。而且佢地個牛肉麵係用關廟麵。唔似一般香港式台灣牛肉麵用上海麵，頗有用心，值得一贊。不過麵煮得有少許過火!如果煮得有少許咬勁就更好了。而牛展，牛筋夠稔夠入味份量亦大。以六十零蚊黎講大致上都係一碗性價比高既牛肉麵。而豬軟骨肉燥麵就不過不失啦，豬軟骨夠稔，又無肉渣。但又係犯左麵質overcook食問題。之黎蚵仔煎同雞扒上檯。蚵仔煎賣相唔錯。食落蠔味夠鮮。唔會overcook。而且食落個粉醬幾滑。有啲似蒸腸粉。我個人覺得唔錯。到雞扒大致無問題都做到外脆內有肉汁。係落調味重手左啲囉。埋單兩條友180蚊左右。不過我地真係食唔

陪老公到深水埗買手機配件，放工揸車到福榮街等候咪錶，剛好停泊在古早牛肉麵店門口，七點幾已經開始有人潮，羊群心理底下我都跟住排先因為老公午餐吃得太飽，就叫我揀自己想食咩～眼闊肚窄嘅我就先揀咗我最愛嘅半筋半腩湯麵，佢唔肚餓就揀一碗蚵仔麵線啦，食台灣菜點少得小食，叫咗一份牛肉香蔥手抓餅同蘆筍雞肉捲，飲品就叫咗輕芝士岩鹽奶蓋紅茶。招牌半筋半肉湯麵 - 湯頭膠質豐富，飲落有少許黏口，牛筋牛腩都非常軟滑，肉味香濃蚵仔麵線 - 望落白雪雪既麵線，同台灣所見完全唔同，食落反而相當驚喜，湯味鮮甜牛肉香蔥手抓餅 - 手抓餅煎得香脆，包著椰菜絲及滷牛，加上少許辣醬調味蘆筍雞肉捲 - 雞中奕去骨中間釀入蘆筍同紅蘿蔔，一粒一口，健康有營 輕芝士岩鹽奶蓋紅茶 - 輕芝士幼滑，紅茶香醇，除選擇糖份，亦可選擇去冰，非常適合戒凍飲既女士們

早幾日夜晚出去深水埗食飯，見佢新開張，裝修幾好就衝入去試。呢條街冇乜台灣菜，難得有間諗住會好啦。叫咗個牛肉麵加大腸麵線，另外加兩杯飲品。點知伏咗！牛肉麵好普通，我自己覺得係即食麵水準，朋友就話再差啲。至於大腸麵線就更慘烈，食一啖已經覺得唔對路。飲品就普通水準。可能新開張，食物水準有待改善。短期內唔會再幫襯，睇下過一排捱唔捱得住先！

因為早前見facebook宣傳知道 深水埗新開左間台灣野 所以今日一行兩人去試試 一坐底就Order左個細魯肉飯 一碗紅燒牛肉麵 加一個鹽酥雞扒(原味) 一杯檸檬愛玉 先講講個魯肉飯其實本身都冇咩問題 但問題出左係個飯到 啲飯系爛飯黎既 加埋啲魯肉一齊食好濕 感覺不太良好 紅燒牛肉麵其實整體問題都不大 但可能個人口味唔同 本人覺得個湯太淡 個麵就完全冇味 成碗牛肉麵最值得一讚係個牛肉同個蘿白 牛肉好淋好味既 蘿白清甜 鹽酥雞扒 呢個最需要改善既食物 一夾起就發現雞扒勁厚粉 食第一口好咸 個感覺好似食左舊鹽入口 有嘗試再食第二口 但真係冇辦法再放入口 成碟鹽酥雞只係食左兩舊 最後埋單Tatol: $133 我都明白新店開張食物質數唔穩定 希望可作改善

見有新開的台灣牛肉麵店，就去試試全部單點（價錢偏貴都算）。食物和服務都很沒質素！店員拿飲品比我，條飲管跌左落地，佢就咁比返我！！我問佢，可唔可以換過支，店員勁唔耐煩咁講「飲管有包裝家嘛！第個都係咁架啦！」然後就行左去吹水！係呀係吹水呀！！然後店明明仲有好多位，有個（店員）呀姐店另一位客人搭檯。個呀姐一手推開我d野去我果邊，我望一望佢。個呀姐態度勁差「一陣多客都係要搭檯架啦！望我做咩姐」而家唔係搭檯問題，係店員態度超級差！簡直趕客！唔想做生意可以講，唔洗咁樣