古早牛肉麵 (已結業)

最近成日都去深水埗搵嘢食 ，又俾我發現有一間食牛肉麵嘅， 個湯底非常之正， 裝修都好特別 用咗水泥牆，上面掛咗好多特色嘅畫。男朋友叫咗半筋半牛湯麵， 我梗係忍唔住去偷食佢個麵啦， 個湯底基本上同我去台灣食嘅味係一模一樣 ，味道一流， 牛肉又超級多，牛筋炆得好林。我自己叫咗個紅燒牛肉乾撈麵 ，佢啲牛肉都好大嚿啖啖肉， 仲有好多肉燥添 ，麵質彈牙爽口。肉燥湯青菜， 呢個非常之抵食 ，因為碟菜係非常之大碟 ，結果係食唔曬。野飲都值得一讚 ，我叫咗輕芝士岩鹽奶蓋綠茶， 芝士味淡淡地，加上岩鹽同埋綠茶令到成杯嘢都唔會話太甜，啱曬我， 鍾意甜嘅可以叫焦糖珍珠奶茶。

上年同熊先生去完台灣之後, 一直對台式牛肉麵念念不忘, 今日就嚟試下呢間喺深水埗站附近嘅 - 古早牛肉麵。雖然牛肉麵係呢度嘅招牌菜, 不過餐牌上仲有好多選擇, 唔會獨沽一味。呢個麵就有齊我想食嘅牛肉同牛筋。台式牛肉麵一般都會用上牛腩或牛展, 今次呢個就選用咗厚切牛展, 肉質腍得嚟有嚼勁。牛筋煮到半透明, 仲非常入味, 質感柔嫩腍滑, 膠質豐富。湯頭味濃而不油膩, 帶微微藥材香味。扁身麵條富有彈性, 吸收曬湯底精華。細細件嘅一口餡餅, 一咬落去, 湯汁就爆曬出嚟小心燙口呀！餡餅外層煎至乾身微焦, 無畀湯汁浸腍, 咬落半硬半軟, 口感唔錯。餡料唔算多, 但勝在蔥香皮脆, 如果多啲肉就當然更美味啦。飲品可按個人喜好選擇甜度 & 冰度, 仲有唔同size俾你揀。

放工與深水埗好友聚聚，她之前吃過這店的鹽酥雞排很滋味，便一起Dinner~🍴牆上掛滿懷舊台式海報及招牌，充滿台灣夜市小店氣氛~📸鹽酥大雞排(甘梅)，份量十足，雞皮酥脆香口，雞肉嫩滑，肉汁油香豐盛🐓，加上椒鹽、黑胡椒、金不換等調味，鹹香中滲出甘梅特有的酸甜味，絕對是鎮店之寶! 🏆👏招牌紅燒牛肉湯麵，闊身扁麵條掛湯力強，盡收湯底甜香濃厚的牛肉味🐂，厚身的紅燒牛肉軟腍有致，肥瘦均有，加上清甜的白蘿蔔及生菜，原汁原味!醬油豬軟骨乾麵，豬軟骨軟腍入味🐖，膠質豐富，乾麵拌上醬油肉燥及青瓜絲豐富口，鹹香惹味!輕芝士岩鹽奶蓋巧克力，淡淡的芝香🧀，溫順的奶香🥛，加上甜美的朱古力🍫，味道襯絕，甜而不膩!焦糖珍珠奶茶(加蘆薈)，滑順的奶茶淡淡甜香的焦糖味，加入珍珠及蘆薈，口感更豐富，香甜不膩!整體味道天然，充滿台灣地道風味。個人大愛鹽酥雞排(甘梅)🐓， 還有那些絕非不死甜的台式飲品🍹，令人回味~💋

今日放工咁岩經過深水埗，見到呢一間裝修得幾整齊又特別嘅台式餐廳，於是就決定入去解決我嘅晚餐啦！我叫左一個就三牛薈湯麵，入面有哂牛筋，牛肚同牛腱，感覺上好豐富，然後我再叫多咗一個小食滷水切大腸，再加多杯輕芝士岩鹽奶蓋紅茶，咁就成為咗我嘅完美晚餐！先來嘅係碗湯麵，麵嘅份量比我想像中大好多，而且材料都非常真材實料，好豐富！先講下個牛筋，唔會好硬而且非常之有彈性，牛肚係煮得剛剛好，一咬就斷，而牛腱就非常之爽口，三種牛嘅配搭簡直係一流，一碗麵充滿着唔同嘅口感同味道，實在覺得好幸福！再加上個滷水切大腸，簡直係邪惡至極！大腸嘅味道吾錯，而且唔會好似橡筋咁，入面嘅脂肪亦都唔會感覺好油膩好肥，一食市入口即溶，好正！最後嗰杯奶蓋紅茶就不過不失，唔算係我飲過最好飲嘅奶蓋，不過尚可接受，表層奶泡嘅味道吾突出，口感亦唔算豐富，比較建議大家試吓佢地既珍珠奶茶嘅系列！總括來，講佢哋嘅嘢食真係認真好食，有高水準！不過飲品方面就冇太大驚喜，不過我有機會會再去食㗎！

今日放工出去深水埗搵好野食，見到呢間裝修好特別而且好似有多人推介就試下，入面服務員態度親切。 叫左紅燒牛肉面 - 味道一般，牛肉唔（鞋）湯底飲落比較清，好似做到台灣牛肉面的感覺⋯ 蚵仔煎- 3樣之中最好，蚵仔數量唔少而且算大隻。大腸面線 - 呢個係最遲來，食晒都未見蹤影，要追2次單先有，見到都幾多台追單，服務員好，講唔好意思話有同事Sick了，請假唔夠人。黎到個面線 好似（漿）左d，落得太多粉？ 但好既唔係太味精味。整體來講，試完就算。

是日晚餐相當驚喜，因為遇上了古早牛肉麵～很久沒有吃過像樣的牛肉麵了，很懷念台灣的味道呢。幸好今天偶遇上了～夜晚8時多，正正遇上晚飯時間的高峰期，「古早」門前都站滿了一堆等候入座的客人。幸好都算快，只是等了差不多十分鐘左右便能入座。店內空間相當空闊，座檯並不太多，只佔了店積一半位置左右，門口位置是吧檯及收銀處，店鋪最入面是廚房位置，所以感覺很寬敞，空間感大～不會有逼擠的壓逼感，雖然檯與檯之間的間隔反而比較近，近得有點像搭檯的感覺。裝修上簡單而舒適，牆上掛滿懷舊的畫作，令到古早的味道更顯濃濃的，很不錯喔！餐點以畫紙的形式點餐，食物選擇方面亦頗多，飲品也有很多，而且價錢算實際，總有一款是自己喜愛的口味！先來一個涼拌小黃瓜$24，份量不少哦，黃瓜新鮮，口感爽脆，醬汁帶點點酸酸的，挺令人開胃，如果有香辣口味選擇，一定會更加惹味！可惜暫時未有。大腸麵線～～～超讚！一點味精也沒有，不似坊間一些落勁重味精調味，令到人食完後極之口渴。這個麵線味道濃濃的，稠稠的，很滋味！魯肉飯（小碗），可還不算小了，滿滿的白飯上，再淋滿厚厚的肉燥，味道香濃，絕不欺場！一啖香飯一啖肉燥，很快便KO一整碗。半筋半肉湯麵，湯底

甚少嚟深水埗覓食，於是亂行一通。本著羊仔心態🐐🐐🐐，行勻成條福榮街，人氣最旺就係呢一間台式料理，實無錯啦！雖然滿座，但上菜速度一啲都唔慢，值得一讚！鹽酥雞扒🐣鋪滿成碗麵。記憶中嘅鹽酥雞都係好鹹。難得呢個調味得宜好啱我口味。 雞扒熱度十足，炸起形成一層脆脆外殼，連同雞皮嘅油香，真係引死人呀！麵底伴台式肉燥，味道較濃嘅肉燥配上清新解膩嘅酸蘿蔔同青瓜絲，伴勻後成碗麵口感更豐富，食曬成碗都唔會膩啦。呢度嘅鴨舌經處理，只保留舌尖部份，所以放入口半秒就已經可以去骨。有啲甚至連骨都無，啱曬我呢啲懶人呀。鴨舌唔算厚身，但食落香滑彈牙，好有筋感。小黃瓜經過輕輕醃製，清新之餘重帶點麻油香，食完煎炸嘢食佢就最適合不過啦。

今日難得朋友約我食飯，要便宜，又好食，當然去深水埗啦好香大大件雞排，咬落酸酸甜甜，系甘梅味道發揮功效，雞排食落香酥脆，超級好吃豬軟骨好淋，軟骨超好食，好高骨膠源；將肉燥和青瓜絲撈埋入寬麵條，好惹味牛肉系扎成一條蛋卷似的，超吸引啊咬一口，鼻蕾完全聞到好香牛肉味，大大块，肉質鮮美多汁配菜：白蘿蔔好入味，吸收晒湯汁味道，生菜好爽口焦糖奶茶甜味適中，珍珠彈牙，蘆薈粒食落帶有甜味，超特別芝士岩鹽奶蓋浮在上層，下層系巧克力，傾斜角度飲一口，芝士味和巧克力味分別在混合在一起而進入口內，好好飲好滿足一餐餐牌上還有好多食物未食過，下次再來食其他小食室內好古典文學，好似走懷舊風格

去深水埗食牛肉麵, 唔講以為去左台灣店舖裝修, 餐單, 店內既音樂令你好像處身台灣一樣店內有學生, 情侶下午茶時間去到, 店員主動介紹有下午茶同午餐供應下午茶係好抵食, 只需30幾蚊因為未食午餐同想試佢既牛肉麵, 我就叫左紅燒牛肉麵同甜不辣深水埗既空氣依舊地差, 我去到餐廳就係覺得暈暈地, 好在店內有廁所唔駛周圍走, 同咪有好多熱飲可以選擇, 唔駛飲凍飲我叫左黑糖紅棗茶, 味道唔會太濃太甜, 仲有紅棗片, 值100分先黎個甜不辣, 我總是覺得個名同本身冇相關性, 呢個係表裏不一既表表者。 份量唔少, 有5塊, 加上醬料同醃蘿蔔片, 賣相一流。食落係新鮮整既。 好快清哂再黎個牛肉麵, 份量十分多。白蘿蔔成條上, 煮得好林, 真係想請教下佢地點煮。麵份量多, 牛肉都好多。 最後我係食唔哂既因為間店太好坐, 所以我都坐左陣聽歌。 下次冇假期去台灣可以黎呢度

最近成日o係fb 見到某乳製品牌個廣告，教大家自己整芝士奶蓋(但要一次過買晒佢個牌子o既淡忌廉同芝士醬)。日日見到個廣告，唔多唔少都想搵日試下，尤其我唔知芝士奶蓋係咩味——聽落個名就好吸引。不過自己整就免喇，去間有得飲o既台式食店咪得囉！o黎到呢間古早牛肉麵，先叫個主食先。諗起台灣o野，首先諗到就係鹽酥雞排！所以整o左份鹽酥雞排肉燥便當($54)。d 雞皮脆得o黎唔會話好上粉咁，加上唔過量o既鹽花，連埋雞肉一齊食我覺得整體個鹹度幾適中。個飯底亦十分唔錯，d 肉燥同飯粒個軟硬度同texture 竟然可以做到一樣，撈埋之後瞌埋眼食係完全唔會分得出，只有滿滿一口o既滷肉味～試埋佢d 夜市小食，叫o左碟滷水切大腸($28)。係款凍食o既滷味啦，以呢個價o黎講都ok 大碟。試過出面食o既時候因為係冷盤，所以d 大腸o既脂肪層比較凝固，帶點膏狀，口感差劣；但e 度食則無呢個問題。同埋墊底o既芽菜，學鼎爺話齋千祈咪o徙o野！蘸滿晒滷水汁，正呀！重頭戲出場！我o既輕芝士岩鹽奶蓋抹茶(原價$26，因為叫o左一個飯所以減$4)，首先想講其實佢有得細分多少冰多少糖，不過我唔記得填呀，所以suppose 係正

今日係food panda叫左個雞排乾拌麵，點知黎到個陣！真係乾，明明寫有肉燥，結果啲肉燥不翼而飛！真係多謝曬！外賣就可以咁求其？未見過間餐廳咁做野！垃圾！！！！

呢店喺早前行過見到，店舖裏面牆身掛滿好似招牌嘅裝飾，好似台灣街頭裝修。收工就決定去試，去到見有些人已經喺門口等位，等咗大概15分鐘就有位。安排咗我哋坐到最入一張枱，嗰個位冇風扇冇冷氣，我哋坐喺近出面嘅位置還好，但坐喺近牆壁嗰兩位客人就慘囉…不停話好焗好熱😳，未叫嘢食已經焗到飛起，見佢哋都係快快食完就走了。我哋叫咗蚵仔煎、涼拌小黃瓜、台式小香腸(4條)、三牛薈肉燥便當、滷水大腸乾拌麵、蜂蜜蘆薈烏龍茶、蜂蜜雪梨茶加珍珠。滷水大腸乾拌麵好臭💨，可能因為大腸嘅味道，令食碗麵時覺得好臭😝。三牛薈肉燥便當，有牛筋、牛腩及牛肚，味道一般但算夠淋。台式小香腸相比一般在街上食到的冇咁夠味。涼拌青瓜味道幾好。除咗滷水大腸，蚵仔煎就係全晚另一個惡夢…當時因為唔想胡椒粉掩蓋咗本身味道，就叫咗走胡椒粉，點知嚟到發覺上面有醬汁裝飾，問店員係咩嚟就話係辣椒醬，(😒明白廚房想裝飾下個食物，但係唔好用辣椒醬囉…唔食辣嘅人點呢…?!)之後，叫個女店員幫忙通知廚房唔要辣醬，點知佢聽到之後，走出近門口水吧…唔知道係咪想查返張單啦…但等咗成分鐘先返轉頭拎碟嘢通知廚房更換，跟住廚房就叫女店員拎去另一張檯。我哋嗰碟就再煮過係冇胡椒

深水埗除左電腦商場出名之外，唔少得梗係美食處處。今日經過見到好特別嘅裝修就入去試下啦好有台灣嘅感覺呀！裝修睇落花左好多心機，座位又多又舒服，可以遠處見到門口外賣飲品嘅水吧。牆上嘅掛圖係小學風，忍唔住都影左幾張野食選擇多，都以台灣牛肉麵同拌麵為主。小食就係台灣夜市嘅嘢。飲品有港女至愛嘅輕芝士奶蓋我就叫左一碗招牌牛肉麵見到想都即刻諗返起陣味，好重好入味。牛肉好淋。舊大大白蘿蔔先係重點，甜到漏，又有肉汁。麵都大份量，男仔會飽女仔會食唔哂嘅份量湯底我飲左八成，直頭感覺去左台灣一樣。野飲梗係試輕芝士啦，飲珍珠之前要打開蓋呷下浮上面嘅奶蓋滑到喊呀，加左岩鹽味係絕配，如果唔會肥我可以一日一杯。就係咁我已經好滿足，坐下欣賞下個環境再慢慢嘆杯紅茶直頭係人生一大樂事。

同男朋友食晚飯 見到呢間新開既台灣野就決定試下啦 裝修好有舊台灣情懷 好有心思 我地叫左一個招牌紅燒半筋半肉麵$60 一個鹽酥雞排肉燥便當$54 一份宜蘭迷你蔥肉餡餅$27 牛肉麵湯底好飲 濃得黎唔會太油 肉嫩筋又軟 同台灣食既有得比 鹽酥雞排如果係細粒既鹽酥雞粒就好啦 肉燥香得黎唔會太多肥肉撈飯就啱啱好 迷你蔥肉餡餅有四件其實就好似上海生煎包咁 不過佢好多汁 一啲都唔會太乾 飲品就叫左兩杯冬瓜茶一杯熱一杯凍 唔會太甜 不過熱嘅就多咗一份香味 我覺得好飲啲

話說今日放工就約左幾個舊朋友去聚會下, 首先更係去搵野食先啦上OP之餘就起附近搵搵, 有個朋友見到"古早" 話台灣都有, 想試試我地就一於去試啦~入到去環境唔錯, 仲好有台灣特色例如畫同舊煙包單係要自己填寫, 然後交比侍應就得, 都幾方便原味鹽酥大雞排  $36雞味幾濃, 唔會好重味精雞肉嫩多汁好味特盛台灣牛肉肉燥便當  $68有牛腱, 豬軟骨, 貢丸, 花枝丸牛腱好軟好"淋", 好好食, 牛味都濃豬軟骨入味, 味道適中, 2粒丸都幾好食蛋就可以再入味D輕芝士岩鹽奶蓋抹茶 $26岩鹽味唔濃, 抹茶味都OK清淡既味道唔錯