古早牛肉麵 (已結業)

前日咁岩經過深水埗，就同阿媽黎食個午餐。自從上個月去完台灣，就好鍾意台灣嘅牛肉麵，可以回味下啦食物款式都幾多，飲品花多眼亂，唔知揀咩好最後我哋都揀咗半斤半肉牛肉麵蘿蔔超甜，冇渣！仲有兩條生菜，幾健康呀！牛肉大大塊，有筋得黎又唔韌，果然係招牌！呢間同我去台灣食嘅風味差不多我哋叫咗一碟滷水切大腸，都幾大碟喎！呢度嘅大腸都唔算好多膏，帶有少少甜味，而滷水汁調校得幾好可以一試 而飲品方面我叫左黑糖珍珠奶茶，媽媽叫咗冬瓜茶。微甜對我黎講岩岩好，兩杯黎講 我比較推介冬瓜茶，因為夏天解渴嘛總括嚟講呢間環境幾特別，好多民初時期嘅畫咁，幾有心思，女仔可以順便打下卡。侍應態度幾好

上星期同朋友去食古早牛肉麵，今次係第四次食啦！每次嚟到深水埗都心思思想食，牛肉麵真係有一種魔力可惜我哋嚟到啱啱好完咗午餐時段， 午市真係好抵，有免費餐飲，加少少錢有小食我叫左招牌半斤半肉湯麵一舊牛肉滿足兩個口感，一層跟一層肉，口感嫩滑又唔鞋，好食而且味道夠入味。湯麵嘅口感係我鍾意嘅唔會太稔，帶有少少咬口呢排興芝士奶茶，咁我就梗係試吓輕芝士岩鹽奶蓋愛烏龍茶。第一啖就梗係要試面層嘅芝士奶蓋，真係有芝士嘅鹹香味，好滑。烏龍茶嘅茶味又中和左芝士嘅膩，幾好飲滷蛋豆腐本來以為豆腐係好滑嘅蒸豆腐，但原來係炸豆腐，有驚喜！！豆腐炸得脆口，滷水汁唔會太咸，啱啱好底層有芽菜，豆腐連芽菜一齊食多重口感每一次黎食，我都會試唔同嘅小食，滷蛋豆腐真係大推薦呀！

叫左個老水雞脾肉肉燥飯, 估唔到係原隻雞脾上, 大大隻, 正呀! 肉燥都好多, 仲有半隻老水蛋, 味道正常, 無咩驚喜, 芝士奶蓋冬瓜茶, 有淡淡芝士味, 但冬瓜茶味濃, 唔細心分辦就會飲唔出芝士味, 冬瓜茶唔會太甜, OK。如何飲品可以跟餐加錢就好

鬧市中的一間台式小店， 充滿台灣風味。 甫一進門，就是開放式廚房。地方不算大，但牆上掛滿了各種很有民國風情的畫作，甚具特色。我叫了一客台式小香腸肉燥便當，一杯鳯梨盧薈多多。便當的佈置很簡單，一碗飯、肉燥、和數條台式小香腸。 味道還不錯，小香腸烤得外皮脆脆的，肉汁也很鮮味；至於肉燥醬也是典型的台式風味，如果喜歡濃味的朋友，不妨可向店員要求加多些肉燥，他們也是樂意的。鳳梨盧薈多多，叫了加大版，如果不太喜歡甜的朋友，可以試試叫少甜，否則味道也不錯。 典型台式飲品風味，叫了便當，加飲品可減$4。總括來說， 一間小品台式飯店，有興趣咀嚼台灣風味的朋友，可以不妨一試

台灣我好鐘意去，但有陣時冇假期，又想止下痕，我就會去搵台式餐廳。有朋友介紹呢檔地道台式餐廳係深水埗，咁啱我台灣病又發作，就搵日放貳工去止下痕。成間鋪都係特色裝修，好有懷舊的的風味。我一拎餐牌梗係叫我最喜愛的大腸米線，蚵仔煎，雞扒，同埋一杯奶蓋鳥龍女仔來講我今次真係叫左好多。大腸米線份量有點小，不過味道真係好 OK , 滷水汁幾濃。食完只係過下口癮，跟住就上鹽蘇雞扒，蚵仔煎同埋飲品啦大大塊雞扒上台仲係熱辣辣，係新鮮炸好上。個蚵仔煎都係好地道台式的麵粉漿煎出來，配上茄汁，又係 yummy加埋杯我最喜愛的岩鹽奶蓋烏龍就perfect la 個餐適合俾女士食，味道當然係好啦，整體都係次唔錯既 experience

星期六成條街都要等位吃飯，今晚選擇了此店，原因是相對排隊的人較少，8:00左右只要等十分鐘便可，基本上街頭美食也可以在店找到，店內裝修也特別，服務人員唯獨是一個短髪女仔黑面之外其他人也很友善！價錢平民化，也多選擇，對食量不多的人也有很多小食可以點！

深水埗中找到一間古早牛肉麵，被那懷舊裝修吸引著，感覺乾淨舒服。我們就點了一個紅燒牛肉肉燥便當及呵仔麵線。肉燥香甜而不油膩，紅燒牛肉夠入味，而且夠淋。呵仔麵線夠彈口，湯底濃味，呵仔鮮甜，不過略嫌份量較少。下次也會定必再來

正所謂未出發先興奮，係下月出發台灣之前，已經忍唔住去食番啲台灣美食止下癮！今日去左呢間位於深水埗既牛肉麵店-古早牛肉麵。估唔到鄰近幾間餐廳都有位既時間，呢度已經要拎飛等位了。係門外排隊時發現外賣紙既設計都有d懷舊風，順便諗下食咩好！呢間古早牛肉麵，聽個名就知係賣懷舊feel，果然成間鋪頭裝修都好有古早味，係牆身有好多六七十年代台灣既招牌，未食已經有陣台灣味！今晚叫左三牛薈湯麵同大杯裝檸檬愛玉。檸檬愛玉係用台式飲品既外賣裝，就算飲唔曬都好以拎走，好方便！抵讚！而且飲得出、睇得出真係微糖微冰，十分好。配牛肉麵仲有減4蚊優惠 。味道同出面大型連鎖店差唔多，不錯。既然連鋪頭名都叫乜乜牛肉麵，牛肉麵好明顯係主打，驟眼所見每枱食客都會叫一碗面，睇下佢係咪真係有料到。碗麵一放低已經嚇左嚇一大舊蘿白真係好搶眼，但味道驚喜十足，非常入味，吸收到湯底既精華！三牛分別係牛腱，牛筋同牛肚，三款肉既分量好足夠。牛腱同牛筋係淋身、軟熟。牛肚就爽口彈牙。三款肉既牛味同湯底味都好夾！主角麵係粗、厚身。個人真係十分滿意呢隻麵，咬落係有啲彈牙，有咬口，但唔韌！配埋湯底真係好似去左台灣食一樣！

平時一講深水埗就會諗起買電子產品好平，而今次就係屋企printer壞左🙈，所以就專登黎買。而買前見唔早唔晏，又有啲肚餓想食野，所以就黎左呢間好近高登既台式餐廳食返個下午茶。😏入到去見到餐廳都唔算細，係行懷舊風，而且好整齊。食物方面，由於係當下午茶，所以二人分別食左起司蛋手抓捲餅($34)同牛肉香葱手抓捲餅($36)。而飲料方面，個人覺得幾多選擇，所以思前想後就叫左金桔檸檬愛玉($22)。呢個起司蛋手抓捲餅既芝士幾多下，蛋味亦好重，仲有啲葱襯托令個餅更香口，覺得係最原始既味道。而呢個牛肉香葱手抓捲餅，裡面既牛肉都唔少，仲有啲菜襯托，同個汁好match。而最後就係金桔檸檬愛玉，好可惜係金桔味佔少，好彩有愛玉搭夠😍 ，仲要係一大舊，唔係平時果啲細細舊，整體仲唔會偏甜，感覺無咁肥😇。總括而言，呢間餐廳小吃同飲品既種類都多，位置又好方便，離地鐵站5分鐘路程左右，十分適合同朋友gathering。

上星期經過深水埗經過黃金附近見到有一間食台灣嘢嘅店舖排晒長龍.....香港人嘅心態排得隊嘅應該都唔錯！唔執輸嘅我點會錯過呢！在門口位他們設有一個調飲品的位置方便客人可以外賣台式飲品👍🏻因為今晚一個人食飯所以唔使等位等好耐排隊期間喺門口睇餐牌已經揀到自己想食嘅嘢！因為太肚餓嘅關係！坐低左之後我就叫左（鹽酥雞扒乾伴麵）麻辣醬乾伴麵😍和起司蛋手抓餅！等食物嘅期間我留意到內裏嘅裝修牆壁上有很多燈箱和掛畫！簡單嘅裝修令我有一種有如身在舊台灣嘅感覺！雞扒麵到喇！勁新鮮是即炸的，咬入口很酥香，配上少少鹽...味道唔會過鹹👍🏻另外拌麵嘅麵質係比較粗..好彈牙配上小小辣嘅醬料撈埋一齊食成件事感覺好夾👍🏻大食既我食一個麵又點會滿足到我好快我嘅手抓餅就已經到咗...雖然佢唔係拉絲嘅芝士...但係因為手抓餅太香脆熱辣所以芝士都會溶開了😍邪惡！手抓餅夾住的唔止芝士仲有少少沙律絲！好夾的組合食飽飽感覺有啲口乾！所以順便叫左杯野飲近幾年很流行的奶蓋這裡都有！又想飲珍珠奶茶又想飲奶蓋嘅我決定mix😂😂😂😂輕芝士奶蓋岩鹽抹茶加珍珠！出奇地好夾👍🏻奶蓋鹹鹹地好creamy...奶味偏重...口感濃厚順滑！抺茶味唔會太苦澀

大約兩個月前lunch time時食過一次古早牛肉麵，當時食紅燒牛肉麵+珍珠奶茶。今日於晚飯時段二訪，覺得有進步，所以要寫下喇~~裝修以台灣懷舊鐵招牌、舊海報畫、插畫做點綴，食物就以牛肉麵及台式小食做主打。今晚我就選擇左台式拌麵。鹽酥雞排乾拌麵 ($55)麵條係扁身帶卷曲果隻，份量幾多；鹽酥雞排超大塊，炸粉唔會太厚，炸得夠脆亦入味。百香果蜂蜜綠茶 (跟餐減$4, $18)冰塊甜度都可以自己揀，略嫌百香果味道唔夠明顯。

今日放工約咗同事去深水埗買嘢，買完嘢同事提議係附近搵間好嘢醫吓個肚，行咗一陣，見到有間餐廳個名都幾特別吓，叫古早牛肉麵嘅餐廳，再望望個裝修同餐牌，都ok吸引喎，就決定試試。因為係台式嘢，餐廳個名同裝修都係台灣風，店嘅近門位置有個大水吧新，主要做台式飲品，中間係用餐區，最後面就睇到係一個廚房。想讚一讚牆上嘅佈置，掛咗啲舊時年代嘅畫同宣傳海報，令間餐廳有一種好懷舊嘅氣氛。話說我同同事畫好咗點餐紙之後，等不到5分鐘，啲嘢食就陸續嚟啦! 先係嘢飲，我叫咗杯焦糖珍珠奶茶，超大size果隻，入口較甜，珍珠都好多，同事就叫咗個奶蓋，果樣都好特別吓，不過就唔記得咗佢叫咗個咩味啦！嘢食我就點咗個招牌半筋半肉麵，一食就知自己冇揀錯，牛肉湯底味好足，蘿蔔淋得嚟吸哂湯嘅精華，牛根同牛肉嘅份量好多，牛肉厚切得嚟唔難咬開，我個人就比較欣賞佢嘅牛根，膠得嚟又滲哂啲湯汁味道，真係冇得輸！而同事就點左個牛肉撈麵食，見佢啲肉燥都幾多吓，不過我個人都係覺得依度嘅湯麵應該比撈麵更吸引，可能因為我就係果種鍾意連湯都飲埋嘅人掛，哈哈！主食之外我哋都真係冇乜位叫小食，所以健康啲，叫咗個盪青菜試下，我想講嘅係，一碟廿幾蚊嘅小食，我以

去深水埗福榮街覓食，除左有好出名嘅車仔麵之外，其實仲有其他好選擇。古早牛肉麵 - 無論食物及裝修，都充滿台式style嘅小店。晚市都幾full，好在稍等一陣已經有位。呢度主要有牛肉麵、台式便當及拌麵等食物，當然仲有一系列台式飲品可供選擇。三牛薈湯麵（$68）一碗有齊牛腱、牛筋及牛肚嘅湯麵，紅燒湯底味道都幾濃味，麵條係曲曲地嘅，都幾煙靭及掛湯。麻辣牛肚絲（$28）份量幾多，麻辣味幾出！台式小香腸（$28/4條）有四條小香腸咁多，足夠2-3人share呢！

台灣古早味即係點樣既味呢今日係深水埗睇完電子野，就被餐廳招牌、裝潢吸引除了堂食，仲可以只買飲品外帶有好多仿舊式既畫、招牌，大家都好似變了博物館其中一員咁～MENU有好多種類既台式飲品！迷你蔥肉餡餅 $27（有驚喜！）竟然有肉汁B出黎～感覺有D似食緊生煎包！裡面有豬肉、菜既餡辣醬雖然唔算話好辣，但係加落去麵湯即刻生色不少麻辣牛肚台式紅燒牛肉麵芝士奶蓋綠茶岩鹽點主食叫飲料可減$4飲下飲下先發現shake完再飲會好D每一啖都飲到cheese 既味道，加左鹽既關係咸咸地就算加左芝士都唔覺得膩，感覺好清新！

上次經過見到勁多人排隊，見今次無人，即刻入去食內部裝修好正呀，好似去咗台灣咁嗌任何麵飯，再嗌野似即減$4，抵飲先來小食，鹽酥雞係我至愛叫咗海苔味，表面炸得好脆，好入味，好好食呀再來主食，好足料呀！啲牛肚軟綿綿唔難咬，牛根好入味！塊蘿蔔一開始食完全唔入味，但去到後尾個湯太濃，食返呢舊唔入味的蘿蔔，突然解晒啲鹹味，唔知是故意還是錯有錯著啦飲品本身想嗌招牌珍珠奶茶，但見有奶蓋系列，心思思想試吓，嗌咗「輕芝士岩鹽奶蓋巧克力」，er.....我個人就覺得好普通....下次都係飲返珍珠奶茶好了。題外話，呢度啲員工都好好服務呀！而且個個都勁好笑容！要keep住呀！