古今二 (荃灣千色匯I) (已結業)

主打日式fusion料理嘅古今二🇯🇵最出名一定係各式各樣嘅fusion卷物🍣真係有好多好多款每款個樣都好吸引🤣今次好多人一齊食🤣多到我都唔記得啲名啦😝不過記得火山幾好食😋仲嗌咗2次添🤣但食食下可能會膩🥲所以建議嗌啲清新款👍🏻例如係綠野仙蹤😝佢有蘋果喺入面所以食落幾fresh㗎🍎

為慶祝呀媽生日，一行四人去左古今二食日本菜，菜式名稱別出心裁，上菜擺碟也很講究!刺身拼盤]，每件刺身都係厚切，有三文魚、吞拿魚、油甘魚、劍魚腩、帶子、海膽，活赤貝，味道鮮甜，特別係油甘魚完全無渣，食落充滿油脂口感，非常美味，帶子和海膽都好有鮮味，用料上乘!，日式沙律，有薯仔、牛油果、中華沙律、沙律雜菜拌柚子汁，清新開胃! ， & 適合愛健康人士，燒得十分之好，牛舌香口，唔會韌，仲有爽口感!賣相好特別，其實係由帶子，青瓜，牛油果和蟹柳組成，好味道!，份量大，有3隻大蝦，炸的好香脆，炸粉唔會太多，仲要炸到金黃色，可見無使用萬年油!

不止一訪古今二，作為荃灣友呢間餐廳一直都係我最喜歡既外帶店之一，貪佢質素不俗之餘又可以用APP撳定外賣準時去拎仲有折扣。最近終於有時間食低堂食打番張卡好好食番個食評。餐廳賣點係提供各款有創意既日式料理，款式種類選擇好多，淨係特色卷物已經多到令人花多眼亂，每次都要花好多時間做選擇唔可以全部都要。.荃灣裝修比觀塘店光猛好多，感覺整齊簡單。餐廳唔算好大，每次去到人流都幾多幾滿，訂左位先去會穩陣少少。.柚想蝦你 💲78⭐️3.7/5每次去到古今二都必點沙津，佢既沙律份量好足同埋試左幾款都好食。今次試“柚想蝦你”沙津，內容係：甜蝦刺身、牛油果、柚子、蟹籽、蘋果、沙津菜、海草、車厘茄溝柚子汁。基本上佢菜底同沙津汁都差唔多，換既主要係配料部份。我特別喜歡佢既沙津醬，雖然份量多但我絕對可以每次全清。.除左沙律，特色卷物都係黎古今二必點項目，卷物目測有超過三十多種選擇，有生有熟版本，總會搵到幾款合適。今次隨意點左三款特色卷物：蜘蛛、煙花同金龍卷。大大盤擺盤好靚，小卷每款成八件，份量不少。.蜘蛛 💲88⭐️3.8/5蜘蛛係炸軟殼蟹、青瓜、牛油果、蟹柳配搭。蜘蛛既炸軟殼蟹係主角，傳統圓卷型，炸軟殼蟹同牛油果基本

媽咪一向最愛日本菜 相對健康啱口味之前食過Fusion日菜「古今二」 幾正印象中價錢合理 餐牌款式多到試唔完人氣好旺 既然喺荃灣覓食就帶媽咪去 主打創意料理 牆上不少明星合照報導 清新風裝修幾舒服 再訪依舊性價比高 -⧫⧫柚想蝦你⧫⧫ $78大大盆超級豐富足料 沙律菜內有甜蝦中華沙律蟹籽 車厘茄蘋果柚子牛油果配上柚子汁及芝麻醬 味道清爽好開胃啖啖食到餡料 再一次覺得沙律係必叫-⧫⧫金龍卷⧫⧫ $88 （右）主打自創卷物 揀咗三款個人最愛呢款香脆炸蝦卷物混入忌廉芝士 脆中帶軟表面鋪上三文魚及辣醬 惹味又有口感-⧫⧫蜘蛛⧫⧫ $88 （左）以米飯捲住炸軟殼蟹 加上大量青瓜絲青瓜比例仲多過飯 所以入口爽脆清新再加上牛油果及蟹柳 口感味道有層次 媽咪特別鍾意呢款食材配搭 份量十足-⧫⧫火山⧫⧫ $88餐牌推薦之一 係帶子青瓜牛油果卷物面頭鋪上成座山咁高嘅蟹柳 相當澎湃 少少沙律醬同蟹籽吊味 材料味道幾夾-⧫⧫雜錦天婦羅⧫⧫ $88比想像中大份 三隻炸蝦蝦本身都唔細兩件好特別嘅秋葵蝦肉 仲有三件紫薯 即叫即炸仲熱辣辣入口香脆彈牙 唔錯-⧫⧫七味秋葵串燒⧫⧫ $18一串有五條幾抵食 香口惹味但咸咗

首先一入到去正正常常3個人坐左4人枱低諗住叫野食，無人應。。。成間咁多待應得2個人叫做正常啲，其他都係懶懶閑唔休做咁一上菜，個待應就問不如你坐個隔離位俾我上菜，完全冇任何禮貌同服務可言完全未試過有一間餐廳係會特登叫你坐第二個位就返個待應上菜食完亦覺得食物好一般，以佢嘅價錢會情願食千兩🧐仲有d綠茶完全係清水，唔會再去第二次

𓄻古今二 𝙆𝙊𝙆𝙊𝙉 2 𓄻餐廳主打創意日式卷物，除左食材有好多唔同配搭之外，擺盤方式亦好有心思，令人印象深刻。𓍰蜘蛛 (青瓜〃 牛油果〃 蟹柳〃 軟殼蟹)𓍼軟殼蟹炸得鬆脆，唔會有油溢味。牛油果輕輕作點綴，味道唔算突出。整體都算唔錯，呢個配搭相當穩陣。𓍰辣妹 (芝士〃 炸蝦〃 辣味呑拿魚) 𓍰金龍卷 (芝士〃 炸蝦〃 三文魚 )𓍼呢兩個卷物食材配搭雖然近似，但兩者突出嘅口味有啲分別。辣妹嘅辣味呑拿魚基本上唔算辣，呑拿魚蓉好足料，加上蟹籽同脆片豐富左口感！ 而金龍卷嘅芝士味就比較突出，同三文魚幾夾！兩者嘅炸蝦都屬大隻，炸粉厚度適中。𓍰柚想蝦你 (柚子〃 甜蝦〃 牛油果〃 蘋果〃 沙律)𓍼牛油果好𝑐𝑟𝑒𝑎𝑚𝑦，配埋甜蝦同沙律菜，以柚子汁加胡麻醬調味，感覺幾清新。𓍰網燒牛舌𓍼牛舌用鹽麴調味，厚薄適中，一咬入口有好香嘅油脂溢出𓍰迷你甜薯天婦羅𓍼屬正常發揮𓄻 古今二 荃灣眾安街68號荃灣千色匯1期3樓3013號舖

喺千x店血拼完，嚟左呢個商場搵嘢食，呢間餐廳係成個商場最多人堂食/外賣嘅餐廳！一於食佢！原來係食日本菜柚想蝦你個名好特別，沙律配料好豐富！而且份量好多！有甜蝦、蔬菜、海草、車厘茄、蘋果、柚子、蟹子、牛油果、柚子汁。健康又好味，柚子汁酸酸地，好開胃同好啱夏天食蜘蛛叫蜘蛛因為軟殼蟹個造型似蜘蛛～造型特別，其實係青瓜、牛油果、蟹柳、軟殼蟹卷，軟殼蟹脆卜卜～辣妹辣妹嘅重點就係個卷係辣，用咗辣味吞拿魚，食落唔算好辣，好惹味，仲有芝士、炸蝦，一客8件好抵食網燒牛舌（5件）牛舌嫩滑唔鞋、唔羶自家製香菇雞肉丸串呢個雞肉丸撈埋雞軟骨一齊整架，正宗日本整法，雞肉好淋，好香蒜香牛油翠肉瓜翠肉瓜清甜多汁原條茄子燒 茄子面頭舖滿櫻花蝦同黑椒，食落更惹味，而且好有益

鍾意食日本野特別係壽司嘅你地🇯🇵一定有留意到呢間好高人氣嘅餐廳🍴主打創意卷物 唔單止個名特別 配料都好正😚.📌忘不了你 $88壽司飯軟硬醋味適中😛原本以為芥末醬會好唔夾 點知又好好食喎😋芒果好鮮甜🥭加咗𝒄𝒓𝒆𝒂𝒎 𝒄𝒉𝒆𝒆𝒔𝒆令口感更𝒄𝒓𝒆𝒂𝒎𝒚🧀炸牛肉炸得好脆 不過炸皮偏厚咗少少🤏🏻加埋一齊食其實牛肉嘅存在感唔大🐮但係味道清新好啱夏天食☀️.📌蜘蛛 $88軟殼蟹炸得都好脆 好大隻🦀青瓜爽脆🥒牛油果熟度啱啱好 好軟滑🥑但係中間嗰幾舊嘅軟殼蟹就唔夠突出 冇乜存在感🥲呢款醬汁冇咁多 所以蟹肉味好鮮甜😚.📌龍卷風沙律 $72份量真係好大 仲要堆到坐山咁😍海藻同蟹柳絲好爽口🤩食落完全唔似蟹柳 好鮮甜💓脆片同蟹籽撈埋一齊食就唔太突出🤫沙律菜好新鮮 夠爽脆又清甜🤤.📌雜錦天婦羅 $88蝦嘅炸皮都幾厚 但熱辣辣好脆身🍤三舊紫薯波波同炸秋葵個炸皮就冇咁厚🤔紫薯好香甜 應該加咗啲淡忌廉 口感好特別幾煙韌🤣.📌網燒牛舌 $58口感好嫩滑唔會好韌👍🏻牛味唔算太濃🙈個汁係蒲燒鰻魚嘅汁 唔錯😆

係荃灣千色匯行街，兜左一轉，見古今二又平又多嘢選擇嘅日式餐廳，就試一試。柚想蝦你一上到黎，wow，咁大兜！沙律勁足料，有好多塊蘋果，成粒牛油果，柚肉，仲有沙律菜，海草，甜蝦撈埋勁多嘅芝麻醬，正啦。甜蝦糯糯甜甜，呢度啲刺身亦都唔差。網燒牛舌$58蚊有5件 最鐘意食日式餐廳啲燒嘢，特別牛舌係至愛。呢度啲燒牛舌厚度啱啱好唔算厚，入口係脆嘅，咬多幾下成口牛油香味。不錯食。嗌左兩款壽司 忍者雙辣，一啲都唔辣😂其實係吞拿魚壽司😂金黃色外衣好脆口，有啲似食緊飯焦，幾得意。第二款係富士山，蟹柳比得勁多，勁足料。有留意到整親壽司係用返日本珍珠米，睇得出間鋪係比足心機👍🏻。兩份壽司兩個女仔已經食得好飽肚。新鮮三文魚頭同埋菌菇，娃娃菜，豆腐燉成湯，成個湯係奶白色，勁鮮甜勁好飲，我覺得係今晚呢餐最正。值得一試。

最近呢間日本壽司餐廳可以話係其中一間人氣大熱嘅餐廳 分店短期內已經開咗好多間 我亦都你過呢間舖頭食幾次 當中食物嘅水準質素都keep到唔錯所以都介紹吓今次壽司方面試咗個 東京爆脆$88入邊原來係炸蝦同埋蟹柳加埋佢哋自製嘅芝士汁 成壽司飯卷 所以食落去脆卜卜 網燒牛舌$58🐂 呢個牛舌可以話係強烈推介 因為好少地方嘅牛舌食落去係咁入口即溶 而且每塊嘅調味都做得幾好 食落去有浸燒汁同埋網燒味道 算係一個非常開胃嘅小食原條茄子燒$48 🍆都茄子嘅份量都幾大㗎 真係成條茄子 最特別嘅係茄子上面仲鋪滿蝦乾 小食來講都算幾揼本 因為同一個價錢出邊淨係食到一條茄子最多加啲蒜蓉 呢度竟然有咁多份量嘅蝦仔 無論係外觀定係味道都加晒分最後飲品方面叫咗個 百香果益力多特飲$38你到飲品嘅份量都好大杯 都叫做對得住佢嘅價錢 不過嘢飲就有啲太過甜個人覺得 如果唔鍾意太甜嘅可以下次試吓其他種類嘅飲品

Bookmark左呢間創意卷物有一段日子，是日來到荃灣諗唔到食咩好，碌過checklist就決定試左佢😆-🐉金龍卷 $88三文魚+芝士+炸蝦嘅組合，試過先發現原來係咁夾😮芝士味無乜不過炸蝦好脆🍤睇圖以為好大份點知上枱其實同正常加州卷差唔多size，呢樣野有少少失望😂不過係好食嘅😋-🗻富士山 $88鰻魚+蟹柳絲+牛油果+脆片，又係意想不到夾埋好好食嘅組合🤣蟹柳絲超多，夾埋脆片食口感好特別。不過一樣以為會好大份好震撼點知上枱係加州卷size🥲-🍡另外仲叫左兩款串燒不過無影相，分別係鹿兒島豚肉荔枝串燒（1串$25）同照燒雞肉（4串$39）。雞串係普通急凍雞串翻熱番感覺，荔枝豚肉串幾好不過定價進取，整體感覺壽司好過串燒☺️-總結：壽司好味創新多選擇，不過份量唔大性價比唔高。是次連加一埋單$300左右但係食唔飽，相信兩個人要食飽坐底要叫4份壽司🥲

古今二之前係觀塘試過一次，今次嚟到荃灣呢間繼續帶俾我好多驚喜。星期一夜晚嚟到都要大排長龍，可想有幾咁旺場。古今二主打日式創意料理，仲會定時轉menu，次次嚟親都會眼花撩亂。柚想蝦你 $78沙律我地叫咗呢個個名咁有趣嘅，入面有甜蝦，蟹籽，仲有柚子同蘋果等，食落好清爽，攞嚟做開胃菜最適合不過，不過值得一提佢真係好大一盤，要有定心理準備😂富士山 $88蜘蛛 $88古今二最出名係啲卷物，我地今次就叫咗兩款。富士山係鰻魚卷上面有海量蟹柳絲仲有啲脆片，擺盤上疊埋一齊真係好似座山咁。另外蜘蛛就係牛油果軟殼蟹卷，大大一卷擺落口真係一口滿足。網燒牛舌 $58黑豚荔枝卷串燒 $28燒物我地都叫咗兩款，牛舌就固然係串燒必食，另外黑豚卷真係估唔到呢個配搭可以咁好食，黑豚肉嘅油膩應俾清新嘅荔枝啱啱好中和咗，甜鹹之間完全唔會覺得奇怪。雜錦天婦羅 $88呢份天婦羅食嘅材料同平時有啲唔同，蝦就當然有，仲有釀秋葵同一口紫薯，好有新鮮感。

《古今二》收工諗食咩好諗爆頭，同事建議我試下呢間日式餐廳～ 話lunch 食過覺得都唔錯！於是就同朋友試下！🍣火山($88)🍣蜘蛛($88)佢地有好多自創既特色壽司卷，每款都有專屬既名，今次試咗火山同蜘蛛。佢地會跟隨啲命名去製作～ 而火山係一舊大大舊既壽司🤣用咗帶子粒、青瓜、牛油果同蟹柳造成好似溶岩咁～ 喺佢地上面就放咗蟹籽造成好似火山頂～🌋味道屬正常，都鍾意就咁分開嚟食～而蜘蛛就用咗炸軟殼蟹、青瓜、牛油果同蟹柳～ 其實用料同火山大同小異，但呢款就真係似平時食開既壽司卷咁一件件，軟殼蟹炸到好脆幾正～🥗柚想蝦你($78)係一大兜沙律～ 見到都覺得好健康好fresh🤣 幾鍾意佢入面啲甜蝦～ 不過份量唔算多～ 材料仲有大量菜、牛油果、蟹籽、蘋果粒等，好有口感～不過佢落得太多麻醬，所以食到中間啲菜浸晒落啲醬到有點過鹹～🍆原條茄子燒($48)一嚟到已經好香，原條茄子上面鋪滿咗櫻花蝦！！所以勁有蝦香味！食落都好香口～ 第一次食呢款燒茄子幾特別！🍤雜錦天婦羅($88)佢啲天婦羅都炸得唔差～ 分別有蝦、秋葵同紫薯！想講佢個紫薯天婦羅真係好食得不得了！我食晒2粒🤣 真係好甜同好味！

呢間日式料理真係幾時黎食都咁正，今次黎荃灣睇戲，睇完戲就順便黎食，好彩唔洗排好耐隊就入到去～呢次叫左兩個卷物，一個「火山」，係由蟹柳同帶子組成既卷物，上面鋪滿蟹柳堆積到好似一座山咁，頂層加埋蟹子，仲有牛油果，口感真係一流🤤🤤😍食完好想再食！仲有一個「忘不了您」係由芒果包住吉列牛，配埋芥末醬同芝士醬，個口感有啲似炸蝦🍤卷，但有芒果既清香，好好味😋雜錦天婦羅夠脆，有我鍾意食嘅日式一口蕃薯🍠👍🏻好耐無食牛舌，就叫咗個網燒牛舌嚟食，口感彈牙爽，有香濃嘅牛油🧈味，加分！另外仲有叫咗柚子沙律，超級足料，有甜蝦幾隻，菜都好fresh，鍾意食沙律嘅朋友就唔好錯過了！😋😋Overall呢間嘅壽司好有特色，如果大家想食日式野又想有啲新意，咁我就好推薦大家嚟呢到食！

黎到荃灣區想食壽司，於是黎到千色匯既古今二，呢間啲壽司比較特別，以卷壽司為主。黎到叫咗柚想蝦你，故明思意其實係柚子甜蝦沙律黎，入面仲有生菜、牛油果同蘋果，撈埋啲醬汁食真係好開胃。燒物方面就叫左網燒牛舌，一碟都唔少，有五大塊，咬落勁有口感，鹽味都恰恰好。另外仲叫咗原條茄子燒，茄子上面放滿櫻花蝦，提升茄子香味。不得不提既係卷壽司「東京爆炸」同「忘不了你」，東京爆炸食落好脆口，入面食得出明顯有吞拿魚同蟹柳，加埋啲醬好惹味。而忘不了你食落個味好別特，食落係甜甜地，因為面層有啲芒果同芝士，但又同入面舊炸牛肉意想不到既夾。最後叫左甜薯天婦羅，外層炸得好脆口，入面食落甜甜地，可以一試。