古今二 (荃灣千色匯I) (已結業)

呢間日式料理真係幾時黎食都咁正，今次黎荃灣睇戲，睇完戲就順便黎食，好彩唔洗排好耐隊就入到去～呢次叫左兩個卷物，一個「火山」，係由蟹柳同帶子組成既卷物，上面鋪滿蟹柳堆積到好似一座山咁，頂層加埋蟹子，仲有牛油果，口感真係一流🤤🤤😍食完好想再食！仲有一個「忘不了您」係由芒果包住吉列牛，配埋芥末醬同芝士醬，個口感有啲似炸蝦🍤卷，但有芒果既清香，好好味😋雜錦天婦羅夠脆，有我鍾意食嘅日式一口蕃薯🍠👍🏻好耐無食牛舌，就叫咗個網燒牛舌嚟食，口感彈牙爽，有香濃嘅牛油🧈味，加分！另外仲有叫咗柚子沙律，超級足料，有甜蝦幾隻，菜都好fresh，鍾意食沙律嘅朋友就唔好錯過了！😋😋Overall呢間嘅壽司好有特色，如果大家想食日式野又想有啲新意，咁我就好推薦大家嚟呢到食！