古今二 (荃灣千色匯I) (已結業)

荃灣一向美食多，今次就揀左呢間居酒屋試吓，聽講啲壽司做得幾出色+特別。柚想蝦你$98: 有4隻甜蝦，雖然份量唔多，但食落去夠晒鮮甜，而且沙律🥗嘅份量係十分之多！另外師傅加左啲柚子上去，食落去酸酸甜甜咁，味道更為突出，中意食蔬菜嘅朋友一定要嗌呢個！日式炒烏冬$98: 唔好以為平平無奇嘅主食，估唔到係用左稻庭烏冬去炒！食落去非常彈牙，另外上面仲落左少少薑絲，食落去少少酸辣，更加開胃！火山$128: 店員一開始會用火槍燒側邊，達到熊熊烈火嘅效果，當然只係for影相用，因為對食物嘅質素其實無影響架～而入面係用左蟹柳壽司黎整，上面配上大量蟹籽，食落去口感更加豐富～雜錦天婦羅$88: 三隻大蝦+3舊甜薯+2舊秋葵釀蝦滑，大蝦鮮甜脆口，食落去爽爽聲！而紫薯食落去甜甜地，幾易入口！秋葵釀蝦滑，估唔到會用咁嘅烹調方法去煮，比較新奇！最後，有興趣食居酒屋嘅朋友一定要試呢間呀！位置雖然較為隱蔽，但其實一啲都唔難搵！

之前同朋友食過一次覺得幾好食，今次喺附近做嘢再食多次，依然冇失望👍🏻。餐廳好光芒乾淨，同埋都幾大。叫左個沙律做開胃菜，個名好得意，叫“柚想蝦你沙律”。沙津入面有柚子嘅新鮮果肉粒，酸酸甜甜咁，同埋有牛油果、中華沙律、蘋果、蟹籽、甜蝦等等，好多材料，口感豐富，份量都唔少。“黑龍卷”，由鰻魚、牛油果、炸蟹柳同芝士組成嘅卷物，食落好滿足😋。然後到“雜錦天婦羅”，有炸蝦、蕃薯仔、秋葵包蝦滑，食落唔會過油，好熱辣辣又香口👍🏻👍🏻。最後嚟到重頭戲，呢個係叫“火山”嘅卷物，侍應行埋嚟有點火儀式，有埋presentation，夠gimmick😂。個底係蟹柳牛油果壽司，面頭亦都有一大堆蟹柳，岩晒我呢個蟹柳愛好者👍🏻，食落有沙律醬甜甜地咁，好飽肚。呢間餐廳嘅卷物真係幾有特色，價錢唔貴，值得試吓。

早排冇晒堂食，嗰陣買外賣都食過呢間唔少次。今次黎堂食晚餐，質素一樣咁穩定～～～～～～～～～～～～～～～～～～🎏柚想蝦你🥗 $98呢個沙律都偏大碗，入面放左甜蝦、中華沙律、牛油果、梨等等嘅材料，咸咸甜甜，清新爽脆🎏火山🌋 $128呢個咁igable嘅去卷物係推薦必點✨✨，整個造型本身就大堆頭，用卷物砌成左一座山，上面鋪滿蟹柳絲，同帶子肉。卷物就包左青瓜、牛油果等。上枱後，店員就點係面前點火，就有如一座火山一樣📸相機即刻食左先。食落惹味，帶微辣，口感多層次🎏紅龍卷🐲 $118炸蝦反卷上面再放左吞拿魚，無油膩感，配吞拿魚幾新穎，一啖一件😳🎏宮崎黃金炸豆腐 $68外皮炸得好脆，熱辣辣脆卜卜🤤入面豆腐好嫩仲彈彈下，加埋木魚絲鋪面，醬汁多少少仲好食！🎏鹿兒島黑豚荔枝卷串燒🐖 $32荔枝如果冇燒得咁耐會好啲，略為乾身左少少，豚肉就燒得好香脆都幫襯左幾次，味道一樣咁好😳性價比幾高

我今日大約下午4:28分問《古今》有冇外賣、然後阿姐話落場。。算啦～冇得食，咁我咪係對面睇下有咩食….冇啦啦阿姐叫我先生先生先生….我係背住間《古今》佢就好重語氣咁樣！！！5點半5點半！當時我睇緊拉麵店…竟然叫我唔好留係度….我就回應佢….我睇緊拉麵店D野食…佢就發神經咁講單字：趕我走！我想再講多一句…佢再講：走字…….走！好兇咁樣…我淨係知佢係廚房阿姐。

今日嚟左荃灣千色行街，行行下好肚餓，見餐廳嘅裝修都幾簡約，又坐得舒服，就揀左依間餐廳休息下食下飯😬😬😬😬傳統嘅日式料理加新式嘅整法，就變成左新式嘅Fusion菜，所以見餐廳都有好多新式嘅卷物揀，味道創新之餘，啲名又改得幾盞鬼喎🤪🤪🥗柚想蝦你（$98）夏天行到熱辣辣，一坐低就叫返碗沙律食，沙律好大兜，有柚子、蘋果粒、牛油果粒、中華沙律、蟹子、甜蝦、車厘茄、大量生菜，啱哂一班人一齊Share。明太子雞翼（$46）明太子雞翼炸得啱啱好，雞皮脆身，好惹味😂😂🔥火山（$128）火山上到枱，店員會幫手係碟嘅旁邊點火，仲好貼心咁提醒要小心燒到頭髮。等左一陣，啲火熄左，就可以食得。經火灸燒過既壽司有焦香味，壽司面鋪咗大量蟹柳蟹子，夾埋青瓜牛油果，大大舊超飽肚👍🏻👍🏻🍙搖滾樂（$82）搖滾樂有我最鍾意嘅鰻魚，卷物入面包左芝士同炸蝦，食落好邪惡，但又有多重嘅味覺享受😂😂🍲豚肉泡菜鍋（$138）豚肉泡菜鍋辣辣地，娃娃菜、豆腐、菇類吸哂啲湯汁，食完生冷嘢最啱就係飲返個熱辣辣嘅鍋物嚟暖下胃😋😋😋

嚟到荃灣，揀咗間地點方便嘅日本菜，就係位於千色匯嘅古今二。由於朋友不停讚古今二好好食，所以我都抱有好大期望。😂點咗第一道菜就係火山，果然冇令我失望！當服務員燃點起「火山」，實在係非常驚喜。有兩行真火喺碟嘅兩側燃燒，真係好震撼😍 而味道方面，都係好好味！火山其實係蟹柳同牛油果嘅卷物上面鋪上滿滿嘅蟹柳絲同帶子，好滿足呀🥰而另一道非常驚艷嘅菜式就係金龍卷。一件件嘅卷物排成一條龍嘅形狀，賣相滿分😍入面嘅炸蝦非常香脆可口，上面仲有好新鮮嘅三文魚，令成個配搭唔會油膩但口感又好豐富。食完兩份卷物之後，對兩個女仔嚟講其實已經飽咗七成，所以再點小食就夠。我哋揀咗雜錦天婦羅、蒜香牛油燒帆立貝、鹿兒島豚肉露筍串燒。雜錦天婦羅樣樣都外脆內軟，即叫即炸，炸蝦好好味！帆立貝非常鮮味，大大粒。豚肉配露筍嘅串燒，第一次食咁樣嘅配搭，覺得好夾好有新鮮感，露筍好爽口。總括嚟講真係覺得樣樣嘢都好食，食咗5樣嘢都只係400幾蚊，真係性價比極高！環境方面都係好舒適，好闊落。絕對會再幫襯！🥰

呢日喺荃灣行完街諗住食埋dinner先返去行上千色匯3樓 有好多餐廳選擇揀咗呢間「古今二」新開冇幾耐 裝修簡約大方 走白色同木色路線係我鍾意嘅type😆雖然個名可能會誤會佢食中菜但其實佢食日本菜架😌卷物、炸物、刺身、壽司、串燒、飯麵應有盡有仲見到隔離枱食壽喜燒滿滿一鍋好滿足但因為今晚得2個人 又唔算好肚餓 就叫幾樣細嘅share食先要左沙律柚想蝦你$98個名真係好搞笑🤣沙律有沙律菜、蝦、柚子、蕃茄仔、蘋果、牛油果上面仲有大量蟹籽加埋芝麻醬 好香好好食雜錦天婦羅$88有大蝦、紫薯、秋葵釀魚肉新鮮炸起 非常香外表酥脆 粉唔多大蝦都幾大隻 好彈牙紫薯夠香夠綿滑 秋葵魚肉幾驚喜日式炒烏冬$98份量都幾大碟有肉絲、娃娃菜、菇、金菇、魚蛋、青椒、黃椒、木魚好多料好豐富烏冬都幾爽口 炒得幾香夾埋一齊食好rich火山$128重頭戲嚟了！有青瓜、牛油果、蟹柳同帶子Staff先會喺壽司側邊點火兩邊都點著左成一個火圈非常打卡able上面有大量蟹柳絲同帶子下面係牛油果卷物夾埋一齊食好好食眼睛同味覺都滿足晒

🥗柚想蝦你 $98-沙律菜加上碌柚嘅柚肉 原來又幾夾-仲有蘋果 海草 甜蝦 牛油果 蟹籽等材料-清新又開胃🕸蜘蛛 $96-呢款睇落似蜘蛛腳 實情係軟殼蟹嘅飯卷-配有惹味醬汁 甜甜地 幾香口🐖豚肉泡菜鍋 $138-泡菜鍋酸酸辣辣 越食會越辣-有不少吸味娃娃菜 仲有多片豚肉🐟壽司薄餅(辣味三文魚）$98-Pizza就食得多 壽司版嘅pizza好似幾得意咁-薄餅餅底其實係飯再炸 然後再鋪上辣味三文魚 創新料理總括嚟講，食物質素都可以，環境闊鬆服務有禮

今日去咗荃灣千色店度行街 見差唔多就睇吓呢度有咩嘢食 見到呢間 古今二 食日本嘢但係啲菜式名稱好搞笑😆 就入咗去啦～ 睇睇Menu 啲名好有諗法 特別係啲卷物 睇圖都覺得整得好靚好吸引🤤 諗咗一陣都叫咗唔少野食😬 柚想蝦你 $98叫咗一個柚子蝦沙律🥗 有柚子、甜蝦、牛油果、香梨、海藻、車厘茄、同埋大量生菜 全部都好新鮮 啱晒而家熱辣辣嘅天氣食😬 雜錦天婦羅 $88食日本嘢又點少得天婦羅🍤 叫咗一個雜錦有蝦有紫薯同埋秋葵 炸得好香脆卜卜 秋葵仲整左啲蝦滑嘅嘢起入面 睇得出佢嘅用心👍🏻 火山 $128重點推介嘅嘢嚟啦🤩 係熱食嘅壽司呀 店員拎咗舊巨大壽司上嚟之後 就用火槍點火 令到個壽司暖暖地又有煙燻過嘅香味😇 仲好適合打卡🤩😆等佢啲火熄之後就開始食啦 裏面都係卷物包住蟹柳牛油果 上面就係帶子同埋蟹柳 真係啖啖肉架😌 辣妹 $72辣嘅壽司真係好少見 所以就決定試吓佢啦 係有辣味吞拿魚、炸蝦同埋芝士 辣味唔算好重都幾香 吞拿魚都算多 炸蝦脆口 加埋芝士好味😋 另外仲叫咗兩條串燒想試吓🤣 蒜香牛油紫薯 $18店員一拎到上枱 超濃郁既牛油味 仲見到啲牛油痴咗起紫薯嘅邊邊 喜歡食牛油嘅一定要試吓

古今二荃灣千色匯3樓===============在千色匯行街，見到呢間餐廳裝修非常日式，又有啲似日本居酒屋，價錢又唔貴，所以就嚟試吓！柚想蝦你$98佢嘅沙律非常大兜，兩個人真係食唔晒！如果有多啲朋友share就最啱！入面除咗有有子果肉，蟹子，牛油果，車厘茄，蘋果，沙律菜，仲有中華沙律藏在入面，真係又豐富又開胃！火山$128想枱不久後，店員就會在短襪外圍點火，難怪佢叫做火山啦！佢係有八粒青瓜蟹柳壽司作為底部，上面有大量蟹肉，蟹子，魚生加沙律醬等材料混合而成，啖啖都係餡料，好正😍泡菜豚肉鍋 $138好鍾意佢嘅豆腐，又滑又吸晒入面啲汁，同個湯底非常夾！而且豚肉都好多，入面餡料主要有菜，又健康又好味！可以多啲豆腐就好啦😆火龍卷$98上面的三文魚魚生非常新鮮，好好味！入面的炸蝦更加係新鮮炸起，即叫即整，真係好正！

星期六黎到荃灣行街，三十幾度熱想食日本野🥵呢間係千色店既日本餐廳未到6pm，已經有好多人係店前徘徊裝修簡潔、開揚，係店出面都睇到店內環境餐牌精美吸精，圖文並茂，選擇超多點餐紙有齊價錢，中英文，食物食材介紹菜式名都好有創意實在太多款式，所以就揀左幾款餐牌推介1款沙律前菜、2款卷物、1款天婦羅🥗"柚想蝦你" 又想蝦你😂係一大碗沙律上碟個陣吓親，因為洗面盆咁大既份量材料超級豐富，有牛油果、蕃茄仔、蘋果、沙律菜等等色彩繽紛，好有食慾🌪卷物 "超級龍卷風"餡料包括有鰻魚、天婦羅蝦、青瓜飯卷上面加左d薯片碎，多一份口感🔥卷物 "火山"可以打卡既驚喜卷物😍睇餐牌都唔知會著火上碟嘩一聲，店員會用火槍點卷物兩旁，隨即變成兩條火橋睇完表演，開始食"火山""火山"原本個形狀已經用紅色既蟹柳絲同白色既帶子條砌到火山形狀下面就係蟹柳牛油果卷上面既火山調味偏咸，加埋下面既蟹柳牛油果卷食，味道岩岩好🍤雜錦天婦羅賣相靚，即叫即炸3條天婦羅蝦 3番薯粒 2條秋葵

選擇了這餐廳作為慶生飯局，一行三人五點半已到達餐廳。餐廳是開放式設計，外部用一幅白色的圖案牆圍著，內部用木系座位，靠牆的就有梳化椅。餐廳提供餐牌，顯示不同食物的圖片，而價錢就要看點單紙。第一次惠顧，我們左看看右看看，花了一些時間才下單。最後點了以下食品。三文魚壽司、北寄貝壽司、帶子壽司、三文魚腩壽司。四款壽司同放在一隻木碟上，食材大片，壽司飯一小塊，份量合適。壽司飯正常味道，而食材溫度有些不夠凍，可能天氣太熱了，希望食物都要涼冰冰才消暑。古今叉燒豬骨拉麵，麵爽，叉燒有咬口，伴菜有腐皮、日式魚片紫菜、塘心蛋、木耳絲、荀絲，材料豐富，湯底也夠味道。日式冷麵，一大碗。上面放滿了食材，有蟹柳絲，魚蛋絲，白蘿蔔絲、紅薑絲、豬肉絲、腐皮絲、還有灑上大量金黃脆粒，碗旁放了四大片蕃茄，冷麵的質感也是爽口，滑滑易入口，食材也不錯，全部易食，那些黃金脆脆帶有鹹味，和其他食材一起吃，感覺特別。吃時用筷子攪拌一下，讓麵和食材可以平均地掛上醬汁就更好味。訂座時留了訊息是慶生日的，所以吃了不一會，待應捧來一個寫上生日快樂的大碟子，碟上放了我們點的午夜牛郎卷物和三文魚卷。待應向我們說了生日快樂後，把碟子上檯。用日式

同朋友係城市中心行街，去到晚餐時間見呢間日式餐廳有幾多卷物款就決定入去試下。雜錦天婦羅：炸得脆身而且唔會滲油，有炸秋葵、大蝦、小甜薯，重點炸衣唔會脆到硬。彩虹🌈卷：顏色奪目，主要有紅色既吞拿，橙色既三文魚、綠色既牛油果係面，內裡包住蟹柳，味道清新，一次過試足幾款魚生。如果可以大份d就更好火山🌋：上台既方式霸氣又特別，大份到巨人size,店員係粗鹽上點火，燒完我地就可以開動！經火輕輕灸燒過既飯卷味道多份焦香味，飯面頭鋪咗大量蟹柳、蛋黃醬，甜甜地幾好味。柚想蝦你：有柚子、蝦既沙律🥗好清新，仲有蘋果粒、中華沙律、番茄仔、蟹子、牛油果…配埋靈魂既沙律生菜、胡麻醬，甜中有酸仲有微微柚子香，十心唔錯…難怪有卷物為主既日式餐廳，食壽司食到悶都可以玩下新花臣🤣

雖然未食晒咁多個國家嘅美食 但係目前為止最鍾意嘅一定係日本菜😚 所以今日又搵間日本餐廳嚟食 呢間餐廳位於荃灣千色匯 不過其實香港都有幾間分店嘅 今晚終於嚟咗食😺柚想蝦你睇見呢個咁特別嘅沙律就吸引咗我叫啦🥗 呢個沙律有蔬菜 海草 車厘茄 蘋果 柚子 蟹子 牛油果 甜蝦 柚子汁 柚子沙律作為starter真係好開胃呀 柚子肉幾甜 幾清新🌱椒鹽雞腎呢個小食有兩串 雞腎雖然唔算大粒 但係都好正🫢 食落口係椒鹽嘅香味 唔會食到內臟嘅味道 口感好爽口 會令人想食完一粒又一粒😛火山呢碟卷物好適合打卡🤓 一上檯 店員會點燃底盤嘅裝飾 形造火山嘅感覺 火喺一分鐘左右就會熄 要把握時間打卡呀🤤 卷物上面堆咗成座山嘅帶子同蟹柳 兩樣食物都係一絲絲咁 加上上面有少少蛋黃醬 就咁食都覺得正 而卷物包住青瓜同牛油果 配埋上面嘅餸一齊食 真係好豐富🥰豚肉泡菜鍋呢個鍋都真係有返咁上下辣 鍋入面除咗豚肉同泡菜 仲有其他配菜 好似菇 洋蔥 娃娃菜 豆腐 真係好多料😙 豚肉用咗五花腩嘅部分 所以食落都肥瘦適中 肉質唔會太韌成餐最正嘅我覺得火山 又好食又可以打卡 見到餐廳仲有其他特色卷物 下次嚟再試其他先😍

前排荃灣開咗間日本菜想試好耐，個名好特別好型(我覺得)。難得今日早放工即刻去試下。餐廳位於千色匯1期3樓光線充足加上半開放式的外牆，裝修設計亦別具心思，比到人舒適休閒嘅感覺餐廳唔只裝修，連MENU都好有心思有多款創意卷物，就算有人唔食刺身都總有一款岩食首先係龍捲風沙律，份量比想像中更大。上層好多好多蟹柳絲、蟹籽、脆脆，中層中華沙律，底層有菜作底，配上惹味醬汁(好似有少少少少辣)。型成一個美味嘅前菜。之後出場係蜘蛛🕸🕷開頭聽到個名都驚驚地，望真啲其實係軟殼蟹卷🦀有炸軟殼蟹、牛油果、蟹柳，食落好脆好脆。本身唔食軟殼蟹嘅我都食咗幾舊，又幾好味喎!之後到火山🌋以為只係堆到好似山咁高既卷物，點知真係有火!!當大家嘩完之後出現嘅係海量蟹柳，完全覆蓋下面係兩行卷物。食落非常之滿足。係一場視覺同味覺嘅表演。最後出場係雜錦天婦羅，有炸蝦、紫薯同秋葵釀蝦肉。🍤炸蝦好大隻，入面啲粉同肉唔會分開哂，仲好酥脆添。🍠炸紫薯都係第一次食，幾有味道；最特別係秋葵釀蝦肉，食入口完全估唔到係秋葵，因為佢地將秋葵入面嘅潺完全去除，換上蝦肉口感大足，平時唔食秋葵嘅人可以一試。總結嚟講今餐環境同服務都好好，食品好味又特別，真係