古今二 (荃灣千色匯I) (已結業)

💕 柚想蝦你沙律 $98最近減肥愛上左沙律🥗😂份量勁多料又豐富，有蔬菜、海草、車厘茄、蘋果、柚子、蟹籽、牛油果、甜蝦、柚子汁，加埋胡麻醬，柚子汁清新，胡麻醬又開胃。-💕 超級龍捲風 $88每件大大件🤣餡料有鰻魚、海老、芝士、青瓜、脆片，蝦肉爽口，加埋脆片，口感豐富👍🏻。-💕 豚肉泡菜鍋 $138鍋料有娃娃菜、泡菜、豆腐、金菇、 豚肉片，豚肉片食落唔鞋口，湯底泡菜味唔會太淡/太濃，夠酸又唔辣，唔食得辣既都可以一試。

千色匯一向都有唔少好嘢食，今日喺荃灣做嘢就梗係即刻去千色匯食好嘢啦。千色匯有一間古今二，好耐之前喺觀塘做嘢嘅時候都食過好味，一場嚟到荃灣梗係要特登去食。好彩係閑日所以都只係等一張枱就入到，首先我哋叫咗個柚子沙律，佢嘅沙律真係非常好味！好足料！上面有好多柚子，仲有非常多牛油果，牛油果嘅質素好高，好好味，成個沙律感覺好清新又健康，而且非常開胃。古今二嘅特點就係佢嘅壽司全部都係特別嘅配搭同埋造型調味，其中一個叫做蜘蛛嘅其實係軟殼蟹卷物，每一支軟殼蟹棒都好長～口感鬆脆，好味。隔離嘅拖羅茸壽司都好好味，上面有少少脆片口感好立體，而且佢嘅孩子都大大粒博博隨，感覺好新鮮，成個壽司嘅調味都好惹味。我哋另外仲叫咗個天婦羅，呢個天婦羅嘅口感亦都好好，感覺呢度嘅雜物都好出色，天婦羅脆得來唔會好熱氣，炸蝦好好味，炸粉好出色。好滿足好飽嘅一餐。

之前已經過這間店很多次，我一次都見門口好多人等候，而門口外的餐牌食物介紹，相當吸引，真係好想去試一試。今天放假，一個人立刻去試食，今天選擇食lunch，我點選了一個卷物盛，共有四種卷物，其中一個是三選一（金龍卷，煙花，火山），而另外三種是指定的（鰻魚牛油果卷，加州卷，費城卷），真係樣樣都咁好味，相信金龍卷和火山，都是他們的招牌卷物，今次選擇了金龍卷，相信金龍意思是天婦羅炸蝦🍤，天婦羅炸蝦很脆，超級好味，而另外指定的三款卷物都唔差，我一定會約埋朋友再去食

餐廳以新穎和創意卷物， 造型特色、精緻， 吸引不少粉絲支持， 最近在荃新天地開了新分店，特意慕名而來，湊湊熱鬧。龍捲風沙律 $76沙律分量相當大， 表面鋪滿脆卜卜蟹子和一絲絲蟹柳 ， 鮮味十足，配上豐富爽脆的青瓜絲、 海藻及脆片， 先拌勻所有材料和惹味的沙律醬才吃， 口感好豐富及清爽， 是 滋味的開端。彩虹卷 $116 彩虹卷顏色悅目吸引， 飯卷表面卷上鮮味三文魚、吞拿魚刺身， 中間夾著熟透的牛油果、青瓜及蟹柳， 外型既漂亮又好味， 清爽惹味的配搭。青龍捲 $98 每件青龍捲，完全被熟透的牛油果包裹著， 中間夾滿鰻魚肉及蟹柳， 並唧上甜甜的醬汁， 一口一件， 鮮味和創意滿分， 出奇地配搭。炸軟殼蟹天婦羅 $88即叫即製炸軟殼蟹天婦羅， 每件新鮮炸起， 熱呼呼， 香噴噴， 軟殼蟹被脆卜卜粉漿包裹着， 外脆內軟， 十分香口的小吃。冬菇串燒兩串 $25中間界上花紋的冬菇串，經過燒烤後 ，油光亮麗，帶微微焦香，柔軟中滑溜的質感， 令人一吃愛上。

今天約了在荃灣做野嘅朋友午餐，朋友預先訂好了位於千色匯的古今二，店內光猛環境舒適，翻開菜單，這店有提供多種特色卷物，在其他地方都沒有見過，估計是這店原創的。龍捲風沙律 : 大大盆有蟹柳、蟹子、中華沙律、脆片及大量的新鮮沙律菜，配合酸酸甜甜嘅沙律醬汁，味道好fresh，能令大家胃口大開。金龍卷:這店其一款特色卷物，壽司飯卷著炸蝦在中間，另外上面鋪上三文魚片，三文魚生配合炸得香脆的炸蝦，一生一熟配合起來十分夾非常滋味。火山 : 這店另一款的特色創意卷物，卷物上面鋪上蟹柳、帶子、牛油果等，上桌的時候待應會為顧客點火，夠曬浮誇，打卡一流。待上一兩分鐘火焰熄滅後，才發覺點火并不只是貪玩呃like，微暖的帶子及蟹柳吃起來和普通的卷物相比另有一番特別滋味。雜錦天婦羅 : 做得不錯，不會太油的感覺，看得出師傅有相當的水準，當中我們最欣賞的就是紫薯，十分香甜可口。

位於荃灣嘅古今，地點方便。坐低就有一杯玄米茶。炸物(推獎)有日本紫薯bb，好甜呀⋯⋯秋葵釀入蝦蓉，因為秋葵淡味，顯出蝦蓉嘅鮮味。炸蝦🍤⋯⋯全部炸物粉漿好薄，所以好脆口，唔會食落成口係粉漿。名為:煙花，辣味三文魚蓉和辣味呑拿魚蓉嘅壽司，但一d都唔辣😂，澆在碟周邊嘅係脆片(薯片打碎)咁樣襯托壽司又幾特別。柚想蝦你沙律(推獎)開胃頭盤👍顧名思義一定有柚子、甜蝦再配搭蔬菜、海草、車厘茄、蘋果、蟹籽、牛油果、柚子汁。食得出係新鮮爽脆。火山(推獎)顧名思義係。。有火(有小朋友就要留意)打卡啦⋯⋯你見到一座山嘅物體，入面係有帶子、青瓜、牛油果同蟹柳，食落係似壽司，但都值得叫黎食。

古今連續幾日食肉獸咁，又燒肉又炸雞。今晚決定食啲清淡嘅嘢，多菜少肉。喺荃灣千色匯見到上個禮拜先食完嘅古今，感覺健康得黎又冇咁heavy😆決左再試。先黎個龍捲風沙律，新鮮沙律菜，上面鋪滿一堆蟹棒絲同蟹子，加上飛魚子沙律醬同大阪燒醬汁，裏面仲有中華沙律，口感富層次又爽脆。卷物當然唔少得，點左金龍卷同蜘蛛。金龍卷係上層三文魚加沙律醬，再包吉列蝦同芝士，吉列蝦香脆爽口，同三文魚芝士係絕配組合。蜘蛛即係牛油果軟殼蟹卷，裏面仲有青瓜絲同蟹柳蟹子，解除軟殼蟹嘅油膩，精心製作。壓軸主角野菜鍋，超大鍋熱呼呼上枱，有大量旺菜、金針菇、香菇、豆腐、蕃茄、蟹柳。絕對滿足我蔬菜嘅慾望，仲要個湯底好清甜，成煲都飲晒，大滿足。好彩我哋早入黎食，未到7:30pm已經勁多人排隊🤭

今晚嚟個ladies’ night🗣撐下枱腳。2個女仔👭🏽出去食，都係鍾意搵d igable📸嘅餐廳🍴。我諗起係荃灣千色匯🏫入面，有間成日排哂長龍🫡，專門食創意卷物🍥嘅日本餐廳🇯🇵。🥗 日式麻醬秋葵豆腐沙律豆腐、秋葵、蕃茄、蟹籽、蔬菜🫠配好香嘅芝麻醬。大大碗😍好滿足。🍥 超級龍卷風好朋友🤠話今日一定要食到鰻魚🐟。所以我地就揀咗個有鰻魚、海老、芝士、青瓜，再頂層鋪咗薯片🥔嘅卷物嚟食。每種食材都有各自唔同嘅味道同口感😎，但卷埋一齊😉都依然保留住佢地本身嘅味道。🥳🍣 金龍卷似乎金龍卷係必食嘅🤩，見到隔離每一枱都有叫。😎外層有我最鍾意食❤️嘅三文魚😍，刺身鮮甜好味。😋下層卷物由炸蝦、芝士+壽司飯卷成，口感豐富！🤭🍤 雜錦天婦羅有秋葵、紫薯、蝦。😉 雖然係炸蝦，但絕對唔係死實嘅蝦肉，外層脆口，內裏Q彈。🤤秋葵天婦羅有驚喜🤩，起初以為只係普通秋葵加炸嘅外層😅，點知一咬開😬就咬到蝦滑。估唔到秋葵同蝦滑又幾夾喎！😍

放工同朋友聚會又想食日本嘢，就揀咗呢間出名食卷物嘅餐廳！估唔到七點幾嚟到間餐廳入邊已經幾熱鬧下！✨柚想蝦你（沙律）沙律份量超級大，材料有牛油果，甜蝦，中華沙律，沙律菜等等！感覺夠晒健康！值得一讚就係啲沙律醬唔會太酸，成個頭盤作為開胃菜就最啱❤️❤️❤️✨蜘蛛（卷物）呢個卷物材料都幾豐富入邊有軟殼蟹、青瓜絲、牛油果仲有蟹柳！軟殼蟹感覺幾新鮮，仲食到一絲絲嘅蟹肉！🤗🤗✨金龍卷（卷物）呢個菜式入邊有炸蝦芝士同埋三文魚，細細舊一啖一舊好方便！三文魚好新鮮而且同啲芝士、炸蝦都幾夾！😝😝✨雜錦天婦羅師傅控制得啲油溫幾好！令到天婦羅一啲都唔油膩！入邊有三隻炸蝦天婦羅都幾彈牙！秋葵入邊仲釀入咗啲肉，夠晒心思！☺️☺️

古今二...荃灣千色匯, 地點方便,荃灣地鐵站行幾分鐘就到, 購物後的好去處.柚子想蝦你....HK$98大大碗色彩繽紛，用料豐富，有新鮮蝦， 牛油果，蘋果， 車厘茄 , 新鮮雜菜， 仲有 酸酸甜甜 好好味嘅麻醬汁， 令人食肉慾倍增午夜牛郎卷物 壽司....HK$95牛油果,芝士,三文魚, 外皮酥香 脆卜卜, 壽司飯 彈口 好有質感, 分量十足. 非常抵吃 又好味道卷物拼湯麵....HK$981. 豬骨拉麵2. 加州卷四3. 火山四件非常抵吃的一個套餐, 豬骨拉麵有魚蛋 木耳 雞蛋, 竹筍, 豬骨麵彈口 ，用料豐富新鮮。加州卷大大件， 爽爽甜甜的，新鮮大件夾好食， 火山... 非常有創意的壽司,上面鋪滿了 蟹柳醬汁 ,內裏有四件壽司., 新奇又好味.

呢晚唔想煮飯，約朋友來到千色匯晚餐，來到主打特色卷物既居酒屋古今二。餐牌內除卷物外，仲有沙律，燒魚頭，天婦羅，湯鍋，刺身，壽司，定食，串燒，炸雞，羊架等，選擇豐富。🔰柚想蝦你 $98平時黎古今二，多數選豆腐沙律，最近天氣熱，選了這款蝦沙律，除有蝦外，仲有柚子，牛油果，中華沙律蘋果，柚子蜜等，口感豐富又開胃！🔰雜錦天婦羅 $88小妹最愛香口小食，天婦羅即點即炸上枱熱辣辣，有紫薯，秋葵，炸蝦，酥酥脆脆，作為餐前小食好適合。🔰火山 $128上枱後，店員在卷物外圍點火，熊熊烈火映襯下，真係好似火山呀！蟹柳，青瓜，牛油果，帶子，沙律醬混合一齊食，好滋味！🔰牛肉壽喜鍋 $208一煲入面有齊牛肉，豆腐，金菇，雞蛋白菜，雲耳等，有肉有菜，湯頭甜甜地暖身又好味。📣古今二 📣荃灣眾安街68號荃灣千色匯1期3樓3013號舖🌙 月光太太

係openrice睇荃灣千色匯有咩食，見到呢間評分最高，抱住一個去試下既心態。食完之後，比想像中好。由價錢講起，以日式餐廳黎聽價錢唔算特別貴，中挺價錢，刺身/壽司有寫明由日本空運直送入貨，但大部分日式餐廳都會咁寫明，所以都係姑且相信睇完menu之後，點左4樣野食+2杯野飲- 三文魚腩刺身- 金龍卷- 牛肉壽喜鍋- 埼玉 網燒牛舌- 熱情果芒果冰- 黑牛------------------------------三文魚腩刺身正如岩岩所講，係抱住姑且相信日本空運直送既心態去嘗試，但新鮮程度同三文魚既香口程度令我相信佢係真，而且厚度長度都會顯得性價比更高。金龍卷呢個卷物一次過滿足左我三個願望（芝士、炸蝦、三文魚），三樣野一次過加埋個口感同味道，真係值得一試再試。埼玉 網燒牛舌肉質👍🏻亦非常厚身，醬料唔太清楚係咩，但牛舌配合埋個醬料，真係回味無窮牛肉壽喜鍋呢一個壽喜鍋，個人覺得性價比極高，足料又好味，除左牛肉，仲有豆腐、金菇、娃娃菜，仲有粉絲墊底，絕對飽肚，至於其他蔬菜類吸左個湯底變得非常香口假如想試下性價比高既日式餐廳，個人會推介去試試呢間

上個月試過他們荃灣新店後，每次再去荃新天地都人山人海，因此這一次決定轉場到她們位於千色匯的老店，四個朋友來食晚飯✏️位置: 8/10✏️環境: 8/10✏️衛生: 8/10✏️服務: 8/10✏️食物: 8/10此分店位於荃灣千色匯3樓，該樓層主要是餐廳，所以雖然餐廳採半開放式的裝修，亦不會感覺壓迫感，而且因打通商場更覺開揚。餐廳以特色卷物為主打，每次來都會點幾款，既好看亦美味🌟柚想蝦你 - $98這款混合沙律菜、中華沙律、蟹子、甜蝦、蘋果、牛油果、柚子及車厘茄的日式沙律，加入了柚子汁及沙津醬調味，清新、香濃、味道豐富🌟牛肉壽喜鍋 - $208有牛肉、生菜、豆腐、金菇、秀珍菇及一隻雞蛋，加上壽喜鍋湯，食材新鮮，味道鮮甜🌟雜錦天婦羅 - $88有天婦羅炸蝦、蕃薯仔及秋葵，即使放了一會仍然香脆，蕃薯及秋葵很鮮甜，外脆內軟🌟埼玉 網燒牛舌（4件） - $78燒出來很有牛香，而且口感嫩滑不韌，配上帶點麻油香的檸檬燒汁，香味更加鮮明突出🌟火山 - $128每一次都覺得這分店做得最好看、像熔岩般的卷物，由8小件堆成一大件的火山，放上帶子、青瓜、牛油果及蟹柳，配合千島醬及蟹子，口感豐富，味道鮮甜🌟蜘蛛 - $

係荃灣想揀一間日本餐廳，見到古今二係一間Fusion 日本菜，就排隊入座餐廳主打特式日式卷物同鍋物，因為天氣熱就唔試鍋物，因為唔知份量大小，我地揀左2款飯卷+其他食物試住先。前菜：柚想蝦你：我地係因為個名而叫呢個沙津嘅，估唔到來到個份量都幾大，我地食到主菜來埋都未食哂，鍾意柚子嘅朋友啱哂，果肉好多，柚子味好重好好食！櫻花蝦茄子燒：係估唔到佢有咁特別嘅風味，本身係出面食原條茄子多數蒜蓉燒，呢個係似較左一隻酸酸味味又辣嘅汁來煮，上面櫻花蝦好多，可以豐富到味道同口感，會比個like 個汁同櫻花蝦嘅味道，如果茄子可以切開少少方便分餸就更好！青龍卷：其中青龍卷上面鋪有牛油果，餡料就有芝士同蟹柳，因為朋友係牛油果控所以一定啱食！超級龍捲風：都係推介👍 材料豐富又幾夾，個鰻魚好滑，仲有海老、芝士、青瓜同脆片放埋一齊，個口感層次分明又豐富，喺出面應該試唔到！另外一讚兩個卷物放埋一齊個擺盤幾有心思，係打卡之餘又好味嘅主食來！另外因為熱天我地叫左兩杯凍飲，一杯奇異果沙冰，好大杯好溶，真係一杯有果肉嘅沙冰，結果飲到好飽但好好味😋：另一杯應該係蜂蜜烏龍，幾解渴唔會好甜，味道同份量都係抵飲嘅。 下次會想試埋鍋物

呢間日式餐廳嘅壽司同出面好唔同 係主打創意卷物 賣相同味道都相當吸引🍴🍣上次就食左個忘不了你😋係用左芒果再加忌廉芝士 再配牛肉🥭聽落好似好奇怪 但一齊食又唔錯喎 食落幾清新😎