友拉麵

营业中

休息中

今日黎到荃灣覓食，眾所周知小妹最鍾意食拉麵，比我穩到間充滿日本風味家庭式的拉麵小店。呢間拉麵店周遭都佈滿貓貓的蹤跡，牆身都掛滿貓貓的擺設。呢間拉麵店湯底都有幾款選擇，從魚介湯底拉麵、櫻花蝦拉麵到期間限定的番茄湯等等，麵質先夠驚喜，事關佢有得揀直麵、曲麵！小妹就最愛曲麵，覺得呢款麵條先係最配襯到濃味湯頭。魚介拉麵 $78今次我揀左最愛的魚介拉麵，面層更灑了魚介粉，拌混左之後令到湯底更濃郁，配上曲麵實屬最佳配搭。火炙豚肉燒香一邊，比例平均，最後配上完美的味玉，入邊啲蛋汁夠豐富。蔥山拉麵 $83喜歡相對上淡一點點，可以試下蔥山拉麵，鍾意食蔥的朋友可以挑戰下自己對蔥的熱愛程度，因為蔥的份量實在係超級多。同樣地都會配上火炙豚肉及味玉。北海道炸牛肉薯餅$28即點即炸的炸牛肉薯餅，外脆內軟，外面炸的嗦嗦聲，入面薯蓉綿滑，十分推薦。靜岡蜜瓜碳酸汽水$24普遍日式餐廳售賣的碳酸汽水都係得幾款，不過呢間拉麵店提供一些特別限定款，例如富士山柚子和今次點選的靜岡蜜瓜。甜度適中，鍾意碳酸汽水的你不容錯過。掛念日本拉麵味道的朋友不妨來到呢一間拉麵小店嚐嚐看。

一個人唔知食咩，食拉麵就最岩。路過見到依間拉麵店，我比佢啲靚裝修吸引左，好似日本屋台咁😍。麵既款式唔算少，依到仲有好多小食揀。上菜好快，唔洗5分鐘就有得食🤪。北海道炸牛肉薯餅 $28超級Creamy超級滑，入面啲薯仔好正，唔係好鹹。炸得超好，依啲就係真正既外脆內軟😍。唔知係唔係太滑既關係，感覺上好似唔係好食到啲牛肉，如果多啲牛肉更好😂。$28就有兩塊真係無野好批評，我反而想佢細塊啲，一個女仔鯨吞一碟麵加兩塊牛肉薯餅真係有啲飽😎。題外話：對即棄筷子靚到痴線💗💗💗魚介拉麵 $78同平時食開既拉麵一樣，可以揀麵既硬度，我揀左正常直麵。食落似正常偏軟，硬啲應該更好食。因為啲麵可以係浸軟既過程中索埋啲湯，依個係重點🤪。叉燒唔錯，厚啲更好🤔。湯底唔錯，食完之後竟然唔口乾。啲魚粉sum左係叉燒上面，食叉燒時，一邊食到油脂，一邊食到魚粉，估唔到兩者又幾夾☺️，我本身仲以為啲魚粉只係用黎做個湯底。其他小食都好吸引，不過我一個女仔食唔得太多就無試過啦。下次再試啦！埋單$106（無加一）

📍 友 拉麵位於荃灣嘅一間日本拉麵店🤪 佢哋店拉麵嘅款式唔算好多 除咗拉麵之外佢哋仲有賣一啲日式嘅小食同果汁等因為小編太耐冇食拉麵 所以上星期就去咗荃灣試吓-魚介拉麵 $78呢一款面係最Basic🙆🏻 佢哋嘅拉麵可以揀直面或者曲面款～ 另外仲可以揀面條係硬身或者軟身定係適中🥰 自由度都幾高拉麵配有溫泉蛋、魚介粉、火炙豚肉、味玉、葱、竹筍同海苔🤤 配料好多食落去都重口味🤪 拉麵彈牙 口感唔錯👍🏻 蛋咬落去仲流心🤤靜岡蜜瓜 $24食完成碗拉麵🍜 梗係要叫杯嘢飲解渴🤤日本果味碳酸汽水🥤 飲落去有香甜嘅蜜瓜味😋 好正❤️

荃豐環境常變，連開咗好耐嘅大家姐都就嚟要執，又一集體回憶冇咗。但行到再入啲，去到昌寧，又裝修零零舍舍別樹一格嘅拉麵店，開張4個月已經咁爆滿。一個人係易等位啲，等到入去即刻填menu，快啲食完老細可以做多轉嘛第一次食就食最基本嘅魚介拉麵，好快就上檯，超厚魚介粉喺叉燒上面，撈勻佢啲湯就會好香魚味大胃揀咗硬嘅直麵，唔會太硬嘅，啱啱好索到湯底味叉燒超肥美，煎到有少少焦就已經好有油香最關鍵嘅溏心蛋更係一篤即流，好滑溜唔夠喉就嚟多碟牛肉薯餅，卅蚊都唔使就有兩大舊，食完一舊已經飽到上喉嚨內餡超足料，係大胃低估咗佢老細愛貓係身體力行，埋單主動邀請大胃將散銀放入救浪浪嘅捐款箱，心地好，唔怪食物都有質素

今日經過荃灣，黎到食肆林立嘅昌寧商場，在咁多選擇之中，見到有一間日式拉麵舖，決定入去一試。首先裝修簡約舒服，枱面有一壺一片檸檬的清水，好適合解一解過多油膩感！拉麵有5款選擇，特別少少有期間限定同蔥山拉麵！鍾意食多青的我決定試一試蔥山！一上枱，d蔥多到好誇張，超正，清新蔥味！而呢間拉麵鋪比一般拉麵特別地方，有直麵同曲麵選擇！直麵比較掛身，適合食到湯底味！火炙豚肉有兩大塊，油脂味濃！適合湯底，大滿足！期間限定係蕃茄湯底！

荃豐基本上全部都係小店，住荃灣真係喺度由細食到大。今次試下呢間算係新嘅拉麵店！入邊裝修好得意，好多貓貓！Menu就好簡單咁得幾款拉麵同小食嘢飲咁！今次叫咗魚介拉麵($78)，入面有魚介粉、火炙豚肉、蛋、竹筍。好少拉麵係配火炙豚肉，燒過係真係香啲嘅！拉麵除咗有得揀軟硬程度之外，仲有得揀直麵定曲麵。個湯底濃郁鮮甜，麵質好幼好滑。另外叫咗個炸芝士年糕（$28），都幾驚喜，好好食！外皮脆但唔太多油，入面就煙韌，一咬芝士就流出黎，邪惡但正！依間小店食物質素都幾好，又唔貴，值得支持下！

這間日式拉麵店就在舊商場內，全店佈滿貓咪的相片、圖畫和擺設，十分可愛，更令我想起在和歌山探訪貓站長的時光，如果此店都有個拉麵店長註守就好了！首次光顧就試最平的款式。落單紙只有麵質和直/曲麵給你選擇，調味就全交由師傅發辦。「魚介拉麵」（$78）包含火炙豚肉、味玉、蔥、竹筍和海苔。豚肉面層灑上魚介粉，拌勻後令湯底更加香濃。味玉浸在熱湯中咬開仍能保持流心，湯底鹹度適中，整體味道不會輸蝕給同區的拉麵店。此店有幾款日本果味碳酸汽水供應，我就點了「信州蘋果汽水」（$24），夠清新解渴。店員鼓勵客人將零錢捐贈，可惜我忘記問受惠機構是誰，是否與動物有關呢？

放工經過荃灣，行過荃昌商場一帶，打算搵一間小店食。路過見到呢間日本拉麵，感覺好吸引，決定一試。七點左右，幾乎坐滿。店員為我被安排咗bar枱。店舖裏面有好多貓貓裝飾，連牆上都有好多貓貓相架。款式方面，總共有五款拉麵，而家嘅期間限定係蕃茄拉麵，網絡都非常吸引。我揀咗櫻花蝦拉麵（$88)濃郁嘅湯底，配上櫻花蝦乾，味道地道，拍得住出名嘅拉麵店。麵方面我揀咗軟身直麵，相當有口感，而且掛到啲湯，出色！食完後仲要完全唔口渴，超抵讚。小食方面我叫咗日本炸年糕（$28)熱辣辣嘅日本炸年糕，咬落芝士流心，超級juicy。忌廉（$10)好地道的日本拉麵店，價錢親民，必試！

今日突然間好想食拉麵 於是乎我諗都唔諗就出左荃灣搵拉麵食🤣跟住誤打誤撞 比我經過商場見到一間裝修唔錯嘅拉麵舖 咁岩我又未食過 入到去仲有個靚位 可以望住廚師整拉麵 即刻忍唔住影左幾幅相先落單以下落黎介紹嘅係期間限定-完熟蕃茄大盛首先湯底係有微辣嘅蕃茄湯 好濃厚嘅蕃茄味 客人可以自己選擇麵嘅軟硬度 兩塊豚肉做得非常出色 有少少碳燒嘅味道咁 溏心蛋都煮到岩岩好 客人可以追加其他餸 仲可以㨂小食同飲品 飲品方面有驚喜嘅係呢間餐廳有日本果味碳酸汽水#荃灣美食 #香港ig #hkig #hkfoodie #food4life #foodporn #foodlover #lovefood #igfoodie #foodmadness #craveforfood #hungry #eat #冬陰生活日記 #冬陰生活日記_荃灣

荃灣拉麵店雲集～荃豐附近又有一好味店開店了幾個月，終於試了。他們的蔥山拉麵好出名。但我不是特別喜歡蔥，所以試了其他三款。（他們四款拉麵料同底基本上一樣，再各自加上不同味令他們各有特色。）魚介拉麵：魚介粉令本身已經好足味的湯底濃度倍增～味道一入囗一直接深入喉嚨。正～辛辣肉拉麵：辛辣肉粒令成碗麵激度上升，囗感好爆又野味～吃完成頭汗，爽～蝦拉麵：日本感最重，蝦令整體鮮。味。更佳，湯好順喉，絕對係我至愛～推～特別一提他們的义燒燒完後肉質依然好鬆軟，一入囗一咬已自然散開，肉面味粉燒香後令囗感有層次～荀也軟硬適中，有水準👍👍👍

友拉麵日式小店風格，富有日式拉麵店特色，而店裝修以貓咪為主題，有很多貓咪公仔同掛畫🐈‍⬛ 店內有多款拉麵，而且又有期間限定蕃茄大盛，最後揀左魚介拉麵 魚介拉麵特別餚製豬骨湯底拉麵，湯底好濃豬骨味，再加入魚介粉，更顯豬骨湯嘅美味，火灸豚肉、糖心雞蛋、竹筍及紫菜。日本糖心蛋流心又入味😋，拉麵可以選擇直麵或者曲麵，而且很有彈性，加埋薄切火灸嘅豚肉，更加美味到連湯都差不多飲清日式芝士春卷春卷外皮香脆，芝士係流心軟滑👍

荃灣真係一個有好多平民食肆既好地方今日食lunch行過荃昌中心既昌寧商場就揀左一間舖面睇落好舒服既拉麵店坐低一揭開布簾就見到成幅牆都掛滿左貓貓既相同畫d筷子仲要唔係普通木筷子 係有張有花紋既貼紙包住淨係坐低已經感受到店主既細心櫻花蝦拉麵 $88好鍾意食拉麵 因為食一碗麵就品嘗到好多口感同味道今次呢個拉麵既配料就有櫻花蝦、火炙豚肉、味玉、蔥、竹筍同海苔個湯底有濃濃既櫻花蝦味 好香好鮮甜 忍唔住飲多兩啖麵底可以自選曲麵或直麵同埋軟硬度我就揀左曲麵 因為比較有彈性配料既火炙豚肉燒得香噴噴食落口仲有種甘香添北海道炸牛肉薯餅 $28呢個牛肉薯餅一份有兩件仲要非常之大件！外皮炸到金黃鬆脆內餡既薯蓉同牛肉有好濃既牛油同奶香食一舊就已經飽所以已經點左大大碗拉麵既人建議兩個人share一份

行到昌寧中心，見到間鋪頭裝修咁日式，幾靚wor，又係我鐘意食嘅拉麵，咁就試下先。餐廳墻上放滿貓貓啲掛畫，陶瓷，勁得意😍😍 貓貓陪住我食拉麵。餐廳好日式風，睇落不大，不過又幾舒服拉麵有五款啦，期間限定要問店員係咩，拉麵可揀直/曲同埋生熟程度。拉麵質數唔錯，揀左普通熟都幾彈牙。湯頭好濃郁又唔會好咸。不過偏油少少。味玉真係不得了，勁流心。勁好味。忍唔住嗌多粒食。見到個豚肉火炙過，少少燒烤味，又淡淡哋，夾埋濃湯啱啱好。👍🏽👍🏽炸雞ok 不過炸衣多左少少，可能我減緊肥比較在意啲澱粉野。

辛肉碎拉麵 85蚊佢可能比客人揀直麵或者曲麵，我揀左曲麵。亦可以選擇硬度，我揀左普通硬。呢個麵好岩我口味，首先紫菜都好脆，配搭d麵一齊食好好味，湯底亦都又辛又辣，好好味。塊肉調味好好，好入味，我就最鐘意拎佢既肉再加一啖紫菜包住黎食，再飲一大啖湯，超好食。日式炸雞塊 28蚊食落好脆口好香口，仲要28蚊有 5大塊炸雞件，非常好食。性價比極高。店內裝修我都要讚一讚，好有日本風味，我一個人食心，真係可以好享受食物既時間。

偷偷話你地知我食左野先黎但仍然清左碗底無論拉麵定湯底都好用心出色環境設計貓咪控你一定要到貓咪既設計定成間鋪更加溫馨親切而且出餐效率都幾高佢地用左火炙更加香上加香而且隻蛋有相為證流心😍😍係我最愛啊口感特別嫩滑蛋香味超級濃郁湯底我其實想捧碗全部飲曬不過覺得唔係咁好意思就無做🤣🤣私下我係即刻whatsapp同鐘意拉麵既朋友力推😍😍打算同佢地組隊再黎嘆過#荃灣貓咪日式拉麵小店#你今日清左碗底未啊