友拉麵

营业中

休息中

今日經過荃灣呢個連環商場 發現咗呢間拉麵店鋪面望落都幾和風 就決定食返碗麵解解旅行癮一入到店入面就見倒好多貓貓擺設 同貓貓掛畫 相信老細同我一樣 都係一名貓痴今次叫咗最基本嘅魚介拉麵 ($78) 另外再加豚肉 (+$20)黎到先試一啖湯底 豚骨湯底加埋魚介粉味道都幾濃郁 重點係唔會得個鹹字麵揀咗普通硬禐度嘅曲麵 軟硬度適中 都幾掛湯豚肉肥瘦適中用火槍燒過 可惜肉太薄一夾就散哂比較有驚喜係糖心蛋 有蛋香 中間仲少少流心 

哩間位於荃灣既拉麵小店~開左唔係好耐~就係佢牆上面既貓裝飾~😍😍吸引左我入去食▶️蔥山拉麵($83)蔥山+火炙豚肉+味玉+蔥+竹筍+海苔哩個蔥山拉麵~愛蔥既朋友真係必試呀!!!!👍👍👍海量既蔥花放哂係拉麵既最上面~份量十足蔥花食落清爽唔會腍哂咁~夠哂新鮮~😋😋▶️櫻花蝦拉麵($88)櫻花蝦+火炙豚肉+味玉+蔥+竹筍+海苔拉麵湯頭主要以魚介湯為主~鮮甜得黎唔重味精🤤櫻花蝦哩碗更加多了櫻花蝦的香氣~令到成碗拉麵湯底味道更香濃~😋😋豚肉因為火炙過既關係~食落更加香口~厚薄同肥瘦都好適中~而且夠哂軟腍~另一樣拉麵既主要配角味玉都做得出色~🤩🤩夠哂流心呀!!拉麵有直麵同曲麵比你揀~今次我地2碗都揀左直麵~食落冇咁硬~另外麵質~都有硬~軟同埋普通3款口感比你揀~▶️日式炸雞塊($28)炸雞塊出到黎熱辣辣咁~脆卜卜既皮~咬落去仲好汁好juicy咁~唔錯唔錯👍

荃灣本身已經超級多嘢食，拉麵嘅選擇都唔少，平時都係去路德圍、大河道食嘢多，今次就去咗另一邊，位於比較舊少少嘅昌寧大廈試吓。門面好明顯嘅裝修，好易搵，一睇就見到，係好常見嘅日本拉麵裝修🍜蔥山拉麵 $83一上枱嚇親，係好澎湃嘅蔥山！因叫咗少麵，蔥多過麵夾麵/飲湯每一啖都有蔥，相信蔥粉食呢個拉麵會好滿足（湯底嘅豬骨味再多啲同濃啲就好啦）配料有火炙豚肉 + 竹旬 + 味玉 + 海苔兩塊- 竹筍份量頗多、偏大- 溏心蛋口感綿滑濃郁- 叉燒火炙咗好香亦唔柴另外，鋪頭提供嘅即棄竹筷子quality好好，好實淨無木屑，值得一讚

經朋友介紹，特意嚟這間小店試試。魚介拉麵$78拉麵一上枱，賣相都幾吸引，飲啖湯試試，有驚喜喎，誇張一點，湯底比很多現時出名的拉麵店更出色，豬骨味好濃，口感味道好豐富，再試試麵質，軟硬適中，义燒炙過，油脂味好香，相當野味，至於温泉蛋就差少少火喉，變左流心蛋🤣，但整個拉麵份量好足夠。免治雞肉棒$28小弟可能食慣咗燒免治雞肉棒，我覺得燒的肉汁會多一點，口感體驗會比較好，但這個都好食的，只係兩種不同體驗，個人口味而已。之後同老闆傾下偈，原來每日用一百多磅的豬肉、豬骨、豬腳等材料煲24小時，大約整到150碗湯底，唔怪得湯底咁濃，環顧現時香港的拉麵店，平均都要$80-$90一碗拉麵，另收加一服務費，而這裡不到$80/碗，性價比相當高，我會再去。👍

以貓圖片為主題的餐廳，充滿貓嘅掛畫，令人注目。一坐低的時候，我與女朋友就寫紙叫了3份熱食，分別係炸牛肉薯餅，蔥山拉麵和魚介拉麵。3份熱食裏面，最令我回味嘅係炸牛肉薯餅，賣相非常吸引，個人覺得小食更勝拉麵。接下來，我與女友的拉麵都逐一上台。我叫嘅係蔥山拉麵，呢款拉麵非常有噱頭，一嚟嘅時候同蔥好似一座山咁，而蔥亦切得平均，打卡一流，最重要係佢嘅蛋絕對係重點，流心的蛋的確唔錯。老實說，吃了後感覺飽肚，蔥味在口中，到睡前依舊留香。不得不提的必定是叉燒，絕對值得稱讚，唔似坊間嘅肉咁乏味，肉嘅表面被火燒左之後感覺突出，有種煙燻嘅感覺。相信大家觀看他人的食評，也特別強調叉燒。另一魚介拉麵湯頭較清，女友表示滿意。

荃灣都有好多好食既拉面小店, 今次係西樓角附近搵到間👍👍裝修牆身掛滿貓貓照片, 以貓咪做主題~~ 好治癒!!! 另外有透明度高既廚房,可以睇住師傅製作食物😎😎 感覺都放心d 😆今次揀左個櫻花蝦拉面, 價值HK$88, 表示好足料, 主要係包左隻溏心蛋,唔駛另外比多十至十五蚊加隻蛋🥚🥚🥚 而且每樣配料都好多🤤🤩面質仲有得揀硬身定軟身😌😌 湯底岩岩好,唔會太濃/咸,適合大眾既口味🤓🤓👍👍👍

店內感覺溫馨，牆上掛左好多貓貓相，甚至有貓貓食拉麵嘅畫，睇得出店主真係好愛貓🐱。🌖蔥山拉麵（曲麵） $83蔥山拉麵有火炙豚肉、味玉、蔥、竹筍、海苔，仲有不可或缺嘅「蔥山」。豚肉湯湯底味道偏濃同油膩，蔥山成功令油膩感減少；火炙豚肉嘅燒烤味太重，減返幾秒整體味道會更加平衡；豚肉係薄切，入口柔軟嫩口；味玉（半熟蛋）蛋黃呈橙黃色，蛋味濃郁。🌗［期間限定］完熟蕃茄大盛(直麵) $93材料與蔥山拉麵一樣，分別在於湯底。豚肉湯底加上完熟蕃茄，湯底有濃濃蕃茄🍅味，可能因為煮得耐加埋蕃茄真係完熟，所以湯底較杰身，酸味亦唔重，偏向似係茄膏嘅質感同味道。清新中帶點微辣，啱曬夏天食夠開胃。諗住曲麵可以掛多d 汁，但老闆推介直麵比較適合，感覺真係幾清爽。🌖北海道炸牛肉薯餅 $28薯餅炸得香脆，入口一滴油都feel 唔到👍🏻。薯餅入口唔算乾，但質地比較實在堅挺，個人比較鍾意creamy 同soft d ge 口感，加返多d牛奶 🥛會比較好。食完真係好飽好飽🤰🏻，建議細食嘅朋友都係食其他小食，例如免治雞肉、餃子🥟、炸雞塊等。

讚1.叫左蔥山拉麵，蔥真係好多，湯底啲味濃得黎又唔係煮反左果種，拉麵都爽口，基本功夫都做得好2.環境以呢幾個商場黎講算好闊落彈1.蔥似乎唔太新鮮，份口係無乜水份咁，另一問題係湯少，食到一半時啲湯已經被啲蔥吸走晒，食食下變左撈麵呢

今日行荃灣見到一間有heart嘅小店，店內掛上唔少貓貓嘅相片，吸引左我入去食，真係好可愛，食拉麵見到都會開心點。魚介拉麵我揀咗曲麵，湯底幾濃味，又唔會過鹹。湯頭順口不膩，拉麵上面灑滿蔥花，落左魚介粉，賣相不錯，可見係用心製作。火灸豚肉、味玉、竹荀和海苔，配料都幾豐富，食得好滿足。豚肉肥瘦均勻，口感軟淋，略帶焦香，正！曲麵掛湯效果會更好，幾彈牙，有驚喜！信州白提子味道酸酸甜甜，果味幾濃，有氣幾解渴。

店舖裝修好日式，全店遍佈貓貓飾品，睇黎老闆應該係個愛貓之人我地分別ORDER左蔥山拉麵（曲麵）同埋魚介拉麵（直麵），兩個拉麵嘅除左麵底同埋湯底唔同，其他配料都係一樣的。魚介拉麵湯頭較清，直麵食落無咁邪惡，而蔥山拉麵真係顧名思義係有一大堆蔥係面，湯底較濃同多油脂。叉燒食落同坊間嘅叉燒唔同，依到有種煙燻嘅感覺，幾特別。另外糖心蛋係煮的剛剛好，應該係係醬汁入面浸泡過，食落有淡淡嘅醬油味，係今餐嘅MVP！小食方面我地試左個炸牛肉薯餅，即叫即炸炸得好香脆，外脆內嫩，食落仲有啲似M記魚柳包塊魚柳，巧味～

吃貨日常❤️ 位於荃灣嘅「友·拉麵」 @friendsramen888 沿有蓋天橋可直達，非常方便🥰鋪頭顧名思義以日本拉麵為主食🍜雖然店面細小，但風格乾淨明亮，簡約而且配搭不同貓貓🐱掛飾、壁畫🤩💖 辛肉碎拉麵 $85（辛肉碎、火炙豚肉，味玉，蔥，竹筍，海苔）日本拉麵一般以豚肉或雞肉煮出湯底🍜拉麵份量唔少。挑選硬麵質，硬度剛剛好，好煙韌😋辣肉辣度非常足夠👍💖蔥山拉麵 🍜$83（蔥山、火炙豚肉，味玉，蔥，竹筍，海苔 ）一碗拉麵有一座山咁多嘅蔥花，都算罕見😆蔥花堆疊到成座山咁，係蔥迷嘅我見到已經覺得好興奮😍😍😍蔥香夠搶，蔥花食落新鮮，湯底味道濃郁，好味道😋😋另外，火炙豚肉明顯炙燒過，令薄切豚肉燒得香口，有微微肉香，質感軟滑，但唔太肥膩😍😍食物味道👍👍👍👍用心製作👍👍👍👍👍食物價錢👍👍👍👍服務態度👍👍👍👍👍地理位置👍👍👍👍LIKE總數 22/25

最近上網見到飲食男女推介呢間友拉麵好似唔錯 就決定同女朋友過去試吓 去到鋪頭坐低見到有期間限定番茄濃湯拉麵 就決定叫一個黎試吓 女友就叫左一個蔥山拉麵 同時追加左一份炸雞同埋炸牛肉薯餅 落完單後等左15分鐘先上左碗番茄濃湯拉麵 開頭諗住慢工出精品賣相都唔錯就算啦 先講湯底 番茄濃湯飲落好似水一樣 淡而無味 只食到辛肉粒嘅微辣 如果我係蒙住眼去試食睇唔到面前嘅肉茄 一定唔會相信係番茄湯！麵底亦都偏向太淋 口感缺陷！女友嘅蔥山拉麵一樣出現同樣情況 湯底一樣無味無膠質 相對黎講佢地做得比較好嘅反而係叉燒同埋唐心蛋 希望店家可以去考慮吓個湯底問題 一間拉麵店連個豬骨湯都做到冇膠質 冇味道 證明好食有限 最後一句如果我食緊嘅係50-70蚊普通麵店粗粗地當一餐都可以接受 如果係平均過百一位嘅拉麵店 我點解唔去食一生懸麵 質素好咁多

店外內都以木器裝修, 帶有日式風味, 牆身掛左好多貓既畫, 有真相, 又有手繪畫, 好得意, 可能店主好鍾意貓.有2人座位或者bar枱選擇, 坐位唔迫.魚介拉麵有拉麵款式同麵質可選擇, 仲有期間限定拉麵, 今日係完熟蕃茄大盛, 不過我叫左魚介拉麵. 麵款我揀左我鍾意既曲麵, 麵質普通, 曲麵質感好好, 湯底亦香濃, 叉燒好腍, 肥位有少少燶邊, 好香. 流心蛋熟度啱啱好.日式餃子皮唔太厚, 肉質不差, 加埋豉油醋, 好食喎!免治雞肉棒燒出黎好香, 呢款小食用黎送酒真係一流!忌廉

如果唔係友人帶路，都唔知原來荃灣地鐵站附近呢幾個商場咁多野食，仲好多野賣，掃完貨坐底食野就岩哂。魚介拉麵 拉麵可以選直麵或曲麵，香港唔係有好多地方有我最愛既曲麵食，呢度竟然有，麵質可以揀軟、硬或普通。湯底呈奶白色，湯底濃得來又唔會太咸，拉麵入面有魚介粉、火炙豚肉、味玉、蔥、竹筍和海苔。日式餃子 餃子皮夠薄，餡料有滿滿豚肉，唔會煎得太燶。日式三重芝士春卷 芝士味好濃，上檯時好熱，入面仲流心，而外皮炸到香脆。信州白提子碳酸汽水一打開就聞到陣陣白提子味，估唔到又幾好味。

有睇開我既食評都知道我係個拉麵控黎，今日黎到荃灣食朋友介紹既友拉麵入到去見到好多貓嘅掛畫，好得意！葱山拉麵🍜 $83首先講吓配料，有蔥，火炙豚肉，味玉，筍、紫菜等。蔥真係多到成坐山咁高，小弟相當之興奮！食落好新鮮，唔係放咗好耐，相信係即叫即整既，豚骨湯底味道濃郁！仲有得選擇我最愛嘅曲麵呀，真係好難先有曲麵食宜家！叉燒只係燒咗一邊，咁咬落去就唔會好乾！味玉半生熟 蛋同酒味剛好北海道炸牛肉薯餅外面炸到金黃，入邊嘅牛肉非常新鮮食得出同其他餐廳既唔同，又足料，咬落去外脆內軟加上好鬆化 必推！總結，$100內既拉麵有咁既質素真係好難得，下次一定要試埋佢個魚介拉麵！小食都有心做，唔係求其炸出嚟就算，希望呢啲小店可以keep住！