友拉麵

营业中

休息中

呢度有如去左小京都嘅拉麵店，好像貓愛吃拉麵嘅裝修，店內有很多貓嘅畫同裝飾🐈，老板相信好鐘意貓咪店內有4款主打拉麵🍜，加期間限定拉麵，而期間限定係完熟蕃茄大盛拉麵 今次選擇左櫻花蝦拉麵，入面有豚肉、味玉、蔥、竹筍、海苔，薄薄嘅叉燒滲入濃厚嘅豬骨湯底，豬骨湯底經過精心餚製味道濃郁，再加櫻花蝦，食到嘅味道有如係京都食拉麵般感覺🥰 日式芝士春卷流心嘅日式芝士春卷美味可口，外脆內軟😋店內筷子係獨立包裝，而且好乾淨

貓貓cafe就聽得多，貓主題拉麵店都係第一次聽。餐廳嘅牆上面都掛滿貓貓嘅畫，張張都勁有型格，貓奴必到打卡位！餐廳都幾貼心，有得揀直麵定曲麵，同埋可以選擇麵質，可以揀心水嘅軟硬度。魚介拉麵呢度最出名嘅其中一款拉麵，豚骨湯底加魚介粉。溏心蛋煮得剛剛好半熟，豚肉都好厚身，加上魚介粉，帶起豚肉同湯底嘅鮮味。日式餃子呢個餃子真係好好食，忍唔住一個人食晒一碟。皮夠薄，加埋滿滿豚肉，煎得好香脆，加埋少少醋，味道簡直係perfect！值得一提嘅係，老闆服務態度勁好，會同客人傾計，餐廳都有好多熟客仔，同老闆有講有笑，好有人情味。另一個bonus位係，收銀機後面有「香港拯救貓狗協會」捐款箱，俾錢果陣可以順便多多支持啊！

荃灣這個美食天堂實在不要少覷，想找小店幫襯，荃豐中心這一帶簡直有大量選擇，早就認識餃子屋，社區形式的小店經營又好味，今次再深入一格（因為這個商場是垂直連接的），找到一間很有日本小店feel的拉麵店—友拉麵。➡️ 小店不大，但座無虛席，我們都在外面等3張枱，證明它有一定保證，因為有些店舖空無一人。➡️ 櫻花蝦拉麵 $88，點了曲麵，比較粗，口感更煙靭。湯底不錯，帶淡淡蝦味，不咸不淡，份量亦多。叉燒都值得一讚，肥瘦適中，不乾不硬，喜歡！➡️ 蔥山拉麵 $83，點了直麵，較幼，個人喜歡較煙靭的曲麵。喜歡吃蔥的朋友一定要點蔥山拉麵，因為真的是一座山的蔥，份量很多，而且蔥的質素很好，挺新鮮的。➡️ 日式餃子 $30，還可，跟一般的沒太大差別

我個人覺得香港嘅拉麵水準其實都唔錯，當然係講緊轉系食拉麵嗰啲舖頭啦，價位都唔太低嘅，有拉麵我覺得係其中一間我食過唔會渺嘅小店！幾鍾意佢啲賣相及份量，例如係蔥山拉麵，嗰個蔥山靚到好似富士山（$83）咁，啲蔥又夠新鮮夠草青，完全係平衡到拉麵必會有嘅些少油膩。櫻花蝦拉麵（$88）就比較夢幻一啲，顏色都好靚，味道似乎冇蔥咁搶，可以品嚐到拉麵本身個湯底。最後就梗係講吓個叉燒啦，瘦肉肥肉都好平均，入口好軟腍，呢個加好多分！

之前剛剛開業嘅時候叫過一次外賣，都覺得好一般，但見其他人食評都唔錯，決定再俾一次機會佢。今次七點去到，餐廳坐咗三份一人，唔使排隊。見人哋話蝦拉麵OK，咁就跟啦。其實個樣都唔錯嘅，不過一黎就一浸鹼水味。面質都算OK。叉燒做得唔錯，火炙過，都好香。味玉都合格，略嫌唔夠味。衰在個湯底，唔夠味，好淡。拉麵嘅湯底真係第一重要！比外賣，堂食好好多，起碼份量多少少，同埋熱啲。不過真係稱唔上好食。都係果句，同區咁多拉麵，佢要再努力啲喇。讚嘅係間店支持動物，有介紹助養，有得捐款。

位於荃灣昌寧大廈嘅拉麵小店，店舖內掛滿貓貓嘅相片同畫像，邊等食物可以邊望住貓貓相，非常之治療😆🙈🍽魚介拉麵🍜呢個拉麵有魚介粉、2片豚肉、流心蛋、蔥、竹筍、海苔。濃濃嘅豬骨湯底加上魚介粉，令湯底鮮味十足😋，豚肉肥瘦均勻，流心蛋亦煮得剛好👍🏻 而麵質可揀軟硬度，亦可揀曲直🙈好有日本嘅感覺。我就揀左曲麵嘅普通麵質🍜 曲麵嘅掛湯力一流，啖啖麵都食到湯底嘅鮮味😋😍🍽北海道炸牛肉薯餅新鮮熱辣炸起，咬落去非常之脆，內餡好綿密，真正嘅外脆內軟🤤薯蓉忌廉嘅比例做得啱啱好，唔會太乾身，加上牛肉碎，一個字，正😆👍🏻🍽完熟桃子碳酸汽水🍑個人非常喜歡桃味，所有桃嘅副產品都會有私心😆 桃味都算濃郁，加上碳酸汽水嘅刺激口感，令人一啖接一啖，更加想一支接一支咁飲🙈🙈📣題外話，相片應該冇影到，筷子係立包裝的，乾淨又衛生。一打開包裝，有少少驚喜，唔係普通木筷子，喺筷子嘅頂端有紅色嘅和風圖案嘅只包住，小小嘅心思，就睇得出拉麵店有幾用心💕

講到本人拉麵嘅要求，大家都知道！今次來到荃灣聽聞呢一間幾好食，聽聞呢間幾好食咁就試吓啦，果然同傳聞一樣，真係幾好食！今次我嗌左蔥山拉麵🍜！估唔到真係蔥山，平時唔夠食蔬菜今次直接吸收足夠了！這個面有得揀直面同曲面，根據大家嘅喜好啦，硬度都可以揀，非常之細心我喜歡。一食落口就知道師傅肯定係喺最頂級嘅拉麵店學藝的，入口就知道呃唔到我銅鑼灣食神！飲品方面，信州白提子非常好飲，飲下你就知道呢個牌子幾好，唔係死甜。行過路過唔可以錯過！即入商場上一樓電梯就係！下次經過都要再食下

入咗黎荃灣，係天橋左穿右插之際見到間充滿貓貓佈置既拉麵店好吸引，內裡都放滿貓掛畫，相片，擺設，再望吓餐牌，價位合理，一於坐低食埋先返屋企🤪 🔸️魚介拉麵 $78只有5款拉麵可揀，拉麵可自選曲麵或直麵，我揀左曲麵，店員話曲麵即係彈牙板既公仔麵，入面有海苔2塊，味玉，蔥，竹筍同2片火炙豚肉。湯底濃郁，仲放左魚介粉係麵度，鮮味提升，豚肉燒過食落香好多，肥瘦適中，溏心蛋咬落好流心，蛋味濃，正👍 🔸️炸牛肉薯餅 $28上枱熱辣辣，一碟有2大塊，薯餅外脆，內軟滑，入口溶化，配上沙律醬食，可中和膩感又食得滋味😋

【貓貓x拉麵 】友拉麵今日係荃灣突然間好想食拉麵，搵到呢一間好特別嘅拉麵店，地方不大但寧靜，裝飾全部都是貓貓😍主食點了魚介拉麪，上面有火炙豚肉，我另外再追加叉燒😊，拉麪很爽有咬口，燒肉很軟很入味，配上熱辣辣濃湯和溫泉蛋，頓時有幸福嘅感覺！🥰 一個不錯的午餐選擇，一路食拉麵一路欣賞牆壁上的日式貓貓相片，十分輕鬆寫意。餐廳環境企理乾淨，服務員態度十分友善♥️友拉麵📍 荃灣西樓角路202-216號昌寧大廈1樓53-54號舖

係荃灣搵食都搵咗咁多年，要搵啲新餐廳其實都可以話有啲心得，今日去到昌寧中心，見到有個間未食過的拉麵鋪，個名叫「友拉麵」，睇落去門面乾淨企理，所以我一於入去試一試。裝潢方面，睇來店主都係愛貓之人，好多得意可愛貓的擺設，令人感覺開心。食物方面，我叫了一碗魚介拉麵，$78，料足份量多，湯底濃而不膩，而麵上的火炙豚肉，因為經過火炙關係，肉中油香滲哂出來，加上一個熟度剛好的糖心蛋，配埋硬度合適的直麵，簡直係完美的配搭！由於疫情關係，好耐都無得去日本，係我食緊呢碗麵的時候，再望埋周邊的裝潢，令我好似去返日本咁。另外，我仲叫咗一份免治雞肉棒，$28，一口拉麵，一口雞肉，兩種不同口感交雜，令我覺得好滿足。免治雞棒燒得恰到好處，醬汁與雞肉完成配合，令人一試傾心，值得同大家分享要點來食。

《友拉麵》呢間以貓貓作主題嘅拉麵店位於荃灣昌寧大廈，非常近地鐵站，方便易找，牆壁佈置貓貓相架同擺設，鋪頭乾淨舒適。🥢魚介拉麵拉麵以豚骨作湯底，味道非常濃郁，仲有魚介粉係面，拉麵嘅配料都好多，有紫菜、竹筍、火炙豚肉、海苔、仲有溏心蛋🥰 拉麵彈牙有口感，配料中火炙豚肉最令人深刻，肥而不膩且燒得很有油香。🥢牛肉薯餅牛肉薯餅的薯蓉很creamy，外層很脆，裏面很香牛肉味，薯蓉和牛肉融為一體，很好吃，以$28的價錢來說也很抵吃。友拉麵 (荃灣)荃灣西樓角路202-216號昌寧大廈1樓53-54號舖🔺🔺🔺🔺🔺🔺🔺🔺🔺🔺🔺🔺🔺🔺🔺

荃灣多嘢食就好多人知呢間拉麵舖喺屋村商場入面店面細細，都幾有日本氣氛價廉物美，比起其他連鎖拉麵舖，更值得試辛肉碎拉麵 $85今日想食啲重口味嘢，所以揀咗辣嘅個湯黎到紅卜卜，即刻淆咗試啖先，好彩，辣度啱啱好係點到即止嗰隻，唔會食到好辛苦肉粒好惹味，連埋個湯一齊食係，因為個湯偏傑身，所以可以話係食雖然重口味，但唔會好油我揀咗軟身嘅直麵，所以都好啱自己口味火炙豚肉雖然唔厚切，但超大塊足足有我手掌咁大竹筍爽口又吸哂湯嘅精華，正隻蛋係真係糖心架每個客人落單，店員都會好細心咁問要唔要走葱超加分！北海道炸牛肉薯餅 $28$28 有大大兩舊北海道直送薯餅炸而不油，我自己一個女仔都輕鬆KO雖然牛肉嘅份量唔算多不過薯蓉好綿，呢個價錢我接受架啦另外仲有日本果味碳酸汽水有成六隻味咁多飲落唔會好似普通汽水咁炸都幾都果香架仲有期間限定蕃茄味添配合番拉麵嘅完熟蕃茄嘅限定佢哋最出名係魚介湯，下次encore必試！

我最鍾意貓。呢度有好多貓嘅畫，好靚～🥰播住日文歌，好似去左日本咁。有吧台亦有普通枱櫈。有透明玻璃，可以睇到師博成個烹調過程。見餐牌有「期間限定拉麵」，好好奇係咩黎。店員話係「完熟蕃茄大盛」。就一於試試佢！麵有得揀直麵或曲麵。直麵係白色，曲麵係黃色。期間限定拉麵係用直麵做麵底，冇得揀麵底。另加海苔($5)。海苔共有4片，入口好香。期間限定拉麵($93)有好多蔥。麵嘅份量好多，起碼有兩個人嘅份量！一個人食好飽。麵質較腍身。湯底夠熱，過左好耐重冒煙。湯底由新鮮蕃茄製成，重有幾塊新鮮蕃茄，加上少許微辣，可以刺激食慾。👍🏻湯夠濃，產生掛麵效果～😍叉燒有兩大塊，塊塊勁大塊！😱燒過嘅叉燒入口有焦香味，肥瘦適中。重有原隻溏心蛋。一咬開，只見蛋黃呈半熟狀，半凝固的蛋汁緩緩流出～睇落好治癒～🥰食落蛋好滑。食飽飽可以自行斟枱上嘅檸檬水消化下。枱上有筷子筒，原來以為係木筷子，點知拆開有驚喜，係有花紋嘅木筷子🥢！花紋充滿日本風。估唔到咁靚，忍唔住影底佢！成間餐廳不論牆、枱或櫈都係用木造，充滿日系簡樸風。總括來說，呢間餐廳坐得舒適，拉麵質素高，值得一試！

櫻花蝦拉麵 $88麵底可以揀直麵或曲麵，我揀左曲麵，比直麵更彈牙，每一啖都沾上湯汁，湯底濃郁，有大量櫻花蝦淡淡蝦香味，太鐘意食溏心蛋，加多隻先得，一咬落去蛋黃流出黎，帶甜又香滑。蔥山拉麵 $83鐘意食蔥一定係必點，大量綠蔥多到遮住碗麵，名乎其名好似一座綠油油蔥山，每一啖麵都食到蔥花好爽口，極重蔥味，多左清鮮的味道，直麵口感較滑身，濃郁豬骨湯底唔會太油膩，追加左豚肉，薄切豚肉油脂均勻，燒到好焦香，好軟淋。

#友拉麵 #荃灣食好西位於荃灣嘅友拉麵，位置都好容易搵到，而且鋪面好靚 牆身充滿着貓貓相片 絕對係愛貓人之選☺️🔹櫻花蝦拉麵🌸湯底係超！濃！郁！勁啱我鐘意濃味既人，火炙豚肉好冧，旁邊既肥膏亦不會太膩☺️ 當然仲有主角櫻花蝦，蝦身夠乾，紅卜卜好搶眼，亦有足夠蝦味，味道就好似蝦米咁😚 呢碗$88 ，但咁高質，好值😎🔹牛肉薯餅 外皮炸得好鬆脆，入面亦充滿牛肉香，牛肉餡口感軟冧，點埋沙律醬食味道好夾！ ！ 🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺❣️ 整體評分: 9/10❣️價錢 : 120📍友拉麵 (荃灣)荃灣西樓角路202-216號昌寧大廈1樓53-54號舖🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺