叁茶陸飯

营业中

休息中

上個禮拜嚟來，排咗我半粒鐘，今日竟然唔使等位，無理由唔食呀!呢度樓底超高，即使呢度客人多講嘢聲大都唔會焗住晒啲聲，所以唔覺太嘈；座位又闊落，都好好坐㗎。食物飲品款式多，要嚟多好多次先至可以試得勻。上次主攻食雞，食咗塔香鹽酥雞、芝士蘑菇雞翼、經典三杯雞和香酥雞排蛋炒飯。今次個攻略係【主廚食紅燒牛肉麵 $68】、【金瓜炒米粉 $65】和【滷味拼盤 (細) $58】，飲嘢就歎吓【南投炭燒烏龍茶 $20】和【招牌四季珍波椰 $28】。上嘢好快，嘭嘭聲就送上【南投炭燒烏龍茶】和【招牌四季珍波椰】。【南投炭燒烏龍茶】烏龍茶味好出，有少少炭燒香味，好似仲加咗少少糖，所以隠隠飲到少少甜。【招牌四季珍波椰】呢杯冰茶茶底係淡淡哋甜甜哋，加咗少少椰子、台式珍珠，有得飲又有得食。【主廚食紅燒牛肉麵】本來想食紅燒半筋半肉麵，可惜賣晒，下次想食一定要再早啲嚟先得。食唔到心頭好，唯有退一步，食呢個紅燒牛肉麵，好彩呢個副選一啲都唔失禮。湯底唔油膩，清得嚟仲好有牛肉味。紅燒牛肉好鮮嫩，好腍滑，而麵質就帶點煙韌，口感唔錯。【金瓜炒米粉】炒米粉驟眼看是好簡單的菜式，其實要炒得好食都好考手藝，否則會炒埋一炷。呢個就炒得唔錯，

呢度我黎過幾次..食飯同小食都試過但最鐘意都係呢度既奶蓋飲品呢度地方好寬敞..所以同朋友tea推住bb車黎絕對容納到海鹽芝士奶蓋四季春青茶記得一開始唔好用飲管飲個奶蓋係有好香鮮奶咪同少少咸香..配上甜甜地既四季春青茶岩岩好同好清爽潮濕既春天好適合飲呢海鹽芝士奶蓋桂花綠茶呢款係有淡淡桂花味整體都唔洗叫少甜..本身佢地調較出既都唔太甜同飲到茶香味而奶蓋非常出色！我幾次同唔同朋友黎都大推奶蓋佢地都讚不絕口出面其他奶茶店飲唔到既味道而且呢度設有外賣！所以一到放學放工時間會開始見到有人龍等野飲！希望keep到水準如果飲品黎講我絕對會比好評！

放工同同事過黎試新野，之前x假期介紹好似好正咁，咁近就順路過黎試下啦。店很大，但坐位算迫，枱同枱間是相連的，而且店員強迫要坐滿一排，第一下感覺已麻麻枱上餐具新淨，亦有水樽自助，但張枱基本上擺唔落，隔離幾枱點小菜的紛紛把水樽放地上……有食客自己揀位坐，即刻被罵……員工實在不友善，可能新開業還不習慣，要把食客圈在一起才較易服務吧，哈哈，要圈養。不過店光猛簡潔，算是幾舒服。超大的店，後面還有一排坐位的，店內很乾淨沒有油煙味。台灣肉燥飯（$38）即點即到但都係熱辣辣㗎，幾乎全部食客都係點呢樣㗎。醬汁調味不錯，肉半肥瘦，飯軟腍。金瓜炒米粉（$65）同事點了炒米粉，是素的，米粉炒得乾身，少量南瓜絲冬菇絲調味，幾好味。熱黑糖珍珠奶茶（$25）同事點的珍珠奶茶，可以點熱有驚喜呢，奶味重好滑，只欠點茶味。海鹽芝士奶蓋炭燒烏龍茶（$28）自己點了芝士奶蓋，芝味不濃但奶蓋厚實，茶清香，不錯飲。黑糖芋圓仙草凍2號（$38）一心就係為芋圓而來，呢個真係抵食又好食，大大碗又夠甜，超足料。芋圓香口煙韌，珍珠有咬口，仲有大量仙草、紅豆、紫米等，口感豐富，一碗好飽肚。養生紅豆紫米糖水（$30）同事點個簡簡單單嘅紅豆沙，

今日同朋友嚟咗呢一間上網都好多人討論，亦都有好多人介紹嘅台式新餐廳！！所以我都好唔落後咁約咗朋友去食排隊其實都排左差唔多大概半個鐘，先有得入去！入到去，其實個環境幾好，坐得都幾舒服，而且樓底都唔矮，所以空間感幾足！之後我哋就叫嘢食，我哋叫咗個鹽酥雞，雞扒炒飯，滷肉飯，三杯雞，豆腐皮蛋，同叫咗兩杯奶蓋飲！飲品方面，其實我覺得唔錯，奶蓋嘅味道都相當之濃郁，而且唔會好少，係香港來講既奶蓋黎講確實算係幾好！不過嘢食方面就麻麻份量，首先唔多而且味道亦都冇我想像中好食！豆腐皮蛋尚可，鹽酥雞外皮唔夠鬆脆，雞扒炒飯嘅炒飯都無咩味，感覺同塊雞扒都好唔一致。滷肉飯嘅味道亦都唔算香濃，三杯雞就不過不失，食物方面來講確實冇太大驚喜！所以都係比較建議大家可能係外賣方面叫杯奶蓋就算，嘢食方面就唔算特別～～～

相約友人於荃灣飯聚順道拜年雖然是年初三可是仍有不少食肆已經開了 呢間位於8咪半商場既 叁茶陸飯 就係其中一間 雖然說台灣式但餐單上港味甚濃年初三時節仍有套餐可選算是良心食店一行三人都點了香酥雞扒飯餐 雞排應該是即叫即做吧 因為上枱時還熱而且皮仍是有點脆香不過就是略嫌有點乾或許是n_cc喜歡有點汁的 比較好送飯吧 配菜倒是不錯雲耳酸酸的有點特別豆腐乾嘛就是一件普通的豆腐乾跟餐有杯餐飲 n_cc點了黑糖珍珠炭燒烏龍奶茶 味道不會太甜黑珍珠也蠻多的飲得出烏龍茶香味不過略為覺得唔算好突出不過總比普通珍珠奶茶來得特別 同行既友人則分別點了四季水果茶以及奶茶 水果茶果真用了蠻多的水果來沖調有蘋果、橙以及西柚友人感覺就是水果味重既茶而已其實餐牌上還有小食以及甜點可惜小食沒有大驚喜而同行既友人對於甜點沒有大慾望 唯望下次等友人卸貨後再去吧~ Cha Fan 叁茶陸飯 地址: 荃灣中國染廠大廈新城1樓117號舖

六月應該會是我跟車爸爸17年後再出城去旅行的日子！而揀選了台灣遊皆因當也美食遍地開花，古早味的有、新派菜亦有、當然還有我喜歡的麻辣火鍋講起也興奮莫明呢！但期待旅程的同時不如法吃頓台灣風味午餐止止癮吧！ 地點正是中染新城內的叁茶陸飯 CHA FAN 門口除接待處外還有台式飲品外賣位置，行過口喝的客人也可點杯手搖茶來享受一下！ 而店內空間頗足亦夠高樓底！但除了卡座外檯與檯的空間就太親密了，是提醒我係時候減肥是嗎？但整體的裝潢也算清雅潔淨！ 牆上一句簡單的問候令我對餐廳有不錯的第一印象，不過這兒的工作氣氛令作為客人的我也感受到壓力，絕對不是我喜歡的感覺！！ 午市Lunsh Set由12;00~17:30供應，想吃Late Lunch的朋友也不愁沒得吃！用點菜紙選好心水食物，不消一會便有得吃了！ 我點了懷舊排骨飯套餐＄68，另用＄22(原價＄28)追加我喜歡吃的台灣腸，飲品則選了凍蜂蜜檸檬四季春套餐＄28(原價＄36)，成份套餐也很足料看上去很不俗耶！ 台灣腸由兩條開三而成感覺有點小家，好奇一問單點份量是多少原來是雙倍！但價錢都只是差＄6有點.....，不過對我來說重點是味道，可惜台灣

好耐冇嚟過中染新城, 發現呢到多左好多餐廳😂見倒呢間台灣嘢裝修幾得意就份嚟試下。呢到幾藍色做主題, 隻碗好靚。叫左個卤水拼盤, 唔會太咸。大愛金錢肚。特別推薦呢到再嘅鹽酥雞, 唔會大舊咁樣。細細粒脆得嚟又唔會冇左啲肉。牛肉面個湯底都唔錯, 啲牛肉都偏淋身唔會要趙得好辛苦。魯肉飯略嫌啲肉唔夠肥, 但係整體調味都唔差。最中意係佢個炭燒珍珠奶茶。炭燒味好香。啲茶都飲得出係靚料。會翻頭飲。總括而言, 呢間台灣野性價比幾高。坐得舒服, 價錢唔貴, 味道都中上。適合朋友聚會❤

呢間餐廳主打台式食品，裝修風格都幾少女，位置夠多，幾有規模，唔講仲以為係連鎖餐廳。裡面夠光猛、闊落，晚飯時間都有好多後生仔女幫襯，可能呢區冇咩台灣菜，而且台式野一向都受年青人歡迎。是日OT完都已經9點幾，仲未食個野，急急腳點左幾款，包括台灣必食嘅鹽酥雞、紅燒牛肉麵、肉燥飯，再加左杯海鹽芝士奶蓋炭燒烏龍茶。鹽酥雞最先上枱，細細粒，望落份量都幾多，以小食而言，45蚊，都算多。睇落就唔係好熱氣果種，未算炸起熱辣辣咁，略嫌鹽酥味唔強，表皮有少少硬身，唔夠鬆化。海鹽芝士奶蓋炭燒烏龍呢類台式飲品大行其道，奶蓋質素算中上水準，因為香港飲到好多奶蓋一係就稀杰程度唔夠，一係就冇味道。咁呢度嘅奶味都幾重，唯獨欠奉芝士同海鹽鹹味。但杰度剛好，又唔會太水，烏龍茶都幾有茶味，廿零蚊飲得過滷肉飯比起阿元、程班長呢D份量較多，肉燥肉粒亦多，食落唔係太鹹，但唔知點解好似食緊珍珠雞咁嘅味道。仲有半隻滷蛋，口感結實，三十零蚊我都唔要求主廚紅燒牛肉麵用左牛腩，份量都幾多，食落lum，仲有兩棵菜點綴下。麵質我幾鐘意，覺得幾好食係質地有彈性，唔會死實，食完都唔會好飽滯。湯底清澈，油份唔高，但紅燒味要加強，並且有少少香辣就正。佢

之前想去好奈，1個月前日日好多人，今日見唔哂等位就專程試試！無估到個魯肉飯既肉質好硬，汁係夠，但唔香，上台微暖，熱啲更好，整體好普通，亦有點失望，因主打台灣食品。店內推介既黑糖奶茶夠大杯係驚喜，但茶同奶比例好似唔夾，喝下好明顯淡到茶還茶味，奶就有色無味，奶茶感覺係分開左，好似比左杯白色既水我甘，好失望，飲唔落最後飲左10分3已經收工，為獨職員夠有多，回覆查詢同落單夠快，環境都好靚，抬天燈既設計都好靚，但甘伏唔會再來有朋友請都要三思！

環境：👣👣👣食物：😋😋😋😋態度：😊性價比：👍👍👍環境方面，光猛，地方算大大地，只係枱同枱之間太近，我中等身材側身過岩岩夠過。食物方面：牛肉麵，肉好稔，湯好濃，五香豆干好硬，菜圃無乜味。口水雞：暖的，雞肉嫩滑，味道ok芝士磨菇雞翼：好油，芝士甜甜地，就咁雞翼d肉好食過夾埋芝士磨菇。三杯雞：味道ok，重薑味，不過未熟⋯⋯，椰菜好硬⋯⋯彰化紅茶：唔澀，有落甜味，清清地，唔錯茉莉綠茶：好重茉莉味。態度方面，一開始比左一張點餐紙佢先，然後朋友到再比另一張加單，朋友好心，話佢知加左邊樣，佢話：「得架啦，識睇架啦」。過左一分鐘後，另一個男既拎住張加單走黎問我地叫左邊兩樣⋯我朋友個麵同後加既都到曬食緊，我見咁耐，怕漏單，好有禮貌叫佢幫我睇睇，男既部長印張單黎話：「您差唔多三點先叫，無咁快」（我2.56叫，問既時候3.08），其實我見加單都到曬，set lunch都未到先咁問，怕漏單，5洗咁既～結果差不多3.20分先到

The restaurant is located at the refurbished office building next to the Discovery Park Mall. Restaurant has many seatings with a modern simple interior decor. The place was very busy and often needed to wait for seats during lunch hours when they first opened. Especially when they had a introduction video via a media source.The restaurant focused on traditional Taiwanese flavours with a street food flair. The place serves family style Taiwanese dishes during dinner time as well.The set lunc

知道這間台灣餐廳開門營業不到一個月，就去試試！想食到台灣美食，大家都想到去夜市！打開餐牌，簡簡單單，但就正正有著想到台灣，就想到這些食品，如鹽酥雞，滷肉飯，牛肉麵，台灣香腸！這我們都點了！另外也點了鳳䔧蝦，包滿了醬汁，不大分得清蝦同配料，所以一邊食，一邊計，究竟用上幾多隻蝦，第一口，大大隻蝦球，果然新鮮，總共十隻，大小相約，沒有偷工減料，值得推介！另外點了菜圃蛋，這還花少少心機的家常菜，菜圃用量適宜，蛋也煎得剛好，要做得好食並不容易！

之前經過門外等候人流眾多 所以就放棄咗今日經過人流比之前少 可能已經過咗寫字樓食午飯嘅時間 一於入去食少少嘢填飽個肚先餐廳已台式美食為主打 你諗得出嘅台灣美食 都可以喺呢度搵到例如魯肉飯 牛肉麵 鹽酥雞 珍珠奶茶 應有盡有 唔使飛去台灣 都可以食到台灣嘅美食 其實住喺香港都幾幸福香酥炸雞扒 原塊大大嘅炸雞扒 外皮炸得又酥油香 中間雞肉依然保持嫩滑 而且帶有肉汁塔香鹽酥雞 鹽酥雞份量都幾多 即叫即炸熱辣辣 細細嚿易入口 脆皮外嘅味粉愈食愈惹味 食到停唔到口滷味拼盤(小)有雞翼 牛肚 豆干 豬腸 底下還有大量花生鹵水汁上算做得唔錯 甜味及鹹味適中 滷得入味剝皮辣椒雞湯初時以為剝皮辣椒做嘅湯會有辣味 原來係冇㗎 一啲都唔辣 反而有好香嘅雞味 味道鮮甜 唔似落咗味精 而且真材實料 有幾舊雞喺入面

店舖好大好開揚，感覺似係新派cafe，是食台灣料理，裝潢設計風格新潮，適合文青打卡坐下來就點左經典三杯雞套餐同黑糖芋圓仙草凍三杯雞入味好吃，份量夠多😋仲有配菜飲品係南投小農紅茶紅茶唔太甜，解膩好喝👍到左我期待既甜品時間🤤🤤🤤黑糖芋圓仙草凍！！！有芋圓、綠豆、珍珠、仙草凍同紫糯米五款口味都只係$38 抵啊！仲要好大碗，2人份量咁架！店員服務親切細心，上菜速度快，食物溫度夠熱。誠意推薦大家一試

星期六放半晝 打算食啲嘢先返屋企 行過見到呢間餐廳門口人頭湧湧 應該係新開冇耐 一於入去幫襯餐廳以台式美食作為主打 門口位置仲有外賣台式飲品 當然堂食都可以啦餐廳入面地方非常闊落 樓底好高 完全冇侷促嘅感覺 裝修時尚又帶點休閒 整體感覺舒適一個人最啱就係叫個lunch setE set: 秘製糖醋魚柳飯套餐$78餐廳送餐時間快 飯餸還是熱的套餐包括 一大碟糖醋魚柳 時菜 豆腐乾 及一碗白飯相當豐富先說說魚柳塊 魚柳外皮炸得香脆 又薄又鬆 魚肉依然保持肉汁 糖醋醬酸甜度適中 能夠消除炸魚柳嘅油利感 整體酸味味好開胃蔬菜正常沒什麼特別豆腐乾有煎過 外皮變得香脆 中間紮實 口感層次分明跟餐加咗杯$20嘅 海鹽芝士奶蓋炭燒烏龍特飲原價$28 跟餐減$8呢杯嘢真係超好味 上面嘅芝士奶蓋 好creamy 有少少鹽味 又甜又鹹咁 好特別烏龍茶味非常香 仲有好香嘅芝士味 兩者配合得非常好 非常推介