叁茶陸飯

是日食台式餐點，叫左個限定二人套餐，包括一款前菜同兩個主菜，附送兩個靚仔同飲品，升級特飲可享半會優惠。環境舒適，服務親切，飲品有創意又有驚喜，下次會再去試埋佢哋嘅甜品！🌖皮蛋豆腐豆腐上面鋪滿肉鬆，份量多到爭啲見唔到豆腐，肉鬆豆腐配埋皮蛋一齊食，加埋醬油膏鹹中帶甜整體有層次感～ 啱曬而家咁炎熱嘅天氣。🌗經典三杯雞煲一上枱香氣已經撲鼻而來～三杯嘅靈魂（麻油、米酒、醬油）發揮得淋漓盡致，雞件索晒汁，每啖都係濃郁惹味，好啱重口味人士🤤 不過略嫌偏鹹，建議配白飯一齊食，完美中和！🌖鮮味海鮮豆腐煲呢煲就清鮮得多，用料唔手軟，有蜆、蝦、魷魚、魚片，魚片滑到好似豆腐咁，豆腐本身就有啲煙韌感，似足介乎於硬豆腐同魚片中間嘅口感，好特別～湯底唔重味，但就飲得出海鮮精華，有種溫和嘅鮮甜👍🏻。🌖古早味綠豆沙牛奶 +$21.5綠豆沙牛奶有少少草青味，不過重點係個奶蓋，好厚好綿，飲落仲有淡淡奶香，層次感不錯！🌖開心果脆脆四季春茶 +$17Wow！開心果奶蓋真係市面罕見，一見即點😆！ 奶蓋係真心濃郁，開心果味好突出，唔係得個名～今次最大敗筆就係我手賤揀咗少糖（70%），結果飲落太甜，如果你唔係螞蟻人建議揀半糖甚至三分糖，咁就perfect啦～-…查看更多

成日在8咪半樓下等巴士，都會行上商場消磨時間。屢次經過這間「叁茶陸飯」，今晚剛好得舊同事相約，終於有機會進去試試！餐廳牆上的霓虹燈卡通幾可愛！光顧的時間尚早，所以人客不多，後來就逐漸有客人到訪了。雞翼有4隻，經香炸處理。外皮炸至金黃脆香，帶著孜然粉的香氣。雞肉香口，不會因香炸而變得太乾身。頗為惹味！雞件與乾葱、蒜頭等一同炒香，味道十分濃郁！入口有醬油的鹹香味之餘，還有陣陣九層香的獨有氣味，味道充滿層次。雞件甚為入味，佐飯一流的一道小菜！鴨血豆腐煲上枱時附有小爐熱著，保持著食物熱度。鴨血、豆腐份量都頗多。鴨血質感滑溜，而豆腐就口感紮實綿密，2者都非常索汁。味道很香，而且後勁的麻辣感都幾強，幾過癮。之前光顧其他分店已經飲過，覺得幾好飲，所以再encore。開心果奶蓋濃稠厚實，開心果香氣很濃郁，還伴上開心果粒粒。配上茉莉綠茶，有清茶底的中和令甜度剛好，不會過膩。…查看更多

約朋友談天傾偈，佢唔介意過來中染食飯，我就帶他食平時中午或者OT首選的叄茶陸飯。 餐牌有好多種類可以選擇，有雞煲，烤魚，二人火鍋，十大台灣美食推介，仲有好多糖水選擇。 因為我好鐘意食鳳梨黑醋骨，單點都92，所以比佢二人套餐吸引了視線。 二人套餐，$278有一前菜，兩款小菜，二碗米飯，二杯飲品，可以加錢轉其他特色飲品。 他們上菜速度好快，點左一陣就有野食。 前菜就點左皮蛋豆腐，喜歡他在放上肉鬆，灑上甜甜的醬汁，夾著豆腐食，又軟又有咬口，真很配合。 皮蛋的蛋黃係流心的用來送飯也很不錯。 鮮味海鮮豆腐煲，用料十足，有大大隻蝦，蜆，尤魚，加埋西芹，香葉等配菜炒起，有鑊氣，味道重，用來配飯剛剛好。鳳梨黑醋骨，新鮮菠蘿粒加上炸好的一口排骨粒，均勻沾上黑醋汁，味道重，用來配飯剛剛好。食完又食，食極都仲有，數量好多。餐飲我推介朋友飲髒髒朱古力珍珠奶茶，因為平時我最喜歡飲這個，濃郁香滑的厚厚朱古力，配上軟硬適中的珍珠，好滿足。 我自己就點法芙娜朱古力珍珠奶茶，這款就是普通的朱古力加珍珠，比較普通。下次可以點他的海鹽系列，或者點十大推介的芋圓/豆花系列來試試。 兩個人的晚餐都係$350左右，餐廳樓底夠高，空間感大，無人趕你走，可以慢慢傾偈，係油尖旺應該好難搵到。 滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…查看更多

Cha Fan is a Taiwanese bubble tea chain with an assortment of Taiwanese dishes. We went to the Tsuen wan brand as their menu/ad jumped in our face.We jumped on this season hype about pistachio and ordered Amber oolong tea with pistachio cream cheese on top & Jasmine green tea with pistachio cream cheese on top. The waiting time was around 10 minutes. The place was not busy around lunch time on a weekday.The pistachio cream cheese was quite special as you usually only find „normal“ cream cheese. The jasmine green tea taste was a strong brew. We would love to try out the other food they have like for instance the Taiwanese sausages or tofu. …查看更多

啲豬扒好乾，好柴皮，似翻炸咗好多次啲滷肉飯好濕，汁多個肉杯嘢飲貨不對辦，嚟嘅時候同餐牌上面嘅顏色完全唔同，杯嘢得啲奶，好失望仲要收加一，真係好唔合理茶木好食過佢好多…查看更多

平時叫開外賣食，食物正常，今日放假就試下堂食。但服務體驗好差，落單2分鐘就嚟左碟小食，幾好味嘅，諗住佢即整都要d時間。但主食20分鐘以上無野食上，舉手叫侍應，我都未開聲侍應第一句就話埋單係出面。同佢講野食無上到，佢拎左張單入廚房就無出過嚟，等左5分鐘再問另一個侍應，入去check完就講左句唔知點解廚房無你張單。過多幾分鐘就出野食，話廚房有餸嘅。如果真係無左張單又會出到小食？仲要唔好意思都無句完全當無事發生，令人覺得佢地當漏單好平常。…查看更多

熱辣台式風味！總廚力推「夜市臭臭鍋」🥘少辣湯底辛香醒胃，臭豆腐「臭」而不攻鼻，配肥牛、嫩滑鴨血、豬肉片、金針菇等豐盛配料😋香煎韭菜餅外脆內爆汁，韭菜鮮香撲鼻；蟹柳粟米起司蛋餅拉絲誘惑，蛋香裹着蟹柳甜味，芝士控必點🤤甜品驚喜「黑糖芋圓仙草凍」完美收尾！手作芋圓煙韌、仙草滑溜，拌着燕麥紅豆珍珠，黑糖香醇不死甜，冰涼解膩😍✨ 推介平日會員價$388：二人享火鍋+小食+蛋餅+甜品，再送旅行收納袋！…查看更多

「叄茶陸飯」位於中染大廈一樓，附近有泰國菜餐廳🍴同時有呢間主打台灣菜的餐廳🍴裝潢新有特色，佔地面積大，光猛明亮，潔淨衛生，還會一直播緊台灣金曲，根本是回憶殺。食物方面價錢合宜，份量十足。花生酥娟豆花：豆花口感滑嫩，帶有淡淡的豆香、搭配紅糖漿，花生酥通常由花生、糖、麥芽糖等製成，口感酥脆，花生味濃郁，甜中帶咸，能為柔滑的豆花增添對比口感整體甜而不膩，豆花的清淡能平衡花生酥的甜度，花生香氣與豆香融合，形成堅果與豆製品的雙重醇香塔香鹽酥雞：外皮酥脆，咸香帶辣，鹽酥雞的外皮通常裹上地瓜粉或特製炸粉，炸至金黃酥脆，咬下去會“咔哧”的脆感，重點炸粉真係台灣空運，主調是椒鹽、五香粉、蒜粉** 為主，咸中帶微辣，而九層塔在高溫油炸後，香氣更加濃郁，帶點類似茴香、薄荷的清香，和雞肉的油脂香完美結合。酥脆外皮 + 嫩滑雞肉 + 九層塔的清香 + 椒鹽蒜香的調味，非常上癮！ 柯仔煎：鮮甜的蚵仔是靈魂，小而肥美的珍珠蚵，入口 鮮嫩多汁，帶有海洋的鮮甜味，不會有腥味。 外層微酥、內里軟糯Q彈** 的口感，有點像粿或年糕的質地，但更輕盈。椰菜平衡油膩感，帶來清爽的蔬菜香。 夜市冠軍三杯雞燴飯：一杯麻油、一杯醬油、一杯米酒，燉煮後醬汁濃縮，醬油的醇厚咸味，帶點微微甜感。麻油香氣，黑麻油爆香薑片和蒜頭，香氣濃郁，有微微苦甘的層次。米酒甜味，酒精蒸發後留下甘甜，中和醬油的咸，讓醬汁更圓潤。三杯雞的醬汁會 勾薄芡淋在白飯上，讓米飯吸飽湯汁，吃起來 **滑順濃郁，但不會過於黏膩。 台式牛肉麵：濃郁湯頭、軟嫩牛肉、Q彈麵條。醬香濃郁湯底加入八角、花椒等香料燉煮，湯色深褐帶紅油。 微辣甘甜，豆瓣醬的發酵鹹香與糖的平衡，尾韻帶點辛辣感，白蘿蔔、洋蔥、薑片燉牛骨，湯色清澈淡黃，突出牛肉本身鮮味。 牛脂肪較多，入口即化，油脂香氣濃。半筋半肉，筋部膠質化，咬下黏糯，肉部吸飽湯汁。 總結：食物質素 環境氛圍都好吸引朋友聚會一流…查看更多

放工想食台灣野，呢間餐廳有台灣廚師，主打台式野，有我想食嘅牛肉麵，麵仲可以加錢轉刀削麵。叫左一個牛肉麵、一個孖寶（牛筋，牛𦟌）轉刀削麵，湯底一樣，但麵有大不同！雖然本身麵條都好食，但刀削麵身粗又滑好多。牛筋好大舊，比牛𦟌淋，淆到個湯底好濃好香，幾正宗。煎韭菜餅1客有4個，煎香軟糯，餡料仲爆汁。至於台式飲品黎講，價錢尚算可接受，一杯珍珠奶茶$27，好多黑糖珍珠，甜度適中，奶香滑。呢度甜品都幾多嘢揀，窩夫、糖水都有，今晚食咗個紅豆紫米糖水加芋圓，料多，都幾好食，$40算合理。…查看更多

在這邊上班的想喝台茶通常跟這家買我想說的是這家的珍珠煮得不錯的不會太甜，也夠煙韌飲品可以選無糖實在太好了！吃晚飯我倒是沒試過今天第一次試要好好紀錄一下價錢中規中矩啦不算很貴就一般台灣食店的價錢台灣的各類美食小吃也有，可以過足癮台式牛肉麵湯豆呈少許紅色但不算辣對我來說可以再辣一點點的牛肉份量不俗，有驚喜牛𦟌入味，有口感，不會太乾也不會太腍（個人口味，我喜歡這種口感啦）麵條也ok，份量適中印象中可以加錢換麵條為刀削麵或新竹米粉古早味新竹炒米粉這盤超級巨大… 😂兩個人吃差不多新竹米粉之所以受歡迎就是其彈牙和嚼勁炒新竹米粉，太濕太多油也不行這裡水準不俗的👍花生酥絹豆花可選熱或冷，豆花夠滑花生酥是一顆拷脆的花生糖兩種口感同時享受到南投小農紅茶關西仙草奶茶不用多介紹，經常點的兩款😋可選無糖加珍珠$5堂食我比較少餐廳內裡原來挺大，衛生ok服務有點冰冷，我也沒什麼要求就是了…查看更多

同朋友嚟到八咪半商場，唔知食咩好，見到呢間台式餐廳都幾多選擇，就行入去試吓佢嘅假日午餐🍱【香酥雞扒配白飯】💰78,+8轉肉燥飯原塊雞扒都幾大塊，外皮煎得好酥脆，雞扒肉質仲係嫩嘅，一啲都唔柴，值得一讚👍🏻另外仲有醒野菜，小菜有菇同青瓜，調味ok幾開胃。本身以為肉燥係會淋咗喺白飯上面，點知原來係分開另上，份量都算ok，唔會話得少少唔夠撈飯食。【海鹽芝士奶蓋茉莉綠茶】💰20(套餐減8蚊)野飲嗌咗餐廳推薦嘅特飲，好大杯，推薦😂…查看更多

呢間餐廳氣氛唔錯，啱晒同朋友輕鬆聚餐。蚵仔煎外皮煎得香脆帶Q彈，內裏鮮蚵肥美多汁，搭配青菜增添口感。淋上鹹甜微辣嘅特製醬汁，味道層次豐富，令人一口接一口停唔低。鳳梨黑醋骨酸酸甜甜，幾開胃，肉質鬆化，配埋菠蘿更加開胃，食落有驚喜。台式拌麵牛筋牛腩夠入味，麵條彈牙，醬汁掛麵好平均，食完有台灣小吃嘅感覺。飲品方面，芒果海鹽芝士奶蓋賣相吸引，奶蓋香滑，芒果味清新，珍珠煙韌唔會太甜，幾有層次。價錢方面，人均消費大約$160，雖然唔算平，但偶爾同朋友聚下都可以接受。整體嚟講，味道有驚喜，環境舒服，值得一試！…查看更多

呢間台灣餐廳真係好有特色，裝修新穎，環境舒適，令人有種放鬆嘅感覺。價錢合理，對於份量來講，真係相當划算。我試咗滷水五寶刀削面，面條滑溜，滷水嘅味道濃郁，配搭嘅五寶材料新鮮，食落去好滿足。再嚟一碗鹽酥雞台灣面，鹽酥雞外脆內嫩，雞肉多汁，搭配香噴噴嘅台灣面，口感非常好，令人一口接一口。最後，我仲試咗三杯雞飯，雞肉吸滿咗三杯醬汁，味道濃厚，米飯亦都吸收咗醬汁嘅香氣，每一口都好香滑。份量相當大，真係食得飽。呢間台灣餐廳無論係食物質素、環境氛圍或者價錢都好吸引，非常適合朋友聚餐或者家庭聚會。下次一定要再來試其他菜式！…查看更多

假期又同男友去咗荃灣一帶食晏晝，行到中染大廈見餐廳入面有位，又突然想食台灣菜，所以就入黎坐低搵野食。睇餐牌都算多嘢食，假期有假日午市套餐，我又叫咗我最鍾意食嘅老壇酸菜魚，套餐加錢可以配刀削麵。刀削麵切得薄薄的，一碗仔份量原來都幾多，而酸菜魚更加係一大碗，入面有芽菜，腐皮、紹菜、芫荽辣椒等配料，魚片切得厚薄適中，肉質鮮嫩。湯底超正，麻辣味同酸菜味比較麻辣味較重，係我既至愛。男友就叫咗個鳳梨黑醋骨配肉燥飯，呢個餸竟然好有驚喜。賣相有啲似咕嚕肉，但味道更正，黑醋骨勁有咬口，口感超正，黑醋味大甜，一啲都唔酸，而鳳梨係用新鮮菠蘿🍍，我同男友都讚不絕口。套餐野飲只有紅茶同綠茶兩款，我哋叫咗一熱一凍南頭小濃紅茶☕️。…查看更多

🐇復活節食番個台灣料理開心下🥳呢度充滿住台灣氛圍嘅餐廳🍴好開心呀😍🔥鹽酥炸物拼盤：呢個拼盤有晒我哋最鍾意嘅三寶✅烤完仲熱辣辣嘅台灣腸真係無得輸呀❤️鹽酥鷄個個香味同夜市味道一樣咁好食🤤炸地瓜條仲好甜好新鮮添💯🍱古早味滷水拼盤：估唔到滷水拼盤都唔大份👍最欣賞係佢個滷水豆腐👍豆腐索曬d汁好入味呀💯唔錯呢🥳🍜台式牛肉麵：呢個台式牛肉湯麵真係充滿台灣風味👍特別係個湯頭❤️蘿蔔朔晒啲湯汁✅湯頭甜甜地又係帶有微微酸酸辣辣💯好惹味呀🤤加埋爽口嘅牛肉同彈牙嘅麵條😍好推介呀🥳🍲台式肉燥飯：味道唔錯👅肉燥肥瘦適中✅碗飯入面仲有蔬菜同草菇添🥬🍧小確幸豆花：見到豆花已經超吸引🤩今次仲係叁茶陸飯 X 山海豆花mata tofu pudding🍯我都叫咗兩個口味🥳我自己就揀咗個養顏恩物嘅桃膠絹豆花💯呢個啱曬女仔食呀✅另一款就揀咗人氣伴手信綠豆花生酥嘅花生酥絹豆花🥳充滿往幸福嘅感覺❤️🍹開心果脆脆奶蓋茶：呢期開心果迷真係勁開心🥳呢度都有由台灣甜點師主理嘅茶飲✅佢哋用上等意大利軟芝士同日本開心果醬🍯奶蓋口感順滑綿密❤️加埋頂級茶葉🍀帶來獨特嘅味覺享受呀👍茶款有四款💯我哋試咗高山烏龍茶同四季春口味👍大滿足呢😌…查看更多