叁茶陸飯

营业中

休息中

朋友就嚟搬新居，去開荃灣IKEA買嘢，順便都要去醫吓個肚！喺同一商場見到有間台灣菜已經兩眼發光，皆因我係好鍾意食台灣嘢~門口都係外賣飲品，方便想邊行邊飲嘅客人我哋叫咗兩個主菜、三個小食、兩杯飲品！哈哈！簡直係大食王！食台灣嘢點少得叫鹽酥雞呀！炸得非常脆，味道適中唔會太咸，肉質好軟身有肉汁，做得非常出色！我哋已講定下次再黎必叫的！魯肉飯用咗半肥瘦豬肉做得不錯，入口唔太肥膩！味道係比平時食開淡味d嘅！但好切合到我口味，不過個人認為如果多返少少魯汁應該會更好味！牛肉麵又係台灣嘢必叫嘅！湯底好濃好有牛肉味！牛𦟌亦都好入味，肉質好淋身，好鬆軟！麵質方面煮得恰到好處，適中而且彈牙有口感！皮蛋豆腐真係好清新，豆腐好滑！配上醬汁剛剛好！好啱天氣熱食！花枝丸係即叫即炸，上枱嘅時候仲熱辣辣脆卜卜，加上夠彈牙！原本好想叫多份，但因為只有兩個人食，哈哈！所以我哋唯有再次列入咗下次必叫系列啦！傳統嘅珍珠奶茶珍珠夠彈牙，奶茶嘅甜度亦剛剛好，唔會過甜！另一杯南投灰燒烏龍茶，帶有少少甜味嘅濃茶亦好特別！整體嚟講無論食物同環境感覺都不錯，今次只叫咗最地道嘅台灣食品，我哋已講定下次想再嚟試吓其他小菜！

叁茶陸飯台式白斬雞，半隻，$98，台式白斬雞同廣東白斬雞其實分別不大，唯一分別是用料，雞齡及飼養方式不同，選雞材的分別。此雞味道不錯，雞肉鮮嫰，肉質軟硬度適中，纖維度剛好，咬感不錯、皮下脂肪不厚，皮的厚度中等，雞油味濃。推介指數：8.5/10家鄉菜脯蛋，$68，菜脯本身帶有咸味，用來餸蛋及白飯是一樣不錯的選擇。推介指數：7.5/10台灣肉燥飯，$38，跟台味差不多，跟半隻滷水蛋，文青味十足啊。推介指數：8/10招牌黑糖珍珠炭燒鳥龍奶茶，$28，黑糖甜甜地，算是健康食材之一，珍珠有好多味，每吸一口，也有很多珍珠跟上來，鳥龍奶茶就沒有太多烏龍茶味，如果烏龍茶味濃一點，就會比較原美啊。推介指數：7/10紅豆紫米糖水加芋圓，$36，芋圓，台灣出名甜品食材之一，質地Q彈，好有咬口，好彈牙，紅豆紫米煮得幾棉，軟硬度剛剛好。推介指數：7.5/10最後買單總數$307連加一。

午餐去荃灣揾食，嚟到中國染廠既叁茶陸飯食台灣野！餐廳空間感極好，樓底頗高，檯都幾多，我哋一早嚟到先輕鬆揾到位，食到12點幾已經差不多滿坐！餐廳提供多種台灣美食，例如魯肉飯，排骨飯，紅燒牛肉麵等等都有供應！我同同事都叫左同一樣既紅燒牛肉麵套餐，配彰化茉莉綠茶，綠茶率先送到，淡淡既茉莉花香味，微甜，配冰涼既綠茶，喺呢d咁熱既天氣係最好不過！至於紅燒牛肉麵都好快送到，份量都多，牛肉煮得軟稔入味，麵條煙韌，湯就唔會太咸同油，啱香港人口味！另外我哋仲叫左個皮蛋豆腐小食，台灣味十足，皮蛋香甜，豆腐嫩滑，加上好似台灣既食市咁，會鋪上一層肉鬆，同埋用台灣味既醬油，咸得嚟帶點清甜！為今餐台式風味劃上完美句號！

一個月前過嚟Ikea買嘢，路經呢個餐廳時，就好奇佢個名點解，三姑六婆、三頭六臂、三書六禮、三推六問、三宮六院、三口六面……我就識，「叁茶陸飯」究竟開邊瓣！？其實，上次經過時已睇過吓，主打喺賣台灣菜，剛剛去完旅行，有啲手信跟表姨甥女交收，所以，就索性約佢食餐簡約便飯。從門面所見，台式小吃、熱炒及手搖茶喺佢哋嘅主力。從外觀睇，都見餐廳地方非常大，觀感開揚光猛，全店裝修更以木系為主軸，襯以粉藍，摩登得嚟又有少少文青感，又有啲少女味道。雖然樓底高，但要挑剔喺地方大就大喇，但枱櫈編排有些微擠迫，簡直枱與枱連成一線。枱上已放自助水樽，唔使煩到侍應添水，小弟都幾鍾意呢個做法。我見有啲人寫食評話張枱好細，講到連樽水都要放晌地上，又唔喺吖，我哋上齊晒嘢都無問題（甜品後上除外）。菜式就印晒晌點菜紙之上，分類為小食、湯品、豬牛雞海鮮類菜式、蔬菜、台式麵飯、多款台茶、台式特飲及甜品，溫提：需收加一服務費。此外，餐枱墊嘅一角印有廚師推介，唔想諗、唔想煩嘅客人，大可以就咁晌度揀幾款。滷味拼盤（小）$58其實台式滷水一向有市場，我哋都鍾意食滷水嘢，一客細拼盤有齊雞翼、牛肚、豆乾、滷蛋、花生，啱晒多心想樣樣都試吓嘅人

是晚下班後陪朋友到八咪半看家居用品，看完順理成章到樓下搵食。八咪半進駐了不同種類的食肆，各式其式，是次我與朋友選擇了台灣菜作晚餐！食物選擇何其多，不過最後選擇平時食慣的幾款！台灣肉燥飯 - 份量適中，飯粒分明軟稔，若果飯溫再熱丁點會更好！肉半肥瘦，送飯一流不會寡。台灣花枝丸 - 表面挺脆卜卜，質感彈牙軟綿，滲上鹽使味道更為美味！滷味拼盤(小) - 小小的一盤卻五臟俱全，有牛肚、雞翼、滷水蛋等等...滷水汁味道尚算重，吃畢都頗飽！黑糖芋圓仙草凍2號 - 份量大且足料！有珍珠、綠豆、紫米、涼粉及芋圓！冰涼之餘又煙韌彈牙，配上椰汁底，食完真係好滿足呀！黑糖珍珠炭燒烏來奶茶 - 甜味不太出但茶味頗濃郁，解到吃飯的滯膩！珍珠大大顆，入口QQ！四季珍波椰 - 味道清新皆因用了綠茶做茶底，用了黑珍珠及啫喱，煙韌QQ！

荃灣八咪半最近開了一些新食店，今天經過，見到這家台式食店，十分掛念台灣，決定試試。先來一碗牛肉麵，味道一般，吃不出台灣的味道，牛肉較靭，麵質和湯底都欠缺牛肉香味。再來一道香酥炸雞，雞肉香脆，但略為太鹹。最後來一碟滷味拼盤，沒有什麼特別，吃不出台灣味道，有點失望。整體來說，食店環境不錯，地方倘大，美中不足的是食物味道不夠好。

話說今晚星期六同老媽子食飯, 又路經愉景新城, 見到新開左個迷你商場"8咪半", 個名非常有趣, 當然要進內逛逛。商場內以食肆為主, 上層更有新開既IKEA。是時候要醫肚了, 見到間名子頗特別的台式餐廳, 一於與媽子及老公試下先。餐廳裝修雅緻帶有文青味, 舒服非常。更有一特式牆身, 寫上"今天好嗎"。哈哈, 唔錯呀,你呢? 感覺蠻特別的呢。而且餐具富特色, 相信放上食物定能將外觀提昇層次, 帶動食慾。塔香鹽酥雞點餐紙必定推介。鹽酥雞粒賣相一流, 份量十足, 炸漿皮薄香脆, 最欣賞店家選用雞胸肉, 不會與坊間的炸雞有肥膏過多而容易食膩的弊病 , 惟調味略嫌重手。滷味拼盤(小)拼盤食材如圖一樣亦算豐富, 當中牛肚尤其美味, 肉質腍身又帶點小煙韌。主廚紅燒牛肉麵味道平庸, 且牛肉較硬身, 與台灣牛肉麵味道有形無實。 台式蝦仁蛋炒飯蝦仁份量十足, 肉質彈牙惟味道偏淡。蛋炒飯份量偏少, 但味道香口美味, 食材與餐碟顏色非常相襯, 外觀直接帶動食慾。黑糖芋圓仙草凍仙草凍非常足料, 有紅豆綠豆, 雜色芋圓, 紫米及仙草凍。糖水甜度適中, 加上香甜紅綠豆, 連仙草凍吃非常清涼解暑, 充滿台式味道, 正

住荃灣嘅朋友話想試八咪半新開嘅台式嘢，於是就來試下。地點唔算難搵，響地鐵站行向愉景新城方向天橋中段就可以轉入八咪半，直入響吉野家附近就到夜晚大約7點到，餐廳大約七成滿，唔洗等就可以入座。不過帶位嘅待應姐姐黑口黑面，由門口拎份點餐紙到帶我入座都係一副唔耐煩嘅樣，好扣分咯，唔想帶位我可以自己行入去搵位嘅，咁會嚇走客咯🙄唔係朋友強烈推薦應該會即刻走等到朋友點完餐，我哋叫咗2個主菜同飲品加多個小食，份量好足我哋差啲食唔完台灣肉燥飯味道同台灣食嘅差唔多，中間夾雜肥肉，應該係肉燥飯同魯肉飯嘅混合體，有滷肉飯嘅香又有肉燥飯嘅口感，個人來講好中意懷舊排骨蛋炒飯飯底好乾身，排骨炸得鬆脆滷味拼盤滷得好入味，拼盤可以試齊唔同滷味，啱曬選擇困難症嘅我哋海鹽芝士奶蓋魚池紅茶王10分出色，海鹽令到啲芝士味再出啲，大愛招牌黑糖珍珠炭燒烏龍奶茶相比起另一杯有啲失色，冇咩黑糖味，似普通珍珠烏龍奶茶

未入到門口就已經感受到好濃厚既台式風味裝潢完全係呃LIKE打卡勝地 我地叫左既有台灣肉燥飯台灣肉燥飯係呢間餐廳黎講算係平價既食物, 飯上面舖滿肥肥的豬肉最正係佢既肉燥醬汁, 好夠味之餘係完全唔DRY, 食落幾有台灣既感覺 呢度既肉燥飯好傳統既一點係用肥豬肉, 而家好少食到咁正宗既錯經食過D瘦肉整既, 勁無口感之餘仲要打渣!! 滷味拼盤(小)呢個真係極力推薦, 小既份量係岩2個人食, 重點一定係佢既牛肚, 好淋滑好入味!!! 滷水汁不會太咸, 但係非常入味!! 雞翼都係一樣, 又肥美又入味!! 黑糖芋圓仙草凍2號(紫米, 綠豆,珍珠)食完就整個甜品食下, 超豐富既材料, 真材實料滿滿的感覺, 兩個SHARE就岩哂, 我幾鐘意呢一家既仙草凍同珍珠!!! 都係好有口感, 下次叫杯珍珠奶茶試下先

台灣菜同日本菜係我既favour知道屋企附近開左間主打台灣菜既餐廳，可惜一直都勁多人排隊，今次lunch時間去，本身諗住外賣回家，但竟然可以即時入座，正！紅燒牛肉麵湯底好味唔會太淡，牛肉份量都好多，最欣賞佢個麵，軟硬適中有彈性，不過隔離果兩碟配菜就一般般，個豆腐干超硬。三杯雞份量比我想像中多，雞滑入味，不錯跟餐送的冰紅茶如果要選其他飲品就照價減8元海鹽芝士奶蓋烏龍茶第一次嘗試芝士奶蓋飲品是在台北夜市附近當時一試覺得超有驚喜，無諗過原來芝士同茶可以咁夾。之後係香港都試過幾間不同的芝士奶蓋茶，但芝士味一係太淡一係太濃。叁茶陸飯既芝士奶蓋同我係台灣飲到既味道非常接近，如果佢個茶味可以再出d就好，但都非常好飲，超推

知道荃灣愉景新城經常引入不少親子的玩樂設施，趁著復活節假期，便約哥哥、阿嫂及姪囝BB來一個親子日。由於姪囝要上遊泳班，要下課後才能與我滙合，所以我便獨自一人先行到荃灣悠逛。中午時份先吃醫肚，本來打算到愉景新城吃飯，但由地鐵站一直走，來到中國染廠大廈，就被介紹大廈內的餐廳吸引住，最後決定到「叁茶陸飯」試試。「叁茶陸飯」主打台灣菜，餐廳佔地非常大，環境開揚，空間感大，而全店以木調為主，充滿文青感覺。Lunch Set 由A至G，共推出了7款，價錢由HK$56 - HK$78不等。不選套餐，可以在主餐牌內點選食物，價錢與套裝相比其實也差不多。台灣肉燥飯套裝套裝除了有主角肉燥飯，還有豆腐乾及雜菜等配菜， 說實，肉燥飯的味道不錯，入口非常油潤，充滿濃郁的肉香及脂香味，配上滷水蛋及蔬菜，就能夠中和肉燥的膩滯感，不過，個人覺得肉燥的份量偏少，基本上就不足夠「送飯」，如果店主能加多一點份量的話，相信食客會吃得更開心中盡情。而所有套餐均奉送苿莉綠茶或南投小農紅茶一杯，想確外在餐牌上點飲品的話，就可以得到HK$8豁免價惠。另外，我還點了黑糖芋圓仙草凍，內裏包括有紫米、綠豆及珍珠等材料，甜品的賣相不錯，單單

上次入去食晚飯，雖然對啲嘢食評價一般 ，但就因為杯嘢飲幾出色，所以今次經過就外賣咗杯飲品－黑糖珍珠奶茶。雖則杯野冇咩黑糖味，但杯奶茶非常值得一讚。佢完全唔似用奶粉沖調嘅，個奶茶係非常之滑同濃郁，所以今次飲呢杯野，奶茶先係佢嘅重點。

今個復活節冇出去旅行，唯有留港消費，這一天在荃灣行個街，途經中染大厦，見到有間餐廳名字好搞笑，名叫三茶六飯。室內裝修都算雅緻，清清秀秀咁，面積好大，但當時未到6點，食飯的人並不是太多。應我地要求，都安排左側邊沙髮位坐，唔洗夾在人地中間。細份滷水拼盤，賣相不錯，可惜不太入味。食落要點住滷水，滷水雞翼太老，肉質好柴。底有好多滷水花生，幾好味。台灣花枝丸，大大粒，彈牙好肉頭，不錯。台灣肉燥飯，冇咩肉燥，冇汁，有d失敗。皮蛋豆腐，豆腐夠凍，賣相不錯，皮蛋都好好味。好糖心。鹽酥雞大大碟，見到差不多枱枱都食，好味既，不過就太咸了。食果陣仲好，食完一粒要即刻飲一杯水，就咁樣，我地成餐飯飲左兩樽水。所以呢間台灣餐廳我只可以比一般的分數，賣相OK，個別菜式幾好，下㳄仲會再來既。

復活節假期本應開開心心去街拍拖食飯 點知惡夢就由這間餐廳開始了 落單後等左30分鐘野食都未黎 咁我地搵店長傾傾 佢竟然話 再過5分鐘仲未黎就取消啦! 嘩!我等左30分鐘 你同我講不如取消 你早D講冇得食 我就唔會等咁耐啦 完全冇服務可言 不如去茶餐廳冇咁嬲啦 起碼D野好食過佢先 成餐飯足足等了45分鐘至可以食飯好喇 到埋單 張單明明加埋只係$182.6 佢又話公司規矩要4捨5入 即收我$183即係呃錢啦D咁既服務 我連$0.1都唔想比佢囉 完全係不知所謂 好後悔入左去食飯

為了到荃灣的IKEA, 發現了充滿人潮的叁茶陸飯, 好像不錯, 所以陪愛珍奶的男友試試。椒鹽花枝丸有五大粒, 炸的香脆, 花枝丸夠多花枝, 不錯!醉雞見到我最愛的醉雞, 已決定要點了!以想不到的份量, cp價都幾高呢~只是醉雞醃得不夠入味, 酒香味不足~蝦仁炒蛋又醉雞又蝦仁炒蛋, 我真的在食台灣菜嗎?份量又是大大碟的, 蝦仁份量都不少, 但就比較咸~台灣肉燥飯終於有一樣是台灣菜了!肉燥味道不錯, 但油香味不足, 跟正宗台灣有點差別~碳燒珍珠烏龍奶茶比平常的珍奶更好飲, 不會死甜, 而且茶味更香, 不錯呢~最後我認為這是一間港式台灣菜~味道不錯, 價錢雖貴, 但都是大大份的, 所以多人來是不錯呢~而服務則有待改善, 侍應們不但沒有笑容, 感覺有點兇。相反, 餐飲部感覺較笑容滿面呢~