叁茶陸飯

营业中

休息中

前幾日同男朋友去荃灣食飯，之前上網見到呢間幾得意就去左食。我地六、七點左右到啦，都要等15-20分鐘左右。本來想叫牛肉麵，但點知已經賣曬，睇黎好受歡迎。黎到覺得佢地呢度裝修得幾靚，好有文青feel😆😆同埋d碗碟都好靚。我地叫左招牌黑糖珍珠炭烤烏龍奶茶，好香好大杯，值得推介。台灣肉燥飯，偏濕，但都好食嘅。塔香鹽酥雞，調味調得好，炸得夠金黃夠脆。蓬萊排骨酥，都係好香脆，覺得佢地呢度炸野整體都炸得好好。最後埋單大概二百幾，因為我地都叫左好多，所以都算合理嘅。

每次去到中染經過叁茶陸飯都好想試，因為餐廳好有喜感。看看餐牌，台式餐廳來說，個人覺得價錢少許偏高，但如果坐得舒服又好味的話，還是值得的。星期日下午茶時段來到，有午市套餐選擇，餐廳半滿，多數是帶小孩的家庭，可能附近是親子商場的關係，氣氛不錯的，想家庭樂的朋友可以一試。午餐牛肉麵，約$80，有點小貴，賣相精緻，附兩款前菜，當中的酸辣菜甫好好味！如果份量可以多一點就好了～牛肉入味，煮得超稔，入口無渣，而且份量不少，加分！麵條煮得偏稔，可能個人喜歡彈牙的口感吧。牛肉麵最重要是湯頭，叁茶陸飯的湯頭，始終做不到台灣地道的味道（雖然我覺得台灣的湯偏甜）濃郁但就是差了點藥膳的味道。不過湯不算油膩，我會給它合格的分數。這裡的甜品卻甚有驚喜，$38大大碗仙草珍珠芋圓，配料點了紅豆燕麥，非常足料，份量極多！不論是珍珠，仙草或芋圓，都煮得剛剛好，口感極佳，不會過甜，比起不少甜品店都做得好。作為下午茶，來吃一碗是非常不錯的！這裡的茶，茶味夠濃，不過奶茶則奶味偏重，蓋過茶味，所以個人建議單點茶就好。為了這碗芋圓，我會再來的。

來到最近人氣爆棚的参茶陸飯，晚餐約左人食，下午茶就食少少醫下肚啦，本來想叫下午茶餐，但原來假日係無嘅，得午餐又無咩啱食，咁就食下甜品啦，最種意食甜野。叫左呢個黑糖芋圓仙草凍2號，見個個都話芋圓好食，試下佢先，滿滿一大碗好足料喎，有紫米，綠豆，珍珠，仙草，同芋圓，又唔係好甜，啲料好有咬口，仙草無切成件上，所以基本上眼見到嘅黑色都係仙草黎，一碗原來好飽的。仲叫左海鹽芝士奶蓋四季春青茶，個茶幾清香，綠茶味來，奶蓋都幾夠芝味，好飲喎。朋友點個杯茉莉綠茶拿鐵就差少少，得奶味無乜茶味，啲奶落得重手左。

中染新城真係好多新餐廳💓👍🏻呢間應該最搶鏡裝修完全是我的菜即使全場爆滿都坐得好舒服而且每一位侍應都非常有禮貌食得開心！台灣肉燥飯 $38比起出面台灣料理的肉燥飯份量已經算唔錯。肉燥好香而且熱辣辣，比想像中好呀滷味拼盤 $58金錢肚、鹵蛋、雞翼、豆干等等金錢肚比較入味，雞翼普普通通，豆干有點硬。主廚紅燒牛肉麵 $75湯底同一般出面食的有點不同，帶點酸味😘可能是因爲有酸菜吧？牛肉非常入味，軟腍，有嚼勁好味！黑糖珍珠茉莉奶綠 $25好大期望，不過無咩黑糖味😂 苿莉味都幾清新，美中不足係唔夠凍😖黑糖芋圓仙草凍2號(紫米,珍珠,綠豆) $38圖中係走左綠豆😁 珍珠幾有嚼勁芋圓數量略嫌唔夠候呀🤣 不過好彩都煙韌👍🏻無大家講得咁差，但係都係同樣問題，凍d會好味d😊

本身見到呢間台式餐廳，喺網上面人氣好強，個個都話又要排隊又一定要食，就打算過嚟試一試，睇吓係唔係真係咁犀利先。我叫左一個台式肉燥飯，其實都幾失望，肉燥偏咸，味道亦都唔係話好特別，而且我覺得有少少燶燶地嘅味可以話我唔識食，但係我就真係感覺唔到人哋講到咁好食囉

喺social media見到好幾次呢間餐廳嘅promo，今日經開荃灣就專登黎試下。一個人黎係坐吧台位，下午茶menu冇特別抵，最後叫咗［主廚紅燒牛肉麵+京都抹茶拿鐵珍珠］。嘢飲係好靚，不過淨係得個靚字，抹茶味勁淡，而且飲落去成口都係粉嘅感覺真係唔太好。紅燒牛肉麵通常第一啖試一試個湯便知龍與鳳，所以我一試呢一個［主廚紅燒牛肉麵］就知瀨嘢，唔香，連少少辣味都冇，麵冇口感+好軟好似浸到爛咁，牛肉勁碎濕濕+唔嫩口，成餐都食得好失望。另一個重點係：貴。order咗呢兩樣嘢，埋單加一要$113，食其他出名嘅台式餐廳都唔洗呢個價，佢D錢應該係去晒買廣告+裝修度，而唔係去D食物度。話佢好食果d唔係打手就肯定係對食好冇、超冇要求嘅人。

經過門外好幾次，每次都很多人排隊買飲品，應該口碑不錯吧！這天看見沒有人排隊，便進餐廳午飯，可坐下慢慢品嚐台灣茶飲。餐廳裡面原本很大，座位很多，燈光明亮，座位舒適整潔。星期日的lunch menu有7款選擇，我們點了香酥雞扒飯套餐及主廚紅燒牛肉麵套餐。香酥雞扒飯套餐：香酥雞扒不過不失，熱度是足夠的，可是是翻炸了，皮脆得來較硬。街頭買的大雞塊更好味呢！伴菜的豆干與炸菜亦都不好味，與台灣的味道差很遠。紅燒牛肉麵套餐：湯底比台灣有名的幾間牛肉麵來得清淡，可能是迎合香港人的口味。牛肉入味、軟稔，但份量略少。重點當然放在飲品啦！我們都加$18轉飲海鹽芝士奶蓋茉香綠茶及加$20轉飲招牌黑糖珍珠炭燒烏龍。海鹽芝士奶蓋茉香綠茶：芝士奶蓋很香好滑，奶味重，很滿足！茉香綠茶淡香可中和肥膩的芝士奶蓋！招牌黑糖珍珠炭燒烏龍：寫明是「招牌」，為何會失手呢！？我懷疑店員應該放錯了份量吧......整杯烏龍茶很淡，味道很像是一杯港式奶茶倒進了一公升清水喝一樣，沒有茶味、茶香，更何況是炭燒味！？唯有下一次再買外賣飲料嚐嚐，但就不會進內用餐了，食物不可說是好吃，一般一般！

早陣子在網上爆紅的台灣餐廳，位於荃灣中染大廈，長期也有長長的人龍在外。今天到訪時還早，未到上班族晚飯時間的緣故，居然不用排隊哈哈！環境也算寬敞，牆身以白色為主，簡約而不失典雅。餐牌也就是點菜紙，款式多得令我有點眼花撩亂。最後，我點了一客台灣肉燥飯。讓我感到意外的是，這裏的老闆是台灣人，但肉燥飯的味道居然不像我在台灣吃過任何一家的口味。這裏的肉燥有一種炭烤的味道，是有點兒特別，但我還是喜歡最原始的古早味肉燥飯呢！吃過飯後，我點了一客在網上被盛讚的甜品。這個黑糖芋圓仙草凍很是讓我欣賞，因為它沒有一般糖水的甜膩，而且地瓜圓及芋圓也有各自食材的香味，味道甜美亦天然，口感煙韌帶嚼勁。其他配料包括綠豆、紅豆、仙草和珍珠，口感層次由綿密、到滑溜、到煙韌，三者俱備，十分豐富。對於這間台灣料理的整體印象也挺滿意，晚飯過後，還可以到上層的ikea走走喔！

今日想同老公２個去行下IKEA, 到左既時候竟然俾我地見到有間餐廳,舖面好靚呀,上去睇一睇原來係食台灣野呀! 所以我地就入左去試下.成間餐廳既design 同埋感覺都好Chill 好舒服所以我地都好開心咁叫左好多野食.我同老公一人一個Set, 好精緻味道都唔錯! 食到有台灣套餐既味道. 係牛肉麵略為油左小小, 不過味道好出眾. 牛肉麵的麵質好彈牙, 牛肉味有濃濃的果皮味. 呢間餐廳的食物真係好有heart! 飲品係跟餐既, 杯都用左插畫好cute好可愛呀. 呢個係成餐我最欣賞同埋好味既鹽酥雞, 真係好出色呀! 炸得非常香脆又唔會好油.好乾身香口, 雞肉又好juicy! 味道好適中又唔會好咸, 完全係台灣既味道真係好好味呀!!!

有朋友說中染新城 （八咪半）開張了，有多間食巿。 於是今日我們駕車由東面去到西面，大約需半小時車程。可能中染以前是工廠，所以泊車處門口還是舊樣子。 我們上一樓巡迴一周，基本上大部份食巿都在此層。可能只開了太約三個月，很多食巿都不是很多人，我們便選了比較多人的叁茶陸飯。 外表裝潢摩登時尚，很容易吸引人想入來一試。 去到門口，站在前面的店員二話不說，在我們面前拿起一張餐單和一支筆，之後轉身，我們便跟著她，去到一張二人枱，她放下餐單和那支筆，全程一句說話都沒有，很奇怪。  我們叫了兩個午巿套餐紅燒牛肉麵和三杯雞飯。 三杯雞五分鐘己備上，但我差不多吃完紅燒牛肉麵才珊珊來遲。紅燒牛肉麵麵太稔，湯太淡。三杯雞味道算好，但雞肉砍到很雜碎。 套餐配料有點像飛機餐，沒味兼有點硬。若食店希望用配料來豐富套餐，效果不太彰顯。飲品叫了黑糖奶荼，大大杯奶味算不錯。彰化紅茶甜味不太濃，剛好。我們覺得飲品OK，但食物就一般，未必會再次幫襯。  此店環境不錯，下午茶齋飲閒聊尚算是一好選擇。到櫃面俾錢時，收錢的店員和之前門口那位同一面孔，沒有笑容。  一頓飯無論怎樣好吃，環境多麼美，都給這兩店員KO了。

新開台灣菜，好多人等位。個肉躁飯好普通，肉比較"鞋"，個飯又冇咩汁，好乾。個牛肉面，個面幾好食，好好咬，但個牛肉唔入味，但比較韌。最後叫左泡椒雞湯，點知一d都唔辣，好淡。味道一般，唔會再試。

朋友送我從美國買回來的衣服，我超喜歡，謝謝妳呀。所以趁朋友拿給我的時候，順道請她吃個台式下午茶，答謝她的一番心意。這裡的選擇蠻多的，我們都花了一點時間決定吃甚麼。我們不想下午茶吃太飽，故主要選小食為主，麵點一碗就夠了，朋友說太飽的話回家吃不下晚飯。台灣香腸入口帶有肉汁，肥瘦相間的肉質蠻緊實的，外皮帶有香脆，香腸的腸衣蠻好咀嚼。香腸旁邊還有生蒜片，如果喜愛蒜香滋味的話，可以像我蒜片連香腸一同品嚐，風味十足。塔香鹽酥雞雞肉肉質炸起來不會太乾，炸粉也不至於過厚過硬，口感不錯，而九層塔炸得很乾身，咬起來脆脆的，非常可口，椒鹽調味恰到好處，不會死鹹，是我的味兒。台灣花枝丸很大的一顆，裡面也有花枝塊，用料豐富。炸花枝丸脆皮的外層不會油膩，咬下去很彈牙，挺有嚼感的，三款小食當中朋友最愛這。主廚紅燒牛肉麵給得滿多的，相當大氣，紅燒牛肉很柔嫩，咀嚼在唇齒間，讓人欲罷不能，而且味道很夠。紅燒湯頭挺重口味的，吸飽湯汁的麵條頗有彈性，整體味道不俗。除了牛肉麵裡的酸菜可伴麵吃外，還有醃漬蘿蔔片及花生，越嚼越香。愛喝烏龍茶的可以試試炭燒烏龍拿鐵，炭燒烏龍拿鐵奶泡綿密，經炭燒後的烏龍氣味更為顯現，牛奶的滑順沒有蓋過

公司附近中染越開越多食肆, 同事話有間台灣野唔錯, 放工即刻過黎試下.地方幾大, 好多梳化位, 夠舒適開揚.晚市價錢有平有貴, 夠大眾化, 要個細滷水拼盤, 2人份我覺得剛剛好, 有雞翼, 牛肚, 豆腐, 滷蛋等. 牛肚同雞翼滷得好入味, 夠腍唔韌, 豆腐唔硬.飯就要左台灣肉燥飯, 38蚊好抵食, 都唔細碗. 肉燥唔係細細粒果D肉, 係大大粒既腩肉粒, 食落特別有口感, 肉燥唔會太咸, 撈埋飯食好好味.仲有招牌黑糖珍珠炭燒烏龍奶茶, 個名好長, 不過真係飲到有炭燒烏龍味, 黑糖唔會太甜, 珍珠夠腍帶煙韌, 整體唔錯.

中國染廠大廈愈來愈多好野食，見到有間幾文青，又多人排隊。入到去幾光猛。就咁睇個ＭＥＮＵ又唔係好貴。台灣肉燥飯$38肉燥算多，只係$３８，夠一個人食，撈埋食每一啖飯都有肉燥，仲有半隻滷蛋，滷水味都重。主廚紅燒牛肉麵$68麵質幾爽口彈牙，牛腩幾多鮮嫩，紅燒味濃都，連湯底都有紅燒味，可以一試！小農紅茶拿鐵$28奶味香濃，但茶味唔夠，又唔太甜，好似飲芝士奶蓋會好Ｄ海鹽芝士奶蓋炭燒烏龍茶$28推介！叫外賣飲好似冇咁大個杯。個感覺好似啤酒，芝士味香濃好厚！唔會COVER到烏龍茶味!!香酥炸雞排$48炸粉不厚，雞扒有D簿。兩個人食左＄２５０都OK飽。

今日來到了這家最近大熱的台灣料理菜單食物種類多樣化有一些香港比較少見的料理奈何有不少已經沒有在售賣前菜是台灣炸花枝丸熱辣辣是剛剛炸起的咬下去還有花枝肉粒是全晚最美味的一道菜飲品是黑糖珍珠炭燒烏龍茶侍應沒有刻意問客人的甜度上枱竟出奇地發現甜度剛剛好珍珠有黑糖味整體味道十分平衡台灣肉燥飯味道別樹一幟飯粒鬆散沒有豬油香肉燥偏乾醬汁多到把白飯都浸泡了我們點了白斬雞半隻雞肉僅熟所以肉質算嫩滑但雞骨仍有血和被血水浸著所以最後都決定整碟退掉今日發生了一段小插曲於吃飯途中突然停電全場頓時變得烏燈黑火餐廳隨即為每枱點起蠟燭台灣料理變成浪漫的燭光晚餐最後在燭光中吃黑糖芋圓仙草凍甜蜜中煙韌地苦中作樂