叁茶陸飯

营业中

休息中

身為荃灣人覺得荃灣食肆數目說得上是多，獨欠台式餐廳，最近飲食雜誌介紹這家於中染新城的台式食店，好想試下，周日跟家人去試一下 !~ 跟普通大酒樓一樣電子式取票或可以download 電話app取票都可以等大枱還差4張 ，還以為會好快誰不知等了40分鐘 ~ 唉 ~ 不過假日在荃灣愉景附近的食肆都大排長龍想試唯有忍耐一下最安排不當的是沒有在店外擺放椅子給等候顧客總有行動不便的老人家在排隊其實可以好好安排一下 ~ (或者係商場不許可吧) 餐牌上熱食選擇式最頗多唯飯麵類選擇只有數款由於賣點以台式手搖飲品為主，所以選擇款式最多 (但價錢較一般台式飲品店貴) 喜歡台式飲品的可以慢慢試下先揀了滷味拼盤(HK$58/小) 大的價錢是HK88小的有雞翼、豆干、牛肚和好多花生墊底看賣相以為味道不錯但其實味道好一般只有咸咸的豉油味沒有滷水的花椒八角香味而且一點甜味都沒有真的有點失望喔 !~ 2個小朋友太肚餓了所以點了2個台灣肉燥飯 (HK$38)以這個價錢來說，份量算過得去有豬腩粒和豆干而醬汁估計應是跟滷味拼盤的相同所以味道沒有驚喜 ~ 台式小食一定要試鹽酥雞所以我們都點了塔香鹽酥雞 (HK$45) 捧出來

今日同老公去到已經係下午茶嘅時間，我哋每人一個餐，一個要台式燥肉飯，一個要牛肉麵，係台式最經典嗰兩樣，牛肉比較硬身，燥肉飯不過不失勝在茶較為出色好飲，夠晒大杯好飲一杯係海鹽芝士奶蓋烏龍茶，個人覺得茶味可以更濃，奶蓋芝士好味😋😋另一杯係珍珠奶茶，睇落茶嘅顏色較淡，但飲落出奇地頗濃👍餐廳環境舒適，夠晒空間感，坐位闊落，影相都不錯👍👍總括餐廳飲品較食品出色，如只是嘆茶都係一個不錯嘅好地方☕️🍵

Disclaimer: 因為太嬲，完全冇心機影張靚相。總結價錢太高，但質素同服務太差，CP值奇低。現附上收據以供參考。服務質素差閒日6點鐘入座，無須等位，空桌很多，既有卡位，也有雅座。侍應決定安排5人坐一張奇小的圓桌。順帶一提，7點半左右離場，依然有一半空席，令人好奇店家以何基準安排食客入座。基於有2人遲到，點菜前問了侍應3次可否先點飲品，人齊後上食物。侍應說可以，但陽奉陰違，並沒有通達廚房延遲上菜。人未齊，飲品未到，菜先上。當上第一道菜，再要侍應確認先上飲品，人齊後上食物，侍應依舊說可以，但隨後一個砂鍋三杯雞已到。依然飲品未到。至於飲品，飲品本身不好飲不是大罪，服務差但不認錯不道歉當顧客要求充耳不聞是為大罪。圖中是一杯海鹽芝士奶蓋四季春青茶，大家好奇怎麼會淪落到如此劣相？落單時點單上明確寫「少冰微糖」，送來是卻是「少冰少甜」。微糖跟少甜的差別是很大的，少甜的甜度比微糖多很多，以致茶味沒了，只剩甜味，未能飲出絲毫四季春的茶味。另外，最大罪在於在於飲品送來的一刻：一來，送到我面前之前，侍應是錯送到其他枱，他人連飲管都放下之後侍應才發覺送錯枱，然後連帶其他食客的口水送往我面前；二來，侍應一

行完IKEA突然間醒起附近好似新開左間食台灣野嘅鋪頭，所以即刻上咗OpenRice check吓，點知發現原來一落去就已經係啦！小編今次就唔係堂食，而係選擇左外賣佢哋個黑糖芋圓仙草凍同招牌水果茶。佢另外有個外賣位架！1️⃣黑糖芋圓仙草凍2號呢一碗黑糖芋圓仙草凍2號裏面就有仙草凍、紅豆、紫米、黑糖珍珠同芋圓。首先小編真係好想講佢哋啲黑糖珍珠同芋圓真係好煙韌，而黑糖珍珠嘅黑糖味真係好香，不過芋圓比得個五粒左右，仲要乜味都冇，會唔會過分左少少？而佢嘅仙草凍真係超級動L，雖然仙草凍真係俾得超級大舊，但係完全一啲仙草味都冇🙄至於紅豆同紫米小編就覺得冇乜特別，好彩佢個糖水底夠甜，如果唔係肯定會好難食。2️⃣招牌水果茶小編覺得佢哋呢度嘅飲品真心偏貴，不過考慮到小編其實唔係成日去荃灣，一次半次就冇乜所謂啦。佢哋呢度嘅水果茶比平時飲到嘅更加深色，味道亦都有較大嘅分別，平時普遍都係茶底加百香果醬，而呢度就係茶底加柑橘類既醬，眼見佢差唔多接近加左三款唔同嘅醬入去。所以呢杯水果茶入口嘅味道都比較酸少少，而且佢呢個配方有柑橘類既醬，所以基本上啲茶味已經冇乜茶味。明明價錢已經比平時嘅水果茶要貴，但佢裏面啲橙同蘋果少得尼仲

下午4點45分去吃，直接WALK IN不用等位．下單時店員也確認了一次點的食物．如是者等侯了４５分鐘食物仍未到，詢問之下原來剛才的店員跟本沒有為我們下單．非常無奈，當時店內不算多人，整店只約坐了1/3客人也會沒有下單，如果是漏單我也比較能接受．另一位店員也有跟我們道歉及表示會為我們重新下單，但我們仍再等侯了１５－３０分鐘．終於上菜，湯底非常咸，偏重口味，肉質和小唐菜倒是不錯，建議只吃牛肉和小唐菜．這兩項非常值得推介

今日見到有iger推介呢度既黑糖仙草芋圓二號（配料有紅豆，紫米，珍珠），係附近就即刻黎左試留意返堂食要加一既！38蚊都叫大大份足料，珍珠仙草同芋圓都好有咬口！下次可以試埋野飲

呢間超伏 搵唔到野食都唔好食❌❌❌去到想食嘅魯肉飯同牛肉麵都冇曬😅唯有叫排骨飯套餐$65💩💩個排骨又唔熱又淋又乾又硬又咸 完敗💀個飯都太濕 (爭氣啲好冇🐸)小菜叫咗個滷水拼盤全部都凍同死咸 真係食到鹽嘅咸 口感就唔洗再講👋👋仲叫咗個雞排飯 正常啲 但$65我不如行去隔離食吉野家好過😑😑.啲media唔好賣廣告 昆人啦👊👊👊

垃圾，不知所謂。第一次去，等2個鐘都冇位之後7點網上拎飛都要等等半個鐘，8點就已經全部牛肉麵都冇，肉燥飯又難食，滷水雞翼d肉又鞋，又冇冷氣，甜品等勁耐，催左幾次，原來仲未整，最後決定取消，食到一肚火。得杯奶蓋係正常d，真係唔會再食。唔明點解甘多人食🙄

之前已經想食呢間餐廳！但要等成100張票先到我地😭所以放棄左！新年期間無咩人食！今次終於試到啦☺️環境好舒服！好岩文青嘅朋友！呢個霞紅燈應該係打卡位🤓Tea set menu 價位約58到78 (包紅茶/綠茶一杯),價錢偏貴！我點左C餐台灣肉燥飯$58 加$32 轉飲招牌水果茶！份量偏少！味道普通！🥃水果茶有濃郁茶味！味道ok但價錢貴，味道又普通，未必會回頭再食！-C餐肉燥飯轉水果茶要$58+32=$90但係2樣單點只要$38+42=$80點tea set仲貴左$10😰發現後同店員反映，佢地都好快幫我整反好張單不過個人覺得呢個小錯誤可以避免😰相信之前已經有好多朋友已經overpay左😰😰??!

是晚同兩位朋友一齊去試下最近網上推薦的36茶飯，本身見到有電話訂座於是打去訂位，結果店家回覆話大檯先需要訂檯，叫我到時候直接walk in。朋友大約6點9左右已經黎到，最後我地約7點半先成功入座。佢嘅規律大概係叫兩張3-4人就會叫幾張1-2人。係等候期間我地已經揀好想食咩，可惜嘅係好多款已經賣晒，比起甜品，主食真係無太大吸引最後叫左兩個主食（炒米粉同雞扒蛋炒飯），兩個小食（鹽酥雞同滷水拼盤），一個餸（香酥排骨），兩個甜品（鬆餅同芋圓，但鬆餅最後已售罄）同3杯飲品（黑糖珍珠鮮奶，珍波耶同黑糖珍珠烤烏龍奶茶）先講主食，雞扒蛋炒飯，上個陣已經只係微溫，蛋炒飯個texture 好濕，無咩味。雞扒就偏咸。金瓜炒米粉，相比起蛋炒飯，乾身，有淡淡麻油味，但同樣無咩味再黎小食，滷水拼盤，本身以為無得輸，但上菜個陣其實我覺得係名不符實，因為連最基本嘅滷水蛋都無（明明menu圖上有），牛雜比較入味，但雞翼同豆腐都得個樣，食落無咩味鹽酥雞，算比較正常但相對價錢黎講，分量唔多香酥排骨，無咩味，硬要講的話，大概我覺得廚師想比我地食到真正豬肉味最好味的確係甜品芋圓，可惜唔記得影，但一碗仔分量黎講價錢唔係好抵。最後

如果去食叄茶陸飯，真係要比小小耐性，真係好多人，全部都係人人人人人！！！我哋入去嘅時間大約晚上9:45，所以好多嘢食都冇啦，牛肉麵賣晒。(cry) 咁就嗌咗個台灣肉燥飯、台式蝦仁蛋飯 、加個塔香鹽酥雞同杯招牌黑糖珍珠炭燒烏龍奶茶。坦白講： 嘢食非常一般，但係杯嘢飲有少少驚喜，好強嘅茶香味，呢個係值得推介嘅。

前幾日見網上介紹呢間野睇落幾吸引所以就即刻放工就去試下！點知網絡效應太強大🤦🏻‍♀️我最後等唔到放棄左於是星期六決定再挑戰💪🏻今次嚟食lunchLunch都好多人！最後都等左個幾鐘先入得！不過佢有樣野幾特別，就係門口隔離有得俾人買野飲，所以吸引左唔少人嚟買野飲跟著邊飲邊等嗌左幾個lunch set，加少少錢就可以有小食，呢個雞味道幾好食幾香口但炸得乾身左d花枝丸幾唔錯！好juicy👍🏻👍🏻呢個set除左啲細碟配菜幾好食之外，個飯好麻麻，有少少乾身啲汁又無味，所以我食哂所有野但無食哂個飯🤦🏻‍♀️友人叫左肉躁飯都比較失望，同平日食開果啲好唔同，味道比較淡同埋啲佢地唔係肉碎，係腩肉，所以怪怪地最期待係呢個，但都係失望🤦🏻‍♀️好淡茶味唔夠濃，珍珠幾林，唔太推介！

唔會再黎第二次！等左50分鐘先同我兩個朋友入到座，如果食物同服務OK，咁都可以接受，但最大獲系兩樣野都唔得！食物：我地叫左三杯雞，皮蛋豆腐同滷味拼盤（大），飲品方面系3杯珍珠奶茶。食物質素麻麻地，并無印象中台灣的三杯雞咁好未，其他菜品亦一般。他們的所謂冠軍沖出黎杯珍珠奶茶，仲難飲過comebuy！最後埋單$329，唔系話貴，只不過覺得同菜品質素不成正比。服務：服務先系佢地最大既問題，樓面服務員人手不足，我入座10分鐘都未能送上水同鋪好檯面，要在多次催促下才做。上面三個菜費時大概20分鐘送上，三杯珍珠奶茶大概40分鐘，一碗白飯+二碗滷肉飯在用餐的1個小時內完全未能送上。我們大概催左4-5次單，我只不過系想食碗白飯，但佢地就同我講肉唔得，碗白飯又話即刻送上，點知轉個頭又冇左件事。最嬲既系，隔離兩臺遲過我地入座，遲過我地入單，佢地杯飲野同滷肉飯早早就送上，我就望住隔離臺系度食白飯。我都未試過有咁惡劣既服務質素，算我買左個教訓！

環境：枱與枱之間坐得好(默)，空間感太迫。食物：份量細，吾好食！酸菜都吾好食。招牌珍珠奶好淡。吾好飲！服務：waiter好多未熟運作，好亂。吾會再去食！因為吾好食和吾好飲。

今日同朋友去荃灣行街，之前係facebook見到關於呢間餐廳既介紹，就諗住去試下，等位都等左一段時間，入到去本來坐左係一個無人理我地既位置，之後我地見到其他地方有位就要求調位，叫左兩個牛肉面同兩杯黑糖珍珠珍茶，牛肉夠淋，湯底都唔錯，但係個面就無果種彈牙既感覺，杯珍珠奶茶，等左成二十幾分鐘，仲要催先黎，第一，黎到杯珍珠奶茶無曬冰，第二，杯珍珠奶茶真係唔好飲，一啲都唔似飲緊珍珠奶茶，我覺得啲服務都係一般，下次未必會再幫襯！