叁茶陸飯

营业中

休息中

購買嘅時候見到佢寫本身已經是半糖及少甜，我想請店員可唔可以要「正常」因為本身一向都唔太喜歡半糖，店員堅持叫我試咗先，覺得唔夠先再加糖，咁試新野無所謂當試吓。結果係真係冇乜味，甜不甜其實也是其次，個茶本身冇乜烏龍茶味，感覺只是好稀的奶味，完全冇奶茶味嘅感覺，亦都感受唔到有黑糖嘅味道，珍珠本身也是冇味道的。整體味道都算幾差同一般珍珠奶茶嘅味道完全唔同。最後我都冇再加糖，因為本身個茶冇乜味，怕加糖後更加奇怪🙅‍♀️

呢間叁茶陸飯最近好似好興起咁，所以今日就同男朋友專程入黎食。我地揀左tea time黎食，主要係想試下佢既飲品。星期六都有lunch set，不過我地唔太餓，所以就散點。<黑糖珍珠奶茶 (冰)，$25>男朋友最鍾意飲奶茶，加上珍珠奶茶係最出名既台式飲品，係呢到當然都要試下！以台式奶茶黎講，呢杯都唔算好甜。我比較欣賞啲珍珠，我差唔多食哂啲珍珠。珍珠好煙韌好有咬感而又唔會好似一pat野咁。<招牌水果茶 (冰)，$42>我就點左杯水果茶，價錢其實都唔平，不過都值得既！個味道好清新，真係有水果香味。而且入面有三塊蘋果同兩塊橙食，啲水果都係好新鮮！好解渴！<塔香鹽酥雞，$45>然後點左個塔香鹽酥雞，係岩岩炸起熱辣辣，好香脆好好食！味道唔算特別咸。<滷味拼盤 (小)，$58>而滷味拼盤入面有雞蛋、牛肚、雞翼同豆腐。個滷汁做得唔錯，甜甜地，唔會好咸。值得一提，雞翼同牛肚都炆得好腍好入味。整體而言，呢間都係一間值得去既餐廳，個人認為食晚餐都唔會太貴，感覺上抵食啲。不過位於荃灣就未必個個近，去開荃灣可以去食！

CHA FAN霓虹燈好吸引，餐廳logo都好得意，台式風味，環境望落都好闊落，大約6:30已經有人流開始排隊！外面亦有外賣台式飲品可愛特色的海藍色既餐紙連紙巾滷味拼盤我揀了（小）2人份量剛好，有牛肚、豆腐、雞翼、鹵水蛋、花生，整體都好入味！4隻芝士蘑菇雞翼，咬落香烤脆面，啖啖雞肉芝士！廚師推介出色家鄉菜甫蛋，蔥花、蛋、菜甫比例剛好，菜甫爽身，點都要叫碟送飯食！主廚紅燒揚牛肉麵，牛肉軟！湯底清得黎帶點烤香味道！呢d潮濕天氣叫杯熱茶解解熱都唔錯，南投炭燒烏龍茶夠熱（而家好多熱飲係唔夠熱），炭燒味濃且香！

去荃灣shopping fing走哂啲錢之後想搵間餐廳食個晏先🤣 就搵到呢間望落勁靚，勁似cafe嘅台灣嘢食裝修簡潔得嚟好靚好優雅，牆上嘅霓虹燈好靚係近期最hit嘅必影背景🤤 好啱鍾意影相 / 被影嘅朋友仔當時餐廳都full左一半，一坐低店員就幫我地set好碗碗碟碟，好耐無試過咁主動嘅服務啦，同埋啲碗碟以藍白為主都好靚，望落好舒服😌台灣肉燥飯套餐啲肉燥舖滿哂成個飯！啲汁份量啱啱好，唔會搞到啲飯太濕。肉燥有瘦肉又有肥肉，食落味道豐富充滿油香。碗飯仲要份量好足夠👍🏿香酥雞排飯套餐本身自己喉嚨痛，但食台灣嘢唔食呢個食邊個😆啲雞排嘅炸皮好薄👍🏿 肉質嫩滑，咬落有肉汁，食落亦唔會覺得油膩，白飯都好大碗好夠食，無後悔冒住病重風險照食呢個😋蒜泥白肉蒜蓉味好香，因為用左杰嘅醬汁調味，而唔係平時要落好多蒜蓉先重味，所以唔怕口臭😛南投小農紅茶南投四季春青茶飲落紅茶個款茶味濃啲，青茶就清新啲同甜啲～ 飲開走甜或小甜嘅朋友可以直接揀紅茶☕️每個套餐都仲有啲配菜，份量又好大份，裝修又咁文青，同幾個女仔朋友嚟就最fit！不過當時都見到好多打工仔都嚟呢到開餐，下次再去會帶埋影相嘅朋友去👯

食物一般，份量唔多，但價錢甚高。嗌左九樣野，唔講噤多，💁🏻‍♂️只講誠意之作凰梨蝦球，💁🏻‍♂️💁🏻‍♂️純粹炸蝦球，加沙律醬加七彩糖碎，下面地moon菠蘿墊底。。。集合凰梨。蝦球。台式？非常醒，冇得頂👍🏻👎🏻寫單九樣食物漏單兩次，其中一碟蒜泥白肉耐到食飽哂都冇嚟，最後都冇為意漏左就俾左錢🤦🏻‍♂️食完主食嗌糖水又漏，等等等。。。雖然都係本人傾計計到眉飛色舞而大意忘記對單，但以上種種都令小弟條氣有點唔順🌚🌚

潮流興完韓國菜，現在輪到台灣菜。香港人真係幾貪新忘舊，無法啦！香港係一幅福地，中西文化交流，要試嗰様有嗰樣，咩都有。行經荃灣中國染厰大厦，發現一間台式餐廳，有少少人龍，好彩不用等太耐。午市套餐好抵呀！有幾款主食選擇，包飲品，不過一百大元。紅燒牛肉麵一定要試。湯底清徹，飲落肉香樸鼻帶甘甜。牛肉質感軟腍，鬆化，份量還不少呢！麵條有靭度，有彈性。整碗水準比想像中好。奉送的小農紅茶味道甜甜地，有茶香，不錯喎！

十二點鐘去唔使等位，有少少不祥的預感假日有lunch set，都有少少驚喜。可惜食物水準一般 你當係茶木嘅三分一水準。店員態度好 不過周圍都見到有人漏單，有心無力。落單慢，埋單快。我地叫左兩個滷肉飯，唔知點解張單會得返一份. 要追佢幾分鐘先有。個飯冇乜肥肉。普遍d野都好清，冇乜味。另外，杯招牌黑糖珍珠炭燒烏龍茶 其實飲落都幾似奶水，28蚊一杯既話就唔recommend值得一讚係d 仙草都幾ok，芋圓有口感。地方裝修靚同坐得舒服

聽說最近推出了新菜式，上次店員亦派發9折優惠卷，就約了三五知己去試一試🤣🤣🤣不竟剛剛吃過飯就去了一間台式餐廳，裝修可愛，簡單，感覺很少女。牆上亦有深切的問候語，”今天好嗎” 讓人有一種安慰的感覺，完全是文青打卡好去處！過次就去試一試甜品，新推出的草莓鬆餅亦很吸引！價錢亦夠大眾化，完全是物超所值！鬆餅值得推薦，內裏的麻薯很”煙銀”有外脆內軟的口感。但鬆餅不設外賣，可能拿回家會影響口感？溫馨提示，記得下單時和店員說後起甜品，或者在空格旁寫等叫。否則甜品會很快上檯。

行完街攰攰地，離遠見到有台式奶茶賣，唸住買反杯嘆下，行近至知原來有堂食，今次真係可以坐低慢慢嘆杯野！因為已經食左晚餐，所以只係叫左杯海鹽芝士奶蓋碳燒烏龍茶同鹽酥雞！後尾再追加個黑糖芋圓鮮草凍！先講杯奶茶，面頭既芝士奶蓋好厚，而且好濃芝士味！烏龍茶唔會太甜，而且茶味好香，撈均個芝士奶蓋岩岩好，飲哂成杯都唔會過膩！！出色鹽酥雞分量好多，粉漿唔算厚，面且雞肉仲有肉汁，唔會鞋口！不過味道略嫌過淡！九層塔都炸到好香脆，一來已經比我食左幾塊最後追加既芋圓都好大碗，不過就仙草太多，芋圓同地瓜圓好少好在都算QQ!

聽到餐廳名稱的時候已經系健康中式湯飯，看過餐牌先知原來系食台灣菜。加上店入面裝潢真係好令，少女系既顏色，好想走入去試下。一講到台灣野食，當然要食地道小食，我和友人今次就點了一客鹽酥雞，香脆花枝丸，台式肉操飯，細既鹵水拼盤。鹵水拼盤（細）先講最期待的鹵水拼盤，個人認為2-3人叫細既就已經足夠啦，雖然系細但已經十分豐富，包括雞翼，牛肚，鹵蛋，豆干（本人最愛）等等。最驚喜的是牛肚，軟硬適中，十分入味，最失望既系豆干，識食一定系食豆干，但呢到整得偏硬身，唔夠入味，如果再軟身d應該會更好。鹽酥雞第二道菜系鹽酥雞，抵赞既系切粒粒上，一口就食到幸福既味道，粉吾會過多，雞肉肉身夠軟，十分香脆，會食吾停口。 花枝丸每次食台灣野都會必點，類似墨魚丸，但更有咬口更彈牙，配上秘製調味粉，個人覺得比鹽酥雞更勝一籌。最後，肉操飯，有小小失望，汁同飯好似兩樣野分開左，普通無特別，下次可能會點麵嘗試。飲品～呢到既台式飲品都十分出色，今次點了一杯熱既黑糖珍珠奶綠和凍既海鹽芝士奶蓋沫香綠茶。前者，黑糖味濃厚，熱版既珍珠奶茶吾會過甜，不過凍既應該會更出色。至於海鹽芝士奶蓋綠茶絕對系超級大推，最高個層芝士奶蓋泡沫真係超級正啊

係fb見到依間d介紹…又比人呃左黎食伏。店內環境還好，有陽光，但枱同餐具都好污糟，掂到隻手痴住痴住，餐具有飯蕉痴住，十分嘔心。首先叫左份肉燥飯，一黎到睇樣已經伏…一試就覺得好淡…陣味好奇怪，仲有一大陣蝦米味，真係好難食。仲有隻蛋！係臭的！即刻吐左出黎都好嘔心。塔香鹽酥雞…普通到不能再普通既炸雞，肉好乾好孩，味道一般，超級油膩。。招牌黑糖珍珠碳燒烏龍奶茶。仲有依杯伏野個名吸引我黎，難飲到…係完全冇味的，珍珠又難食，飲到嬲。問人可唔可以換過杯或者整濃少少，唔該哂咁，佢聲都唔出態度惡劣咁拎走左杯野，格勁耐先換返杯，態度依然換完點知仲淡過原本個杯！😔唉 失望到…。唔知係咪個雞太油，肉燥奇奇怪怪，隻蛋係臭，仲有杯奶茶…既關係，晚上柯左7次。我真心由期望變失望到谷底，依間野由衛生，服務態度，食物質素各方面都十分差。價錢又唔係平。希望大家唔好中我中過的伏。

I read about this restaurant online. The owners are Taiwanese and they used a lot original ingredients from Taiwan.The restaurant is located inside a commercial building near a mall. When it first opened, there were many people waiting in line. Finally got to try it during lunch with my friend. We arrived about 13:00, and we got seats right away. The restaurant was quite big can served about 50 people. Their lunch menu have 7 sets. We ordered beef noodles, and braised pork on rice. Both

中染那邊完成裝修後，除了眾所週知的「IKEA 回歸荃灣」，亦開了好幾間新餐廳。路過幾次見面門光鮮，但人頭湧湧未有機會嘗試～今次趁著星期四不太晚的晚上，特意來試試，看看質素如何。餐廳內裝修不錯加上新淨，感覺舒服～各樣的餐具、擺設也看得出有用心挑選過先點了個滷味拼盤，暖暖的，有雞翼、豆干、金錢肚、蛋、花生，味道正常👌再來是口水雞。本以為是冷盤，竟然是暖暖地偏熱，可能因為煮熱過令味道更入味，喜歡反倒是這個香酥雞排蛋炒飯令人有點失望。主要是炒飯有點太乾有點太硬....價錢亦一點都不划算啊！最後是甜品芋圓！其實原來打算點一杯水果茶，但因為沒得選擇甜度，加上環顧周圍客人點的飲品也說真在的不吸引，娜娜就放棄了～這款是紅豆+綠豆+珍珠+仙草+芋圓～喜出望外的好味道溫馨提示，不要在首次落單時一併過點甜品，附近有數枱也中伏，第二道上的菜已經是甜品，然後.....甜品當然是一直擺放在枱上到最後才吃啊！

從來未踏足過這裡，今天專程來看看，發現這裡都有很多名店。吃飯時間，看到這間好像新開的台灣菜。店內裝修設計簡潔而光猛，空間寬敞，非常舒服。塔香鹽酥雞，份量比想像中多，炸得外脆內軟，味道又不太鹹。川椒回鍋肉，有豆乾、椰菜、紅椒、青椒、香芹、半肥瘦腩肉，有點似四川做法，腩肉經過泡油，所以沒有肥膩感，用來送飯非常好。古越紹興醉雞，採用了國內知名品牌，古越龍山紹興酒來浸著雞件，雞件吸收酒香，加上本身味道，配合得天衣無縫，值得推薦👍台灣肉燥飯，味道正宗，份量亦夠。海鹽芝士奶蓋茉香綠茶，先飲了點茶，覺得茉莉花的淡香，非常滋味，再飲芝士奶蓋，芝士味道濃郁而帶點鹹味，將兩者搖勻，又是另一清新的味道。黑糖芋圓仙草凍1號，我很喜歡黑糖的獨有味道，吃落令人覺得舒服，加上煙韌的芋圓，爽口的燒仙草，簡直是台灣最具代表性的甜品。順帶一提，這裡食物份量頗多的，我開始時以為好像外面台灣菜的份量，結果我們兩人吃不了，唯有打包拿回家。

上午到荃灣工作，下午請了半天假做功課。難得來到荃灣， 試試新餐廳，這間叁陸飯名字都幾特別。走進店內，環境好舒服，夠光猛。一邊牆上有‘今天好嗎‘的佈置，另一邊是玻璃窗，採光使店內的光線更好。一間餐廳如果環境好，坐得舒服，對食物都會加分。午餐都多選擇，叫得台式餐廳，要試試他的肉燥飯。得了一會便有得食。肉燥飯連配茶上，配茶可口，然後再試飯，開始觀感一般，以為只是白飯再加一堆碎肉，但食落就停唔到啦。說的是飯內滿是肉燥的肉汁，拌勻來吃時，那種熱透入心，好幸福的感覺。以為小小的一碗，食完卻有飽足的完滿感。跟餐的那杯青茶，我加了珍珠，味道都算唔錯。他還有其他款式的台式奶茶，還是下次再試吧。這一餐，因為環境舒適，所以坐得耐。地點確實有點偏，所以午飯時段人也不算多。這地方和朋友聚聚食飯，會是個好選擇。