叁茶陸飯

营业中

休息中

因為聽過有人話呢間嘢好食，而佢嘅裝潢的確好討好，所以今日終於去試試佢。下午茶時間，冇咩人唔駛等位，帶位店員態度唔錯，仲提我哋可以坐多陣等到下午茶開始先點餐。內在環境都幾大幾靚，完全係台灣小清新嘅感覺。下午茶menu。我覺得要試一間台灣嘢，叫肉燥飯就見真章。因為如果連咁簡單咁傳統咁招牌嘅嘢都唔好食，間嘢基本上係執得。而拼盤就係求其嗌嘅。tea set本身包杯茶，但我另外用半價加咗杯芒果奶蓋 ($48->$24)上檯啦！肉燥飯嘅賣相係小失望，因為肉燥份量望落唔多，又冇cover曬成碗飯，啲飯白雪雪好似冇乜汁咁。但係潷落去呢，其實汁係夠的！因為落曬底～但係⋯啲飯，太淋了！直情有「固體粥」嘅感覺了。我唔要求係好煙韌香綿，但係煲到咁淋絕對係失敗。至於肉燥，太瘦了，係一啲肥肉都冇的，所以缺少油香。呢碗飯完全破壞咗我本身好高嘅期望⋯＄38一碗肉燥飯，包埋小菜同茶唔係話貴，但都唔算好平，如果呢個質素就真係唔值跟set送小菜，係青瓜同蓮藕，兩樣都好爽脆，只係蓮藕味道有少少偏淡。右邊嘅皮蛋豆腐係另加的 ($25)，豆腐好滑，醬汁甜帶蒜味，都算唔錯。但係驚喜總係一浪接一浪再難食啲又貴啲嘅嘢終於上檯。

二人叫了1. 塔香鹽酥雞 $45 - 多雞最抵食好食，但可惜塔葉比餐牌相片少好多，得三數片，有圖無全部真相。2. 蚵仔煎 - 味道ok，略少蚵仔。3. 鴨血豆腐 - 好食，但鴨血豆腐少辣椒最多。4. 牛肉麺 - 好食價錢合理。但酸菜有點沙。5. 珍奶茶 $25 - 茶淡唔得，飲水好過。6. 招牌烏龍珍奶 $28 - 茶味比珍奶好多。環境 - 幾好，但二人台有 d 細，台唔夠擺。服務 - 都唔錯，姐姐細心幫手慢慢放鴨血豆腐爐於台中間免生意外。埋單 $371。整體唔錯，都可再幫襯。

同朋友喺荃灣呢頭行完街，經過中染新城嘅時候就見到呢間餐廳出邊好多人排隊等位，而且見到食評都唔錯，所以我哋都決定試一試。我哋拎完飛等位嘅時候仲去咗附近IKEA行街。等左十幾分鐘左右，就已經有枱啦。餐廳嘅裝修都幾有心思，好適合去影相打卡。我哋叫咗一個牛肉麵同一個三杯雞。牛肉麵湯底味道濃郁，牛肉煮得好入味，不過啲面煮得稍為冇咁熟，就黐埋左一齊。三杯雞嘅份量可以兩個人食，不過啲雞就太硬，可能煮得太熟。唔知係咪因為星期日比較多人，我覺得整體嘅質素冇其他人食評講得咁好，不過都係唔錯嘅，值得推介。

行開荃灣，打開openrice看見有台灣菜介紹， 於是找了這間餐廳 。餐廳裝修文青風格，比一般餐廳寬敞。我們叫了台灣菜必吃的滷肉飯， 滷肉肥瘦適中，非常好吃，比阿_來了的好吃很多，皮蛋也是比想像中的好吃，但苦瓜就一般了，太濕加上鹹蛋香味不算太出眾。整體來說，餐廳性價比很高，鍾意吃台灣菜的朋友不妨一試，鹵肉飯和鹽酥雞是值得推薦的，加上餐廳也有台式甜品供應，非常不錯哦。

成日去完宜家家私都會想食呢間，長期都好多人排隊架，所以最好都係用個APP攞飛先。仲記得第一次去食，試左佢個招牌黑糖珍珠炭燒烏龍奶茶就愛上，好香好香嘅炭燒嘅，茶味亦都剛剛好，有D珍珠奶茶而家好多都重奶味，反而無左個茶味。雖然佢無得選擇個甜度，但個黑糖珍珠亦都唔太甜，我比呢杯9分呀！今次我地食午餐，選擇都十分之多，非常喜歡佢嘅肉燥飯，真係香而不膩，都算幾正宗嘅台灣料理。佢個三杯雞都不錯，係唔太夠熱。加上裝修環境，咁嘅價錢，都好抵呀！

為左try呢度既芋圓而二訪的！！賣相好吸引！！好大碗咁！😍芋圓好煙韌！仲四色架添！不過濃味啲會更好，而仙草、綠豆同紅豆都好味🤤.蔥爆牛肉用左好多大蔥同燈光椒去炒香，夠惹味，望到都想流口水喇🤤 牛肉都幾嫩，而且份量夠晒多👏🏻.鹽酥雞炸得好香脆！！味道都正🤤份量又比想像中大🤣👍🏻.魯肉飯第二次食呢度既魯肉飯，大碗、足料、好味道🤤價錢又合理！.咸蛋黃炒苦瓜苦瓜甘甘地，唔會好苦👌🏻不過我地都覺得苦瓜夾咸蛋黃既味道唔match，仲怪怪地😥都係普通苦瓜炒蛋好味啲😂

呢間野只可以用難食來形容！招牌黑糖珍珠炭燒烏龍奶茶完全冇黑糖味又冇烏龍茶香味，我覺得係奶水加珍珠囉！黑糖珍珠奶茶，都係冇黑糖味，茶底苦澀。台灣肉燥乾拌麵又係冇味，主角肉燥係丁點味道都沒有！蚵仔煎又係冇味，三杯雞好咸！

食台灣菜嘅餐廳越開越多，總有一間喺左近。今次試呢間叄茶陸飯，商場樓底非常之高，空間感十足，加上裝修雅致簡潔，令人感覺到好舒適relax。食物價錢偏貴😅飲品選擇超多👍🏻台灣肉燥飯～好味嘅但我個人認為咸咗啲，珍珠米就嚼勁香Q，口感一流。台灣肉燥乾拌面~基本上味道同肉操飯冇咩分別，只係多咗條菜！塔香鹽酥雞～熱辣辣好香脆惹味，唔會太咸值得推介👍🏻👍🏻兩杯飲品分別係招牌黑糖珍珠炭燒烏龍奶茶，海鹽芝士奶蓋茉香綠茶。奶蓋厚厚超濃香奶味，綠茶好淸香。正！服務員態度很好亦好勤快，令整餐飯嘅感覺好舒服。

好友飯聚，選擇左呢間台灣餐廳，貪佢坐得都幾舒服，方便傾計。4個人食就可以叫多啲唔同嘅食物一齊開心share啦😛台式小食拼盤呢個小食拼盤份量唔算多，不過四個人一齊食都足夠。佢有鹽酥雞，炸魚餅，炸花枝丸，同埋台灣腸，其實種類都算係多。上菜夠熱，鹽酥雞份量都算多，都有肉地，唔會淨係得炸粉，其他都不錯。蚵仔煎個蛋略嫌煎得乾身左少少，蚵仔份量再多啲就好喇。炒米粉雖然呢個係素，無肉食，但係個炒米粉又出奇地好食，好有咬口，唔知係唔係台灣好出名嗰隻新竹米粉呢。雞扒黃金炒飯推介呢個飯，佢佢嘅飯底炒得好香而且帶有淡淡嘅鹹蛋黃味，如果係鹹蛋黃控，一定會鍾意。雞扒都睇到有幾大塊，加上個皮夠薄，肉質juicy真係好味。三杯雞反而個三杯雞令人失望😞，佢個雞炸到好乾身，而且我食開重口味都覺得咸左D。仲有唔夠果陣九層塔既香草味。炒四季豆簡簡單單，味道可以，撈飯一流綠茶珍珠（都幾好飲，奶味同綠茶味都啱啱好，珍珠可以再彈牙啲就好）朱古力咖啡 （朋友話好甜，完全比朱古力搶晒風頭，唔似飲緊咖啡）

坐落中染新城既食店，呢間台式既還算好，不過食物方面有好有唔好吧，未至於好驚喜或失望，還可接受吧。點了 滷水拼盤 小， 香辣鹽酥雞，花雕雞，回鍋肉，肉燥飯，水果茶。拼盤還算可以，$58，有花生，雞翼，牛肚，豆腐，味道都唔錯，不過滷水味重D會好好多，蛋再入味D會更好。花雕雞就有點失望，$78，因為雞既肉感比較差，唔滑，而且沒有花雕味。。。不過飲左啖湯就好有花雕味，所以花雕混合不到雞了。。。回鍋肉，還好。$78，本身唔食辣都食到一點點，而且口感都唔錯，肉感林林地。肉燥飯還ok,$38,肉燥量都唔少，可接受啦。鹽酥雞香辣味有，$45，又唔算太辣又唔粉，口感可以的。水果茶，$42，有蘋果有橙有柚子，不過覺得唔夠多生果，味道唔夠濃了，都唔值得飲。環境方面算是寬敞吧。不過唔知係咪新年關係，服務費就加一點五了。總結好唔好視乎你點甚麼菜了。

最近都好想食台灣菜 所以就今次食呢間收藏左好耐台灣菜餐廳 塔香鹽酥雞 $45 6/10以$45嘅價錢來講 都算幾多份量但係美中不足嘅係 佢份雞有一半係熱 但係同時有一半係凍嘅🤯🤔 呢度我就覺得佢做得唔係咁好啦 我寧願佢番炸但係都唔好凍上😩.三杯雞 $88 6/10呢間食嘅三杯雞同我以前食嘅其他三杯雞有啲唔同 冇咁惹味 雖然佢入邊啲雞全部都係雞翼斬開一半 食落係幾嫩滑 但係同時都有好多嘅碎骨 所以食落去要小心一啲.肉燥飯 $38 8.5/10算係今餐最滿意嘅 味道來講都幾惹味 鹹鹹香香 仲有啲冬菇提味

到台式餐廳必會嘗試其肉燥🤪台灣肉燥乾拌麵 $56配上前菜 蓮藕粒青瓜粒和滷水蛋🥚拌麵棉質彈牙有口感 要趁熱享用😋飲品選了南投小農紅茶☕️濃郁香醇 美味又解膩🤩餐廳佈置都很有特色

放工經過見到台式飲品!試下啦~我叫左杯炭燒烏龍拿鐵我估每間店有佢嘅沖劑量!睇到佢地沖用3角錐體量杯量一少量疑似係茶/ 糖水嘅野!心諗 : 甘少份量嘅茶? 自我安慰當杯野飲拿到手同我心中炭燒烏龍顏色不同。點解一啲茶色都沒有?當我飲第一啖個陣，天呀? 一點茶味也沒有!只係似微甜奶白色嘅水。成杯飲咗幾啖就掉了!給同行朋友飲一啖都問我咩黎嫁? 冇味嘅? 唉...浪費錢

夜晚喺荃灣行完街就搵地方食個飯，見呢間舖頭裝潢幾別緻，又是台灣菜，即管試一試，結果非常失望一共叫左兩個菜，川味水煮魚片同台南鳳梨蝦球；前者得個辣字，除左辣味之外咩都食唔出；後者又話係台南鳳梨，但明明是罐頭菠蘿賣相已經唔討好，上面仲要灑啲原因不明嘅七彩朱古力，好似小學生勞作......試埋杯推薦嘅黑糖珍珠奶茶，味道十分淡，真是好一般。加上坐得唔舒服，座位放得超級近又窄，一路食就一路聽到哂隔離兩邊枱嘅對話內容整體都是令人失望，未必會再食第二次。台南鳳梨蝦球水煮魚

啱啱同朋友行完IKEA落到去見到有間幾靚嘅台式野，就入咗去食間野嘅裝修主要係藍色同白色為主，好啱啲女仔用嚟打卡因為食飽咗所以我哋主要都係嗌左啲小食同甜品首先嗌左個芝士磨菇雞翼，佢係去咗骨嘅雞翼入邊包住蘑菇同芝士，燒得好香口， 又唔使拆骨好方便，芝士磨菇同雞翼好夾，好好食。之後我就叫咗個雙莓芝士奶蓋，而我女朋友就叫咗芒果海鹽芝士奶蓋，個奶蓋好香芝士味鹹鹹甜甜得黎好濃郁，我個杯莓酸酸甜甜好開胃， 而朋友嗰杯芒果味好真一啲都唔化學雖然四十幾蚊一杯但係份量好足，貨真價實，真係落足料去整，所以係值回票價最後我哋嗌左個黑糖芋圓仙草凍share，入面有紫米綠豆珍珠芋圓同仙草凍， 個汁係奶白色應該係花奶，好重奶味，個仙草好重黑糖味，好滑，芋圓好煙韌店員都十分有禮貌同埋好好服務，呢一間絕對係一間高質嘅鋪頭，無論環境服務定食物質素都好高質， 如果下次再嚟荃灣，一定會再試。