叁茶陸飯

营业中

休息中

今晚老婆唔想煮飯，佢又唔太肚餓，得我同仔仔食，帶他去叁茶陸飯，因為每次黎都要飲珍珠奶茶環境寛敞，有很多座位食物和飲品有很多選擇，還有台式甜品可以點 台灣肉燥伴乾麵，係夏天唔想食到出哂汗，乾面也是不錯的選擇塔香鹽酥雞，很香很好吃最後說服仔仔試下奶蓋綠茶，很香奶味很重，值得一試

假日都有set lunch食😎 附送飲品一杯同小菜🥬 質素都唔錯😌-#香酥雞扒配白飯 🐥 ($73)即叫即炸既雞扒🐣 所以要等得耐啲😌 但絕對值得😛 雞扒炸得剛剛好👌🏻 外脆內軟🤤 雞肉唔韌🐣 能保留肉汁又唔太乾👏🏻 食得過😎-#蔥燒豬軟骨配白飯 🐷 ($78)豬軟骨算軟淋🐷 只係略嫌某一兩件軟骨咬唔開🤔 醬汁好多😏 送飯一流🍚📍荃灣青山公路388號中國染廠大廈中染新城1樓117號舖

呢碗係黑糖+紫米+燕麥+珍珠+芋圓+仙草凍，$42試到咁多料，啱哂為食嘅我🤪加燕麥落去芋圓度，好surprise 地好夾，而且心理上覺得健康D😂，仲有珍珠係細細粒，但幾彈Q好好咬，而且仙草凍都整得好滑👍🏻

約左朋友係附近食晚飯 之前一直都想試下呢間台灣菜😌入到去超有文青feel 又有D文青既字 地方好寬敞又光猛 同朋友一路傾計一路食飯最啱💛我地叫左個鹽酥雞🐓分量好充足 炸得好酥脆 又唔會太鹹 裡面既肉汁依然能夠保留住 係熱騰騰咁上枱 食落唔係好油🤓大小亦都剛好呢杯係芒果海鹽芝士奶蓋 面頭嘅奶蓋十分之多🥰有少少海鹽嘅鹹味加上芝士 配搭一流👍🏾芒果汁嘅甜度啱啱好 亦都有少少芒果肉😚仲叫咗一碗肉燥麵 麵質彈牙 亦都有好多肉燥 比起台灣嘅肉燥略嫌鹹左少少 不過都好好味😼最後叫咗個芋圓作甜品👹每一樣嘅配料都好多 撈埋起上嚟食超夾 啲芋圓同珍珠唔會太冧亦都唔會太硬 仙草都好清新 甜度啱啱好🤤

今日同朋友去食晚飯，6點幾7點左右去到，餐廳唔多人，即刻有位。餐廳裝修簡潔明亮，坐位間空位充足，坐得幾舒服，而且色調靚，影相一流。3個人叫左滷水拼盤，炒豬潤，牛肉麵，蛋花湯，台灣香腸，白飯。食物整體水準良好，有賣相，分量足夠，性價比唔錯。台灣香腸配左生蒜，好欣賞餐廳有地道既食法，係台灣第一次食咁既配搭，一試難忘，係香港再食到好開心。炒豬潤都有驚喜，豬潤大塊，食落冇渣，有好多菜心，抵食。滷水拼盤足料，有好多豆腐，夠入味，連平時唔食牛雜嘅我都食咗幾舊。牛肉麵同蛋花湯就比較普通，蛋花湯味道交談，冇咩特別，牛肉麵湯底唔夠香，唔算好多塊牛肉，性價比一般。服務正常，上菜速度快，要注意嘅事係繁忙時間只可以坐90分鐘。三個人食咗$357 ，平均一個人消費$120。環境唔錯，食物質素良好，正常服務水準。可以再去。

就係中染新城呢間台式餐廳裝修幾別緻。見有午餐但唔太岩食，散叫幾味試試。台灣肉燥乾拌麵餸料非常多，肉燥舖面麵上，仲有半隻滷蛋。拌麵本身味道唔錯，麵質幾質牙，撈肉燥食一流。滷味拼盤 細拼盤份量一啲都唔少，所有材料都滷得入味，最好香食五香牛肚。但可能全部都係滷水，食食下覺得有啲過咸。 台式家鄉蛋炒飯 普普通通一個雜錦料嘅家常炒飯，幾夠鑊氣嘅。 海鹽芝士奶蓋綠茶  芝士奶蓋本身已經好好食，夠厚重芝士香濃，不錯。 全餐都幾台式，味道整體黎講不錯嘅，但有啲重口味，下次可以選擇叫啲清清地嘅小菜中和下。

好咸食緊鹽溝飯？個蛋炒飯冇蛋味，得個咸味，仲要係好咸凍飲杯有裂痕 唯一可以讚到就係員工服務質素 但係啲食物質素就差到冇得再差 得咸味 迫住你要叫啲飲品同埋飲水去中和 飲品正常發揮

星期一至五有lunch set 包前菜飲品.肉燥拌麵🍜碗好大 但份量一般食落麵質是不錯的 可是沒有味道肉燥好似乾炒肉碎 冇味之餘好油好失望😞成個餐得青瓜同飲品係正常.叁茶陸飯果然茶比較出色 環境裝修都算文青其他真係麻麻 價錢偏貴 另收加一

之前食過呢間兩次都幾鐘意！今日係母親節 約左兩個朋友食lunch 大約2:15到 等左20分鐘倒就有位 比想像中快！幾鐘意呢度既裝修😍好台灣feel 我都係叫返之前叫開既香酥雞扒配飯😍好香口好好食 飯量都剛剛好 配杯海鹽芝士奶蓋茉香綠茶！奶蓋芝士味好濃🤩飲完好飽！另外兩位朋友叫左拌麵 👍🏻 每人都叫野飲再配個蚵仔煎👍🏻雖然冇台灣咁好食 不過都ok本身想食埋甜品 不過已經食得太飽🤭 每人平均135元 今日假日lunch set 貴過平日十幾蚊😳 整體都幾鐘意依到🤘🏻

講真，今次嚟食呢間餐廳，九成嘅原因都係因為佢嘅外表好似好吸引，有少少偽文青嘅風格。而且呢排都好興台式食品同埋飲品，所以決定一試！我係下午兩三點嘅時間去到，其實都幾多人，門口都有人排隊，我都等左幾張先入到去。去到見到好多後生仔女，相信佢哋同我一樣都係嚟打卡！而講返啲食物，叫咗呢度嘅滷肉飯，一向對滷肉飯要求好高嘅我，就覺得一半啦，啲飯有少少乾，而啲滷肉汁亦唔係好好味。俾同行嘅朋友試吓佢都話一般！而我朋友就叫咗個雞嘅炒飯，雖然炒飯都係炒到啲飯有少少晏，不過好彩佢有落得多雞蛋，食落去都有味道啲！飲品方面，我哋就淨係要左最普通嘅珍珠奶茶，都可以接受！如果大家真係要去打嘅話都可以試吓，不過應該都係一次就夠！

Taiwanese food is also one of my favourite cuisine. This place is pretty big and spacious, most of the tone is using white, which creates a bright, simple and clean feeling. Braised Pork Rice Set comes with three side dishes as appetisers, such as cabbages with sliced carrots, lotus and spicy cucumber which whet your appetite. The braised pork rice bowl is pretty big, with a generous portion of braised pork, unfortunately it is served slightly warm temperate only. The plus would be on the Fried

其實依家之前已經食過幾次先講下個環境啊，佢嘅環境都好乾淨嘅，好靚坐得舒服。食物就更加不得了啊我依家就介紹下1）滷味拼盤（小）$58唔好睇落去好似好細份咁，其實佢係好多料足夠兩個人食都飽，而且滷水味好重好正啊！2）台灣香腸 $32外面勁脆 好食！價錢嚟講 份量唔算多！3）香酥雞扒蛋炒飯 $78啲飯吵到粒粒都係金黃色，而且個雞排超級脆好好味呀4）黑糖芋圓仙草凍2號（紫米，綠豆，珍珠）$43呢個係我最期待嘅佢就唔算好凍 但芋圓好煙韌！食飽飯都可以自己一個人食一個啊！必食！

食過呢間餐廳一次, 今次帶埋個朋友係第二次嚟食, 無論食物水準定人氣都無咩大變化, 一樣好多人要等位~我叫嘅三杯雞同朋友叫嘅糖醋魚都好多好好味, 有side dishes有好多菜同包一杯飲品(紅/綠茶)真係加晒分! 我地都加多$5要珍珠, not bad!一齊share埋個waffle甜品(蜜糖配黑糖麻糬口味+ice cream), 有啲紫薯feel, 好多cream x.x..超級飽!雖然要加一, 唔太平, 枱同枱之間迫左少少，唔多方便同朋友傾計，service 都一般般，但食物整體好食過其他台式chain restaurants，算係感啦

話說女朋友👸🏼在荃灣番工，出去接佢收工，佢話攰攰地，就打算係荃灣搵下有咩食🤔行行下就見到「8咪半」呢個商場，女朋友問，呢間野個名甘搞笑既？！五知食咩呢，於是就決定一試👍🏻當時可能係夜晚8:30左右，五駛等位，一拎飛就入得啦（BTW, 餐廳有得用Apps拎飛架，減省排隊時間）打開餐牌😍嘩，樣樣都好吸引，諗左好耐先決定好叫咩食芝士蘑菇雞翼，幾特別，好多蘑菇碎係入面，一碟有4隻，每人2隻岩岩好台灣食品無理由五食花枝丸，情有獨鍾😂所以叫左台灣花枝丸，一碟有5粒，我食左3粒😋有小小蜜糖係面，甜甜地，OK為左試多些五同既食飯，我地就叫左個肉燥排骨麵，肉燥麵幾好食，排骨略嫌炸得五夠，可能凍左小小👸🏼鍾意食辣，所以叫左醬爆雞丁，一大碟👍🏻份量超多，可以再辣D飲品幾特別,於是一人叫左一杯野飲，分別係雙莓海鹽芝士奶蓋同芒果海鹽芝士奶蓋，海鹽配奶蓋感覺好特別，咸咸地，mix埋雙莓仲正👍🏻遠超芒果食飽飽，為食既我梗係叫埋黑糖芋圓仙草凍1號啦，可惜五夠凍，美中不足整體來說，叄茶陸飯值得再黎，新潮既台式餐廳

這一間店主打台灣食物，我們在門外等了大概20分鐘才可以入座，裏面有圓枱和一些吧枱的位置，我們就坐在吧枱的位置。芝士雙莓奶蓋，這是新款的推薦飲品，芝士味10分濃而且厚厚一層鋪在面，下面將每莓打碎成果汁， 大分清新的感覺。這是招牌黑糖珍珠炭燒烏龍奶茶，這一杯是我朋友推薦的，他說上一次來的時候很好飲。但是這次的奶茶十分淡，好像只有奶粉加水的感覺，一點也不好飲，所以令我十分失望😞這是招牌排骨蛋炒飯，蛋炒飯令每一粒飯粒都沾上了蛋漿，炒出來的飯十分金黃好看，而且食落口也十分香，招牌排骨也炸得剛剛好，口感鬆脆，值得再試！蒜泥白肉：這一碟蒜泥白肉的醬汁很濃郁，是秘製的蒜蓉醬汁，食落肉片爽口，味道不錯，但是我可能比較喜歡食米線店的蒜泥白肉多一些肉燥飯比我想像中大碗，而且肉汁的份量剛剛好，沾滿了每一粒飯粒，肉燥份量適中，這一碗肉操飯令我覺得原來肉操飯也可以這麼好吃的，令我十分驚喜！