影片
更多
2019-03-19
260 浏览
因為聽過有人話呢間嘢好食，而佢嘅裝潢的確好討好，所以今日終於去試試佢。下午茶時間，冇咩人唔駛等位，帶位店員態度唔錯，仲提我哋可以坐多陣等到下午茶開始先點餐。內在環境都幾大幾靚，完全係台灣小清新嘅感覺。下午茶menu。我覺得要試一間台灣嘢，叫肉燥飯就見真章。因為如果連咁簡單咁傳統咁招牌嘅嘢都唔好食，間嘢基本上係執得。而拼盤就係求其嗌嘅。tea set本身包杯茶，但我另外用半價加咗杯芒果奶蓋 ($48->$24)上檯啦！肉燥飯嘅賣相係小失望，因為肉燥份量望落唔多，又冇cover曬成碗飯，啲飯白雪雪好似冇乜汁咁。但係潷落去呢，其實汁係夠的！因為落曬底～但係⋯啲飯，太淋了！直情有「固體粥」嘅感覺了。我唔要求係好煙韌香綿，但係煲到咁淋絕對係失敗。至於肉燥，太瘦了，係一啲肥肉都冇的，所以缺少油香。呢碗飯完全破壞咗我本身好高嘅期望⋯＄38一碗肉燥飯，包埋小菜同茶唔係話貴，但都唔算好平，如果呢個質素就真係唔值跟set送小菜，係青瓜同蓮藕，兩樣都好爽脆，只係蓮藕味道有少少偏淡。右邊嘅皮蛋豆腐係另加的 ($25)，豆腐好滑，醬汁甜帶蒜味，都算唔錯。但係驚喜總係一浪接一浪再難食啲又貴啲嘅嘢終於上檯。
內在環境都幾大幾靚，完全係台灣小清新嘅感覺。
下午茶menu。
我覺得要試一間台灣嘢，叫肉燥飯就見真章。因為如果連咁簡單咁傳統咁招牌嘅嘢都唔好食，間嘢基本上係執得。
而拼盤就係求其嗌嘅。
tea set本身包杯茶，但我另外用半價加咗杯芒果奶蓋 ($48->$24)
台灣肉燥飯
$38
59 浏览
0 赞好
0 留言
但係潷落去呢，其實汁係夠的！因為落曬底～
但係⋯
啲飯，太淋了！直情有「固體粥」嘅感覺了。我唔要求係好煙韌香綿，但係煲到咁淋絕對係失敗。
至於肉燥，太瘦了，係一啲肥肉都冇的，所以缺少油香。
呢碗飯完全破壞咗我本身好高嘅期望⋯
＄38一碗肉燥飯，包埋小菜同茶唔係話貴，但都唔算好平，如果呢個質素就真係唔值
跟set送小菜，係青瓜同蓮藕，兩樣都好爽脆，只係蓮藕味道有少少偏淡。
右邊嘅皮蛋豆腐係另加的 ($25)，豆腐好滑，醬汁甜帶蒜味，都算唔錯。
塔香鹽酥綜合拼盤
$48
25 浏览
0 赞好
0 留言
再難食啲又貴啲嘅嘢終於上檯。
我敢講，個鹽酥雞真係垃圾中嘅垃圾。
唔熱嘅，淋嘅，外層完全唔脆，而且淡茂茂係冇味嘅！！！！
明明用嘅係豪大大鹽酥雞嗰種粒粒炸皮，點解可以淋到好似食緊棉花雞咁？
我平時喺大學買$18一份嘅鹽酥雞仲要好食好多！
炸嘅嘢可以少少脆度都冇真係好難得！仲要上菜都唔係快，差唔多食完個飯先到的
真係超大失望同打擊！
轉戰台灣腸啦，嘩，又係冇咩味嘅⋯ 又唔似煎又唔似烤，有少少似白烚嘅感覺。
食到呢度，我真係成個人灰咗⋯
絕望中食埋個花枝丸，
嗯？反而又幾好食，墨魚丸個味道幾濃。
芒果海鹽芝士奶蓋
$24
25 浏览
0 赞好
0 留言
最後講埋杯飲品。
奶蓋味道唔錯，帶鹹味，但係略嫌質感偏稀，做唔到好綿密濃厚嘅感覺。
不過奶蓋份量都多，飲到最尾都有得淨。
芒果茶都ok嘅，有啲啲啲啲果肉，不過都係有啲稀，係許留山質素吧。飲到有少少茶味。
雖然算係唔錯，但半價後先合理，如果正價$48，係超級overpriced。
然後我講過帶位staff態度唔錯，可惜入到去侍應態度就冇特別好，我哋食完個飯都未送杯茶，想請侍應幫我哋跟跟，當個男侍知道我哋係想追單，佢係即刻pat底份單lol 之後好冇語氣咁講「幫你追下」。然後見到佢對住正好拎住我哋杯茶嘅侍應，有點呼喝地叫佢快啲上，指住我哋有少少晦氣地講「佢哋追呀！」
嗯，但係又唔係話好大件事，又唔算好惡劣嘅態度嘅，只係冇特別好，當軼事一則吧。但既然裝修得咁靚，想走高檔少少嘅路線，我自然係會對服務有高少少嘅期望？
不過始終，呢度最大嘅問題，係食物質素！作為一間台灣餐廳，佢賣嘅台灣食物真係完全唔合格⋯ 要知道喺台灣，周街都係平幾倍而質素又唔錯嘅食店。我知呢度係香港，我唔介意俾貴啲（好多），但係呢度真係挽車邊都比唔上當地街頭小店。
呢餐真係食得好失望，希望佢哋會改善吧。
台灣肉燥飯
$38
39 浏览
1 赞好
0 留言
张贴
