叁茶陸飯

营业中

休息中

有一晚諗唔到甜品食啲乜嘢所以就入咗去食佢嘅芋圓。冇記錯好似$40以內，但係其實好足料，只不過覺得佢芋圓份量略嫌太少，但係食完都好飽，兩個人share食都可以呀！店舖嘅裝修亦都非常之簡潔，坐得幾舒服😌

環境有feel坐得舒服，價錢合理，性價比高。推介鹽酥雞，外脆內軟又juicy。鹽酥拼盤配搭perfect，奶蓋比bubble tea store 仲好飲。必試水果茶同埋奶蓋。裝修一流，岩曬打卡

週末來宜家，路過試試這裡的甜品，點了紅豆紫米湯水、黑糖芋圓仙草凍，水準一般，但服務態度好差。對客戶黑臉，下錯單還說得理直氣壯。附近餐廳那麼多，實在沒必要再光顧。

之前都聽過朋友講呢度既野飲好味 今次終於有機會試喇 叫左一個金鳳奶蓋 試下同喜茶有咩分別 飲落無喜茶個個咁膩 同埋都有啲芝士既鹹味出到黎 都幾品錯 下次有機會一定要去試下佢地既台灣菜

台灣餐廳香港越開越多呢個門面都幾靚 比較上貴價少少但食物質素唔差 款式都多呢個蠔仔餅就一般 只係一般煎蛋食咗蠔仔蠔仔份量又唔算多 唔太抵食反而個滷水拼盤有驚喜！好大份好多唔同嘅滷水食物 雞翼豆乾滷水蛋等等都滷得幾入味 正！肉燥撈麵 唔算太特別味道不過不失 但份量都ok嘅

咁啱去完愉景新城玩，玩完咁攰，路過見到呢間叁茶陸飯，見裝修幾好，呢個時間唔多人就試下啦！台灣肉燥飯，份量都唔少，肉燥粒粒分明，肥瘦分別，有咬口，汁料多，鹵蛋夠入味。塔香鹽酥雞，炸得香脆，唔會油膩，雞肉炸完都仲嫩，有肉汁，雞肉唔會鞋，炸得剛好，份量較多。台灣肉燥乾拌面，好有份量既麵，麵條粗，麵質彈牙，雖然咁多肉燥，但唔會過鹹。飯後甜品試呢個黑糖芋圓仙草凍2號（紫米，綠豆，珍珠），份量夠2-3人分享，芋圓彈牙，仙草滑，口感豐富，黑糖滋潤還有不少台式飲品食物選擇多

荃灣站落車之後經過長長的天橋就嚟到参茶陸飯今日同朋友嚟食因為呢度都算出名不過就冇晚市套餐台灣牛肉麵$73牛肉麵嘅湯底比較普通牛肉嘅份量亦都比較少麵底似乎煮得太過耐所以麵質比較林失去左彈牙既口感不過味道尚算過得去塔香鹽酥綜合拼盤$88我以為塔香應該好香香料味點知原來食落咩味都冇拼盤包括台式香腸，鹽酥雞，花枝丸仲有一塊食落去煙銀但係我唔知自己食緊乜嘅嘢感覺上散叫嘅話應該更加抵因為除咗鹽酥雞之外其餘嘅都好吸油一食落口就全部都係油台南鳳梨蝦球$108個名好似改得好好聽其實就係菠蘿同埋炸蝦🍤菠蘿雖然係新鮮菠蘿🍍但係我好肯定一定唔係來自台南囉蝦球雖然係即叫即炸不過炸粉有啲厚所以食嘅時候雖然脆但係唔夠鬆化而且價錢有啲貴台式肉操飯$38肉燥有啲太過咸亦都比教乾飯嘅份量比較少隻蛋唔夠入味整體來講味道都算唔錯餐廳地方就闊落約咗裝修得幾靚不過價錢就貴左少少所以最後都冇叫野飲亦都冇食到最愛嘅甜品

成日經過叁茶陸飯都好想入黎試，先係比佢個店名吸引到，再而覺得裝修好小清新feel，又有ｄ喜茶既感覺，就好想去試啦。LUNCHTIME有LUNCH　SET，今次試左肉燥飯SET。好鐘意佢成個TRAY裝晒所有小食同主菜，感覺好「企理」。小菜唔係固定既，今次有菜、醃青瓜同滷水蓮藕，青瓜同蓮藕都幾好味，特別係青瓜酸酸辣辣，食完好開胃！不過菜就略嫌無乜誠意，好似白烚咁，無乜味，就算想食條菜健康Ｄ，都會因為佢太dry而唔想食。到正餐啦，肉燥飯唔差喎！好多肉燥，撈飯一流！加上肉燥炒得好香，會令人不斷係咁食。滷蛋反而唔夠入味，唯有撈多ｄ肉燥一齊食。最後，飲品是戲肉！一黎到己經比個台式飲品水吧吸引到架啦，今次叫左杯芝士奶蓋綠茶飲，奶蓋幾高質，真係有喜茶既感覺，綠茶清得黎帶點點茶香，好飲！p.s.呢到平時LUNCHTIME都排晒長龍架！lunch既話要早d黎搵位！ 

不算是很地道的台式餐廳，但環境舒適，食物飲品的味道不錯。 推介度8/10 （＊晚市以小菜種類為多，所以如果只是兩個人來吃的話，要點食物好像有點難（飯面類只有１０樣，其他全是小吃和小菜））環境：燈光明亮，環境清潔，坐得也很舒適，是個很適合談心的地方。性價比：十分合理，正常在地的台灣菜價錢，分量較香港的台式餐廳大一點。味道雖不止於令人齒頰留香，但也算是不錯啊　總的而言，食品質素也達7.5-8/10 (起碼每碟菜也是真的很足料啊！) 特別推介海鹽芝士奶蓋茉香綠茶，忘了叫飲品少甜也不覺得特別甜和膩，味道調較得剛剛好！讚！（而且價格便宜，好像只是２０多元）服務：正常，沒有台灣很熱情的照待啦畢竟這兒是香港嘛XDDDD比較茶木：很多人會與茶木作比較，不過兩者的主題有點不同。叁茶陸飯賣的感覺上較樸實的小菜，所以一起初看餐牌我也是沒有什麼特別想吃的._. 看了很久都不知吃什麼好。　茶木賣的較多種類，也有fusion菜，所以如果喜歡吃"美美的特別的"叁茶陸飯未必能滿足到你。　不過相對之下，茶木的口味比較重，對我來說叁茶是比較適合我的口味啦。總括而言，值得一試，也會再去啊！^_^

我和他已經很久沒去旅行，台灣曾是我倆很喜歡的地方，來一趟回味一下。今次想吃肉多一點，原來還有台式甜品可以點，不錯(￣▽￣)我很喜歡醉雞，名字改得幾特別，當花雕遇上雞，$78。這道菜那種香和滲入肉中的酒味，實在很吸引。台式蛋花貢丸湯，一盅$28，不錯，不過就簡單了一點，只是想喝湯。櫻花蝦炒絲瓜，$75，想叫份菜吃，這個亦不錯。來點飯麵類吧，五香牛肉麵，肉還不錯，如果可以更入味就更好，湯亦不錯。整體環境不錯，坐得算舒適。

估唔到星期日過左午餐時段，成三點都仲咁多人🙈大約等左十分鐘鴨血豬旺第一個黎先，因為寫左係台式麻辣又睇佢紅噹噹咁，以為會好辣，但只係有淡淡嘅香味，唔辣，腸同血開頭唔太入味，等到中段開始因為一路煮嘅關係先夠味☺️個麵好好食，麵質好掛汁，而且個醬好香卤水肉味正😁個湯就普通咁個丸都可以啦我第一次飲奶蓋😂但我覺得依間勁好飲，好香芝士味奶味，加埋啲茶又香，淨係食啖奶蓋又好濃😁好似係依到比較出名芋圓，而且都無令人失望，芋圓都幾有香味，加埋啲頭甜度岩岩好😁

周末去南豐紗廠前，行經見尼間個名好特別就去試下，誰不知好意外發現是不錯嘅台灣菜式。跟朋友2個人點了台灣肉澡飯、台灣香腸、香酥炸雞排、紅燒牛肉麵，及招牌黑糖珍珠炭燒烏龍奶茶。雞排外脆內軟， 炸漿不會太厚香腸味道跟台灣的差不多呢！牛肉麵麵質軟硬度剛好，而紅燒牛肉好香好“淋”肉澡飯不多肥肉，味道剛好不太鹹烏龍珍珠奶茶好香茶味，好香滑，果然係招牌朋友剛去完台灣返嚟都話可以再食台灣嘢，都話好食，值得推介

身為荃灣友 我成日都係荃灣周圍食叄茶陸飯堂食就一早試過但就未試過係出面買外賣的台式飲品今日同朋友經過 又見有啲口渴 就一齊買左黎試下我叫左海鹽芝士奶蓋四季春茶朋友買左炭燒珍珠烏龍奶茶價錢同其他台式飲品店差唔多呢度既飲品全部預定半糖少冰中意甜啲的記住要自己改返個甜度而我就叫左微甜少冰我果杯奶蓋好好飲 奶油好滑 加埋茶味好夾同大陸喜茶有得揮架四季春有茶味但會太澀 叫微甜岩岩好不過差少少係個奶蓋既芝士味 可以再濃啲呢度的飲品比其他珍珠奶茶店大杯仲好靚添😍

荃灣中染新城有間台式食店，裝修清雅舒適。周日到宜家購物後，在此店用饍。台式肉臊飯唔錯，肉臊鹹香。蚵仔煎出色，蛋香脆，蚵仔鲜甜無腥味，夠晒惹味豬鹽酥鷄酥脆香口，再來台式珍珠奶茶，珍珠夠彈牙，清甜好飲。

等了半小時，終於有位坐啦！介紹一下呢杯海鹽芝士奶蓋抺茶，芝士濃厚，抺茶都清香，野都未食就即刻飲左先！呢杯野飲可以媲美出面既台式飲品店😋👍🏻咖啡可以，正常味道坐的位置是bar檯邊，有點窄蚵仔煎不錯的說！蠔仔夠大粒有肉食，蛋花煎得夠香唔林呢碟滷水汁雜錦，好多料、不是送上來就已經是涷的，可能是因為一早先弄好的原故吧排骨炒飯，飯炒得很香涼瓜炒蛋，蛋略嫌少了點，但涼瓜好好吃哦！完全唔夠位擺放食物😅😅😅