叁茶陸飯

营业中

休息中

呢日咁啱係荃灣行街 行到攰想搵個地方坐下飲杯嘢..突然醒起呢間台灣嘢 上次同朋友都黎過食飯 味道一般 但嘢飲不錯的大約三點黎到 無乜人唔洗等因為食咗正餐 所以就嗌左個tea set既草莓黑糖麻糬鬆餅 另外嗌左個芋圓 仲有杯奶蓋茉香綠茶鬆餅煙煙un un 加埋蜜糖 雪糕 同cream 好heavy 味道唔錯既但呢個價錢就少貴另外嗌左杯芝士奶蓋茉香綠茶因為係跟餐加，只係半價 加$13奶蓋夠咸香，好濃郁茉香綠茶都好香 呢個價錢算係咁要讚既係個芋圓 份量好多 大大碗 配料有仙草，珍珠，紫米 綠豆..口感夠哂豐富，不過d綠豆同紫米就略嫌甜咗d整體黎講唔算差，如果諗唔到食乜都可以黎同朋友食個tea傾下計 環境都算舒服

叄茶陸飯剛開張時已經想試，但荃灣太多美食，次次都冇食到。今日難得要黎荃灣做Project放飯，終於有機會試。12半前結帳會有88折優惠，可惜我同朋友12點幾先入座，享有不到優惠。太耐冇食肉燥飯，所以決定叫肉燥飯再加$8 配鹽酥雞，要有啖啖肉嘅一餐先滿足到我。套餐包括飲品同配菜：連蓮藕、青瓜、同菜。先講下主角肉燥，分量滿滿，一定夠撈飯。味道方面，感覺太咸，太濃味。飯煮得太多水，未撈都已經淋曬，一pat pat。講真有d失望。 鹽酥雞亦不是十分驚艷。本身已經好細粒，仲要皮太厚。整體而言，唔好抱太大希望食。望到鄰座食鹽酥雞扒外表好吸引，就覺得自己叫錯喇。飲品跟餐送凍四季春青茶，飲落其實係蜂蜜綠茶。

第一次來到8咪半商場食飯. 平日夜晚七點來到, 無乜人可以直接入座, 坐左一段時間. 樓底好高, 空間感足夠. 選擇好多, 飲品芝士茶, 香口的煎炸小食, 台式主菜和芋圓甜品. 我地兩個人, 點了小食拼, 蔬菜, 主食, 甜品, 芝士茶各一. 份量很大, 我們有把餘下的帶走了. 小食拼鹽酥雞 – 十分香脆, 值得食台式香腸 – 拼上蒜頭, 我鐘情的魚餅 – 口感像年糕, 有咬口的. 蛋黃炒苦瓜蛋黃不太濃苦瓜薄片, 還好. 炒米粉炒米粉一般過左一陣就結在一起 , 一餅野咁. 芝士茶超大杯芝士好味!士多啤梨黑糖麻糬窩夫麻糬只是一小部分不是整個窩夫 有點失望整體平平要求不太高, 經濟但多選擇擇的地方

閒逛中 尋找下午茶 睇到依間門面乾淨靚仔就入左去坐底叫左個 招牌台灣排骨飯套餐 豬排極油 不知道用了什麼劣質食油 食落口油脂充滿口腔 黏住個口的感覺 又無豬肉香可取處只有他的脆皮 吃完後喉嚨即刻起痰...飯亦過濕 不推薦...另叫左個甜品 蜂蜜黑糖麻糬鬆餅極極度不推薦 個雪糕係雀巢最平家庭裝雪糕...83蚊比d咁的野我...蜂蜜係糖漿...唉 忌廉係cheap 野...最好食係個麻糬 無了最後食剩曬d鬆餅依間真係非常不推薦

時間：星期六，下午4:55分左右一入到去⋯⋯落地窗旁有大量空枱。未開話想坐邊度⋯⋯店員甲：嗰邊（手指向窗旁）已經set 好枱做晚市，坐𠲖度（手指向離門口不遠一張「弧島」枱。（見到我同兩老一少猶豫之時⋯⋯）店員乙：（有點不耐煩……）嗰邊已經set 好枱做晚市，坐𠲖度啦！（走人，去另外一間！）🤬🤬🤬附近另外一間「5越」有180度嘅分別⋯⋯👍😃「5越」店員：（有善地）門口位比較窄，可以坐𠵱邊（指向店內卡位），𠲖邊闊啲、舒服啲。

荃灣近年的中染大廈進註了不少新式餐廳，起初見餐廳外觀裝修很吸引，打卡一流，一共點了4項單點，點知食品質素真是令人失望⋯⋯
點了一碗「台式牛肉麵」不過不失，但是湯底不夠濃味，牛肉可以再入味會更好。之後點了「三杯雞」，味道很咸，好在雞塊份量都OK，正常食量可以接受的，如配上白飯可能會好一點。黑糖珍珠奶茶，黑糖味不夠，珍珠口感一般般，不太推薦。
最後甜品點了「黑糖芋圓仙草凍」，中晒大伏，最過份的是芋圓口感似漿糊，一pet pet的口感，完全沒有芋圓應有的Q彈口感，沒有芋圓味，吃了兩啖就放棄，非常失望！

經典三杯雞 - 味道普通， 雞肉偏硬偏老， 咸得黎帶有少少辣香用黎餸飯先啱台南鳳梨蝦球 - 蝦球彈牙， 出面一層炸粉外脆內軟好有層次感，配埋沙津醬，食落唔覺熱氣。肉燥飯 - 比較乾身， 味道ok, 但有多d䓤花香料會更好雙莓海鹽芝士 - 味味都咁dry, 好在有呢杯嘢balance下， 面頭芝士都算香濃，莓味可以再濃少少

今日同朋友喺荃灣行完街，朋友話想食台灣野，於是嚟咗呢間都幾多好評嘅餐廳。餐廳嘅裝修好摩登，但係就欠缺左台灣餐廳經常出現嘅文青風格。🥢滷味拼盤呢個滷水拼盤有四款食物，包括雞翼、滷水蛋、牛肚、豆腐。食豆腐就食得出滷得唔算好入味。但牛肚就幾爽幾好食嘅🥢鹽酥雞鹽酥雞唔錯，炸得幾脆，而且啲雞唔會話好乾。調味亦都唔差。🥢重慶口水雞食台灣野無啦啦有重慶口水雞食到好似有啲奇怪咁，但嚟到個賣相又唔差喎。聞落已經有辣味，未食已經流晒口水🤤食落味道有啲偏咸，但啲雞都滑嘅。🥢台式家鄉蛋炒飯反而呢個炒飯有啲驚喜，啲飯唔油炒得好乾身，而且調味亦都好足👍🏻不過唔係好食得出台式嘅風味😅總括來講，嘢食冇乜台灣地道嘅風味，而且都算普通。

好耐之前新開張食過一次堂食，覺得麻麻🤭，前幾日食完薩莉亞想飲下野，但太夜，附近得返叁茶陸飯有奶蓋茶飲，點知又中伏😩。-海鹽芝士奶蓋桂花綠茶 $33雖然係海鹽芝士但無乜海鹽味🥤，芝士味都足但奶蓋質感偏泡沫狀，如果杰少少會好啲🥺。最伏係個茶包有茶腥味，其實個桂花味都幾香，不過就伴隨著一陣綠茶腥味，所以飲到一半都頂唔順，放棄左🤮。

荃灣愉景新城旁邊的中染大廈，一間裝潢時尚的台灣菜，價錢中位，但食物質素都尚算符合價錢。台灣肉燥飯白飯飯粒會偏濕多水，而肉燥可以多少少肥肉，個人覺得太瘦，沒有油香味。（補充：肉燥主要是瘦肉，而滷肉飯才是偏多肥肉）醬炒豬肝加了菜心一起炒，但稍覺得豬肝吃到最後有點點不好吃了。接受到內臟的可以試，味道不錯。金瓜炒米粉拌有木耳絲，紅蘿蔔絲一起炒，但粉絲炒得太濕，味道很清淡，適合吃素口味清淡的吃。水煮牛肉牛肉的份量好少，兩人吃都未必會夠，麻辣，辣度小辣，不夠麻，而且偏咸，吃完好口渴。三杯雞份量都算多，雞件算大，但味道就一般般，吃了一兩件就沒再夾了。小食-台灣腸配有蒜片，腸偏多肥肉，味道很好。台灣水果茶算大杯，半糖少冰，水果切片很薄。茶味濃。

平日經過8咪半，見呢間台式餐廳個裝修都企理，就將佢bookmark左，呢日就捉埋同事陪我食lunch。去到直接撳飛攞位，等左一陣就入得啦。因為見佢加8蚊就有鹽穌雞，我就揀左肉燥乾拌麵。個面份量都幾大，開心係有青瓜、蓮藕、菜，味道正正常常，d肉燥唔會太鹹，作為食肉獸既我可以叫做稍為均衡飲食但係鹽穌雞個粉好厚，咬落去好似得粉咁，雞肉唔知有冇三分一，可能因為細細粒，所以特別覺佢多粉，不過8蚊黎講就算係咁。跟餐有野飲送，我揀左四季春，味道還好。

荃灣嘅商場有一間裝潢幾靚嘅餐廳，主打台灣菜，感覺不錯，於是就入去試試。鹽酥雞比菇，比平時嘅炸雞比菇少一分油煙，無上炸粉。每粒都炸得香脆，外脆內軟，仍然保持juicy，調味亦正常。塔香炒海瓜子，海瓜子即是香港的蜆，數量幾多，但上到菜時已冷了，唔清楚係放左喺廚房好耐定點。味道有點太重，必須有飯一齊送先得。香酥雞扒蛋炒飯，香酥雞扒十分脆，雞肉亦幾嫩，但蛋炒飯又係唔熱的，亦無乜調味。招牌冰水果茶，茶底足味，亦多生果可以食，不錯。冰蜂蜜檸檬四季春，蜂蜜同檸檬嘅味道都好岀，野飲嘅表現好過菜式呢。

個人好鍾情台灣野食🇹🇼😌咁岩經過中染見到呢間都幾多人等位，好似唔錯既台灣餐廳，於是就試試佢。由於星期日，我地都等左二十分鐘先入座。我地三個人一共叫左四樣主食加一個芋圓。呢個滷水拼盤都幾大盤，個人幾欣賞佢個滷水汁，但就略嫌豆干份量偏多😂😂😂朋友點左個台灣腸，如果juicy d 會更好🤣🤣不過夾埋蒜片一齊食都幾香食得台灣野，叫滷肉飯是基本吧通常台灣食到既滷肉飯都係切粒滷肉，叁茶陸飯就用肉碎代替，但都唔會遜色，而且飯粒好綿😌我地一直期待已久既就係呢碗紅豆芋圓，可惜有少少失望😞個人覺得個奶太黏稠，如果稀d將所有材料撈埋一齊食會豐富d🙆🏻‍♂️整體來說，算係一間不過不失既台灣餐廳。

行過中染新城，見到呢間台式食肆，因約了朋友在別處食飯的關係，所以只是路過在此買杯飲品話明係台式食肆，要買的當然是珍珠奶茶了！但見到有仙草奶茶，由於酷愛仙草的關係就一於買來試試看了！在等待飲品的期間，見到食肆門外一直都充斥著等位的客人，相信應該都幾好食吧⋯不過野飲方便確是有點失色，奶茶比較多奶，完全喝不出有茶香味，以仙草奶茶來說，感覺比較失望....但是飲品不至於太甜，所以整體來說還算可以的。飲品都是賣$28，而且杯水還滿可愛的。

今日係荃灣做義工因爲都唔係太熟呢頭有咩食就求其入左一間無人排隊嘅餐廳。入到餐廳見到裝潢好靚都有預感食物唔會平。果然一見到餐牌見到lunch set最平都要$56，第一個感覺就覺得唔太抵食。我同其他朋友最後都嗌左最平嘅肉燥飯同一個大鹽酥雞share。肉燥飯勁大碗，啲肉燥份量都好多，夠撈食碗飯。而且都好入味，整體味道唔錯。另外飲品嗌左小龍紅茶，有朋友就嗌四季春青茶。呢兩杯飲品都係跟餐，唔使額外加錢。份量都算多，而且幾好飲好清爽，不過個人認為青茶好飲啲。鹽酥雞係幾好味，雞肉好鬆軟。份量真係好大，我地8個人都食唔晒唯一美中不足就係炸粉有啲厚，但好彩都唔會有好油嘅感覺。總結黎講係不錯，呢個價錢有咁大碗飯同特飲都算幾好。