去滾 (裝修中)

5點行行下CWB想食港式火鍋, 拿拿臨上OPENRICE搵,見到呢間可以訂位仲有85折,拿拿臨BOOK左先. 訂左1730.不過上到去,佢地開緊會,掉晒D客出出面坐...係到等...15分鍾後先叫番我地入去分派塵位, 如果凍D都唔知點算,.個個都係到食風...$238 胡椒豬肚雞鍋入面有海量豬肚 另外仲有碟雞件其實好抵食!$198 安格斯手切肥牛佢切開左好多片 幾好 快熟又可以一口一片.$冰菜48 $38鮮准山 $48烏冬蔬菜好新鮮, 鮮准山份量好多.$88 自選拼盤其實都幾貴下,88蚊6粒丸,但真係好好食...$38/1隻 日本廣島蠔非常新鮮而且無縮水,漲卜卜好鮮甜.

周日晚上，今晚同男友「去滾」～位於 銅鑼灣金朝陽中心mid town 整個風格走玩味路線。利用舊香港特色配合新派文字風格,感覺係幾特別。全店最搶眼就係最盡頭一大塊霓虹招牌。餐具同樣走懷舊風，餐紙就取材了報紙廣告果版，細心睇逐格都介紹緊餐廳的食材。每位袋客均配備圍裙，印有logo字樣的肚兜。醬料以自助形式供應, $27/位熱雪梨茶 自家制飲落健康又唔太甜呢間主打精選湯底，打得又飲得。叫了二人套餐B 酥炸龍蝦球 熱食配沙律醬蔬菜拼盤 飛魚子蟹柳 鮮蝦雲吞 雲吞都幾鮮味。海鮮拼盤 （扇貝、海蝦、貴妃蚌、象拔蚌仔、花甲）冬蔭功海鮮湯 底食海鮮配冬蔭功更夾。湯底偏酸辣，內有大量海蝦、花甲、菇菌，建議打邊爐前飲碗湯先。

近日天氣轉涼，又是打邊爐時機。有人知我想食火鍋，特意訂了銅鑼灣這間摩登火鍋店「去滾 A Smoking Affair」。餐廳位於登龍街金朝陽中心 2 期 Midtown 27 樓，店內地方頗大，佔地甚廣，約有數千呎，裝潢以舊香港做主題，場內掛滿了不少玩味字句嘅霓虹燈招牌，五光十色，璀璨無比。先睇下餐牌，湯底價錢唔算貴，同一般火鍋店相若，而且選擇都幾豐富，有成 10 款，至於配料方面就有鹿兒島野崎牛、原隻活鮑魚等。我哋揀咗個蕃茄豬骨薯仔湯底，手切肥牛、蟶子皇，另外再加咗牛肉餃、墨魚丸同雜菌拼盤。蕃茄豬骨薯仔湯湯底用料好豐富，鍋內有唔少粟米、蕃茄、薯仔同大大件嘅豬骨，分量十足，淨吃湯料已頗飽肚，而且味道亦很不錯，入口充滿蕃茄的天然甜味。安格斯手切肥牛：碟肥牛賣相好靚，一片一片平鋪於碟上，色澤相當鮮艷，滿布雪花紋，只須簡單灼一灼已經很滋味，入口鬆化富油香。蟶子皇：蟶子皇又大又肥美，只需熱燙 1 分鐘就食得，口感非常正，肉質鮮甜有嚼勁，鮮味十足，令人愛不釋口！手剁牛肉餃、手打墨魚丸：牛肉餃渾圓豐滿，外形脹卜卜，餃皮厚薄適中，牛肉餡以人手剁成，肉質不會過腍或太實，肉汁相當豐富。手打墨魚丸味道亦不

今日呢就搵到間好有趣嘅餐廳，位於銅鑼灣時代廣場附近嘅一間打邊爐餐廳，名為去滾！相信大家聽到你個名都知道來頭不小，事實上呢間餐廳嘅質素絕對有能力駕馭佢哋個牌匾！呢間餐廳嘅裝潢十分地道，喺餐廳入邊進線你絕對會感受到香港本土從以前到現在嘅一啲風味！咁我就揀咗兩人套餐嘅B餐，揀咗呢個蕃茄豬骨薯仔湯底，一齊嚟睇吓到底嗰日我食咗啲咩好嘢啦！首先，就係酥炸龍蝦球，作為一個頭盤，好香口，即叫即炸熱辣辣，好味道！跟住就係個海鮮拼盤，大家擘大眼睇清楚見唔見到好友份量，仲好鮮甜，肉質係非常之新鮮加埋個蕃茄豬骨湯底真係諗唔到點輸！花甲同象拔蚌分量十足，鮮甜好味，真係強力推介呀！仲有大家最鍾意食嘅蟹柳，不過呢個唔係一般嘅蟹柳，係飛魚子鱈蟹柳，咬落去仲要咬到啲飛魚子真係好味又有趣！鮮蝦雲吞都唔係講笑，鄙薄餡靚，正所謂打邊爐點可以冇雲吞，你話係咪呢？最後都不忘有個蔬菜拼盤，本人就好鍾意食芋頭，估唔到呢個蔬菜拼盤仲有芋頭包埋真係正！

銅鑼灣區有好多火鍋店選擇，而呢間就打卡位超多，走型格懷舊路線。.先係係牆身有霓虹燈大招牌，懷舊得黎又摩登。.其次係天花既鬼馬字句，又係引你係影相。.然後坐低後就睇餐牌啦....又係心思之作！「去滾夜報」介紹既d火鍋湯底、配料都配左鬼馬既名，玩晒食字，令你「去滾」滾得特別開心。.朋友唔食辣，湯底揀左蕃茄薯仔豬骨湯，足料湯底而且飲過係冇味精既，健康！不錯！.跟住就叫左一碟安格斯牛肉，睇相都見到d雪花，脂肪比例都算平均，掂。.店員介紹今晚大蟶子皇新鮮，即刻一人一隻。.新鮮冇沙既蟶子肉厚而鮮甜，果然冇介紹錯。.試埋佢地既手工餃同手打丸。手剁牛肉餃牛肉餡滿到就快逼爆，剁牛肉好有口感。.手打墨魚丸墨魚滑加上墨魚肉粒製成丸，彈牙。.為左健康，我地仲叫左長生不老雜菌拼盤、蒿筍片同埋 嫩滑台妹鴨血，新鮮菌類及蔬菜同蕃茄湯好夾。.冬瓜薏米水（樽）打邊爐熱氣麻，梗係嗌番d健康飲品清熱解毒，不過呢樽飲品都偏甜既。

趁天氣終於轉涼了 大家快去滾一下～😏.✔✔ 黐膠花癲雞燉湯 // $468未滾前先來一碗～原隻花膠雞燉翅 超足料湯底很濃 花膠和翅都很腍很大份差不多每人喝了兩碗才開始火鍋好想再添啊✔✔ 牛魔王拼盤 // $468✔✔ 鴨血 // $68✔✔ 金甲脆魚皮 // $88鹹蛋黃炸魚皮 咸香酥脆惹味濃郁鹹蛋黃醬淋在表面吃多了感覺有點膩不過這個必試 ( ´ڡ` )很厚身 放進湯裡浸久了也不怕淋反而能中和一點油膩感✔✔ 牛B子 哈波子 // $88其實是牛丸和蝦丸 全部手打都很彈牙新鮮 必點✔ 鬼妹搞唔餃 // $78 六隻鮮肉西洋菜餃 同樣很足料新鮮✔ 冰菜 // $48✔ 芝士燒魚卷 // $82✔ 竹蔗馬蹄水 // $98✘ 即日手切陀地肥牛 // $238雪花均勻 可惜肉味不濃✘ 鬼佬中出 #蝦膠釀油炸鬼 // $95蝦膠很新鮮 可惜炸得太久油炸鬼完全變硬了✘ 冰鎮鮑魚 // $78蘸著Wasabi + 豉油吃 冰涼爽嫩不算大只 CP值不高 可以不試✘ 火雞姐搞唔餃 手剁牛肉餃 // $78 六隻最失望就是這個手打牛肉本身很彈牙但一整個就是包著皮的牛肉球啊😂反而期望肉餡會鬆軟juicy一點

的骰二人餐去滾 A Smoking Affair銅鑼灣登龍街1號金朝陽中心2期Midtown27樓凍凍地架天氣適合打邊爐, 早前係INSTAGRAM 見到呢間舖幾過癮,招牌擺明車馬伙要引人笑,同朋友出來傾下市況,訴下苦水。通常套餐都會比散點抵食, 也免得煩惱。要了個冬蔭公海鮮湯, 務求用酸辣味來打開胃口。估唔到個湯都好足料, 大大隻架蝦同蜆, 仲有菇咁, 飲得出好大陣香茅味添。佢個鍋似金屬銅鍋, 傳熱快放食物入去都好快滾熟食得。炸龍蝦丸做小食SET 野有一個海鮮拼, 每人一件唔洗爭啦。有蝦, 象拔蚌, 蜆, 蠔, 雖然每人都係得一隻,難得是全都幾大隻有肉食, 仲幾新鮮。有咬口肉質好似象拔蚌同蜆,迎合到本人口味。雲吞細細粒又係一人一粒蟹柳同炸龍蝦丸是買回來的現成品, 就不花筆墨形容了!食完個湯有齊海鮮架精華變得天好飲, 再煮埋小小菜就食完成個餐啦。呢SET 是入門海鮮餐, 每樣試小小, 為女生而設小食量七份飽, 食完唔怕肥。食物略為細份,個人鐘意係呢度架裝修。

今時今日香港人邊個唔中意去滾下滾下打邊爐呀, 依間係CWB既去滾, 聽個名都知玩味濃, 餐廳環境當然都有特式, 復古風裝潢, 用上霓虹光管配上抵死SLOGAN, menu設計等等全部都玩味濃~~二人套餐冬陰功海鮮湯底火鍋湯底黎講, 佢既足料度同味道都叫數1數2, 好多時火鍋既冬陰底都會比較淡味, 相反依個係同平時係餐廳叫既冬陰功一樣, 有蜆有蝦有菇等材料, 仲有香矛薑等等既香料, 煲出泥既湯好濃郁, 最緊要夠酸夠辣, 味道開胃又過癮!海鮮拼盤象拔, 帶子, 貴妃全部都大大隻, 烚完之後亦無點縮水, 唔洗點豉油食佢既鮮味係最好食! 仲有海蝦十分新鮮彈牙, 讚!️酥炸龍蝦球炸得香口又彈牙, 有蝦既鮮味。鮮蝦雲吞+飛魚子蟹柳雲吞飽滿皮薄, 啖啖蝦肉十分足料, 而蟹柳加左飛魚子令到口感更豐富。蔬菜拼盤粟米, 生菜同埋芋頭, 特別中意芋頭口感綿蜜, 粟米亦爽甜。雪梨水 & 羅漢果茶 打邊爐最岩飲番D清熱解渴既飲品, 雪梨水一定係首選, 甜甜地又健康! 而羅漢果茶亦好滋潤, 兩款都咁岩打邊爐飲!

🔍去滾 (銅鑼灣)❣️銅鑼灣登龍街1號金朝陽中心2期Midtown27樓-星期六嚟銅鑼灣呢邊行街 行完之後就到附近嘅midtown2期覓食😆-呢間叫去滾嘅火鍋店 餐廳裝修好有特色 係六七十年代嘅懷舊香港風 而且整體環境裝修得好高級 非常舒適 裏面仲設有自家海鮮魚缸 感覺啲海鮮應該幾新鮮 所以我哋一坐低 就先叫咗一個海鮮拼盤黎試下-另外餐廳仲會每人都派一個小肚兜 以防俾啲湯濺到件衫 非常貼心-海鮮拼盤：裡面有游水海蝦 象拔蚌 花甲 帶子 北寄貝 等等 全部海鮮都非常新鮮 毫無腥味 尤其係 超級厚肉嘅帶子 入口嫩彈無比 令人一吃愛上-酥炸龍蝦球：炸得酥脆嘅龍蝦丸 配搭芥末沙律醬 將本來非常普通嘅龍蝦丸 變得非常不普通 高質-飛魚子鱈蟹柳 ：食咗咁多年蟹柳 都未食過裏面有飛魚子嘅蟹柳 而食落確實口感比一般蟹柳更加豐富 鮮味亦都更為突出-鮮蝦雲吞：如果要我用四個字形容呢個鮮蝦雲吞 就一定係皮薄餡靚 爽口彈牙嘅鮮蝦包喺薄薄嘅外皮底下 一口一粒 非常滋味-蕃茄豬骨薯仔湯底：湯底裏面幾乎有原條粟米 份量幾足 豬骨亦都有兩大件 加埋薯仔 同大量蕃茄 成個湯底非常濃郁 而且感覺健康 煮海鮮有增鮮提味嘅效果

最近的天氣開始有少少涼意，也是港人最適合打邊爐的時間開始了.這食店在銅鑼灣的商業中心內，相信消防環境也讓大家可以放心進食.食店的佈置十分之有氣氛，有各式各樣的潮語最適合年青人來打邊爐感受一下時尚的氣氛，也適合一些KOL 來打卡拍照.至於食物方面種類也十分之多有海鮮肉類蔬菜等.這個海鮮拼盤十分之吸引，海蝦十分之爽口，加上各式各樣的貝類也十分之新鮮，並沒有半點沙、適合愛吃海鮮的人士.自家製的飲料也十分之細心，有羅漢果茶及雪梨茶等十分之潤肺.

天氣涼咗咁多，一於去滾啦！正所謂唔滾唔知身體好，所以我今日就帶埋老公一齊去滾😆講緊打邊爐咋😂呢間火鍋店個名好搞笑，叫’去滾’，幾有gimmick😆舖頭名容易記。我哋滾得好健康，今晚叫返個老少咸宜番茄豬骨薯仔湯底，裏面仲有幾舊豬骨咬下，鹹鹹地吸啜下骨水幾好味😋推介必叫安格斯手切肥牛，超強雪花超強嫩口👍一放入口就好似sir滑梯咁sir左落喉嚨，只殘留一點點淡淡的牛油香味，好鬼正！超級聖子皇簡直甜到入心入肺呀！睇到咁大隻又咁厚肉，仲可以斬件真係第一次見😂食落唔洗講梗係鮮甜到飛起啦！記得灼10秒好啦！手剁牛肉餃有驚喜，一咬開全部都係牛肉，食起嚟仲要好彈牙，正喎！手打墨魚丸回彈力又係唔講得笑，好似裝咗air咁，仲有爽脆的墨魚咀，好滋味😋我like菇菇多過like菜，長生不老雜菌拼盤就啱心水了，有大隻冬菇，又有秀珍菇同埋從茸菇，用蕃茄湯底煮特別好食。叫咗杯雪耳南北杏飲，下火一流。飲落好清潤添。溫馨提示，六點前入座有機會有啤酒送㗎，仲唔快啲去滾😂

最近天氣開始轉涼 又係時候打邊爐 之前都食過呢間嫁啦 今次同朋友再去過 一如既往 一岀lift轉右直行就係餐廳 懷舊與摩登嘅感覺完全反映係裝修之中 仲有耳熟能詳嘅流行曲 整體氣氛唔錯***叫咗嘢食之後 就出去自己拎醬料 可以自由配搭 湯底係蕃茄豬骨薯仔湯 湯底非常足料 有豬骨薯仔粟米同蕃茄 濃濃嘅蕃茄香氣 令人感覺好似飲緊Mama煲嘅湯😹***安格斯手切肥牛薄薄一片 不會太肥 油脂分布適中 聖子皇幾新鮮 最愛係佢地嘅手打墨魚丸 爽口彈牙 火雞姐搞唔餃其實係手打牛肉餃 煙煙韌韌 最後仲有雜菌拼盤 有冬菇同秀珍菇

打邊爐真係一年四季都岩，今次去滾嘅地方係銅鑼灣登龍街。餐廳行中高檔路線，裝飾玩味濃，感覺似去左睇演唱會，加上KEEP住播廣東歌，都幾有FEEL。🚩冬蔭公海鮮湯底湯底本身已經有蝦、蜆同菇，海鮮份量都唔算少，冬蔭公味濃，但海鮮味唔太突出。如果湯底可以加埋少少椰奶，會更有層次感，而家比較側重酸同辣。🚩酥炸龍蝦球熱辣辣，點埋WASABI沙律醬，好難唔好食🚩海鮮拼盆有海蝦、元貝、蜆同貴妃蚌，食得出新鮮鮮甜。🚩飛魚子蟹柳有驚喜嘅蟹棒，比一般有口感🚩鮮蝦雲吞蝦爽口，有大地魚粉味，唔錯🚩雪梨茶、羅漢果水好似媽媽煲個種，幾足料，甜度適中🚩蔬菜拼盤其實餐廳醬料區都幾豐富，除左大路既蒜、炸蒜、辣椒、沙茶外，仲有日本麻酒同柚子醋提供。不過湯底都幾濃味，唔太用得著。整體黎講食物質素中上，食材新鮮，不過價錢較貴。餐廳有唔少包廂，如果一大班朋友慶祝就會比較適合。

豬小姐豬先生又食最愛 打邊邊！今晚過海尼到「去滾」環境摩登懷舊 大玩復古風格特別喜愛霓虹光管裝飾加鬼馬字句 vintage得尼夠抵死我地order左二人套餐冬陰功海鮮湯底令人一索開胃 湯底裏有蕃茄 草菇 蝦 蜆同大量香料 當湯底滾起嘅時候 酸辣香氣撲鼻 胃口即時大開湯底偏辣 好彩有蕃茄嘅酸中和一下值得一讚嘅係蜆肉 非常之新鮮且帶有海水嘅鮮甜安格斯手切肥牛擺盤相當架勢 手切成薄片嘅肥牛鮮紅鮮艷 雪花紋路有致 肥瘦均勻有強勁嘅牛味而不羶 質素唔錯聖子皇咬落爽口彈牙 唔需要點豉油都夠哂鮮美新鮮 滾一滾就食得手剁牛肉餃餡料包得飽滿實淨 係實的的嘅手作牛肉餡 不過餃皮就比較厚身 薄一點會更好手打墨魚丸鋪滿蟹籽 咬落好有口感而且爽彈 加入墨魚軟骨後層次更豐富 更有嚼勁長生不老雜菌拼盤有唔同種類嘅菇菌 例如冬菇 金菇 秀珍菇菇菇加落酸甜香辣嘅冬陰功湯底 湯底甜度即時上升五穀雜糧糕即係煎堆仔 細細粒嘅波波球包圍著爆香嘅芝麻再拎去油炸 咬落煙煙韌韌卻沒有丁點兒嘅油膩感 紅豆餡又不太甜 大愛飲番兩杯野滋陰下都要嘅 羅漢果茶有潤喉清熱嘅作用 重重嘅羅漢果味豬先生話好南北杏雪梨水係秋天必選 滋潤養陰 為乾燥

到銅鑼灣附近閒逛一輪之後，想找個地方坐得舒服又有氣氛。想起這間特色火鍋店，食物質素高、環境又不錯，決定再來一round。今次試下佢個番茄薯仔豬骨湯湯底，一來到就香味撲鼻，再飲一飲湯底，超清甜既番茄栗米薯仔味，雖然簡單，但勝在有住家感覺。安格斯肥牛肥瘦平均，入口即溶，食得出有質素而非平常既香口膠牛👍🏻👍🏻，來到必選之一！聖子皇係今日既mvp ，夠晒鮮甜肥美，仲要爽口彈牙。特別一題，呢家店好有心，洗得十分乾淨之餘，會先幫客人殻肉分離，再以冰底上菜，保持食材新鮮及整潔。🤤🤤牛肉餃同墨魚丸都十分彈牙，有耳目一新既感覺，上次試完蝦丸，發現呢間既丸類都值得一叫。打邊爐邊可以少得金菇呢，但原來佢地有雜菌盤可以叫，包含金菇、冬菇和雞脾菇，金菇配番茄湯已經冇得輸，再試埋冬菇同雞脾菇都夠爽脆，不錯！見天氣開始轉涼，叫左兩杯清熱飲品，羅漢果茶和雪梨水飲落都十分舒適，有家的感覺。最後以豆沙煎堆作結，大家黎呢間一定要試佢地炸既甜點！感覺全部都係即叫即炸，不論上次既脆麻花定今次既煎堆，都係熱辣辣上台，香噴噴咁食。整體而言，呢度比起其他火鍋店食起來舒適得多，油膩感少好多，反而多左一份住家既感覺。