厚福館 (黃埔天地) (已結業)

咁岩陪男朋友去紅磡交收，講起今晚乜好(每日最大嘅煩惱)不約而同話想打邊爐醒起同朋友之前食過呢間厚福館 不過個時堂食希望快d再次恢復堂食啦！今次外賣自取真係好impress外賣最怕就係湯打瀉，湯底用紙盒裝住，會再加保鮮紙包好哂先冚蓋，真係好貼心約左6點自取，我準時去到外賣已準備好，讚湯底揀左龍蝦濃湯同埋佛跳牆湯揀左真龍王set，有半隻龍蝦🦞都有7至8件，鮮味十足！仲拆好殼，好方便！另一個set嗌咗牛魔王牛頸脊好濃牛味，好好味仲有兩粒牛丸，完全唔會好似凍肉舖咁勁多份，唔錯海蜆都好肥美，冇沙！每個set都可以叫一種主食職員提議我哋試下上海陽春面，話非常掛湯真係超入味配龍蝦湯底連湯都飲埋大食嘅我哋當然仲會追加其他小食啦紫薑同糖心蛋，我去到邊都要食糖心蛋😂😂仲叫咗半條鰻魚唔錯唔錯

香港人無論天氣冷暖，都鍾意打邊爐。一人一鍋，可以選取岩自己嘅口味，正呀！今個星期去食咗兩次😂午餐只係$68起，抵食😋一入門口見到大碗麵的擺設，好吸引！新開張，新裝修，很舒適的感覺！有指引教如何自助點餐。食物種類都算多，自由配搭仲可以追加食物第一次去食，豪一豪，食隻龍蝦🦞A2踏雪尋龍花雕蛋白，很美味😋朋友揀了A5金山翅拌雞第二次去食A4佛跳牆，鮑魚花膠真材實料👍🏻👍🏻👍🏻原來有張卡指示食法，第一次去時無嘅😅朋友今次揀了A6手切牛魔王整體上都好吸引，食物新鮮，性價比高！

對上一次去厚福館打邊爐，唔經唔覺已經係中學時期嘅事。當然你會好奇，唔通你呢10幾年都冇出過去打邊爐，又或者問，係咪呢次嘅經驗好差，令你唔想再去，我可以搭理，兩個答案都唔係。我當然好喜歡打邊爐，呢幾年因為屋企人鍾意打邊爐嘅關係，基本上成日都會有機會打，但係去九龍城嘅機會好少，因為九龍城嘅火鍋店實在太多，就係十幾年前去過一次之後，已經沒有機會再去厚福館。當然十幾年前喺中學時期食嗰個價錢，貴得幾得人驚，但係好多朋友呢幾年去過九龍城嘅分店，都話佢嘅牛真係特別精彩，好嘅程度就住去高流灣一定食海鮮一樣。可惜始終都未有機會再次踏足高流灣同厚福館。誰知呢段時間，發現黃埔竟然開咗一間厚福館，分店仲要係喺屋企附近，當然即刻要試下。呢度最正係一人一鍋，新開裝修又靚又舒服，附近無乜咁好嘅靚火鍋店。我點了「真龍皇出巡」，上菜時先發現原來係龍蝦花甲拉麵，另上一個龍蝦湯底，我是飲咗一口湯，幾濃郁，幾好飲，仲要有好大隻嘅龍蝦，抵食！火鍋配料方面，加花膠都只係$15，呢個係必點嘅菜式，一定要加。牛肉出名，當然要叫封門柳和牛頸脊。整體感覺不俗，另外就有一個湯比例可以做火鍋，感覺更多元化。我哋已經選咗最貴嗰兩個餐，相反，其

黃埔呢個社區基本上你諗得到嘅餐廳都有，唯獨是就係冇港式火鍋店。 因此，知道厚福館係黃埔落腳後，都幾開心，十二月底試業之後，一直想搵機會過來。 終於呢個下午過來黃埔買東西，就來拜訪一下。 成間餐廳嘅裝修都非常精美，同舊分店當然好大分別，係冇晚餐堂食嘅時候，三點幾嘅下午，呢度竟然可以坐到半滿，可見香港人幾鍾意打邊爐。 呢度嘅午餐以一人一鍋為賣點，你可以隨意加上自己喜歡嘅火鍋配料同湯底。 真龍皇出巡，係龍蝦湯湯底，加上半隻活龍蝦，青口，仲有海蜆。 最正嘅仲有詳細說明教你點食。 飲一口湯非常精彩，大部份嘅海鮮味道都唔錯，唯一要投訴嘅係有幾粒蜆都有好多沙。 追加了花膠，汕頭牛丸，封門柳同牛頸脊，以厚福館嘅水準當然係非常出色，價錢唔貴，可以樣樣試少少叫多啲，最適合三心兩意嘅你。 還點了份炸魚皮，小小一份，幾好食又夠脆，不用怕太熱氣。 呢期除咗流行沙嗲牛肉之外，仲有芫荽。相信芫荽迷最興奮嘅係呢度竟然有芫荽麵選擇。 雖然冇令和酒場個湯底咁震撼，但有芫荽麵都叫一班芫荽迷一定要到訪嘅理由。 另外一位點了龍披金甲，呢個其實係芝士黑松露

由裝修到開業都留意左呢間野好耐～ 一直都唔知係食咩 朋友前個排去食 發現係打邊壚同埋都推薦沙嗲湯底！ 講真最平$68就食到 都可以接受！ 大約12點到 都唔使等位直接入到去 再加上用手機落單 上菜速度都好快！海之戀 + 姬松茸野菌湯 + 上海陽春麵 $68野菌湯 第一口飲落有啲似屋企煲嘅猴頭菇老火湯🤣 煲耐左 啲野菌都好淋好入味！其實個湯都好足料！（海蜆 鮑魚 青口 螺片 蟹柳）大部分嘅海鮮都好新鮮 一半放野菌湯 另一半放沙嗲湯～ 如果想食濃味嘅話 沙嗲湯就最適合！ 不過野菌湯就好食得出鮮味！！火鍋手切牛魔王 + 椰香沙嗲湯 +上海陽春麵 $78沙嗲湯底係朋友大力推薦！ 飲咗第一啖雖然覺得有少少油膩同咸 但椰香同花生都好濃味～ 不過其實食完之後 大半日都有啲口乾😂牛魔王 有3款牛肉 每款4塊～ 再配2粒牛丸牛丸好彈牙 好juicy！ 雖然就唔太清楚3款牛肉係咩部位 但3款都好有牛味！ 煮得岩岩好 好滑！上海陽春麵 - 比較幼身麵條～ 配沙嗲湯一流！ 煮到最後沙嗲湯真係好好好濃稠！ 好似食沾麵咁 掛湯！ 如果配野菌湯 就會比較清淡～

行街見到有新店，天氣涼涼地就去試下，仲有成5分鐘先開門，已見到有條龍仔。入到去，即使敲響人枱，佢地都係唔係人坐，唔會有埋板插中間就坐定4個人。今日仲有特價，A1同A3龍蝦餐都係98蚊，等就叫咁龍蝦餐同佛跳牆餐，豪一豪佢。食物好新鮮，湯底好好味，但我個佛跳牆就咸咗小小，龍蝦爽口新鮮、蜆甜又滑。不過份量就小咗D。男仕就一定唔多夠飽。食完都唸住大推，點知剛食飽，用緊牙簽撩牙，個職員就行埋黎話要收枱面既野，仲同我地講因為出面好多人等。呢度唔係快餐店，食完杯茶都未飲完就趕人？唔係呀，多人排隊等都唔應該咁催客走呀，老實講，我都唔會霸住張枱唔走。12點入座，12:35食物到，12:45開始食，13:00就趕人走，過份咗D囉。佢地咁樣，好有hard feeling啦，未必會再去啦。

午市邊爐（$78）A)火鍋手切牛魔王B)椒鹽豬肚湯底C)北海道出前一丁呢個套餐都幾豐富😋牛肉包括有牛封門柳、人氣頸、金錢𦟌各兩片，仲有兩粒汕頭牛丸同附送埋魚皮小食🥳 牛肉有驚喜，呢個價錢來講啲牛都算唔錯👍牛味算濃郁😚一啲都唔覺鞋口，不過略嫌人氣頸有啲牛腥味🙈 一路食嘅時候仲聽到隔離枱不斷大讚個牛丸🤣 係幾彈牙同埋重牛味嘅🤩小編叫呢款湯底就不過不失啦，冬天飲呢個湯真係人都暖啲🥳不過小編都係鍾意辣啲，朋友嗌咗沙嗲湯底，真係好味好多！椰香味重、沙嗲味濃，用呢個湯底煮出前一丁真係冇得輸💯 小編比較鍾意呢到嘅沙嗲湯底👍整體黎講食物味道性價比高🥳 不過唔知係咪新開張，入座安排有啲混亂😣唔知點解後過我地黎嘅客人入晒去都未輪到我地😵追問下店員話後面嗰堆客人係四個人，先唔講依加都係兩個人一枱坐，仲要係我同朋友黎先，但好似直情skip咗我地幾次，聽到有啲無奈🤥希望遲啲會改善啦！-厚福館 (紅磡)📍紅磡必嘉街121號黃埔花園一期(奇妙坊)地層G9號舖抵食指數：😚😚😚😚😚😚😚😚😚/10舔舔脷指數：😚😚😚😚😚😚😚😚/10

有日經過見到好多人排隊，原來係九龍城既火鍋老店開到黎黃埔😚呢日午餐時段走去試，一人火鍋麵餐$68起，免收加一，仲要有黃埔VIP Card有95折，全館滿座下兩張檯都等左半個鐘有多🤥▪️ 踏雪尋龍 (雞油花雕蛋白蒸青口，海蜆，半隻活龍蝦烏冬底) （6.5/10） + 金山翅煲雞湯（6/10）💲128 + 20 (午市)黎食一人火鍋麵餐，仲要呢個餐要揀湯底，就以為有大部份配料係自己淥🤪點知原來我理解錯誤，呢個係蛋白連埋所有海鮮同烏冬成兜蒸完上檯已經食得，變相同預期中既有出入🤔入口微暖，主打既龍蝦肉質彈牙，蜆肉青口正正常常，起碼無沙無腥，海鮮質素整體還好既☺️個底係蛋白，入口的確有陣陣花雕酒味，似係賽螃蟹嗰種咁，但呢個就配龍蝦同埋烏冬，個人覺得真係唔多夾😐同埋火鍋湯底其實無咩作用，唔加額外配料既話只係會淥生菜🥬本身仲專登加左錢要金山翅煲雞湯，唔多野淥就咁飲下先，不過少少失望，無配料略為淡無咩味，反而朋友既佛跳牆湯更勝一籌，比較有陣陣既金華火腿味🧐附送小食魚皮，可惜入口腍身，另外有免費飲品係茶包款既熱荔枝伯爵紅茶▪️ 火鍋手切牛魔王 + 佛跳牆湯 💲78 + 20 (午市)▪️ 人氣牛頸脊（7/10）

今年最後一日一於食好啲！呢間新開餐廳有個海鮮玻璃櫃，又龍蝦又蟹就知唔係平野，但午市靚料靚湯一人火鍋麵餐只係$68起又唔算貴喎，今日得8度凍冰冰一於打邊爐！海之戀 $68 配蕃茄薯仔豬骨湯，食材有1隻鮑魚，3片螺片，2隻青口，6隻海蜆，1條巨型蟹柳，雖然有隻蜆死左烚極唔開殼，條蟹柳堅正！天蓬元帥 $68 配椰香沙爹湯，食材有3條黑毛豬肋條，2片第一刀脊背，3件豬粉腸，1粒鹹蛋豬肉丸，1粒梅菜豬肉丸，2片潮州扎肉，很豐富吧！食物上枱賣相幾好，仲有張咭仔提示滾左飲湯先，然後食材煮幾耐都有標示，都幾細心。其實職員都幾有禮貌，又會提醒客人茶熱，轉火力，以及加湯後會請客人滾後才夾食物等，未知是否新開關係，之後再觀察能唔能夠保持服務質素。回歸主題，食物高質喎！料多又夠新鮮！而湯底方面，蕃茄湯夠足料，幾香濃。沙爹湯底第一啖飲有少少鹹，不過煮肉以及麵超正！個上海陽春麵 仲好掛湯！好好味阿！午市呢個質素呢個份量$68 CP值非常高！而且仲送荔枝伯爵紅茶或桂花綠茶，同埋炸魚皮，放湯拎起聽到「炸炸」聲夠香脆！正！