厚福館 (黃埔天地) (已結業)

週末起床已經下午茶時間，到屋企附近嘆過早午餐，厚福館 午餐比晚市抵食，而且坐得舒服值得一試。踏雪尋龍 $128首先揀定咗個午餐先，菜名意境很好，雪白的蛋白，火焰的龍蝦🔥內容也非常豐富，雞油花雕蛋白蒸，花雕酒香四溢、入口即溶。活龍蝦半隻、鮮味彈牙、肉質鮮嫩多汁。還有其他海鮮，例如海蜆冇沙、青口鮮味。已經選好配烏冬底，吸收了各樣海鮮的精華，非常好味。隨餐奉送魚皮小食，我就加咗$10要支椰青水，邊食火鍋邊飲椰青水，冇咁熱氣。姬松茸 野菌湯湯底方面我就揀咗姬松茸 野菌湯，健康有益，淨係飲啖湯已經好好味。輕食追加我覺得一定要食，$8 就有即食炸招牌黑松露餃一隻，四處推介好味。即炸響鈴卷，$15 已經有兩條，浸湯食一流。鍋物方面，$12 有雲吞兩粒，大大隻蝦好爽口。

週末加班，放工跟同事去咗食極品火鍋做午餐，CP值超高，卡位坐得又舒服。足料佛跳牆 $78名副其實靚湯加靚材料，一人火鍋夠晒衛生。仲可以各自選擇自己喜歡的湯底，仲有小食同埋茶送添！佛跳牆湯底，飲返碗新鮮滋補。材料靚而且矜貴，睇見到心心眼，有鮑魚、花膠、螺片/冬菇、素翅、火腿片；仲有雞脾肉。我以一品鍋形式放晒落湯底度，香噴噴味道濃郁又豐富的佛跳牆，慢慢品嚐，滋陰補腎。炸招牌黑松露餃 +$8追加了輕食，即食小食系列真心推介，炸招牌黑松露餃，濃郁的黑松露味，非常欣賞。炸雲吞 / 炸午餐肉 +$12午餐肉我都係鍾意食炸嘅，外脆內嫩，保持肉汁，好味道。泰式炸蝦餅 +$48好耐冇食泰國菜啦！呢度嘅炸蝦餅好有風味，尤其是點左甜辣汁，蝦肉彈牙，五件大大件，鮮甜好味。手打牛丸 +$12呢度嘅火鍋配料真係好抵食，牛丸彈牙，牛味濃郁。有機蕃茄粗麵 +$5食完一輪矜貴食材之後就可以做小火鍋啦！有機蕃茄粗麵食得健康，爽口彈牙，食飽飽好滿足。道地解茶免費送的，茶味好香，中和油膩感。

放假去咗黃埔買野，行完街見肚餓，去咗附近嘅「厚福館」食個 late lunch！店內裝修簡約舒適，設有卡座～午市時候設有靚料靚湯一人火鍋麵餐，$68起便可享用嚕手切牛魔王封門柳、牛頸脊、金錢展，每款各有四片，肉質偏瘦，牛肉味濃郁鮮香！汕頭牛丸充滿肉汁，牛味香濃，好味道豆腐津白湯湯底裏面有唔少津白&豆腐粒，好足料，口味清淡讚岐烏冬好滑溜，口感彈牙，好吸湯厚福八寶牛丸、豬肉丸、蝦丸、墨魚丸、鯪魚球、魚蛋、魚皮餃、潮州魚餅，每款各有一粒，手打丸口感獨特，有質素香茜皮蛋湯獨特的芫荽香氣撲鼻，皮蛋粒都不少呢韭菜餃飽滿又大隻，皮薄餡靚，韭菜豬肉比例均一，充滿韭菜香，好好食呢自制雲吞成粒乒乓波咁大嘅雲吞，裏面有唔少蝦肉同豬肉，加入左大地魚粉，更加鮮味道地纖解茶 & 無糖可樂

6月29日收到仔仔傳來信息，今晚可以陪肥爸和靚媽食晚飯，開心都來吾切，就諗住同呢位牛魔王去紅磡，厚福館試食呢間食店嘅火煱招牌菜，封門柳牛肉當晚我哋點左個佛跳牆湯底，一客封門柳牛肉，及一個各部位牛肉拼盆，再加朱腰，朱潤，潮汕牛丸，蔬菜拼盤這類火煱，講真嘅上述每一樣都非常好味而兩大火煱招牌菜，佛跳牆湯底，和各種部位牛肉就更加驚為天人，但估吾到嘅係個價錢係親民價，仲有樣真係估佢吾到嘅，就係呢間食店不設洗手間，顧客如要用此設施要走出店外，再過對面馬路向康和閣商場方向，大約行4一6分鍾進入該商場，再揾公用洗手間至解决到你嘅需要，真係一粒老鼠屎，就影响我對呢間食店好感。

星期日食了一個好飽的早餐，所以就來個late lunch，响黃埔見到厚福館，門口大大個banner寫住午餐$68起都幾吸引，反正好耐無打邊爐，就入去一人一爐喇！門口大大個banner寫住午餐$68起都幾吸引ABCD的不同組合可選見到餐牌就有ABCD的不同組合可選，先選A的極品火鍋靚餸系列湯底，B的心機火鍋靚系列；C的特色麵食系列及D的飲品系列。A我就點選了手切牛魔王餐，包括了封門柳 (4片)、牛頸脊 (4片)、金錢展 (4片)、汕頭牛丸 (2粒)及伴底的生菜 (2片)。先講封門柳油花分佈平均，肉味較濃郁、牛頸脊有咬感有牛的油香；金錢展肉嫩有口感；汕頭牛丸牛味都幾濃，還有點爆汁。B的心機火鍋靚系列，由於我超愛飲湯，所以就加了$20升級至佛跳牆湯底，湯內還有雞肉、冬菇、素翅及火腿片都好足料，未打邊爐時就先飲啖湯，湯頭真是好清甜。自己動手唧又幾好玩C見到加$20就可以吃到唧唧魚蓉麵，自己動手唧又幾好玩 ，魚麵都好鮮甜，口感滑滑的又有魚味，與佛跳牆湯底好夾，好味。D就是飲品類，跟餐就選了免費的解茶，而補錢也有其他選擇。朋友在A則點選了佛跳牆，就有鮑魚、螺片、花膠、素翅、雞件、冬菇及菜，所以不用

經朋友介紹話黃埔有間一人火鍋價錢又唔貴又抵食，當然要過來試下啦！一人火鍋有好多款選擇，又可以自己選湯底，麵和飲品。我地選左A6手切牛魔王配有機菠菜粗麵和A8松露家鄉四寶配有機蕃茄粗麵。湯底點左鹹菜胡椒豬肚湯和姬松茸野菌湯。手切牛魔王有封門柳，牛頸脊，金錢展，呢三款牛肉全部牛味香濃，牛肉又唔韌又新鮮，汕頭牛丸又爽口彈牙又有肉汁。鹹菜胡椒豬肚湯湯底好香濃，未放火鍋料已飲左少少湯底好好味。松露家鄉四寶有黑松露餃和水餃皮又唔厚，松露味香濃又好味，個餡又大大個又啖啖肉好新鮮又美味可口，鹹蛋豬肉丸和梅菜豬肉丸都好爽口彈牙姬松茸野菌湯湯底香濃，食到差唔多放埋蕃茄麵可以索埋湯底的精華，麵條又幾彈牙幾好味。泰式炸蝦餅，啖啖蝦肉又爽口彈牙美味可口。飲品

和朋友去了紅磡必嘉街121號黃埔花園一期(奇妙坊)地層的厚福館食飯。這是一人一鍋的火鍋湯麵餐廳，裝修非常企理光猛整潔，非常醒神。而且可以間隔寬闊，好多卡位，有自成一角的感覺。見面服務也殷勤有禮。這裏的火鍋湯麵選擇去幫我們點了，火鍋堂切牛魔王冠蕃茄湯底，天蓬元帥貝佛跳牆湯底。另外加了韭菜餃，魚皮餃，脆鯇片。牛魔王非常足料，有牛頸脊，封門柳，金錢展等。並不是一般的肥牛，所以肉味好香濃，有趙頭。免費配讚岐烏冬，口感彈牙。天蓬元帥就是豬肋條，豬粉腸，潮州豬肉餅等。這裏的食材都是非常新鮮，加$20配陽春麵，麵質幼細爽滑。另外這裏是免費配細樽烏龍茶或者加錢叫其他飲品，我們點了王老吉。總結：厚福館價錢親民，可以做到一人一鍋的火鍋湯面，而且食材質素高，平時午市晚市時間看見都有人排隊，性價比高的一人火鍋湯麵餐廳。

疫情下想打邊爐..最安全穩陣就係食一人一鍋今日就同朋友去左厚福館打返個lunch邊爐..午市set lunch揀完料就可以自己再配湯底同麵同友人就分別叫左 *松露家鄉四寶*同埋*海之戀*一人一鍋 唔洗爭海之戀 叫左佛跳牆湯另加左$20 就會有埋冬菇，金華火腿，素翅同埋雞髀肉雞髀肉食落唔鞋，好滑素翅份量都多..我連埋湯一齊飲海之戀既海鮮一共有5款全部都係我鍾意食嘅朋友既松露家鄉四寶湯底點左鹹菜胡椒豬肚由於佢係芫荽控..第一次見有芫荽麵..所以佢話一定要叫黎食！鹹菜胡椒豬肚湯胡椒味都重..好夾食丸類既野豬肉丸好特別分別係鹹蛋豬肉丸同埋梅菜豬肉丸食落好香..好似食緊梅菜蒸肉餅咁松露餃必試好香黑松露味食完齒頰留香另外再點左鴨血..食落Q彈P.S呢度湯底好香濃夠味..所以我地都冇點過豉油果然係靚料靚湯

星期六大約一點來到，店內幾乎坐滿。店內座位闊落，乾淨企理。午餐主打一人一鍋，仲有好多選擇，如果套餐唔夠食，仲可以追加，價錢十分超值。足料佛跳牆（$78加1）湯底濃郁鮮味，有鮑魚1隻，花膠2件，冬菇2粒，素翅同雞髀肉，湯底有兩片火腿片，所有食材係佛跳牆湯底煮熟，唔使點醬已經好好味。仲有一碗陽春麵，陽春麵少少煙韌，就算煮耐咗都唔會好淋。跟餐仲有小食炸魚皮小和一支解茶。依個價錢可以食到咁高質同份量十足嘅食物，下次要再嚟食😅

大約2:00去到餐廳其實唔算多人俾佢出邊嘅餐牌吸引咗大約$68就可以有一個一人邊爐午餐時間每人最低消費一個set我叫咗一個牛套餐 一個豬套餐呢兩個套餐都係可以自選湯底同面底牛套餐$78配左沙嗲湯底呢一個沙嗲湯底真係要一讚因為好濃嘅沙嗲味，唔係花生味食到最尾嘅時候完全唔會淡味咗反而係越來越濃郁魚皮非常之脆而牛方面，三款牛肉都非常之嫩滑唔會有咬唔難嘅感覺，食得出係中上等級嘅牛肉而佢嘅牛丸係非常之彈牙而且入面有汁加咗$5要菠菜粗麵，雖然食唔出有菠菜嘅味道但係喺粗麵嘅面頭見到細細粒嘅菠菜蓉感覺上都健康啲而且粗麵嘅每一條麵條上都掛上少少沙嗲汁所以係非常之惹味雖然唔係好健康但係出去食嘢一定要盡興啦豬套餐方面佢嘅豬肉丸我就覺得冇乜特別反而特別要講嘅係潮式豬肉餅同埋豬肉片豬肉片其實得兩塊，但係非常之滑雖然佢中間好似有好大層嘅油脂但係只要六熟咗再擺入口簡直係入口即溶絕對對得住$68呢個價錢而潮式豬肉餅係令我非常之驚喜因為佢唔似魚蛋，而且係有好香嘅豬肉味配左一個胡椒豬肚湯胡椒豬肚湯好清，唔會有油膩嘅感覺而且入邊仲有啲酸菜，豬肚就咁飲係超級好味但係個人覺得用來做打邊爐嘅湯底就有啲浪費

上個禮拜一家三口去左黃埔天地嗰頭行街，同阿仔喺奇趣天地睇完玩具之後就諗住喺附近一帶揾食，就喺對面馬路見到間叫厚福館既舖頭，睇過門口餐牌都覺得幾啱食，價錢又唔係貴，所以今日個lunch就選這裏打邊爐了，入店後睇完餐牌，分別叫左兩個套餐「足料佛跳牆」同「真龍皇出巡」，還追加左以下配料: -鴨血-花膠筒-牛頸背-竹笙-豬粉腸-爆芝墨丸-豬頸脊落單之後好快湯底同野食都送到，眼前一亮既係用一個唔係太貴既價錢，但食物同湯底既質數一啲都唔馬虎，可以用高質來形容tim，個佛跳牆湯底味道足料鮮甜，鮑魚雖然細隻啲，但係一樣食倒係新鮮美味，同樣龍皇套餐個龍蝦真係好新鮮，絕對唔係雪藏貨，所以佢寫明用活龍蝦，我係真心相信的，大蜆就冇沙，煮完咬落去仲充滿海水味，其它追加配料尤其肉類(牛同豬頸脊)同樣有水準，另外每個餐都可跟個麵食，我地都選左讚崎烏冬，加埋落湯食真係好正，阿仔都爭住食，跟餐份魚皮都好脆就咁食都好好食，飲品就係啲大路既烏龍茶同汽水，食完今餐真係好滿足，最後埋單都係每人百零蚊，但有如此質數性價比幾高，下次有機會試埋個晚市tim。

店裡環境不錯 桌子間距離遠 食客互相不會受影響 服務人員態度也很好 會給推薦好吃的東東 打算下次去吃水晶蟹這次點了佛跳牆鍋底 湯底料足 夏天食慾低 喝兩碗湯都飽了 竹笙很大隻 煮熟變更大牛肉口感鮮軟 吃完胃很舒服 期待下次

尋日放假同女朋友走左去黃埔嗰頭行街，行左一輪之後大家都開始肚餓，女友望到一間叫厚福館嘅餐廳，見佢門口有張午市火鍋既餐牌睇落好似唔錯話想試下，所以午餐就揀咗呢間，入店後睇完餐牌，我就揀咗個《真.龍皇出巡》龍蝦湯套餐食材有活龍蝦半隻、大蜆、青口同生菜再配埋烏冬同無糖可樂，而女友就揀咗個《足料佛跳牆》嘅套餐食材有：鮑魚、花膠、螺片、素翅、火腿片、雞腿肉、生菜同道地解茶，款式總類其實都有幾多選擇嘅， 因為我比較大食，所以另外再加左啲火鍋配料有牛頸脊、豬頸脊、黑松露水餃、黑松露餃、鴨血糕、豬粉腸、手打蝦丸、竹笙、花膠筒同潮州肉餅……等等非常豐富， 跟住龍蝦湯同埋佛跳牆湯都送到，我哋睇到啲湯好濃郁好足料，等到佢滾起咗之後，都即刻飲咗兩啖湯先，果然好味夠香濃👍🏻👍🏻，跟住野食陸續送到，佛跳牆嘅材料睇落去都好新鮮，我既龍蝦同樣新鮮好味，配埋龍蝦濃湯直頭冇得輸，厨房亦好細心將個龍蝦鉗一早拆好，食起來好方便，另外加左既牛頸脊亦好好食，牛味好重好嫩滑👍🏻😋，真係一定要試，食到最後將個讚崎烏冬放埋落個濃湯作結，同樣烏冬入哂味，好好食~總結呢間厚福館大部份既食物都係好高質，湯底亦係誠意之作，店員服務都好好，如果

午市百幾蚊一個套餐仲有半邊龍蝦嘆🦞 話就話係邊爐其實你亦可以解釋為貴價版「自煑車仔麵」比較適合，主食、湯底、配菜由A-D各選一款、執齊一套俾你自己煑🥘龍蝦套餐有幾款價錢一律$128，分別在於不同湯底、我今日就試咗佢個西式龍蝦湯🥣 先飲為敬，好好味😋 湯底咁好飲之後拾乜都好食啲！半邊波龍切成幾段，比較好細隻，係有啲懷疑少咗一段🧐 硬係覺得隔離個半邊大隻啲⋯⋯肉質都ok彈牙！俾多$15加購一份牛頸脊，四件厚切又冇失禮喎！肉質嫩冧牛味濃🥩 又俾多$8加購一份餃子，手工包韮菜餃唔係急涷貨，冇特別還可以🥟百幾蚊個餐都算孤寒、跟得個兩片生菜、仲要係用嚟墊龍蝦嘅！好心送多少少啦⋯⋯整體來講：加加埋埋又要加一，埋單都成百六七蚊，真心覺得少貴！仲話要限時90分鐘添⋯⋯

今晚男朋友訂了黃埔厚福館的火煱，我很期待，因為呢間都幾出名的，而且同事們之前也常常去食，紛紛說午餐的龍蝦餐好正，今晚我要試試晚餐如何!我們叫了杏汁豬肺拼蕃茄薯仔豬骨煲，豬肺大大塊，有六塊，而且杏汁很香，果然貨真價實，我也忍不住喝了2大碗湯!台湾鴨血很新鮮，不是每間舖也吃到的，爽口新鮮!豬腰拼豬潤新鮮得很，滾一滾大概十五秒，己可以吃了，十分爽口!牛丸拼魚皮餃很新鮮，牛丸十分彈牙，水餃拼盤也不錯。雜菜的西洋菜我最喜歡。今晚我和男友吃得很飽，才4百8O元!真的性價比高呀!