厚福館 (黃埔天地) (已結業)

行街見到有新店，天氣涼涼地就去試下，仲有成5分鐘先開門，已見到有條龍仔。入到去，即使敲響人枱，佢地都係唔係人坐，唔會有埋板插中間就坐定4個人。今日仲有特價，A1同A3龍蝦餐都係98蚊，等就叫咁龍蝦餐同佛跳牆餐，豪一豪佢。食物好新鮮，湯底好好味，但我個佛跳牆就咸咗小小，龍蝦爽口新鮮、蜆甜又滑。不過份量就小咗D。男仕就一定唔多夠飽。食完都唸住大推，點知剛食飽，用緊牙簽撩牙，個職員就行埋黎話要收枱面既野，仲同我地講因為出面好多人等。呢度唔係快餐店，食完杯茶都未飲完就趕人？唔係呀，多人排隊等都唔應該咁催客走呀，老實講，我都唔會霸住張枱唔走。12點入座，12:35食物到，12:45開始食，13:00就趕人走，過份咗D囉。佢地咁樣，好有hard feeling啦，未必會再去啦。