博多拉麵別天神 (已結業)

去紅磡見到開咗間新拉麵店，一定要試試佢。而這間拉麵店係自助點餐嘅， 喺門口自已揀好食咩，畀完錢先入去坐底等食,好有日本Feel。我叫咗個豚肉豬骨湯拉麵， 湯底一般， 肉質有啲鞋， 麵對ok， 整體本人覺得麻麻地…至於餃子…本人覺得煎得啱啱好,底夠脆, 幾香口幾好食~

今日友人話想食拉麵咁岩記起之前係尖東食過既拉麵搬左過黎黃埔滿心歡喜咁希望有好食既拉麵點知最後有少少失望菜單就冇乜幾款揀我自己揀左個蝦味噌拉麵友人揀左個豚骨拉麵一齊再嗌多左份餃子咁（跟餐果份雖然平5蚊 但係得四隻架炸！不過單嗌就冇蛋吃了）我自己覺得蝦味幾濃不過加埋粟米有啲多同唔夾啲麵都唔錯我食既時候多數加少少拉麵豉油呢間仲有辣芽菜可以加不過都幾辣😂建議夾少少試下先友人食左豚骨拉麵個湯底好重奶味佢就唔太滿意之後黎既餃子就不過不失冇乜特別成餐飯最大既扣分位係間舖冷氣真係好大啲野好快凍哂影完相黎碗麵已經有層油係面了總括黎講真係幾失望同想像中既別天神差太遠了

成日周圍去食拉麵 都冇一間似日本 一蘭 同 呢一間係最好食 但係一欄差不多一百蚊一碗 真係有點貴 呢一間抵食好多 佢有蒜蓉畀你加落去個湯底度要自己加 加咗蒜蓉之後好正 成個湯底同個蒜蓉都好夾 好似帶我返日本咁 暫時我覺得呢一間係最好食 會再返去食 佢其他款式我冇試過 但係佢豚肉拉麵 主打 係最好味 記住加蒜蓉呀 落個湯度真係成碗湯昇華咗 我帶兩個小朋友去食 佢哋每人食兩碗 都話呢間好好食 果然識貨 同我口味一樣 一定會再嚟 出面嗰啲一百蚊碗好多都唔及呢一間

見佢新開，入去試試。叫咗一碗蝦味噌拉麵，價錢$85，聽落唔算貴，點知食落就奶嘢！豚肉無肉汁無肉味，就連麵底本身都唔落本，點會好食？自己去AERO買個2,3十蚊唧自己煮仲好食好多！嗰壺茶又凍又無味，唔知想點！百分百唔會有下次。再見