影片
开饭介绍
主打多款传统韩国料理，设有韩烧烤肉区：五花肉、猪皮等夹生菜，真正韩式风味。芝士排骨年糕足料，芝士满泻。
继续阅读
营业时间
今日营业
11:45 - 23:00
星期一至日
11:45 - 23:00
以上资料只供参考，请与餐厅确认详情
金巴利道同天文台道交界附近有好多韩国菜，见呢间店名系韩文，餐牌都有唔少选择，入咗去试吓，店舖唔算大，有两边座位都坐得好舒服，店员中文唔太叻，点餐都叫我哋自己写 Number落纸仔。点餐后店员送上三小碟韩式前菜，自家腌制嘅泡菜、瓜片同豆芽见佢用咗一樽樽人参酒牌喺卡位隔离做装饰，就试咗个人参鸡汤 $189 好大只鸡煮到好腍，近乎骨肉分离，佢并冇一大支人参，而系细细块人参片，头两啖饮落稍嫌唔够味，但饮到最尾开始浓郁，建议搞多两搞先开始饮会更平均另外叫咗个雪浓牛骨汤 $110 ，用牛骨煲嘅汤好鲜甜，有腍腍哋嘅牛肉薄片，个汤咸香送饭
继续阅读
今日咁啱经过尖沙咀门口见到一间韩国餐厅好吸引，于是忍唔住入去试一试！葱饼 🌿 呢间嘅葱饼真系无得输！外皮煎到金黄脆口，一咬落去「索」一声，入面啲葱多到爆，仲要够晒香，完全冇𠮶阵草青味。最正系佢个酱汁，甜甜辣辣，同葱饼夹到癫！不过要趁热食，冻咗会变韧，同阿妈煲电话粥咁难咬。 Seafood Pan Cake 🦑 个海鲜煎饼料多到好似唔使钱咁，每啖都食到鱿鱼同虾，仲有啲蔬菜粒增加口感。个边煎到脆卜卜，中间就软熟，点埋佢哋自家制嘅酱汁，真系停唔到口。部队汤 🍲 呢个部队汤简直系「大杂烩」嘅代表！肠仔、午餐肉、年糕、泡菜、即食面咩都有，汤底够浓郁，辣度适中，饮完成个人暖笠笠。最正系啲芝士溶喺汤入面，拉丝效果一流，邪恶到爆！不过份量真系多，两个人食都够，一个人挑战嘅话可能要打包返屋企。 炒粉丝 🍜 呢个炒粉丝镬气十足，粉丝炒到干身唔油腻，仲有啲蔬菜同肉丝增加口感。味道偏清淡，但系好啱我呢啲怕咸嘅人。南대门3号 (尖沙咀)尖沙咀金巴利道65-67号太平洋大厦地下3号舖
继续阅读
数日前同朋友去咗呢间韩式餐厅吃饭，食物都唔错，Lunch时间order咗之后，很快就上菜，我地笑说效率十足香港人，但望入去厨房，看见是一位韩国姨姨去炮制。我地三个人，点咗杂菜牛肉炒粉丝、海鲜辣豆腐汤、海鲜煎饼，大家share食。配料十足嘅杂菜牛肉炒粉丝，牛肉粒份量颇多的，加入咗黑椒碎，香味更突出。海鲜辣豆腐汤，橙红色汤底看似甚为辛辣，但食落去又可以接受，配上鲜虾、大蚬等，每啖汤配埋白饭甚为惹味。海鲜煎饼，口感似中式薄饼，里面是香葱、虾米粒。如果要找一个词形容，住家菜当之无愧。
继续阅读
6月2号食呢间野。想讲呢间野味道真系唔差，嗌咗个冷面同铁板猪肉，一开始食到舔舔脷。以为又揾到一间可以经常食嘅韩国野。dxxm估你唔到，食到一半喺辣猪肉食出只曱甴，仲要得翻个壳。大佬啊，有冇咁大整蛊，我食左一半你先出现，仲要唔系全尸。人生真系第一次食到曱甴，真系想死。即刻同个韩国老细讲，佢就急急脚话no pay no pay然后收走左个猪肉。然后我同佢话，我地食到一半，食到虫咁点啊？佢就指住张单话no pay no pay。本身都唔想写衰佢，但系今日嚟尖沙咀食饭又谂起呢间嘢，即刻反胃唔想食，大家睇路
继续阅读
放假谂住食下韩国嘢 去咗尖沙咀韩国街 一行入韩国街就见到呢间舖头前边有个韩国大叔老板好热情咁招手叫我哋入佢间餐厅 仲话佢地有得拣韩烧或者唔韩烧 附近都系佢嘅分店 比佢嘅热情吸引到 我地就入咗呢间餐一坐低就上咗3碟前菜 我地叫咗个水冷面同人参鸡汤水冷面会跟一支醋同一支黄芥末 食落去十分清爽 酸酸地好开胃 一啖接一啖咁食人参鸡汤嘅参味唔重 不过份量十分之大 鸡入面包有少少糯米 鸡汤清清地饮落十分舒服 饮完都唔觉口渴💰两人用餐 人均消费$150南대门3号 (尖沙咀)📍尖沙咀金巴利道65-67号太平洋大厦地下3号舖
继续阅读
您可能会有兴趣的...