南記粉麵 (福苑)

营业中

休息中

老公去健身，自己一個人走來食下午茶來到南記當然要食佢招牌的春卷la點了一個春卷腐皮河多青，再整多個凍奶茶南記的春卷是用魚肉做，魚味濃郁正丫可惜自己偷心要多青，個湯太勁蔥味，下次都是要正常可以

難食！一整碗放到台上就聞到漂水味應該是碗在清潔處理中出的問題湯-唔香唔辣唔酸加左醋、魚露、辣醬，都依然係甜味+漂水味料，集團式基本上分別不大，簡左牛筋牛腩， 但比較起常去既灣仔分店，都差了一點點旺角，可能係漂水味問題？做壞招牌！要食、我情願過灣仔呢間、唔會有下次

返黎香港之後好懶冇上openrice 寫食評, 第一篇獻給南記粉麵南記一直都係平民之選, 好食又唔貴, 特別係哩幾年, 物價係咁漲, 以前好捨得出街食既我就算多左人工都好少再出街食.叫朋友出黎旺角幫手買野先順道食返餐, 但又唔想食咁貴, 見到南記就上左去.嘩, 依家轉左個LCD mon 餐牌又有埋快餐店o個d 號碼燈叫你出去拎咁樣, 勁high tech.我叫左個春卷小窩米線, 其實我唔係咁記得幾多錢, 3X蚊. 又大大碗, 正啦!味道依舊好味! 春卷彈牙, 米線都彈, 不過譚仔係出色d. 但我比面個春卷間唔中都會再黎捧下場.

自兩位80後執行董事，於幾年前加入開始，便把南記粉麵展開大革新並改頭換面。南記加入漫畫化人物「香港仔」作為ICON。「香港仔」有雙重意思，一是是南記的起源地，二是代表香港人拼搏、上進、幽默等特質。形象年輕鮮明，煥然一新，成功攻佔年輕人市場，令南記的分店數目亦不斷增加。改頭換面後的南記，已大大不同，南記老店的味道已慢慢消失。新店環境光猛整潔，有些快餐店格局。落單後等營幕顯示號碼便去取管理都電腦化，不論餐牌或落單。食物質素都改變了嗎？紫菜四寶河 $36湯底清，唔覺太多味精。份量足，有招牌春卷、魚蛋、牛丸、墨魚丸及紫菜。這裹的招牌春卷用腐皮包著蝦滑，味道特別，蝦滑爽口。丸的味道一般，公式化及大量生產，不似老麵店堅持的手打丸。食完後，湯底變成紅河，是否正常嗎？因為去開的大師傳麵店，它的紫菜湯是沒有這個情況。豆漿　＄６ 味道一般南記已公式化及大量生產了，香港仔南記的味道已不再

南記係港島都算幾出名之前玩ocamp做task都特登去食依加係旺角開分店 就緊係要再試下店舖位置都幾方便 係正旺中正門對面 樓上一樓舖店內環境光猛 新開張所以都幾乾淨食物方面就揀左鴛鴦河加魚餃原因好簡單就係想試多啲又無錢 發現魚餃春卷絕對係必食而朋友就揀左牛 試過一舊都覺得幾有水準 係旺角想食啲無咁貴又企理的晚餐 南記都不失為好選擇不過記得係買飛先領野食 就好似快餐咁

南記, 算系一間陪我長大既一間粉面鋪, 也見證住佢既變遷, 由香港仔起家既主店, 食到系香港島番工至平選擇之一. 直至近年殺入九龙區黃埔旺角區, 一碗魚蛋河竟可見證住由樸實既魚村風味道慢慢滲出商业味, 香港寸金呎土真令人咋舌!由我系香港仔食一碗$16正魚蛋河, 變成依家一碗$34紫菜四寶河, 但個質素則每況愈下.細細個食既魚蛋河, 通常食完圍餐唔夠飽, 個時無老麥9蚊包, 於是就會求屋企人買碗魚蛋河飽飽肚. 識食南記一定會叫河粉, 細個鐘意食魚蛋, 食完個滑滑既河粉後, 先會食留低既魚蛋, 個魚蛋really手打, 因為會食到魚肉味, 仲要係彈牙!依家食既魚蛋係機打出黎, 爽口系爽口, 但系似電視成日賣廣告個” 個個食”咁無咩魚肉味, 其實爽口到好似乒乓波都幾驚!另一個重點系魚肉春卷. 細細個覺得貴, 通常唔會叫魚肉春卷黎食. 我唸我係上到中學先第一次食魚肉春卷, 個感覺係好幸福. 單純既我覺得世界上應該無食物好味過魚肉春卷. 個種用油炸既香口外皮, 濃郁既魚肉味加上D清湯. 比起依家既hea, 連超市買既魚肉春卷仲好有香口同魚肉味, 食落去既時候心情真…So Sad.好彩個河粉無咩點