影片
更多
2014-09-07
776 浏览
南記, 算系一間陪我長大既一間粉面鋪, 也見證住佢既變遷, 由香港仔起家既主店, 食到系香港島番工至平選擇之一. 直至近年殺入九龙區黃埔旺角區, 一碗魚蛋河竟可見證住由樸實既魚村風味道慢慢滲出商业味, 香港寸金呎土真令人咋舌!由我系香港仔食一碗$16正魚蛋河, 變成依家一碗$34紫菜四寶河, 但個質素則每況愈下.細細個食既魚蛋河, 通常食完圍餐唔夠飽, 個時無老麥9蚊包, 於是就會求屋企人買碗魚蛋河飽飽肚. 識食南記一定會叫河粉, 細個鐘意食魚蛋, 食完個滑滑既河粉後, 先會食留低既魚蛋, 個魚蛋really手打, 因為會食到魚肉味, 仲要係彈牙!依家食既魚蛋係機打出黎, 爽口系爽口, 但系似電視成日賣廣告個” 個個食”咁無咩魚肉味, 其實爽口到好似乒乓波都幾驚!另一個重點系魚肉春卷. 細細個覺得貴, 通常唔會叫魚肉春卷黎食. 我唸我係上到中學先第一次食魚肉春卷, 個感覺係好幸福. 單純既我覺得世界上應該無食物好味過魚肉春卷. 個種用油炸既香口外皮, 濃郁既魚肉味加上D清湯. 比起依家既hea, 連超市買既魚肉春卷仲好有香口同魚肉味, 食落去既時候心情真…So Sad.好彩個河粉無咩點
由我系香港仔食一碗$16正魚蛋河, 變成依家一碗$34紫菜四寶河, 但個質素則每況愈下.
細細個食既魚蛋河, 通常食完圍餐唔夠飽, 個時無老麥9蚊包, 於是就會求屋企人買碗魚蛋河飽飽肚. 識食南記一定會叫河粉, 細個鐘意食魚蛋, 食完個滑滑既河粉後, 先會食留低既魚蛋, 個魚蛋really手打, 因為會食到魚肉味, 仲要係彈牙!
依家食既魚蛋係機打出黎, 爽口系爽口, 但系似電視成日賣廣告個” 個個食”咁無咩魚肉味, 其實爽口到好似乒乓波都幾驚!
另一個重點系魚肉春卷. 細細個覺得貴, 通常唔會叫魚肉春卷黎食. 我唸我係上到中學先第一次食魚肉春卷, 個感覺係好幸福. 單純既我覺得世界上應該無食物好味過魚肉春卷. 個種用油炸既香口外皮, 濃郁既魚肉味加上D清湯. 比起依家既hea, 連超市買既魚肉春卷仲好有香口同魚肉味, 食落去既時候心情真…So Sad.
好彩個河粉無咩點變, 真心希望若果有幸可以再食到碗簡簡單單既魚蛋河, 唔係只係就住租金而讓步, 放棄以往令人自豪既魚村風味. 我唸香港地飲飲食食既明天可能會好天D既…
张贴
