南記粉麵 (福苑)

营业中

休息中

今晚去南記開餐， 叫左個腩肉春捲酸辣米線和一杯大豆漿。 由於都晚上 9點幾人唔算多， 都容易揾位，另外，由於我食唔到辣，咁我碗粉叫左少辣， 酸菜湯好惹味，有大量芽菜和韭菜， 腩肉和春捲夠多食得好滿足， 加埋一杯夠凍但唔太甜既豆漿，就非常滿足了。

一直都係南記既粉絲 黎到旺角有南記既分店 當然要幫襯下 南記價錢便宜 食物質素良好 呢碗單拼河 就只需26元 春卷彈牙爽口 好有口感 魚蛋好有鮮味 而且出餐速度非常快捷 店鋪流量快 所以趕時間既朋友又想食碗好味既粉麵 不妨試下南記

同朋友放工想食啲飽肚既晚餐，專程落旺角一試這間南記，這是樓上鋪，都輕易找得到的，亦是我第一次試這間餐廳，叫左個珍寶蕃茄米線套餐，有招牌魚旦，牛🐮丸，春卷，魚皮餃同墨魚丸，好豐富啊，$55蚊真係好抵食，又夠飽同好味，汽水要額外加錢的😂南記係平價之選，同x仔同三x呢兩間米線店味道有得揮係唯獨冇乜服務可言，全部要自行到前枱自取，呢個可能要改改😂

以前去灣仔會展書展時，午膳必到南記食「招牌河」，最愛吃「招牌春卷」。可是，現在已經少去書展了，以為要食南記的春卷，一定要到港島區。殊不知，在旺角見到南記！突然喜出望外，即上樓去食我的晚餐。現在可用八達通自助點餐，而且多了很多不同種類的粉麵。我用八達通自助點了「四寶紫菜河」。然後就去找座位，桌上有食完的碗。於是我叫執拾的店員清理，但他很惡地回答，現在唔得閒。我很無奈地等候他執拾。恰巧我的粉麵有得取了，本來諗住取粉麵時，順道叫派遞粉麵店員取水。怎料，他在這時行開，走去收銀機那邊，那邊已有一人在工作！而這邊空無一人，到我時，我只好在粉麵派遞口自己取食物，但取不到水。之後好幾個跟在我後的食客，都要自己在派遞口取食物，沒有店員幫忙。從未食過南記，有這麼差的服務！終於桌上可放我碗粉了......以往我只吃招牌河，今次想食紫菜，所以點了四寶紫菜河。其實是招牌河加紫菜，有招牌春卷、牛丸、魚蛋及墨魚丸。春卷好似細了，而且冇以前咁香口；但牛丸、魚蛋及墨魚丸都爽口。整體沒有以前那麼好吃 -_-

Pokémon Go熱潮再起！呢日經過旺角果陣偶然發然附近有冰鳥捉，經過一翻圍偶之後，係零零丁丁7個精靈球下都係比佢走左，令到我心情直落。算數，去食個晏滿足下。南記身為香港平民米線界既兩大巨頭之一，主打當然係平得黎又好食既粉面。其實本人對上一次幫襯南記已經係2年前，事關居住附近就另一個巨頭既分店居多，今次經過就轉一轉口味。南記與時並進，引入左自助點餐，但眼見又冇乜人用，太前衛又必個個都接受到？！但係對我黎講就太方便，最大既好處當然就係唔洗排隊。少不免地都會免費地提供少量醬油，想要加辣？任君選擇！春卷牛腩小窩，春卷身為招牌係必點之選。春卷外層係金黃色既腐皮，微脆而又煙韌裹住彈牙既魚肉，有特色得黎水準又高。牛腩就普普通通，肉質唔夠淋。另一款就點左辣豬肉米線，料足，豬肉大大舊。我食左一塊 鹹度足夠但辣味略為薄弱，但整體味道都唔差。三十幾蚊一碗米線不能要求太多，相信只要佢仍然有賣春卷既一日 米線巨頭既位置依然會屹立不倒。

作為一個不稱職既米線迷，平時只係食開譚仔，但難得有時間到旺角就順便試左一下久仰既南記。一開始入到去，平時食開其他好似譚仔,雲桂香既米線店既人應該會好疑惑，唔知邊到點餐，因為佢係類似快餐店大家樂，要係櫃台取票而唔係同侍應直接點菜。 係食物選擇方面，雖然選擇多過譚仔有牛展牛腩等等選擇，但係價錢卻貴一D，三牛米線加麻辣己經經係譚仔過橋既價錢。另外，南記有得簡其他面 試左個米粉 但面質普通而米線只可以選擇淋D無得選爽D。 攞左票後只係等左一陣就有得食，食完既感覺係麻辣雖然唔太夠辣但係香，牛展牛丸既質地唔錯，但係牛腩就有D散啦，另一碗番茄湯底就十分適合唔食得辣既人食，味濃又唔會太酸，唔會太假。但係一個我最唔鍾意既地方就係...份量真係太少啦!!不過可能係因為我本身大食俾譚仔過橋寵壞哂整體來講質素唔錯麻辣湯底比譚仔更香唔至得辣，推介!!

當想年係中環做野成日去南記買外賣。今日行完街諗住食埋野先番歸，諗唔到食咩好，咁岩行到呢間野前面，決定入去食。最近腸胃唔係咁好，隨便叫碗唔辣既粉算😌佢既魚肉春卷同以前一樣咁好食。

自從推出咗個麻辣湯底口味， 試過一次之後，就對佢念念不忘。 唔知係咪要上樓關係，無地舖咁顯眼。之前 lunch time 時間黎過兩次，都唔駛點等位。所以每次黎旺角做嘢，要食平、靚、正、快，第一時間會諗起南記。除咗配料多選擇之外，而家連湯底都有好多選擇: 番茄、麻辣、酸辣、清湯春卷牛丸麻辣米線 (中辣) $40麻辣香氣，聞到已食慾大增。中辣對我嚟講啱啱好。牛丸非常彈牙， 春卷就更加唔洗講，好好食，果然係招牌。米線份量多，夠飽。

昨天偶爾經過，便進了這間南記，有很多人排隊，不過還好，很快便找到位置了。之後點了一個特選米線套餐，酸辣湯底加小辣，有四個餸 - 招牌春卷、招牌辣豬肉、魚片同冬菇。食材方面：米線質素也算不俗，挺彈牙的；招牌春卷果然十分棒，味覺十分吸引，真的想一吃再吃；至於招牌辣豬肉就稍遜一點了，如果再辣味和濃味一點會好一點；其他魚片同冬茹的味道都是中規中矩之作；最後湯底方面都是不過不失，感覺上那些酸菜的味道好像影響了個湯底。

今日突然好想食麻辣，第一時間唸起南記，平、靚、正。。。最最最重要係真係夠麻辣，唔係得個名。於是Lunch去買南記麻辣米線。打電話去落單外賣自取，職員好快手落完單俾左個no.我。今日上到去就比較多人，排左3分鐘先俾錢，但食物唔駛等就有得拎。真係快好多，好方便呀。春卷麻辣米線$37 - 上次食小辣，覺得唔夠喉。所以今次挑戰中辣。濃濃嘅麻辣香氣，未打開蓋都已經聞到，頓時令食慾大增。春卷有4條，好香好好食，果然係招牌。米線份量多，夠飽。

最近好多人病左，我都中招了，係附近睇完醫生就醫下肚。見到南記就諗住清清地食碗湯面～揀左墨丸河，＄26咋！河粉夠滑，墨丸味亦好新鮮，唔假。份量對一個女仔黎講都夠，大食d既或者男仔就可能差咁d。另外，環境一般同普通茶餐廳差唔多啦，不過個日有幾隻大蒼蠅，有d唔衛生，所以我都快快食完就走喇～

難得放lunch前黎旺角做野，就梗係要為同事做下外賣妹，買啲平時公司樓下無得食嘅野返去同同事一齊開心食啦。旺角食lunch時間一定好多人，所以做完野就上Openrice睇左個電話，打去落單外賣自取，職員好快手落完單，俾左個no.我。(推介：各位可以試試，好方便。同事教我的）於是我就可以輕輕鬆鬆咁行過去。上到去行埋去俾錢，等左唔駛5分鐘，食物就已到手。真係快好多，好方便呀。春卷麻辣米線$37 & 春卷墨丸麻辣米線$37 - 濃濃嘅麻辣香氣，一路拎係手未打開蓋都已經聞到，頓時令食慾大增。春卷好香，但唔知係咪外賣關係，春卷腐皮已唔脆，但依然好食，墨丸彈牙。米線份量多，夠飽。招牌鴛鴦河$27 - 招牌河有墨丸，牛丸，春卷。其實本人就覺得呢個係最抵，因為呢3款都係南記最好食嘅野，而且每款仲有兩件。雖然係清湯，但配以佢地嘅辣椒油（記住拎），簡直又係另一番風味。

好難得可以係平日放假，於是就去旺角行下，食個下午茶啦點了碗墨魚丸米線配凍可樂下午茶餐來說都幾抵嫁先試一試墨魚丸先，都爽口彈牙嘅，而且每粒都好有口感。至於米線比較幼細嘅唔會太硬，非常爽口。雖然話係下午茶，但係佢地嘅份量都唔少，而且下午茶時間嚟，店都唔會好多人，而且都唔會好逼咁不過就撞正係員工嘅放飯時間啦但係呢度都真係好細心同貼心，環境都好舒服！ 下次都一定會再嚟嫁P.S. 原來最新出左款蕃茄湯米線，睇落都好大碗嫁，下次必試

今日放工約左朋友去旺角，大家都想食D平平地嘅野，本身話想食譚仔，點知朋友話有好介紹，就尼左南記，都係食米線嘅，等我試下先🙋🏻放工時間，搵位都唔算好難，但係都幾多人排隊點餐。見太多人排隊，但係呢個自己點餐機就冇人排，試下先，介面唔算好user friendly，不過總算成功點到餐，快人地少少。拎左飛，等面到。但係一等就等左20分鐘🤔有D耐係有少少失望之際，食下啖米線先有少少驚喜😳米線好滑，軟棉棉，但係唔會淋淋嘅感覺😳牛展都好足料，起碼有成5-6塊！仲有好多雪菜酸菜，非常好。下次可以再考慮食，雖然等得真係耐左少少，不過都係平野嘅好選擇！

南記粉麵真係開到成個香港都係，依家已經進駐到九龍區啦，我行完旺角新之城之後，個肚又餓餓哋，見到對面開一間南記粉麵，我就當堂食個快嘅下午茶啦，咁而家下午茶21蚊，連埋豆漿都係24蚊，食咗個鴛鴦面，質素保持到一貫水準，麵質都算幾彈牙，個湯頭幾好飲，再加埋我最鍾意既白魚蛋，而家有返啦，魚蛋非常有魚味，又夠彈牙，春捲唔使多講啦，味道口感一樣無變，24蚊真係抵食。。。。。。。。。。。。。。。。。。。。。。。。