南記粉麵 (福苑)

营业中

休息中

一直都有聽過朋友們話有間好好食的麵粉店---南記。碰巧尋日食摩豆雞蛋仔個個經過見到旺角開左一間分店，所以今日放完學就黎試下！第一選擇當然係佢既招牌河！河粉非常碎濕濕，湯底清到我要加下辣！春卷就非常好吃，魚肉的口感但又無咁'hi'口！牛丸也是機製的，無咩特別想說！只憑春卷取勝，等我睇下其他食評介紹咩好食，先會再黎食啦！不過，起旺角食到25蚊3樣野一碗麵，咁又真好抵到唔好可以話咁多既！

今日去左同事熱捧春卷和墨丸好好食的南記試試，結果真係要比個讚。傳聞這店源於香港仔，近年九龍才有分店。叫左個套餐(一碗麵、魚片頭、豆漿)，另外散叫一碗招牌河(一碗有招牌春卷、牛丸、魚片)和芽菜。套餐任選二款餸，當然揀左墨丸，另揀左較少見八爪魚丸，成為一碗美味的走麵。墨丸有墨魚粒，食落没有太重的味精味，又好'趙'頭，唔錯。魚片頭更有驚喜，炸起加上椒鹽，一流!

上次朋友帶我係銅鑼灣食咗一次南記之後，發現呢間野又平又好食，今日行行下街發現旺角都有一間。咁點可以錯過呀，佢地既牛肉真係好正。春卷魚皮餃小窩米線，南記D春卷真係好好味，肉春卷很香口，唔會太淋，口感唔錯，湯底濃度都恰到好處，酸辣湯底呢度真係一流。魚皮餃就冇咩特別啦。牛展小窩米線，牛展份量多，肉質軟淋又鹵又入味米線又彈牙唔會太淋。湯底好味道又辣。

今日午飯食得好少野...下午茶時段...有少少餓...南記係一個唔錯既選擇 !! 春卷就一定要叫架喇 ~~ 大腸同腩肉...都真係好難選...好啦 !! 腩肉 ~~~ 仲要食最愛既河粉 !! 黎一碗腩肉春卷小窩河粉走韮菜 !! 真係好好味 ~~ 雖然春卷已經冇之前咁好味 !! 但係個湯底好正 ~~ 乜都補哂啦 !! 哈哈 ~~

諗起食米線，通常都係咩仔，出開呢頭就食呢間，最愛小窩米粉，湯底以酸菜調味，最重要必選佢嘅招牌春卷，煙韌又有咬口，另外再配彈牙墨魚丸，每款有三粒，備有少量韮菜及腐皮，食完呢碗米粉都飽哂，小窩米粉，大愛！

諗住同同事三個人去旺中買野，咁順便附近食埋晏唔洗煩，咁岩就見到頭上有間南記，就入左去試。一入去第一個感覺係咁空礦既-0-對比譚仔既坐位密度，南記可以打橫行都仲得。咁是但搵左個四人位坐，可惜D凳硬得黎又釘死左係地唔郁得。個陣都係兩點二十分，等左陣吹左下水就兩點半下午茶時間。一到兩點半，突然之間成班OL同D街坊就入晒黎，D到D下午茶咁受歡迎既我今日就食清小小，只係叫左個魚腐同八爪魚丸清湯河粉細豆漿拎到張收據就可以番埋位等叫no.幾分鐘後就叫到我，速度都OK既碗野一黎到感覺上真係好清-0- 冇配料既....仲以為有小小芽菜同支竹 湯面可能因為河粉關係又有一層油，舊魚腐又成舊豆卜咁不過，食落先知舊魚腐係正野下次唔知可唔可以叫兩個餸都係魚腐呢，不過聽同事講春捲都唔錯湯底唔好睇佢好清咁，都幾好味架，唔知落左咩料整呢河粉同八爪魚丸就普通啦，冇話好唔好食，但唔係難食既豆漿唔太甜，有小小豆青味，我個人就覺得OK既有碗麵有野飲，埋單28蚊算係咁啦

今日去左南記食晏, 見肚餓就點了B餐, 有春卷墨丸米粉和一碟生菜+大豆漿, 春卷一如既往好好吃, 出面有好多麵店都有魚肉春卷, 但始終都係南記最好食彈牙有咬口, 好有香味~墨丸係第一次試, 都唔錯, 幾彈牙有墨魚味, 但都係偏好這裡的牛丸多D~米粉普普通通, 口感唔會好硬, 下次都會叫番河粉食, 總覺得河粉配春卷會夾D, 同埋這裡的河粉又薄又滑正好多! 湯底望落好清, 但飲落唔會淡"貿貿"的, 幾好.碟生菜比預期中大碟, 灼得爽口, 豆漿亦都唔會死甜, 飲到少少豆味 簡簡單單又一餐!

想係旺角中午時份食一個$30以下的午餐, 原來一點都不困難....香港仔南記粉麵春卷小鍋米線+豆漿$40我同老公都鐘意食南記春卷我地都覺得旺角店既春卷比較其他南記分店更好食真係唔知點解, 來貨應該一樣, 但係旺角店既春卷比較飽滿,肥身有咬口, 其他分店都瘦乾身而旺角店既小鍋米線底就冇其他既分店咁辣,建議各位要加辣招牌河+奶茶$35好特別，招牌河價錢係$25, 而單併或雙併既價錢都係$25,但招牌河有3款食物, 包括春卷, 牛丸同魚旦所以我經常都會叫招牌河牛丸同魚旦爽口彈牙, 但最敗北係河粉,比較碎身旺角分店在旺角中心對面,需要行上一層,坐位都算多,坐得舒適嫁~ 

南記粉麵成日聽日講南記好出名，春卷好好味，今日經過旺角見到專登尼食下。叫左個酸辣招牌河粉，唔明點解酸辣$34，清湯$25，差咁遠。 飲一啖湯，完全唔太酸同唔辣。成碗滿怖酸菜同芽菜。兩粒魚蛋，兩粒牛丸，一條春卷。河粉分量好小，但係好滑。魚蛋同牛丸十分彈牙爽口，魚蛋冇魚腥味，但略嫌太細粒。最後重頭戲，春卷。一咬，好硬，只係有魚蛋味，完全冇咩特別，有小小失望。整體來說，食物普普通通，但係平，同埋員工服務態度有待加強，冇咩禮貌。可能下次試下第二間南記

今次又上咗旺角南記回味下春卷既味道，我揀春卷牛丸小鍋米線 要小辣。呢間分店都相當旺場，地方都算大，座位都多，但午飯時間都差不多坐無虛席。取食物回枱上，看見賣相相當不錯，等相機食完之後就立即開動！通常第一口先飲一啖湯，試試湯底，湯底很香濃，這裡的酸辣米線是有很多酸菜的，所以湯底味道會偏酸，小辣的話 酸味會突出得多。第二口就試試米線的質地，這裡的米線偏軟熟，亦夠彈牙煙靭，就算食到尾聲時 米線也不會發漲，這點我是蠻喜歡的，証明米線質素應該不俗。如圖所見，米線和配料份量都不少，有齊腐皮~芽菜~九菜~酸菜這些酸辣米線配料~ 牛丸依然爽口彈牙，有牛肉味香~~南記的招牌菜 - 春卷也貫徹水準，雖然外皮應該是用油炸的~ 但春卷香而不油～ 這裡的春卷跟酒樓的炸春卷是不同的，是用腐皮包住魚漿~ 魚肉味香濃~ 彈牙有咬口~通常我都會留半條春卷作結尾，嘻嘻。食罷之後感覺很滿足，價錢亦合理~ 一大碗都只是三十多元~下次吃的話就會點招牌湯河粉~這裡的河粉很滑~味道望落清淡 但食落都夠味的~ 如果食得辣的話  推薦試試枱面上的辣椒醬喔! 又香又辣 超正的

收工一個人黎食, 一睇個Menu發覺好多選擇可以自己配搭, 選擇困難症嘅我都起度想左好耐最後揀左好出名的招牌河($24), 果然無令我失望, 河粉好爽滑, 湯底清新入味牛丸同魚彈都爽口彈牙, 而春卷內有魚漿, 又係超好味. 咁豐富都只係廿四蚊, 性價比極高

每次一看見南記那大大的人樣招牌便想起了高中時期每星期在港島溜漣的愉快時光。多年過去了，人總是會懷念從前那動人時光，謝安琪說不要常回看，但每次經過南記我就是有股按捺不住的衝動。以前那個讀書年代，南記只應港島有。近幾年業務擴充，九龍人的我也以方便吃得到。 這天放工肚子不爭氣，想隨便找點低消費的食物便想起了這裡的招牌河。旺角分店比港島區的寬敞，座位闊落令人坐得舒適，不過我反而懷念著港島區的舊店那擠擁的親切感。 這就是我從小到大都愛點的招牌河。除了有爽滑的河粉外，重點是有我愛吃的春卷。吃過南記春卷的都會知道，這春卷不像茶樓的炸春卷，反之是彈牙有咬口，不過今天來到這分店，春卷好像比從前「粉」一些。除了春卷還有魚蛋和牛丸，它們都保持了一直以來的水準，放進口內彷彿有顆彈彈波在跳動，尤以魚蛋較出色，滑溜的外表一不小心就滑入食道了。很多人會在南記吃米線再配以不同的湯底，但我卻選沒有特別味道的清湯。不是我愛清淡，而是我把平價河粉的重點都放在辣椒醬上。滿滿辣椒籽的醬令愛吃辣的人都會𣊬間增加口水分泌，令整碗清湯河粉生色不少。回憶總是美好的，一碗招牌河粉對我的意義比它的價值大得多，希望南記在物價高企的大

相信食過香港仔南記的朋友，一定食過小窩酸辣米線，但大家又豈有試過招牌河呢？南記的招牌河粉非常滑溜，湯底雖然看似清澈，但絕對不會淡如水。招牌河中有春卷，牛丸以及魚蛋。牛丸爽口彈牙，同魚蛋各有千秋。而春卷，則是腐皮包裹了魚漿，乃是南記的招牌名物。如果能吃辣，一定要試試南記的辣椒醬，味道酸中帶辣，更能刺激味蕾。而招牌河亦只是廿四大元，試問在百物騰貴的香港又怎能錯過呢？

雲南酸辣米線，一直都是我最喜愛的一個人的浪漫。云云眾多酸辣米線之中，香港仔南記的小窩酸辣米線絕對是我的至愛。小窩酸辣米線本身已經包含了腐竹，酸菜，韮菜。湯底可以分為各種的辣度。而每一個配菜，價錢由6至8元不等。個人每次必點的，就是春卷以及腩肉。春卷並不是茶樓的炸春卷，而是有點似魚肉燒賣般的。而腩肉則是非常入味，口感有點像豬頸肉，唔會太肥，直得推薦。米線方面口感煙靱，不會糊口。小窩米線中的酸菜酸酸甜甜，而且清新爽脆，與湯底的酸酸辣辣互相輝映。四十餘元既飽肚又滿足，真是百吃不厭。

南記的忠實fans 好似食極都唔會厭。好中意南記的春卷同腩肉，兩者搭配非常之好 春卷腩肉米線 ---南記的招牌菜，腩肉都很不錯，腩肉汁滲緊湯底使湯底更香甜。春卷軟綿入味，米缐份量多且彈牙，配料充足，口感不錯。湯底是我非常喜歡吃南記的原因之一，好甘甜入味。