南記粉麵 (福苑)

营业中

休息中

之前不嬲返上環都有食譚仔，覺得抵食同味道吾錯仲有辣有吾辣，今次去到旺角都叫朋友陪我食南記，但已經係勁多人迫爆左。等左15分鐘終於有位坐……春卷小鍋米線 $34……飲湯落去冇左辣得個酸字有點失望，米線份量多但淋得滯冇晒口感，幸好春卷依然好食。冬菜已沒有供應而辣橙色辣醬仲有，沾上春卷一起食最好……招牌春卷牛腩蕃茄米線 $42…感覺好失望，蕃茄味唔濃，牛腩唔淋，米線亦有少少硬身，只有春卷依舊維持水準。見到宣傳海報咁吸引，但理想同現實始終係兩樣野，可以唔使試。總結：但質素已沒有之前咁好，冇咩想再黎沖動了。

自從旺角開咗南記之後, 每次黎到旺角如果諗唔到食乜嘢總係會走過來食米線... 今日做完Facial想來想去都唔知食乜好最後又返嚟呢度食米線因為已經到咗下午茶時間所以好多人排隊, 不過因為下午茶只限清湯麵, 對我來講下午茶沒有太大關係, 最後叫咗一個招牌春卷貢丸米線, 等待大概10分鐘到終於黎到我了明明叫左走韭菜走芽菜, 說好的離開呢? 🤔🤔🤔 不過因為可能人多手腳亂關係, 所以都唔奢求太多寧願自己挑起就算🙈 米線比平時既米線粗度幼身, 食落都幾滑而且不失口感, 米線整體都唔錯!小窩米線既湯底有少少酸, 食落幾開胃, 而招牌小窩米線係自選送菜, 個人簡選左貢丸+招牌春卷   招牌春卷算係南記既招牌食材, 食落係有d肉咁包住春卷皮, 整體似係腐皮卷咁味道不過不失, 唔算係好十分好食!不過係旺角搵到平靚正既地方真係唔算有好多間, 如果下次黎到諗唔到食咩都會再黎幫襯~~~

南記作為粉麵舖，係香港都算出名，我會叫佢做良心食肆，當某啲粉麵賣到4X碗淨雲吞麵的時候，南記仲可以$26兩餸粉麵！今晚試新野，牛腩春卷小窩米線。旺角的南記在旺角中心對面，人流極旺，好在一人位都易搵。小窩是帶啲酸辣，酸較多，辣較少，配料還有酸菜，芽菜，腐皮。牛腩不「un」，也無肥肉，浸左水的春卷我都是第一次食，春卷內的魚肉好彈牙，感覺像鯪魚肉。南記的豆漿也是高水準的，甜岩岩好，唔算好甜，最怕綽號「無糖豆漿」，一啲甜味都無。臨走見到$19的早餐，好抵食，7仔都$16三文治的時候，南記都係$19。～完，推介指數：10～

還記得第一次去吃招牌河的時候，還只是$10一碗，轉眼間已加到$25一碗了，真的不能不認老。雖然味道跟我以前吃的不太一樣，但性價比依然高的。$25有兩條春卷，兩粒魚蛋同兩粒牛丸。唔鍾意河粉，可以㨂米粉，仲有冷門既瀨粉！我今次揀左米粉，米粉正常，魚蛋有魚味，爽口彈牙；而牛丸都唔錯，有牛味，但最不得了既應該係條春卷！外層炸得香脆，魚肉調味得宜，咬完第一口便急不及待想咬第二口了！這個價錢有這麼高質素，絕對值得ENCORE 的！

昨天下午到旺角南記吃了個late lunch，叫了碗四寶紫菜河，好大碗，好豐富，有齊牛丸魚蛋墨魚丸和春卷，四種配料都好食，尤其是這裡的名物招牌春卷，其他地方好少食到咁好食的春卷。牛丸也挺不錯，爽口又夠牛味，魚蛋都爽口但就覺得佢麻油味太勁。墨魚丸係第一次吃，原來都唔錯！加了紫菜的湯河都特別好食，無清湯咁單調，紫菜份量都好多。現在是$38包杯汽水，雖然一路加價但仲算價錢合理嘅，不過如果去到四字頭就開始貴了。食完一碗粉好飽了。

早幾日有晚到了旺角南記食個晚飯, 見到有個套餐$45有一碗粉, 炸魚片頭5件, 細豆漿/可樂, 好似幾豐富. 我就叫了春卷貢丸河粉跟豆漿.炸魚片頭: 食落口仲熱熱地, 每件上面都灑上了淮鹽椒鹽嗰類既調味粉, 幾惹味, 我原本以為魚片頭入面係爽口質感, 點知原來係稔稔地的, 不過呢種口感都唔錯. 春卷貢丸河粉: 唔知係咪食過炸魚片頭比較濃味, 我再食碗河粉時覺得今次湯底好似淡左好多, 冇之前咁香, 我要另外加番D魚露先好味D. 第一次食呢度的貢丸, 口感好爽, 味道都幾好. 而春卷就保持水準, 外皮炸得香香地, 入面魚肉夠彈牙. 細豆漿: 呢杯豆漿就真係唔太好, 感覺溝左水...味道好淡, 冇乜甜味之餘連豆味都欠奉.

今晚黎南記, 叫左碗牛腩春卷河粉, 同淨魚蛋. 呢到自助方式點餐, 同自取, 由於經常好多人黎食, 等取麵, 可能都要等5至10分鐘, 但佢D魚蛋粉係好好食。今次試牛腩, 炆得好淋同好入味, 食到有懷舊既味道, 魚蛋夠彈口, 魚肉春卷也很好味!

南記不再只屬於港島，mk都有啊，環境：自助落單好方便，好大間。食物：牛展酸辣瀨粉，爆多牛展夠味又好食，好多瀨粉，酸辣味好勁，腐竹變左精髓入晒味，價錢又公道食得飽。

一個人喺旺角打算食個平平哋嘅lunch. 行到去旺中一抬頭就見到南記嘅招牌. 入到去見到裝修同銅鑼灣差不多, 不過坐位比較闊落, 樓底較高, 有個落地大玻璃, 環境亦很乾淨, . 叫咗魚春卷墨魚丸河粉$25 大大碗, 有三粒彈牙足料嘅墨丸 兩條超好味魚春卷, 好味又飽肚! 真係好抵食!

食米線, 除左譚字頭, 呢間都可算係另一間我既心水之選, 自助形式, 買左飛後就等叫No.拎取食物! 咁多款米線最令我著迷係呢款小鍋米線, 湯底以酸菜調味, 味道酸甜好開胃, 餸我選配招牌春卷, 口感煙韌, 就好似食魚蓉燒賣咁; 又多心想試埋墨魚丸, 口感幾彈牙, 但就食唔到墨魚味! 米線可轉配米粉, 米粉幾爽口而同份量都幾多, 食晒都好飽!呢款炸魚片頭, 一客有5件, 面頭灑上調味粉, 熱辣辣食都好惹味, 用黎送米粉都幾盞鬼, 加多杯可樂, 超滿足的一餐!

難得唔使翻工，去搵朋友食南記之前已經食過幾次愈食愈好食今次朋友用自助機幫我買埋 話無得揀辣但酸辣程度適中！岩晒我口味，就算唔夠，隔離都有調味料平時食tea，食酸辣春卷魚片米線都系31今次貴左 應該因為午飯時間所以試d未食過既！但春卷照要 因為好好味推介！下次我要再食加無限春卷！！

旺角遊客區食咩都貴 想平平地食碗份又好味既點可以吾去南記粉麵今日清清地叫左個紫菜四寶米(清湯底) 紫菜份量好多 春卷同丸 每款都有2粒 超多餸係南記無食春卷又點叫得上食過南記又脆又香既腐皮包住彈牙到爆墨魚肉 啖啖都好滋味 丸類都吾執輸 size雖然吾算大 但勝在彈牙足料出面溝粉個d丸同佢係無得比吾加飲品$40有找 禁既質素仲要晚市黎計平到笑喇

星期五晚上，照例行街的啦～不過我驚肥，所以一路都係食完野先行街～可以促進消化咯～今次係旺角的南記，居然👌喔～完全因為之前係尖沙咀食過覺得麻麻的就唔鍾意，估唔到旺角呢間OK食的過喔～今次總嘗試自己用部機自己落Order，鏗返排隊時間又可以玩玩下，覺得幾得意的設計～建議大家下次去都盡量嘗試自己落Order，感覺好好玩～自己落order總可以選擇妳的愛好tim，很人性化（我的米線係排隊落order，淨係碟菜係自己用佢的部機落）

說到「南記粉麵」，我相信無人不曉，尤其是住港島區的朋友😏我初嚐南記時，還未開始在九龍區開分店呢！一開始，住在港島區的朋友介紹說南記粉麵味道好滋味，價錢又經濟南記以「香港仔」作為代言人，因為香港仔是南記的起源地，而且代表着香港人拼搏上進的精神試完一次之後，每次到港島區工作，「南記粉麵」都會成為我lunch的好選擇不過自我轉工以後，沒有在港島區工作，就不再是南記的常客了😟幸好，「南記粉麵」的分店已經開到九龍區了👀百物騰貴，現時還可以在南記吃到$30一碗粉麵，可算是打工仔抗通貨膨脹的「恩物」😳全日套餐$40就包一碗自選單／雙併 清湯粉麵 單／雙併可選招牌春卷、貢丸、魚餃、八爪魚丸、魚蛋、魚片、墨魚丸、魚腐等（轉牛丸、牛腩或牛筋 則要加$3）包一份生菜或一份芽菜包一杯汽水或細豆漿相當抵食！🤑我就最喜歡食南記春卷所以就叫了一碗招牌春卷河粉，一份生菜和細豆漿招牌春卷河粉春卷，只有南記才可做到「南記」味道😋記得一開始食的時候，完全唔知點解南記「春卷」會叫做春卷因為同平時飲茶食的春卷口感、味道完全大不同平時不愛吃飲茶的春卷，但南記「春卷」卻完全令我改觀了😙一碗有4條，每條都有一隻手指的長炸得微脆的腐皮

至愛南記。香港人的味道。春卷我每次必食 炸得香脆 煙un彈牙 好正。今日心情幾好 有興致加埋豬腸同韮菜。豬腸幾腍 夠瘦 入味。腸胃呢排抗議我食得太多好野 所以成日鬧胃痛。我叫左清湯。但都忍不住加左辣椒醬 南記辣椒醬真是冇得頂。點春卷 無得輸 夠辣 微微酸。米線一貫既彈牙。每次食完南記都好滿足。Yeah!!