南華軒

营业中

休息中

上次跟朋友黎食過 覺得不錯所以適逢假日帶同家人一同品嘗南華軒訂座經驗：南華軒雖然係南華會入面 但街客都可以光顧 最好訂座 因有部分精緻菜式要預訂 今次訂座 職員都非常有禮貌 我五日前詢問已what’s app 給我菜單 溝通清楚 唔似大部分餐廳求求其其 是次留座7大2 小 （竟然可以安排到廂房 對於有小朋友家庭最喜歡）蜆介鯪魚球 ：即叫即炸 新鮮熱辣 唔會過鹹 點埋蜆介剛剛好杏汁白肺湯 ：豬肺洗得超乾淨又新鮮 功夫菜 味道入口順滑 咸味適中油浸筍殼魚 ：未食過咁大條 師傅話有一斤10両 雖然油泡 但肉質鮮嫩 加埋少少鼓油 好好味蟹膏蒸肉餅 ：唔錯 招牌菜 送飯一流 但唔係本人最喜愛既菜式 我比較喜歡濕少少既肉餅）八寶鴨 ：有驚喜 全家人都很喜歡 八寶釀鴨已經一堆功夫 唔係個個做得好 加上八寶煮得軟糯 鴨炆得入味 鹹度剛剛好蒜拍生菜 ：蒜味超香 生菜唔馬虎 只選生菜芯上菜 十分鮮嫩 很喜歡 唯獨鹹左D紅豆沙&鹹水糭 ：最驚喜係碗紅豆沙 看似簡單 但可以認真做到起沙無皮 絕對係心機菜 必食！ 適逢瑞午節餐廳送贈紅豆鹼水糭品嘗 軟糯適中 味道唔錯用餐經驗： 整體用餐經驗良好 職員有禮 環

今晚同爸媽一齊黎到佐敦<南華軒>食私房菜。餐廳位置雖然隱蔽，勝在食物味道都唔錯五香牛肉質軟腍，味道微辣帶點嚼勁，食起來又香又入味蜆芥炸鯪魚球鯪魚球和蜆芥醬真係最佳配搭! 鯪魚球新鮮熱辣炸至金黃色，外皮脆卜卜，咬落肉質彈牙，配上味道鮮咸嘅蜆芥醬就更加惹味。蜆芥醬能提鮮，特別加入薑葱絲更加香，好食！膏蟹蒸肉餅必食菜式之一！膏蟹爆哂膏，蟹肉結實鮮甜；蟹膏嘅香味同蟹汁滲入肉餅，肉餅口感鬆軟。一口蟹膏，一口肉餅，滿滿甘香鮮甜，送飯一流！！茶壺功夫湯功夫湯用料十足，有螺肉、雞腳、猴頭菇、蟲草花、瘦肉等，味道清甜可口。第一次見到老火湯以紫砂茶壺呈上，飲湯好似飲茶咁，一小杯慢慢品嚐湯嘅精髓，感覺好特別🙈涼瓜牛肉爸爸最愛嘅家常小菜🙈 份量十足，涼瓜苦後回甘、口感爽脆；牛肉嫩滑，索哂鼓汁幾入味，清熱健康又美味

呢間舖頭位置比較偏僻，但朋友介紹話幾好食，咁就一於過嚟試一試啦 蒜拍青瓜：用新鮮嘅生青瓜，配合酸酸辣辣嘅醬料，非常清新可口，好開胃百花蒸釀帶子：咁多道菜，我最欣賞呢個，口感十足非常彈牙，而且能夠識到帶子嘅鮮味沙薑水晶雞：雞肉非常嫩滑，再配合沙薑雞獨有的醬料，味道更加提升了不少蠔皇薑蔥牛肉撈麵：牛肉非常大塊，而且有牛味，撈麵口感也不錯，配合生薑蔥，好味清新可口，但唯一可惜就是鹼水味有點重雞蛋焗魚腸：這款菜式20多年前我媽媽常常煮給我食，令到我非常懷念，現在能夠在吃一次真的是百般滋味在心頭，魚腸份量略嫌有點少和雞蛋煮得有點老，但雞蛋和魚腸的配搭整體也算做得不錯，沒有太多的魚腥味

朋友生日，在OpenRice 搜尋到隱世私房菜-南華軒，不太近地鐵站，而且要上斜才找到。餐廳環境有用心設計過，充滿香港傳統特色之餘，帶有時尚感覺。地板配以港式磚地。蒜拍青瓜 ：青瓜食材新鮮，清甜爽脆的。配以咸咸的醬汁、蒜蓉、輕微乾辣椒，恰到好處。雞蛋焗魚腸：不錯，因為至少魚腸無腥味、臭味👍這很重要。百花蒸釀帶子：帶子上釀蝦膠，蝦膠爽脆厚肉，沒想到配菜-西蘭花比帶子更美味，西蘭花把上湯汁充份吸收之餘，不會煮過頭令西蘭花變老，依然青翠🥦。芡汁稀杰度適中。沙薑水晶雞：雞肉十分嫩滑，熟度剛好，雞肉不會醃過咸，好讓食客可以配沙薑醬吃。沙薑醬另外用醬汁碟分開放，可以自行蘸點。蠔皇薑蔥牛肉撈麵：牛肉片很厚一片，軟滑沒有渣滓、亦無筋，加點蔥絲有清新感，油膩感減少。撈麵是傳統雲吞麵的麵，帶有輕微鹼水味。

預祝母親節，大家一齊選擇了這間特別的懷舊餐廳來慶祝，一入門就被那些鋪天蓋地的紅燈罩吸引住了，加上十大兵器之首摺櫈，摺枱連地板也是用上馬賽克紙皮石已經感覺回到80年代的大排檔一樣，好有童年回憶。再看看右面會發現有個小賣部，有薯片，糖，餅之類。上來第一道菜是蒜拍青瓜：一入口蒜香濃郁調味適中帶小小酸，青瓜切得很一致，爽脆清甜作為開胃菜一流。第二道是百花蒸釀帶子：爽甜帶子上面釀上厚厚的蝦膠另口感豐富不少，另外蝦膠表面的蝦子更時神來之筆。第三道菜雞蛋焗魚腸：這道菜是我最期待的一道，很久沒吃這道菜，一上菜濃郁嘅蛋香撲鼻而來，我急不及待馬上起筷，懷著戰戰兢兢的心情放入口中，因為對上幾次在其他餐廳食這道菜都又腥又苦，這次沒有這情況。第四道菜沙薑水晶雞：皮爽嫩滑，皮下脂肪不會太多，胸肉都不會太粗糙，加上少許沙薑點綴有提鮮作用。第五道菜蠔皇薑蔥牛肉撈麵：很有嚼勁，麵質不錯爽滑，調味適中，最愛薑蔥。整體不錯乾淨，舒適，枱與枱之間不會太近，非一般的大排檔。

朋友一直話呢一間中菜好食，必定要食呢度嘅羔蟹蒸肉餅，所以就約埋幾個朋友一齊嚟嘆吓啦～｜滷水牛腱｜正餐前小食，飲杯茶食幾件都幾開胃～滷水好入味｜蜆芥鯪魚球｜即叫即炸，唔係好多地方都呢味菜食，所以見到呢度有即點～揸到好金黃，鯪魚肉成份亦好足料，蘸少許蜆芥食好滋味～｜茶壺功夫湯｜用個小茶會裝湯好特別，用小茶杯飲，湯汁好夠熱，用螺頭、雞、冬蟲草煮成味道好清甜～｜米皇浸菜心｜菜心好鮮甜可口，質感爽脆嫩滑～用米漿浸煮成特別有米香味～｜膏蟹蒸肉餅｜嚟到招牌菜果然冇令我失望，一大龍嘅膏蟹蒸肉餅，上面係滿滿蟹膏同原隻膏蟹，見到嗰啲鮮橙色嘅蟹膏就流晒口水啦！蟹肉多肉好鮮甜，肉餅好軟滑多汁～真係食過一次就愛上！｜涼瓜炒牛肉｜呢味係我最愛嘅港式小炒～我都好鍾意涼瓜嗰種味道甘苦～對身體又有益，用牛肉嚟炒，簡直係最佳配搭～

向南華會做完運動，梗係要食番餐好既餵勞下自己個胃啦🫢。相連既呢間餐廳係出哂名既私房菜，一於試試前菜蒜拍青瓜 青瓜好新鮮，超級爽脆，唔會好辣，醬汁好夾，酸酸喊喊好惹味同好開胃雞蛋焗魚腸 呢味原來係一道傳統既菜色，90後既我未食過🤣 雖然無比較，但真係值得一試。賣相已經好吸引，質感好恰到好處 ，唔會好散，好有蛋香同鮮味，細細條既魚腸完全無魚腥味，整體而言好滿足百花蒸釀帶子$60each/ 6粒起 （預訂菜式） 擺盆靚靚帶子蝦滑大大粒，好彈牙西蘭花好鮮味，好有驚喜，認真講好少出街食野會食到咁好味嘅西蘭花😌沙薑水晶雞 $428 （預訂菜式）好肥美好滑，配上砂薑汁非常出色蠔皇薑蔥牛肉撈麵 $148首先牛肉係超級嫩滑，一啲渣都無，可以話係A5和牛黎，好多薑蔥，令到成個面食起黎好有口感之餘仲帶有鮮香味！

南華軒五香牛𦟌冷盤五香牛𦟌微辣，口感軟腍，外表的筋膜增加牛𦟌嚼勁。整體十分入味。蜆芥炸鯪魚球蜆蚧醬因為以汾酒、薑、陳皮絲等醃製數月，所以帶有撲鼻的薑和陳皮香。鯪魚球爽彈，外層香脆。除了蜆蚧，調味料更用了薑絲提味。茶壺功夫湯功夫湯非常足料，充滿骨膠原嘅雞腳，蟲草花，彈牙嘅螺肉，豬肉等等。更以紫砂茶壺盛載，精緻特別。膏蟹蒸肉餅今晚嘅highlight莫過於呢一龍膏蟹蒸肉餅，整隻膏蟹多膏多蟹肉。蟹膏顏色鮮艷，結實豐厚。膏蟹嘅下面係一層蒸肉餅吸收咗蟹膏蟹汁嘅精華。豉椒涼瓜炒牛肉豉椒涼瓜炒牛肉非常夠鑊氣，涼瓜吸收牛肉汁嘅精華，爽口質感令人回味。炒牛肉質感肥美，肉汁豐富，豉椒帶出微微嘅辣味。米皇浸菜芯今晚另外一道搶手嘅菜式就係米皇浸菜心，菜心炒得軟棉，加上米皇浸過嘅濕潤，滋潤美味。有一層薑絲鋪喺菜心表面，增加這道菜嘅質感層次。

朋友介紹南華會網球場嘅粵菜好食，雖然位置隔涉，但都可以一試。五香牛腱五香調料醃製的牛腱肉，肉質軟腍。蜆芥炸鯪魚球 $88鯪魚球都新鮮炸起，熱辣辣，口感也非常棒，蜆介醬係靈魂，必沾一點，我們甚至討論是否要再點一份，因為實在是太好吃了。茶壺功夫湯 $128好足料，有菇類、蟲草花、螺肉、雞肉和瘦肉。湯的味道非常清甜，熱辣辣的，小心燙口，好快把整個壺都喝乾了。涼瓜炒牛肉牛肉軟腍，涼瓜爽口，個汁亦好惹味，佐飯一流。膏蟹蒸肉餅 $550呢個想食嘅話要預訂，膏蟹爆晒膏，和肉餅一起蒸的，蟹嘅鮮味滲入了肉餅，肉餅軟嫩多汁，而且膏蟹的膏非常鮮美，蟹肉結實鮮甜，正。

朋友們相約在一家私房菜晚飯，位置雖然有點偏僻，但勝在位於油麻地佐敦附近，方便大家下班後敍餐。裝修別致，別具中華特色，而且空間足夠，能與好友高談闊論也不會影響別人。前菜先有蒜拍青瓜，青瓜爽口，酸酸辣辣，十分開胃。前菜還有七味豆腐，豆腐特別嫩滑，完全外脆內軟 ，炸得甘香又沒有油膩感。之後是主菜，米皇魚湯浸龍躉球。龍躉魚塊非常巨型，魚肉嫩滑，魚皮骨膠原十足，配上清甜米皇魚湯，啖啖滋味。接著是茶壺功夫湯，別具特色，以功夫茶壺把燉湯盛著湯料非常足夠，蟲草花清香配上鮮雞，暖胃又醒神。接著更有豉油皇煎虎蝦，體積驚人，外皮炸得香脆而沾上醬汁所有精華，蝦肉非常彈牙有口應，十分滿足。最後是鮑汁雞粒飯後，以煲仔形式呈現，很有鑊氣。口應像燴飯，濕潤不會太乾身，鮑汁入味又帶點焦香味道，十分惹味。

朋友介紹位於衛理徑的南華會網球場有一間不錯的私房菜，抱着嘗鮮心態試試看。點了兩款小食作為前菜，蒜拍青瓜酸中帶辣，爽脆清新。七味豆腐熱辣辣上桌，做到外脆內軟的效果，豆腐調味剛剛好。米皇魚湯浸龍躉球，魚皮膠質豐富，魚肉嫩滑，已去骨啖啖肉讓人吃得暢快。茶壺工夫湯每人一壺，上桌時侍應有提醒茶壺燙手，服務貼心。蟲草花雞湯非常足料，一開蓋便見到滿滿的湯料。雞湯鮮甜得來沒有腥味，大推。豉油皇煎虎蝦大大隻，用料上乘，蝦肉爽口彈牙，醬汁包覆住整隻大蝦，味道濃郁惹味。鮑汁雞粒飯是比較濕身的燴飯，以砂煲上桌更添風味，夠入味之餘燴飯也帶焦香。

由細到大都聽到南華足球、籃球隊, 黎南華會食飯就真係第一次, 十分期待.一入門口, 就俾大大個燈牌同紅色吊燈吸引住, 果然係有百幾年歷史既特色入正題, 講返啲野食先. 一來就係前菜, 蒜拍青瓜同七味豆腐. 青瓜酸酸同微辣, 好開胃, 而且好適合不太好辣既我. 豆腐一來上手已經知道師父既功夫, 外皮炸得好脆好結實, 唔駛就住黎夾, 但咬開入面就仲係好軟好滑好濃豆味, 正!跟住就係米皇魚湯浸龍躉球, 見到啲奶白色既魚湯已經流口水, 又厚又滑既龍躉肉再加上動L 既魚皮, 真係想一啖食哂四件呀! 魚肉下面既菜吸哂啲魚汁, 係成碟菜既精華, 真係連汁都撈埋呀全晚至正既菜黎喇... 茶壺工夫湯. 一打開個壺蓋已經聞到一陣陣靚湯味, 拉近一睇, 細細既壺入面居然藏住雞肉, 豬肉, 螺肉, 羊肚菌同蟲草花, 啖湯點可能唔甜呀!?熱辣辣既豉油皇煎虎蝦跟住出場, 大大隻既虎蝦炸得好香脆，沾上甜甜既豉油汁，我連殼都食埋！身為大胃王，最緊要有飯氣攻心。大大個砂煲，一打開飽汁既香味撲面而來，佢並唔係一個乾噌噌既炒飯，係每粒飯、每粒雞、每粒冬菇都俾濃濃既飽汁鎖住，我一口氣食左四碗呀！

今日和朋友聚餐，突然想去間偏遠少少的餐廳試試，就來到這個南華會的餐廳吃中菜。我們人少少，所以點了前菜香炸豆腐，蒜拍青瓜。豆腐很乾身，灑上七味粉，很香口好吃。青瓜蒜味濃郁，青爽惹味，作為前菜一流，很醒胃。之後就點了豉油皇煎虎蝦，茶壺工夫湯，廚師推介的米皇魚湯浸龍躉球和鲍汁雞粒飯。首先上的是每人一客的茶壺湯，湯味濃郁到很像雞汁一般，真材實料，飲後覺得行滋補的感覺。而魚湯浸龍躉，下面配有菜，吸收哂魚湯的香味，龍躉鮮甜香滑。虎蝦配上豉油去煎得很香口惹味，大大隻，啖啖肉，肉質新鮮，爽口彈牙。最後再食埋鮑汁雞粒飯，用瓦煲上，熱辣辣，底下有少許飯焦十分香口。炒飯用上燴飯方式，很濃鮑汁味，很好食！

星期六女朋友帶埋我同班朋友去左食位於油麻地既隱世私房菜🥢呢間私房菜超有驚喜✨我哋四個人叫咗五個餸,五個餸已經好夠食,份量好足👍🏻懷舊蝦多士$168懷舊蝦多士🦐超級脆,食到停唔到口🤣個個爭住食👍🏻推薦✨黃金吊炸雞$395脆皮炸雞🍗雖然炸到脆一脆,但入面仍然好嫩滑,加分💯中式牛柳$258牛柳就算好大塊,咬落都好淋👍🏻仲唔會痴牙添👍🏻拍蒜唐生菜$108唐生菜🥬好新鮮,又唔會太老👍🏻臘味蒸飯$288有臘腸、臘肉同潤腸嘅蒸飯👍🏻飯充滿油香味✨但又唔會太油👍🏻我一個食咗兩碗🤣

同好友食飯人多的話，我們多是搵私房菜，叫幾味小菜，一路食一路傾就是最好不過了😘 今次係網球會裡面，真是一間隱世私房菜😎「懷舊蝦多士」每件金黃色，蝦膠爽脆！必食之選😍「黃金吊炸雞」這味炸雞炸至金黃脆口，重點雞肉仍保持滑溜，食到個個唔停口🤣😂「中式牛柳」一上台已被它的香味吸引著了，牛聊肉好淋，啖啖肉🤭 而且醬汁好濃厚👍🏻「拍蒜唐生菜」一餐飯點少得一碟菜，這個拍蒜唐生菜有家的味道😌「腊味蒸飯」冬天到來，就是食腊味煲仔飯好時候😋備註：🔺地方大，坐得舒適！就像懷舊餐館🔺聊天吹水都是好地方