影片
电话号码
93808187
开饭介绍
由拥有逾40经验的前香港会议展览中心主厨主理，严馔矜贵食材供应「老香港手工粤菜」作招徕，另亦炮制顺德宴客菜等特色料理。
继续阅读
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
有关奖赏计划
朋友仔識飲識食，呢日佢同我講油麻地有間美味懷舊中菜，話要帶我同其他幾個老友試吓，所以大家就約好放工一齊跟佢過去食好嘢。到咗先知原來餐廳位於南華體育會網球中心入面，裝修及音樂都充滿老香港情懷，未食之前就滿足咗視覺享受; 當晚我哋叫咗以下幾款食物: 茶壺功夫湯 - 呢款湯以紫砂茶壺盛載，存熱很好，一送過來就聞到椰汁香味，打開蓋望吓，就見到有雞腳、豬肉、瑤柱、五指毛桃、海底椰等等，唔怪之得飲落咁清甜，呢個湯有齊視覺、嗅覺、味覺嘅享受，飲完湯令我更期待之後的菜式。百花釀蟹鉗 - 呢款真係粵菜經典，以前細個去飲係一道不可缺少嘅菜式，反而大咗去飲只係間唔中先食到，南華軒嘅炸蟹鉗炸得剛剛好，外皮一啲都唔油膩，中間嘅蝦膠不但彈牙，仲食到蝦嘅鮮味，最驚喜食到蟹鉗最裡面有鮮味嘅蟹肉連住，真係好好味，點吓酸酸嗰碟醬汁，即可解膩。菘露醬珊瑚帶子 - 珊瑚蚌及帶子分別食落爽脆鮮嫩，沒有炒過火，西蘭花煮得軟硬適中，菘露醬獨有嘅香味，令整體錦上添花。花菰肉絲脆燘龍躉頭腩 - 估唔到餸如其名，炆龍躉頭腩鮮嫩多汁，個層外皮keep到係脆就算食到最後一啖，都依係脆脆哋，簡單加上花菰及肉絲一齊煮，但食材新鮮上盛，調味拿捏得恰到好處，呢味餸又係深得我心。砂鍋咸肉帶子炒飯 - 送到過嚟職員會再兜勻炒飯，避免砂鍋太熱，令炒飯燶咗，呢啲細心位值得一讚，炒飯炒得粒粒分明，食到底都見到有油，很有穫氣，而且咸肉食落唔會過咸，有少少咸香，帶子鮮嫩，加上菜莖粒及炒蛋，口感豐富，印象難忘。雜果涼粉 - 雖然是贈送的甜品，但感覺唔係求求其其，涼粉食落煙韌彈牙，涼粉味清香，跟街外吃到的有些不同，很熟悉但就係好味進化版，食埋甜品真係大滿足。呢餐果然係高質懷舊粵菜，老友們都很滿意，另外，職員態度殷勤有禮，值得加許; 下次會再約家人嚟試吓餐廳其他懷舊中菜。
继续阅读
今日朋友帶領下到油麻地衛理徑南華會南華軒食晚飯。朋友介紹這間乃老香港懷舊粵菜，所以在此安排飯局。到達餐廳店員好快就安排好座位，裝修都好精挑細選好老香港情懷。今日朋友點了茶壺功夫湯，百花釀蟹鉗，菘露醬珊瑚帶子，花菰肉絲脆燜龍躉頭腩，砂窩咸肉帶子炒飯。茶壺功夫湯：有雞，豬肉，龍眼，五指毛桃，海底椰，瑤柱。非常足料，好精緻每人一個茶壺既湯。湯好清甜，肉汁味濃。用茶壺倒出杯仔飲湯，我都係第一次非常有趣。百花釀蟹鉗：蟹肉鮮味可口，炸得金黃外脆內熱。揸住黎食加上酸甜醬汁非常好味道。菘露醬珊瑚帶子：好香菘露醬味道，帶子珊瑚蚌新鮮鮮甜好味道。花菰肉絲脆燜龍躉頭腩：花菰有口感，味道都好好。肉絲肉質好夠淋。走過油既龍躉外面脆口，再用醬汁燜夠晒入味。龍躉肉質好，鮮味十足。砂窩咸肉帶子炒飯：熱辣辣既砂鍋，上枱店員就幫助炒一下以免因過熱燶。炒飯足料，非常乾身好味道。仲有甜品送，甜品係雜果涼粉。真係好耐無食過涼粉，好正。另外，要讚店員服務態度好好。
继续阅读
老朋友在油麻地衞理徑南華會網球場的一家飯店預訂晚膳，每道菜都是他悉心安排。坐下先獻上桂花蕃茄~凍食的蕃茄，帶有桂花香味，既清甜又開胃。他預先訂了以下的菜式：老火靚湯~有鯪魚、粉腸、豬橫脷、不見天（瘦肉）、赤小豆、粉葛等，端出來時熱氣騰騰的湯和湯料，先嚐嚐湯料，所有湯料都食得出是新鮮材料，份量很充足，各種材料都很嫩滑，點些豉油很惹味，而湯的味道香濃，飲完一碗再添一碗，令人垂涎欲滴。鮮菠蘿咕嚕肉~外脆內嫩的咕嚕肉，肉質鲜美細嫩，與新鮮菠蘿的搭配得宜，最是誘人，吃過不停。雞頭米炒素粒~這道菜不常見，用新鮮茨實（雞頭米）、毛豆、粟米粒、冬菇粒、香脆的合桃（仿似包了蜜糖），混合一起食，更顯得雞頭米口感香糯煙韌，味道清香。豉油王乳鴿~呈棕褐色的乳鴿，有光澤，帶有微微豆香，骨幼肉嫩。砂鍋乾炒福建飯~香氣從砂鍋中湧出，熱呼呼的炒飯，更添香味，有口感。這家飯店很地道，地方不算大，店內環境富有中國風，廚師嚴選即日新鮮食材，以不時不食的概念獻給顧客，可見廚師的心思與廚藝的熱誠，值得讚揚
继续阅读
朋友在京士柏山南華會網球部内餐館預約了飯局，聞說店内提供老香港手功粤菜，廚師好有經驗😃位於網球場旁的食店，内裹佈置別有洞天，帶一股隱世小菜館古樸氛圍😃早前寫定了菜單，大多菜式都已預訂， 經理更提示要食靚餸菜最好預訂，食材會即日新鮮準備:桂花番茄，作為餐前小食，番茄味在桂花香，醬汁甘甜 襯托下更美味😋大廚靚湯，是粉腸豬橫脷不見天煲粉葛 (預訂) ，上湯料已知斤兩夠，用料講究，再喝口濃郁老火湯，爽呀😋鮮菠蘿咕嚕肉，用新鮮菠蘿果然口味不同，咕嚕肉咬落爽嫩，厨師煮炸手工到位，咕嚕醬汁適當😋豉油王乳鴿(預訂)，我最欣賞，經理告知兩隻乳鴿一大一少，飼養期相差四天，果然肉質少鴿較嫩滑，豉油味啱啱好無搶鴿肉味道😋😋雞頭米炒素粒(預訂)，趣怪菜名，雞頭米原来是茨實，好一道全清淡新鮮材料素食，正好中和剛吃完乳鴿油脂😋砂鍋乾炒福建飯，作主食熱氣騰騰，入口香噴噴，脆卜卜，感覺良好😋😋胃口已足，只好捨棄甜點了😉
继续阅读
懷舊菜式都好花功夫，但往往令人印象深刻，這晚跟好友來到南華軒食團年飯，懷舊經典菜式再現，大家都非常興奮。銀絲釀蟹蓋，用的是三點蟹，超多蟹肉，搭配洋蔥絲釀焗，外面脆卜卜，而裡面則是鮮甜飽滿又juicy的蟹肉，這絕對是不計成本的製作。杏汁燉白肺，說真的，要處理豬肺好費時，自己在家就不會煲了；奶白色的豬肺湯好鮮甜濃郁，搭配杏汁及菜乾，特別適合秋冬飲用，既養肺又滋潤美肌。琥珀合桃彩椒炒玉帶，嫩滑鮮甜的北海道帶子，與清爽的西芹、百合、彩椒同炒，加上可口的琥珀合桃，色彩悅目，令人食慾大增。古法扣龍躉翅，將魚鯺部位先油炸，再加入腐竹、菇菌來燜扣，爽滑魚皮下有厚身半透明如啫喱般的一層，一邊吃，一邊感到在補充膠原蛋白中，魚肉更是緊緻又鮮甜，金華玉樹雞，這經典菜我不是第一次食，但輪賣相與味道，這裡是勝一籌。三黃雞起骨切件後，以金華火腿及花菇片作間，整齊排列在碟上，兩邊以雞肉砌出如一對翼似的，中間再加上菜遠，蒸熟後再淋上芡汁，雞件爽彈又滑嫩，而雞雜更成為搶手部份。鮮菠蘿手工咕咾嚕肉，看似普通的小菜，實際是以豚肉卷成一件來炸，令口感上更有層次，薄薄的粉漿加上豚肉本身的油脂，入口更為鬆化，都幾邪惡，要以燒鮮菠蘿來解膩。沙窩干炒福建飯，砂鍋炒飯，粒粒分明，炒得乾爽亦帶有飯焦，而且用料豐富，有炸瑤柱絲、蝦肉、菜粒、冬菇粒等，每口都好滋味。最後，當然有團團圓圓的薑汁元肉芝麻湯圓啦！祝各位團團圓圓，新年快樂！
继续阅读