協奏坊西餐廳 (已結業)

$300自助餐推介，百物騰貴邊度搵抵食的自助晚餐？姐來到大角咀的珀麗酒店，這兒的buffet是超值！於是和爸爸兩人來到這裡慶祝生日，他很鍾意食自助餐不過整日嫌貴，這裡真是一個好選擇！先是任食即開澳洲生蠔，隻隻肥美可口，好新鮮，單是這點已經值回票價。外面有生蠔食的自助餐索價邊止三百？所以一口氣食左半打，海水味十足有咸香，正！另外發現這裡有沙律Jar, 以前去食buffet都好鍾意朋沙律打下底！不過外面的選擇不太多，比人夾到甩皮甩骨。而這裡用一個樽裝住凱撒沙律，shake一shake又食得！方便又快捷！海鮮的種類都好多，大蝦青口等都非常新鮮！還有爸爸最愛的蟹腳，點上香醋，極之鮮甜！有芝蔴豆腐，蟹餅，吞拿魚等小點，令人開胃。其餘還有很多的冷盤，每份都好有心思，不會太大份因為你仲要留肚嘛！壽司，魚生和熟食方面選擇不太多，魚生只有三文魚，八爪魚和希靈魚三款，不過壽司就十分有特色！加上西式fusion元素，另有buffet少見的日式熟食如燒秋刀魚和吉列大蝦，還有即煮的稻庭烏冬和壽喜燒，什有睇頭！甜品有movenpick雪糕共四款，屬貴價之選，不過去到最後戰鬥力不繼所以只吃了一球。另外的甜品也十分精

現今的時代，酒店自助餐再不是天下無敵了，因為現今在香港之食肆、有心機做的廚師愈來愈多，種類愈來愈廣泛。但是每間酒店裡的cafe shop ，必定有一間有自助餐吃的店，與外邊的食肆分一杯羹，當中之出品，要别出心材，才能殺出這條血路，這包括，食物之心思，價錢之吸引。這等都是我考慮的因素！來到位於大角咀九龍珀麗酒店，發覺這店的自助餐，頗别出心栽，包括其出品，其價錢。加上六月是生蠔的主題，愛蠔之人不容錯過吧？這酒店二樓協奏坊，是我向你們極力推荐的一間，他們的”蠔”華海鲜自助晚餐，居然只收每位288（只要一星期前訂位，在Openrice訂也有優惠！） ，有蠔有蟹腳有海鮮，這價錢的自助晚餐，相信現今找到的也愈来愈少了。另外店員也補充說就算walk in也有不少信用卡有優惠，大家可以詢問一下！既然説得上”蠔華”，就要看看它怎樣蠔，怎樣華了。這店的蠔，來自澳洲，只只新鲜，即開即食，肉質豐富肥美，不像一些薄如紙的品種，喜蠔的一族們，吃上一打半打，已去了一半今餐的成本，計落都有著數了....。其他魚生、寿司、熱盤等，與其他酒店的，都不相伯仲，有圖自有真相。熱食未算多，不過…… 這次我是衝著生蠔而來，熱食也

不知為何, 慶祝母親節總比父親節會花多點心思, 會去買花、又會去買禮物、又會專誠親手整玖瑰花饅頭給老媽, 但父親節就….無買禮物, 又無自家製喎, 但又唔會乜都唔做, 免得老爸生氣, 決意帶他食大餐, 他最喜歡就是我帶他周圍吃, 一於去食他已有一段時間沒有吃過的自助餐。得知珀麗酒店協奏坊西餐廰又有大優惠, 原來星期一至四收費為成人 $368; 小童/長者 $238, 但只要在Openrice專頁下載優惠劵, 於五日前訂枱便可以優惠價 $288享用今期主題「蠔」華海鮮自助晚餐, 除了有多款海鮮外, 還有即開生蠔和三大特別呈獻, 究竟有咩特別呈獻? 一陣就知。走進珀麗酒店二樓的Sonata, 沒有一般高級酒店餐廳金碧輝煌的裝潢, 但反而感覺很親民舒適, 以純白色為主調, 環境光猛, 天花以葉子形狀作裝飾, 牆上掛了一些抽象派的油畫, 還放了一些植物擺設, 設計簡約優雅。餐廰場地雖不大, 大部份是二至六人枱, 長形枱和圓形枱都有, 枱椅擺設得整整齊齊, 枱與枱之間有一定的距離, 坐得很舒適自在。由細至大都有教, 吃飯前先要清潔雙手, 不想走到洗手間咁麻煩, 有消毒紙巾咁得囉! 餐廳的確很貼心

香港人一向喜歡食 Buffet，每逢節慶，自助餐場例必爆滿。其實筆者對食自助餐的鍾愛程度亦不遑多讓，尤其是以海鮮為主題的自助晚餐，更是百吃不厭。早前友人相約飯聚，就選了位於大角咀珀麗酒店的《Sonata 協奏坊》，因知道餐廳近月推出以即開生蠔、新加坡咖喱蟹、東瀛風味壽喜燒等為主題的「蠔」華海鮮自助晚餐，而且價錢經濟實惠；星期一至四，成人收費 $368、小童 $238，而星期五至日、公眾假期及前夕，成人收費亦只是 $398、小童 $268，五日前 book 檯更可以低至 $288 一位，仲包埋加一，非常超值，所以快手快腳，連檯都已經訂埋。嘩！既然友人已經安排好曬，筆者當然樂意奉陪。其實座落於九龍珀麗酒店二樓的《協奏坊西餐廳》，地方不大，甫踏進門口已一眼見曬，而且椅桌擺放得有點密麻，幸好內裡裝潢以一室白色為主調，環境光猛明亮，靠邊的座位更可以外望街景，配上天花呈葉子形狀的燈飾，感覺舒服自然。安頓後先出外遊走一圈，講真，其實這裡的自助餐檯範圍很小，不過相對價錢來說，食物款式算豐富。記得早前曾看過雜誌，介紹食自助餐的五步曲，據說第一步應該先吃少量蔬果沙律，可喚醒腸胃。第二步就輪到回本必食的海鮮

上星期上網見到 珀麗酒店為慶祝國際兒童節大人細路一齊開心 價錢一樣 即刻訂位啦😍6點半準時到達 全場爆左9成 好彩一早訂左位樓底幾高喎 店員友善帶位👍🏼海鮮方面 麵包蟹 長腳蟹 魷魚 同蝦走唔甩重要不停有人refill 唔洗爭 可以慢嘆👍🏼呢啲普通野點會滿足到小妹呢今次特別在餐廳有生蠔食 重要大量供應現場有師父為我地即開 新鮮到呢重有香濃嘅海水味 入口鮮甜 不過屬細size除左海鮮 餐廳重有啲細細份嘅小吃壽司有點水特別 用紅菜頭汁做成 出面比較少熟食方面款式唔算太多有師父即席烹調稻庭烏冬 而且係龍蝦湯底再可以自行加上櫻花蝦 木魚 紫菜等👍🏼甜品方面 除左有大愛嘅movenpick之外重有好多紫薯系列嘅甜品同芝士蛋糕精緻得黎味道重要好食 取回不少分數👍🏼總結一下 餐廳刺身同熟食款式或者唔算多但食品有質素 特別係甜品 而且無限量提供生蠔 完全物超所值👍🏼

今時今日酒店餐廳Ｂｕｆｆｅｔ閒閒地花費六、七百元、實在太貴、跟本上不值得去浪費金錢。小妖剛考完ＤＳＥ無聊在家嚷著要去食放題、好啦！好啦！在綱上找到大角咀珀麗酒店Ｂｕｆｆｅｔ價錢實惠、立即行動。好彩預早訂位、平日都全埸爆滿、可見吸引程度。講真二百多元的放題、不會期望太高、越是不期望越是有驚喜。驟看種類不多、但勝在精簡和新鮮。各樣蔬菜擺放整齊、有數款醬汁案自己喜好加添。湯類有中西两款、嚐試了西式的周打魚湯、濃稠的質感確不錯。海鮮的蝦、膏蟹、蟹腳、青口和魷魚源源不絕供應、味道鮮甜。最驚喜是應届ＤＳＥ學生如能顯示準考証作登記、半隻龍蝦就是慰勞獎品了。味道鮮美、肉質爽口、蝦膏亦不少。即開即食生蠔肉質清爽、海水味濃、質素ＯＫ。剌身和壽司不可不試、由其三文魚非常肥美。特別專櫃的龍蝦湯底烏冬和壽喜燒都是今期主題之一。龍蝦湯底味道濃郁有鮮味、可惜有點過鹹。壽喜燒意外地好味、湯汁不會太鹹太膩。餡料的豆腐、洋葱、菜蔬。。。吸收了湯汁精華、滋味。要中埸休息了、己飽到上喉嚨。由於我是蟹控、熱盤的咖喱蟹不容忽視、咖喱夠味、啖啖蟹肉大滿足。話雖好飽、但食甜品絕對有另一個胃可容納的。自選雪糕用上了名牌“Ｍｏｖｅｎｐｉ

今日朋友生日黎到大角咀BUFFET! 見價錢又唔貴即管試一試啦! 去到地方都算大! 又新! 佢地而家既主題係日式同埋海鮮! 凍盤食物都算多呀!! 凍盤海鮮有蟹,蝦,青口,長腳蟹同埋魷魚! 好鮮味! 又成日REFILL! 仲有個鮮蝦牛油果沙律脆筒好好味呀! 連生蠔都有...又係非常鮮味 (每次只限拎2隻)另外壽司種類都算多! 仲有鵝肝醬SUSHI, 另外魚生既種類雖然唔多! 但都好新鮮!壽喜燒超好味！滿滿既肥牛、蔬菜、豆腐、冬菇...加上甜甜既湯！超贊！仲有日式烏冬! 甜品都有好多! 佢做左好多紫薯甜品都好特別!雪糕係用MOVENPICK哩個牌子既ICECREAM! 超正!哩度既主題係日式同埋海鮮自助晚餐，有凍盤海鮮、沙律、湯、熟食、炸物、壽司、魚生、生蠔、日式烏冬、壽喜燒、雪糕、甜品、生果..其實種類繁多 咁既價錢真係好抵食呀！佢地既食物無論魚生海鮮都好新鮮！值得一試呀！

雖然自己甚少吃自助餐但覺得本次光顧質素十分參差環境：外觀尚可，座椅擺放位置有問題，除了食物區較闊，其他地方通道不明顯，小朋友亂行亂「涉」，從別人椅背後的空隙「涉」過，影響用餐。設施：廁所竟無洗手液，幸好本人當天沒吃蟹，不然手中氣味揮之不去，是海鮮自助餐大忌。食物：（熟食）選擇少，欠調味，該有味的如豬仔脾一點味道都沒有，是焗是煎都吃不出來，因為連基本咸味和肉的味道都沒有。不該太有味的卻十分有味，如湯品應調味適中，讓人飲得舒服，野菌忌廉湯卻十分咸。保溫差，食物拿回枱吃已剩微溫，炸物連微溫也不剩。有即煮的壽喜燒（太甜了），和烏冬（沒試）。（凍食）青口，蟹，蝦等海鮮是在大盤中自取，冰底與海鮮接觸面積太少，海鮮放整晚還是那裡的一大盤，凍食的海鮮相信已不凍了，雖然此類海鮮已烚熟，但細菌十分容易滋生。（生食）刺身和生蠔是生食，有小凍櫃存放，刺身一早切好，只有希靈魚三文魚和八爪魚，本人只試了後者兩款，質素不錯，三文魚尚算肥美，是唯一我可推薦的一樣食物。生蠔即開即食，我是第一次嘗試，雖然體積很小，但吃到海水味，腥味可接受，自助餐後期只吃了兩隻，其實覺得還不錯，但一位同行的人愛吃蠔，說生蠔仍有進步空間，腥

雖然位置唔係太方便，但真係物超所值~估唔到真係每人$288可以賣單，仲有生蠔有野飲，一行十幾個同事食得好開心 食物款式OK多，最吸引係有生蠔，平時唔食既我都食左7隻，鍾意咸咸既海水同鮮甜味。其次係章魚燒，本身鍾意食哈哈哈，加上呢度真係整得幾好食。有面包蟹仲有蓋(好多膏)，長腳蟹我本身唔好但同事食左勁多，三文魚亦新鮮肥美。甜品款多，必食係焦糖敦蛋同燕窩燉奶，個個讚好。唯一唔好係MOVENPICK雪糕溶哂，唔敢食 :'( 熱葷反而唔係太多得5款左右。全埸食物都不停REFILL，好滿意呢點。有自助任飲咖啡奶茶檸茶檸水，另外LIKE FB PAGE送特飲一杯，正!希望KEEP住質素同價錢啦~

協奏自踏入四月後，胃口開始越來越好，修身計劃基乎處於半放棄狀態，加上今月出席的生日飯局頗多，唯有安慰自己，過了這個月份才算。我們一行數人便來到九龍珀麗酒店慶祝朋友生日，揀選這裏的原因除了地方就腳，位置正正是奧海城地鐵站對面，最重要的原因是這裏有美味的海鮮。「海鮮大集合」是今天自助餐的主角。這個拼盤的賣相相當豐富，包括長腳蟹、籃青口、蟹肉和魷魚圈圈。麵包蟹有點蟹膏，入口味道甘香，齒頰留香。另外，長腳蟹感彈牙，肉質亦非常鮮甜，感覺就是非常新鮮，極力向大家推介。「蒜蓉雜菜」製作簡單，爆香蒜蓉，加入蔬菜以少許鹽調味炒熱即成 。其實，我們要看㕑師的心機，兜炒時間是否得宜，不能過熟，否則會老。今天的蔬菜好鮮嫩，油光令菜身上散發光輝，值得一讚。中菜通常都少不了湯品，今天晚上就是薯仔蕃茄湯，湯品左煱入是熱燙燙，入口清香蕃茄味又帶粉稔薯仔。甜品是紫薯系列；糯米鎡，夾餅和西餅。因太飽也只可淺嚐，不過有食力又喜歡甜品的食友還是把它們都KO了。 鬆軟的紫薯中間，以忌廉作夾層中心，忌廉較為淡口而紫薯較濃，最底層有一層曲奇餅底。為了減低漏膩感，忌廉起了中和作用，整體甜品是佳作。

聽聞大角咀有一個＄300也不用的自助餐，還有現開生蠔⋯⋯冇可能唔去試一試。這天便與媽媽來到這裡了。地方算大，但有點像中菜廳多過似西餐廳。食物款式不多，但種類很好。有生蠔、長腳蟹、凍蝦、麵包蟹、青口、翡翠螺、刺身、壽司、熟食、甜品⋯⋯要有的也有了！生蠔是細隻的澳洲蠔，雖是細隻，但有海水味同蠔味，不會太Creamy。其他海鮮也十分新鮮，翡翠螺很大隻，長腳蟹腳有鮮味，凍蝦D肉也很爽。壽司款式也很多，比較特別的有墨魚口味⋯⋯大膽的可以一試。有一個小吃要特吃推介的，便是這個鮮蝦牛油果沙律脆筒⋯⋯外表可愛之餘味道也很好，鮮蝦爽口彈牙，牛油果沙律清新，連埋個脆筒一起吃口感大增。至於今期推介，以日本為主題的龍蝦湯稻庭烏冬同我最愛的壽喜燒，相比起來說壽喜燒比龍蝦湯稻庭烏冬美味，因為龍蝦湯不夠濃，反而壽喜燒個湯就夠哂味濃，十分好吃。而甜品推介當然少不了是movenpick雪糕⋯⋯但今次以紫薯為題材的甜品也很好吃，紫薯味濃，但又不太甜。吃到飽飽，有自助式的咖啡、熱茶、熱水，還有檸檬片、牛奶、糖，可自行來一杯熱檸茶也不錯呀！好康優惠：1)只要Scan一下枱面上的QR Code，即送青蘋果玄米綠茶一杯⋯⋯口味清