協奏坊西餐廳 (已結業)

而家食Buffet越黎越貴，普通一間酒店無五百蚊都唔洗旨意行出門口，但皇天不負有心人，竟然俾我發現到離奧海城站8分鐘路程的九龍珀麗酒店，於5天前預訂即可以$238 (免加一) 享用自助晚餐，有鱈場蟹腳又有龍蝦，十分超值。這晚跟男友放工後便直到珀麗酒店協奏坊餐廳，18:30已坐滿八成，環看四周食物區域雖然不算大，但該有的都有，而且質素還很有水準呢~冷盤有鱈場蟹腳、麵包蟹、大蝦、青口，鱈場蟹腳不會只得海水鹹味，肉質結實可以食到啖啖肉，而麵包蟹則多膏，味道甘香醇美。由於1月的主題是日韓海鮮餐，所以冷盤有韓式辣炒粉絲，味道其實不算辣，不過粉絲粗身有咬口，而其他冷盤亦會特意製作成小小一碟，感覺較衛生美觀。自助沙律區的配料選擇不多，不過用上了新鮮菠蘿，味道比罐頭貨好太多了。 熱食區域沒有拍太多照片了，不過為配合日韓主題，連炒飯都用上了和牛。炸物是我男朋友的最愛，他說炸蟹殼超好味，而我則吃了韓式煎餅，還未入口從橫切面我已看到煎餅中有很多蝦，爽口彈牙。特別需要推介一下，這裡會每位奉送半邊燒龍蝦及迷你海膽丼，龍蝦的含膏量非常可觀，落足蒜蓉夠惹味。 來到甜品區，位置雖小但亦放足十幾款甜品，尤以楊枝

朋友生日，離唔開都係食飯唱K，今次個朋友話想食buffet，所以我哋成班朋友特登搵左間酒店係食韓國主題嘅自助餐，為依個壽星女慶祝因為我哋喺附近返工，所以地點都算方便如果平時去就可能要旺角搭小巴啦入座無耐， 店員就拎果每一半隻龍蝦比我地， 原來係每人都有， 我地訂座時都無為意龍蝦都幾大隻, 食果時加埋手一齊食會較方便啲，蝦頭都幾多膏，蝦鉗同身都好多肉。除左龍蝦之外仲有個迷李丼份量雖然唔多， 不過海膽都幾新鮮而近門口位置都放左勁多海鮮有長腳蟹、蝦、蟹可能因為係韓國同埋日式做主題，見到佢都有個位置係為客人煮拉麵同埋都有唔少韓國嘢食，見到呢個「韓式海鮮泡菜蛋餅」就係我同朋友都好鍾意食，因為睇落去好多層，都好靚，食落有泡菜同蘿蔔蛋整咗做千層餅。日式野咁梗係要食壽司啦，佢個火炙三文魚都幾好味， 火炙整到半熟， 好軟身好好味通常自助餐食到最後都係食甜品，而我都唔例外， 啡色果個朱古力糯米糍好軟身， 一咬開， 入面係流心， 好好味我食完之後叫埋啲朋友都試下， 食完再想食

就快新年， 一家大細又係時候要準備食團年飯爸爸媽咪好少出去市區行下， 於是這天同佢地去左旺角行， 行完帶左佢地去食自助餐， 較近旺角市區的酒店多數都要四五百一位，但因為我要請埋佢地食， 所以選擇左間較遠較平既酒店食上到黎一入門口已經見到自助餐檯， 蟹腳、蝦⋯都幾多海鮮選擇， 坐底後， 店員每人送上半雙2龍蝦煮得好入味， 蝦膏都好多， 而且唔算好痴殼所以食都唔算好狼狽之後再送上每人一客海膽魚籽迷李丼飯軟度適中， 少少地試下， 唔會因為填飽左個肚而食唔到其他野因為是和風韓流主題， 所以都不少韓國日本菜刺身就梗係必點之選，三文魚刺身都幾新鮮， 而且每次拎都比好多塊， 唔駛排幾次隊去拎眾多既野食當中， 我見到有個係覺得好特別就係炸蟹蓋， 將蟹肉釀上蓋再拎去炸蟹肉可以好穩固咁痴住殼之餘賣相一睇就知蟹肉， 好特別依個配埋泰式辣醬食岩晒食晒咁多樣咸點， 最後要食生果呢依度都好多新鮮生果， 而且幾清甜只係個西瓜我都食左好多塊， 媽媽仲叮囑我小心寒涼，但為左食野， 梗係食左再算

經同事介紹, 說柏麗酒店的自助餐很抵食所以今晚特意來讓自己吃個飽由於我們從旺角出發, 決定用雙腳走路過去, 從朗豪坊過去, 大概十五分鐘一到步..沒想到差不多坐無虛席, 幸好我們訂了位我們被安排坐在較近取食物的位置, 有什麼新加的食物都可以即時留意到現在主題是韓式食品, 有蒸蝦蟹及炒年糕等等但在食其他自助餐桌上的食物前首先享用的是每人半隻焗龍蝦及迷你海膽三文魚籽飯焗龍蝦半隻焗龍蝦先預先燒過再焗, 香味四溢, 味道鮮甜, 龍蝦味濃迷你海膽三文魚籽飯份量的骰, 但三文魚籽份量算是多, 新鮮爽彈而海膽大概有三小塊, 味道甘香, 味濃接著還是試一試冷盤長腳蟹 • 巧多肉, 味道鮮甜, 略咸蝦 • 尺寸中挺, 肉質爽實三文魚及吞拿魚 • 肥美無筋是時候看看主題韓式食品韓式蒸海鮮鍋蒸蝦蟹, 太受歡迎了吧...都差不多被搶光了蟹的肉很滑, 很鮮味蝦比凍蝦的尺寸大, 肉質很爽, 好鮮甜喔泡菜牛肉卷由薄切牛肉片包著泡菜, 泡菜很爽小辣，慢滲牛味，薄切鬆軟泡菜年糕年糕有點煙靭, 辣醬平均沾上年糕, 略帶辣味韓式餃子豬肉餃子內混入了韓式粉絲, 一件分兩啖食, 肉汁仍然保留海鮮湯拉麵即叫即煮, 自選配料: 甜

今年一行12人去食團年飯 , BOOK左依間食自助餐 , 6:30入座可以食到9:30.環境唔錯餐廳位置就細D , 服務都好好.好! 開始....刺身-新鮮 ; 壽司-飯冇乜醋味 長腳蟹都幾咸 ; 蝦大隻鮮甜彈牙咖哩雞 , 餃子 普普通通,  牛尾入味但太肥韓式泡菜餅 , 煎三文魚扒 , 薄餅 , 炸蟹蓋 比較油 冇再想食感覺!海膽魚籽飯 , 海膽及魚籽新鮮 , 但飯又凍又硬!焗龍蝦 , 個樣幾得 , 但過晒火肉質好乾幾硬!沙律款式小冇乜特別甜品款式唔多. 唯一個雪糕有D睇頭! 總括來講 : 300幾下夜晚係酒店食既自助餐真係唔好其望太高! 一分錢一分貨叫做交足功課~~

趁著過年前跟朋友食團年飯，選擇了大角咀的協奏坊，一早訂好的大圓檯，有相當私隱度。而且有自助濕紙巾機，好有趣。酒類的promotion每位客人也可得到半隻龍蝦，熱騰騰的彈牙龍蝦肉，揭開一個美味的序幕。今次1月至3月的主題是 和風韓流，除了平時有提供的蟹腳、蟹、蝦、青口等冷盤。主題月才提供的 韓式蒸海鮮鍋還有各式各樣美食我腸胃較弱，一開始最好先品嚐熱食，韓式蒸海鮮鍋就最好不過，有蜆、蝦、蟹腳等，全部都好新鮮鮮甜。頭盤微辣開胃的泡菜粉絲沙律、韓式牛肉、西式的凱撒沙律也很不錯。接著當然是蟹腳、蝦凍盤，味道不錯，而且酒店時常refill。好快就到甜品時間，有水果、蛋糕、布甸、自製pancake應有盡有。蛋糕仔size細細，最適合喜歡試多款的客人，而綠茶慕思茶味算濃，而且不太甜，還有旁邊的朱古力糯米滋，朱古力味濃，質感好QQ，令我忍不住再encore。最後不少得必食的movenpick雪糕，大滿足！

原本見啲人話有生豪食，咩豪華海鮮餐，而且三百大元一位又幾吸引。首先，龍蝦每人半邊，另加一口海膽三文魚子飯，重點係只派一次。點知...出去行個圈先知中伏，冷熱食物都係得3-4款揀。如果你有勇氣嘅，可以試下佢啲特式壽司。至於飲品得自制熱奶茶、咖啡、檸水同檸茶。你冇睇錯，的確係冇凍嘅，只有熱。一係就另加28大元要一杯橙汁或汽水。最慘就係放題都多選擇過佢，至少啲啲野食唔會難食得去邊，而且飲品選擇又多。總結，豪華海鮮餐真係幾豪華(價錢)。

日式, 韓式, 海鮮...既食品 我相信大部分香港人都好鍾意.朋友唔知係邊到發現到九龍珀麗酒店推出左一個以日韓及海鮮為題既自助餐價錢$398/1位, 我地上openrice 見到佢做緊優惠早5天前預訂可享優惠價$288/1位價錢吸引, 睇上去野食亦唔錯.. 朋友就訂位..我地就去一試喇Buffet 6點左右已經開始, 我同朋友因為工作關係8點鐘去到場內係滿座....如果無book 位既話...我相信walk in.. 係唔會有得食好啦.. 待應安排好座位後... 我地就即去睇下有咩食啦我地先去冷盤o個邊睇下啦發覺款式吸引, 選擇款式亦唔少餐湯方面有分中湯同西湯, 我就簡左中湯黎試是日中湯為 椰子豬骨湯椰子味道好濃, 應該煮左一段時間感覺得骨膠原好高.頭盤.. 我就拎左長腳蟹, 凍蝦, 青口, 以及韓式粉絲韓式餃子大大粒每粒都好足餡而炒年糕泡菜味道濃郁..好惹味等多一陣...主角到每人會有半一隻焗龍蝦龍蝦都幾大隻, 啖啖肉仲有碗迷你海鮮飯海膽及魚子鮮甜食一碗好似唔夠..HAHHAA海鮮湯拉麵廚師會即場幫我地整海鮮湯熬左好耐, 非常鮮甜, 拉宧煮既時間亦剛好口感帶點彈性.熟食方面我自己幾鍾

去呢間之前見到食評有生蠔食，點知去到坐低已經無左咁見之前咁多好評想試試，結果就....冷盤： 蝦同長腳蟹（一般）熟食： 和牛炒飯、韓式粉絲、餃子、牛面肉，羊肉、炸蟹蓋、炸三文魚天婦羅 （最新日韓優惠）🤔韓式蒸汽鍋（蝦、蟹） （😞）甜品：奶凍燕窩、楊枝甘露、生果，pancake 每人只送半邊焗龍蝦食後感：入去食前兜一個圈，就會發現好快行完大約食左2轉左右，已經無野想繼續食或者我太過主觀，但我覺得有點伏不過以眾多自助餐價錢，呢間係平，款式所以得咁少食完一次無想再食嘅衝動

剛同老婆仔仔品嚐過, 首先該處於大角咀道, 搭港鐵到奧運站懂走都要十分鐘, 餐廳地方較細, 座位排得夠擠迫, 食品種類不多, 一開始去取食物時有搶食的感覺, 無生蠔供應, 每枱改送龍蝦每位一只, 味道幾好但韌咗, 長腳蟹好鮮咁, 即烹日式麵條的湯底好美味, 牛腩夠淋, 燉蛋好味, 啲蝦生同熟都幾好, 但啲蜆洗得不干淨有沙, 三文魚同壽司都一般, 其餘都沒有什麼亮點, 甜品種類太少, 只有西米露較好, 最不滿意是餐廳沒有汽水, 橙汁或菓汁供應, 要自費$28一杯, 今日閒日早五天前預定兼用優惠卷, 免加一服務費, 成人每位$288, 小童$188, 以該價錢吃到這樣的自助餐, 僅屬合格  

以二佰零，差不多三佰元嚟計，不錯自助餐，糯米飯和movenpick既雪糕好味值得一試，地點都易找到，gathering和傾偈好去處。 服務很好，一離開座位攞野食，已即時有人嚟收走食完既碟，效率很高。食到飽仲可以行去旺角鐵路站當散步。

冬至晚飯上網搵到依間酒店，初初見到有生蠔有蟹腳食，每位大人288 小朋友同長者188，價錢真係平，大家睇到價錢一定會唸到質素，book枱既時候都有生蠔，訂完幾日個哥哥打來話因供應問題無生蠔，每人送半隻龍蝦，book左都唔想取消，咁就照去食，其實做得蟹任食，好心出多幾轉，我食左頭轉之後都無食過，d人 包括d香港人好心唔好搶啦！以為好耐無得食，真係失禮曬，熟食野款式唔多，甜品都幾好食，依度員工服務都唔錯，講真有3個鐘食 有小朋友 bb就真係好方便，夠曬時間食，但依間真係食一次就夠！

今天跟幾位朋友到珀麗酒店吃半自助午餐,主菜是幾款之中選一。其餘食物都是自助。主菜我選了紅酒慢煮牛面頰肉, 牛肉不是很大件, 很稔, 口感有點像吃牛腩,味道一般。自助食物,沙律菜很新鮮,青口細細隻很鮮甜,用蒜茸牛油炒過,很惹味。我吃了共10隻。杏仁奶: 杏仁味濃,又香又滑,我的最愛。甜品,奶凍: 軟滑有奶味;雖略甜,但仍encore了一杯。其他甜品中的朱古力布朗尼,水準都可以。雪糕只是一般。

3百蚊唔駛有生蠔食，梗要試下~熱湯有蕃茄湯，仲有出奇嘅蛇羹(冇影相) ！茄湯冇試，蛇羹似冇乜料嘅碗仔翅，要嚟暖暖胃先未嘗不可。生蠔即開每次限攞兩隻，通常都係5,6個人喺度排，等幾分鐘就攞倒；到咁上下攞晒會暫停等下一轉，嗰晚有3轉。生蠔有大有細，尚算新鮮有海水味，蠔味唔太濃。魚生有三文魚，吞拿魚同希靈魚。魚生冇乜人攞唔駛排隊咁滯，魚生師父冇人排都切定啲魚，夠爽快。三文魚算肥美，吞拿魚冇文冇味，希靈魚冇試。壽司有三文魚同其他兩三款，仲有好多卷物，中間包住唔知係乜嘅炸物，味道尚可。凍蟹乏人問津，因為細隻；蟹蓋冇乜膏又冇乜味；凍蝦大大隻算鮮甜；魷魚幾好味。馬加休球冇乜咸味；巴東牛肉頗林且入味；個蛋冇乜特別。好多枱客狂攞蟹腳，我就顧住攞其他嘢冇攞，8點後冇refill就問經理，隨即refill。蟹腳唔算大，但肉質鮮甜，可以。所謂炸大蝦係好厚嘅粉包住條幼長半透明嘅嘢嚟炸，食咗都唔知係咪食緊蝦；個魚枊大大塊冇乜特別；猪耳仔爽脆但唔夠街邊鹵水嗰啲咁惹味；其中有一盤係叫檸檬蜆，但盤中有蟹而大部份蜆得個殼，粒肉咁細都食得出有啲檸檬味嘅~農村麵包雞幾好味，雞夠滑似葡汁雞。sorry啲嘢食係攞得有啲雜亂又咸又

趁聖誕佳節，提早與家人慶祝，到訪位於九龍珀麗酒店的協奏坊西餐廳，打算以優惠價嘆盡海鮮自助晚餐，食物質素不錯喔～提早五日訂座一至日都是$288/一位（連加一），呢個優惠慳唔少。晚市的Buffet在1830正式開始，未夠鐘於是在門外坐，留意到餐廳偏向歐陸風情，而且離遠望到食物的種類也有不少，真是十分吸引！率先被長腳蟹和沙律Bar的前菜吸引，家人都大讚啖啖肉又鮮甜的長腳蟹，食了兩碟都覺得已經回本了！另一邊，有師父即場開生蠔和切刺身，感覺都比較新鮮。雖然生蠔每次只可取兩隻，但拎幾輪都有，果真是任食！日式刺身主要有三文魚 、吞拿魚和希靈魚等等。日式壽司和刺身的選擇相比日式放題店不算特別多，但質素都定的保證，而且精選壽司都幾特別最愛香芒炸蝦，滿有夏日的風味，酸帶甜的香味，中間有青瓜、蛋和蟹柳，鋪面有粒燈橙色的魚籽。在中央又有一個師父在即融荷蘭芝士有點似芝士火鍋的配料，但即融芝士真的很香濃農夫包配上溶化成軟心的芝士，真是引死人～比較具葡式風味的還有乳豬飯、馬芥優，炸蠔和燒茄子；未到甜品時間都已經忍不住吃movenpick雪糕，三個口味分別有法式焦糖燉蛋、雲呢拿、士多啤梨味，焦糖燉蛋會有點偏甜，但混著