協奏坊西餐廳 (已結業)

是日白色情人節..女友想吃自助餐...剛剛我就想起曾經很想訂這家自助餐試下..因為呢間自助餐價錢相宜..且選擇也不小 .自助餐當然不少得海鮮...有蟹腳..青口..熱食也很出色..有羊架..由於當晚泰式為主題..所以很多菜式都以泰式煮法烹調.. 甜品方面也不遜色..有一部格仔餅自助製餅機..可自己整餅再自由選擇醬既味道.. 藍莓味非常出色..服務員態度很好...也很快手收走吃完的碟. 這個價錢但有這個質素確實物超所值...下次一定再光顧...

又無哂啲字…我打左兩次喇 做乜嘢呀！吾打字喇，自己睇相喇！總括黎講 OK LA 吾會再去，雖然佢地啲態度好好反應又快又好禮貌，但無理由我要比咁多錢就係為左你啲禮貌架麻…其實啲嘢食真係好一般，無乜嘢令我有啲深刻印象，熱食又少，凍食既都少，又吾夠鮮味，好……完！係咁先我要訓喇打尼篇野打到天光…

食物種類雖然不多，但食物質素佳，包括鵝肝、 釀蟹蓋、 高質素亦相當好 ，壽司刺身亦都好新鮮， 亦有長腳蟹、蟹鉗、 熟蝦 ，每人有半隻開邊龍蝦，$288自助餐價錢，物有所值。

食啲嘢好少and 唔生鮮例如海鮮 長腳蟹好像放左好耐 蝦唔好食熟食只得5樣 真係好少甜品只得3樣魚生只得3樣真係少過出面d酒店自佐餐冇果汁只得紅茶 水 咖啡換碟快 晤幫人加水

昨晚一行十人去左呢間食自助餐，選佢係因為佢係openrice推介的自助餐廳之一，食評好好，而且價格唔貴，五天前訂座每位都係$288（已包加一），仲有每人半隻龍蝦送，所以抱住一試無妨的心態去食，雖然位置不算是鬧市，最近既奧運站行過去應該都要5-10分鐘，但可能就係咁，令到呢度既食物同服務質素都相對地好。去到餐廳，看見放置食物的區域不算大，開始時都有點失望，不過當打開蓋，發覺幾乎每個蓋下面都有2款食物可供選擇，對於想試多d款式，又唔會夾太多的我來說真係啱晒，而且就係因為裝的食物量唔算多，所以refill得快，仲易食到熱騰騰的餸，讚！盤點一下食物款式先，凍盤：長腳蟹、面包蟹、蝦、青口、鮑魚圈（推介）等，魚生：三文魚（推介）、吞拿魚、希靈魚（推介）等，熱盤：燒春雞（推介），蔗蝦，越南春卷，牛油雞翼（推介），鵝肝多士，蟹蓋釀蝦肉（推介），水果：菠蘿、西瓜、哈蜜瓜，甜品款式就不多，較特別既係禁一個制就有熱辣辣既熱香餅出爐，配埋焦糖，朱古力或雪糕就好有風味（推介）。最令人回味既係，有即製越南生牛河（正爆），牛骨湯濃郁，同行有八成人都一人一碗咁食，質素分分鐘好過市面上某d專門店。總括來講，呢間餐廳完全

見食評很好，所以一試，但很失望。服務員態度良好，但食物種類非常少，味道亦很一般。環境不似酒店餐廳，而且較為擠迫，枱與枱之間空位不足。抽獎幾特別，但禮物不吸引。。

真係好耐無食過酒店既自助餐，原因向來就是日式放題、韓國燒烤太盛行，朋友成日約黎約去都係呢D終於今次聽返我一次話，黎左呢間放題多少少既價錢、酒店級數的協奏坊西餐廳享用晚餐起OPENRICE拎左個優惠價HK$288 盡享呢個結合和風韓流豪華海鮮自助晚餐每人都會先送半隻燒龍蝦，芝士汁鋪滿龍蝦，龍蝦肉超彈牙，蝦膏蝦籽更是滿滿的，真的驚喜～難怪每人限量........蟹鉗超大隻，同埋一見底服務生就會立即REFILL，一定會讓你食得飽食得滿足，絕無欺場.....枱上每人都有一個特制剪刀，慢慢剪開輕易的又食到一條完整的蟹棒青口也是滿滿的，同枱的也是提供一個甜辣汁，點左一口再食，減輕左苦澀味凍蝦也是新鮮又大隻的場內有一個師傅坐鎮既日式海鮮湯拉麵檔口，拉麵份量不多，岩曬我樣樣都試少少既精神雖然味道不及街外專門店既質素，但咩都自己揀既配料還是很欣賞啦!!!炸蟹殼、炸薯絲蝦、越南春卷亦是非常出色!!!一定要食喎!!因為炸物一點都不漏油，炸蟹殼的裡面更是蟹肉丸非常彈口，絕不乾仲有一大粒的韓式蒸餃，因為太大粒所以都無試......芝士龍利柳也是有從清淡無味的變成更香、更吸引紅繪牛肉...............

今日一行4人黎食半自助餐~已經第二次食~食物方面唔算太多~有沙律~小食~甜品~飲品~不過就冇三文魚個d食既~沙律同生果都幾新鮮~甜品就比較重奶味多d~今日有班蘭蛋糕~不過比較實~仲有芝麻糊就比較希~有d似飲水既感覺~白酒煮青口都幾好食~咖啡都幾香~最正係雪糕~好滑~下次可以再黎食

平時吃自助餐的機會不多，剛巧友人生日將至，為了替她慶生，這天來到大角咀柏麗酒店的『協奏坊西餐廳』，試試餐廳近期大推的「和風X韓流豪華海鮮自助晚餐」！餐廳位於酒店2樓，裝潢簡潔時尚，雖不算非常大，但也坐得很舒適。我們大約7:30到達，由於有預先訂位，侍應立刻就給了我們4人的座位了。來到才知原來每人都會送半隻燒龍蝦，龍蝦不只大大隻，上面還有大量蝦膏，肉質也蠻爽嫩的，不會黏殼，十分推薦～跟平時的海鮮冷盤不同，這兒的海鮮用了韓式蒸鍋炮製，包括蝦、蟹、青口等，全都很新鮮。個人最愛長腳蟹，蟹肉嫩而甜，忍不住一連啪了半打！LOL壽司刺身方面，款式雖不算很多，但壽司上的配料足，而刺身都是又厚又大件，也很鮮甜。另外還有迷你海膽三文魚籽飯，海膽迷記住要試試，我跟朋友都每人吃了2小碗呢。熱食方面，質素都頗高：牛面肉煮得軟且入味，還帶點紅酒香；龍俐柳外脆內嫩，完全沒有腥味或冰鮮味；羊肉比較騷，但肉質軟綿；炒飯也很不錯，飯粒炒得剛剛好，不會過乾或濕。韓式海鮮泡菜蛋餅本人並沒有吃（因為看起來很飽肚，想留肚吃其他），不過友人說很好味，既足料又惹味。另外還有天婦羅，除了有常見的炸蝦，還有炸蟹殼和炸鰻魚！個人最喜歡鰻魚

這是一間不多款，但食物味道質素都好的一餐。首先要有心理調節$288已全包（列印優惠券及預先五天前訂位），所以在種類及款式方面不要過度要求。沙律菜新鮮，冷盤有驚喜，如：燒牛卷泡菜配搭很好，我們都一食再食。凍蟹，朋友話有鮮味，有蟹肉味，不單是鹹水味。還有羊脾和牛面肉，是熱盤來的。肉很入味，而且肉質淋得適中，不會「鞋」。我們也因為蒸蜆肉幾鮮甜也食了不少，不過size 就細了一點。那個泡菜煎餅幾特別，以泡菜同不同的菜蔬加埋蝦夾埋煎出來，朋友嫌太厚，但我倒喜歡，因為夠香，夠多料，不只是粉團。炸蟹蓋也相當不錯，蟹蓋釀入蟹肉一起炸，很香，真有料。還有甜品，我試了焦糖燉蛋，夠滑夠香。芝士蛋糕 很軟熟。綠茶福餅軟而香濃的綠茶味😋。Movenpick 雪糕，有士多啤梨、冧酒、雲呢嗱、焦糖等，都很好味。職員有禮貌，主動收碟，食物也不停refill。假日來說，$288可享美食，可舒適暢談，很抵啊！記得，要以付出的價錢調整相應的要求😁 **一坐低，每位送半邊芝士龍蝦，正呀！

令人大感失望的自助餐 男朋友話呢間好食又抵食先黎食 點知已經變到...1.冇晒生蠔 羊架 貴價個種牛肉 呢d野以前都有2. D蟹好唔新鮮 好粉既感覺 3.食物選擇好少 得好少野食 連朱古力噴泉 士多啤梨都冇不過， 都有讚既地方甜品方面 都幾好食 又有movepick雪糕布丁都唔錯 有芒果布丁 鮮奶布丁 焦糖布丁，可惜無窩夫食，只有pancake男朋友話下次轉第二個主題多d野食就再黎過 但我打算以後都唔黎呢間 始終大把選擇 好多都好過呢間

自從上年同男朋友慶祝生日食過自助餐，之後都冇再食過喇。一來價錢貴，二本我地又唔係話食到好多野嘅人…次次食完都覺得回唔到本，好多五六百蚊水平嘅自助餐，係就係款式多，但味道、質素一般；講到好食可能又要七、八百蚊位，但又唔捨得。琴晚男朋友收早就試左呢間喺大角咀珀麗酒店嘅自助餐~原本buffet時間係6:30pm - 9:30pm，不過就番收工時間，所以我地7點半先到。因為喺附近番工，行過去都好方便。作為參考，佢地直至3月份都係做【和風韓流】嘅主題自助餐，之後會轉其他主題。喺openrice優惠欄目見到價錢真係幾吸引！5日前預訂，星期一至四 $238(加一)就食到晚市自助餐！由於見到咁平…我事前都有自行腦補，略略睇過下大部分食評~我覺得以呢個價錢，性價比十分之高。餐廳位置唔多，週一嘅晚上，客人都挺多，我都要等佢地離開左，先方便影張相。輕輕行左一圈，影下相，再決定食乜先。我覺得呢度嘅自助餐選擇唔係話好多，但樣樣野質素都唔錯，起碼全晚冇伏。（差唔多規模我諗起紅磡逸酒店，我中過伏）近門口位係冷盤，海鮮選擇都唔少，而且fill得夠快，起碼我每次行出去，都見到滿滿一盤。（最怕啲酒店好少家，成日都唔補添食

成日都食放題，因為太愛食壽司刺身，仲要係任食都係講緊200-300內。今次比我發現到大角咀近奧海城附近有間酒店「九龍珀麗酒店-協奏坊西餐廳」新推出「和風韓流」自助餐都係$288/位(5天前預訂及同埋出示OpenRice優惠券)，仲要送埋燒龍蝦添，同樣既價錢，識揀一定揀酒店自助餐啦。酒店環境都整潔不錯，但用餐區座位不多，幸好已預先訂位。食物區位置有：冷盤：「蟹、蝦、青口、長腳蟹、芝麻魷魚、涼伴、沙律等」主食：「中西湯、關東煮、蒜蓉炒雜菜、燒羊脾、和牛炒飯、日式咖啡雞千層麵、韓式炒年糕、餃子、日式燒三文魚、紅酒燴牛面肉、炸蟹蓋、越南春卷」韓風系列：「韓式蒸海鮮鍋、泡菜年糕、韓式餃子」和風系列：「鰻魚天婦羅、迷你海膽三文魚子丼、海鮮湯拉麵、壽司、刺身魚生」甜品：「Mövenpick雪糕(有4種口味)、各式水果(西瓜、菠蘿、蜜瓜)、Brownie、焦糖布丁、泡芙、糕點等」一入座就好快有職員奉上開邊龍蝦，味道不錯，亦算大隻。整體食物質素唔錯，以$288的價格真係性價比高，雖然食物嘅種類唔多，但係最欣賞嘅就係酒店添加食物嘅速度頗快，唔會見到食物缺少嘅情況發生。另外，酒店職員會拎住個抽獎箱去每一桌，

新年前同屋企人諗住出街食團年飯，由於家中各位成員都各有意見，為左滿足大家要求，經商議之後，最後決定去食自助餐。跟住就上網做左d research,咁啱見到協奏坊有五日前預訂有優惠，而且做緊豪華海鮮自助餐，每位客人仲送燒龍蝦半隻添。見咁抵，所以就訂左去依度食。入到去，已經見到放左好多種類既食物，所以放低個袋之後就馬上出去拎野食。凍盤選擇有好多，總有一樣啱食。日式涼拌雞絲配芝麻醬：雞絲嫩滑，而青瓜好爽口，同芝麻醬一齊食，好fresh。韓式粉絲沙律：入面有椰菜、芽菜、粉絲等，沙律用左韓式辣醬黎調味，甜甜辣辣好開胃。韓式泡菜牛肉配青蔥：牛肉捲住泡菜，泡菜既酸辣吊起左牛肉既味，兩樣夾埋一齊食好夾。風乾火腿配蜜瓜及芝士：蜜瓜鮮甜，火腿既鹹香夾埋蜜瓜同芝士一齊食，perfect match!依度有個沙律吧，分別有三種沙律，亦有各種沙律醬供選擇。另仲有冷盤海鮮供應，分別有麵包蟹，凍蝦、魷魚圈、青口：麵包蟹既羔好多。蝦同青口既肉質爽口，而且鮮甜。魷魚圈好爽牙，好新鮮。待應亦隨即上左燒龍蝦同海膽飯，龍蝦燒得好香，而且肉質好彈牙。海膽好鮮甜，配埋個壽司飯，正！另依度有壽司同魚生吧，三文魚刺身肉質肥美。另壽司

小時候，時常都跟著爸媽去餐廳吃自助餐，食物種類任均選擇，不用煩吃此什麼，由精菜吃到甜品，真的滿足到不得了。到長大後，自己有了工作，都甚少跟家人吃自助餐，今晚預早吃自助餐當作是團年飯一家四口慶祝選擇了這家酒店餐廳吃自助晚餐，晚餐主題是日韓式，想不到提早了五天前預訂座位可享優惠價$288一位，每位客人還贈送龍蝦半隻，的確挺吸引龍蝦比想像中大隻，內裡滿滿的蝦籽，以烤焗方式煮熟，離遠已聞到陣陣龍蝦香，肉質爽口彈牙。另配了海膽魚籽飯，魚籽鮮甜味跟海膽飯一口吃，味道很配，加少許醬油令味道更出眾自助食物有冷盤凍蝦、蟹鉗、長腳蟹、青口、燒汁魷魚圈長腳蟹每隻都新鮮大隻，相當厚肉，肉質爽脆帶鮮味，吃得出是新鮮食材，個人認為略咸了少少，但可以接受的凍蝦口感彈牙帶鮮甜蝦味，還有少少蝦膏連肉。燒汁魷魚圈吃起來甜甜的，質感煙韌易咀嚼，不會過韌或硬，不錯除了冷盤，還有日韓西各式前菜沙律、熟食、壽司和甜品第一次吃自助餐有蒸海鮮塔和日式拉麵吃，可叫廚師師父幫忙烹煮，數分鐘後煮熟可回去拿取<<炸蟹蓋釀蝦肉>>賣相有趣得令我好奇地夾了一個嘗嘗，經油炸後的蟹蓋口感相當脆口易咬，配彈牙蝦肉令口感