華鳥居 (已結業)

📍華鳥居.整家店都走木系風格，店內有好多日式燈籠🏮，充滿和風感覺🇯🇵.之前plan去博多旅行都打算一嘗當地名物——- 水炊鍋，可惜一直都去唔到🥲，不過原來香港都有得食華味鳥水炊鍋🥹.❣️水炊鍋有一大盤蔬菜同一碟雞肉，放入雞肉煮熟後可以先飲雞湯，味道非常清甜😋之後再食其他配料，全部都吸收咗雞湯嘅精華，配合柚子醋感覺更清新❣️蒲燒鰻魚鍋飯❣️吉列華味鳥卷平時比較少見用炸雞做壽司卷，原來味道都幾夾，炸雞完全唔油，唔鐘意食魚生又想食壽司就啱晒啦🫶🏻❣️豚肉蘆荀❣️月見免治雞肉棒雞肉串沾上香濃蛋黃汁，味道更加豐富✨.

壽司外賣點餐:三文魚，油甘魚，吞拿魚，劍魚腩,送到時，每樣只得一件，收$102同圖片完全不符，有冇著名 每件收取幾多，大家千祈不要幫襯此無良商家，同佢理論仲話圖片只供參考

青衣城被推舉為其中一個美食沙漠當之無愧? 望落去青衣城好似好多野食，但幾乎都係連鎖餐廳，最慘係當你離開青衣城，就冇乜餐廳食肆，響青衣搜尋附近美食同附近餐廳，結果都集中在青衣城，無計可施!但時間太趕關係就只可以喺呢度食個lunch， 咁就試下呢間日式嘢啦同朋友不約而同諗住食燒魚比較穩陣因為見人地啲壽司麻麻地所以叫咗兩份都係，🥢鹽燒花魚一夜乾魚無腥味，燒得好香，連骨都脆到食得配白飯、漬物、茶碗蒸、沙律、味噌湯白飯味噌湯都正常最有驚喜嘅係茶碗蒸， 因為啱啱先整好嘅關係後上， 蒸到熱辣辣又滑又香， 美味非常有幸福感見到人哋食滿四份送一份好鬼抵

一心想等簡單慶祝結婚周年，但太失望😞叫咗兩條串燒，一串和牛，一串牛舌。上碟時，兩串都一樣。問問服務員點解還未有牛舌，回答就是你已經食咗⋯⋯還要俾人鬧返轉頭同時問你哋唔知你食緊咩？！

咁岩去開青衣 就係青衣城搵左間餐廳試下 ～佢係一間專食雞肉料理嘅日式餐廳 裝修係居酒屋嘅風格 座位與座位距離都唔會好近 坐得幾舒服👍🏼🏮✨日式野菌炒牛肉定食 $72牛肉加左啲醬汁炒好惹味好好送飯 而且牛肉唔韌唔會好多筋 啲野菌好入味所以都唔錯豚肉生薑燒定食 $72同一般生薑燒一樣 不過不失🤣豬肉炒得岩岩好 唔會好鞋 呢個餸亦都好好送飯～炭火華味鳥定食 $88話哂呢間餐廳都係專食雞 所以叫左個華味鳥試下😛上面兩個餸都比較濃味 相反華味鳥就淡味少少🤏🏼雞肉都幾嫩滑 而且幾特別佢有雞髀肉又有雞翼同雞翼尖 仲有啲我諗係雞腎 好似真係食哂成隻雞咁😂果茶（跟餐附送）

睇完餐牌唔錯，於是入去試下～誤打誤撞去食，估唔到幾好味😲👍🏻.朋友叫的三文魚籽魚生飯見佢話魚籽好特別，有少少柚子香味～另外魚生都好新鮮，鮮甜😀😋.另一個朋友叫的雞叉燒拉麵湯底好濃雞味。。好驚喜～而且雞叉燒的味道好香～.而我揀左安格斯西冷牛扒飯干蒜的味道，再加上安格斯扒的肉汁，配落去日式珍珠飯，效果好好味‼️而且個牛扒味好香👍🏻👍🏻.入面裝修都幾靚。。不過呢次反而影得唔係好多相，所以介紹得比較精簡🙈呢間都值得推介一去。。食物質素高同員工態度都好好👍🏻👍🏻

3人去吃叫了中價的二人套餐及多點了幾個小食。先說說散叫食物:牛油果軟殼蟹加洲卷 – 不過不失, 整件放入口不覺有軟殼蟹感覺蝦雜錦天婦羅 – 有3隻蝦, 有4件蔬菜包括: 冬菇, 粟米花, 茄瓜片, 蕃薯蝦不似cheap cheap 的蝦, 都有蝦味, 其他蔬菜都算可以二人套餐有3個價位, 我們選了中價, $489, 食物包括以下及兩杯细果茶:魚生片 – 三文魚, 油甘魚, 大蝦各兩件, 魚生都好新鮮, 又不論惜地厚切。厚玉子 – 新鮮熱呼呼送上, 蛋夠香又滑, 有足夠廷身能夠用筷子夾起。蟹肉蟹子沙律 – 估不到是真蟹肉, 以為只會用高級少少的蟹柳絲, 但用真蟹肉是加分的，但有幾口比較腥。鐵板華味鳥 – 一送上來熱呼呼的, 但望落烏黑黑的雞件, 以為是燒焦了, 非也, 其他是醬汁。入口有驚喜, 味道香口加上有甜甜的洋蔥, 好味!鰻魚飯 – 足料, 鰻魚有半條而且是厚身的, 鰻魚汁夠味, 又足夠撈飯吃。牛肉蔬菜豆腐鍋 – 用gas爐原鍋上, 有6片牛似偏少少肥, 有娃娃菜冬菇豆腐, 鍋仔細細但其實份量都足夠。餐廳人員服務質素都好好, 會主動倒茶, 收拾用完的餐具。都是不錯的餐廳。

成日聽人講青衣係香港云云美食沙漠之一，今日同男友響呢頭做完啲嘢，都打算出返市區搵嘢食，不過由於真係太肚餓嘅關係，又咁啱行過見到呢間餐廳唔係常見嘅連鎖店，望落都幾吸引，就試返一次啦餐廳食物選擇好多，有串燒，刺身壽司，同埋火鍋，望落都幾啱一家大細一齊嚟食~ 就算唔啱食生嘢嘅老人家或者小朋友，嚟到呢度都可以食火鍋或者串燒或者唔同嘅熟食今次我同男友叫咗好多嘢，一黎真係好肚餓，二黎可以試多啲唔同嘅嘢~ 雖然我哋得兩個人，但叫咗魚生飯，華味鳥串燒同華味鳥壽司，牛肉火鍋，鰻魚鍋飯，全部食物都比預期好食，選擇又多，加上飯同火鍋嘅份量亦都唔細，食到我同男友都捧腹而回其實青衣都唔算美食沙漠姐~ 總括嚟講，如果去青衣又諗唔到想食咩嘅話，我覺得呢間會係幾好嘅選擇，咁多食物應該總有一款你啱食

一月一日出去行街，順便食個lunch，見到有間餐廳寫住「華鳥居」好似全部食雞，好似唔錯，價錢又唔貴，諗住試吓啦。 一個叫咗豚肉生薑燒定食、一個炭火華味鳥定食，豚肉還可以，但炭火雞肉真係好咸😑😑

因為初三放假無聊就諗住去睇吓戲，咁睇戲前梗係要食嘢，咁就隨便係青衣城搵咗間日式餐廳食，原本期望都唔高架啦，但係估唔到會咁失望因為唔係好肚餓，所以我同朋友淨係叫咗兩份主食就算，份量都算唔少，但味道方面就一般般和牛粒炒飯 $158剛上枱嘅時候有看到微微熱氣，所以食落去都叫咗暖嘅，但完全沒有炒飯嘅香味，而且食落口都比較濕，沒有粒粒分明嘅口味，而且雖然餐牌寫嘅係和牛粒，但係完全食唔出，淨係食到好重嘅雪味，彷彿好似冇完全解凍就拎去炒咁，仲要價錢並不便宜，超級不推薦華鳥居串燒丼 $138原本諗住食啲串燒，但係見佢有個串燒丼就諗住試吓，但咁就出事啦🫠四串串燒只有大蔥雞肉比較好食少少．其他真係好難食（因為食落去好重燶味）所以淨係食咗大蔥雞肉串同鰻魚（因為有鰻魚汁，冇咁大燶味）而且食完見到隔籬枱叫咗個火鍋，然後係個底下嗰爐有隻“小動物”爬咗出嚟😨😨😨雖然唔係好睇得清係咩“小動物”，但係見到職員攞住張紙巾係咁望，最後竟然係靠食客自己捉到（而且仲要超級淡定）以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

同朋友係青衣城搵好野食 見呢到唔洗等位即刻衝入去 記得舊地址都係日本餐廳 好好食😋今次就不過不失 最鍾意食炸雞軟骨 所有食物都係即叫即整 熱啦啦 😎明太子蛋卷都不錯 味道適中吉列華味鳥卷 都有驚喜 入面係炸雞都仲係脆口🤩

呢間係專門食雞嘅居酒屋，店內環境好骨子，座位都好舒適～叫咗個最出名嘅水炊鍋，配料非常豐富，雞方面有雞翼，雞肉雞肝同雞肉丸，而蔬菜盤亦超大份，冬菇，金菇，豆腐，娃娃菜，油麥菜都有齊，超抵食！首先將全部雞放入清雞湯，煮一陣已經聞到勁香雞湯味，雞湯入口好鮮甜，而雞肉都好嫩滑，最驚喜係個雞肉丸，點柚子醋食味道好夾！食晒雞之後，放晒啲蔬菜落去，索滿鮮甜嘅雞湯汁，超滿足！另外仲試咗個唐揚炸雞配他他醬，好香脆惹味！除咗雞之外，呢度嘅牛肉都一樣咁好味！呢個安格斯西冷牛排鍋飯必叫，牛肉味本身已經好香濃，肉質又幼滑，因為啲牛肉舖滿喺白飯上面，所以每啖白飯都有好有牛氣！超好味～大黑炭火牛舌，牛舌薄薄一片，鑊氣十足！秋葵串係鹽燒的，食完咁多肉後最啱食返幾串～

平時好少黎到青衣城，人生路不熟唯有上網尋求意見，想食日本野見到有人推薦呢間「華鳥居」，個人本身又好中意食雞，一於就試下成間鋪頭都好有日本風格，掛晒燈籠，咁先有食日本野既feel呢到好似好出名呢個水炊鍋，其他日式餐廳好少見，好吸引今次叫左雞水炊鍋，好多食材好抵食雞件大大件，仲有埋雞肝，雜菜方面都勁多款式先飲個湯底，好濃郁雞湯味，飲唔出有味精雞件超級嫩滑，味道清甜，中意既話仲有柚子醋可以點，啲雞就算煲左好耐都仲係咁軟身，肉質一啲都無變老變硬，好正！鐵板炭火華味鳥，又係我最中意既雞好濃味，呢個啲雞唔同水炊鍋，比較爽口，連洋蔥都勁淋勁入口，高質豚肉蘋果卷，平時食葡萄就食得多，估唔到蘋果都咁夾，酸酸甜甜又爽口有口感鰻魚鍋飯，鰻魚唔會煮到淋晒變左一pat野，而家鰻魚汁好夠份量，食飯每一啖都有鰻魚汁，最後食到一粒飯都無淨雜錦天婦羅，炸粉唔會好厚，食材新鮮，特別係大蝦同菇，勁多汁超好味！

華鳥居 ================今日朋友介紹我黎呢間位於青衣城嘅華鳥居！裝修非常日式，以木系為主😍我地叫左個水炊鍋！因為朋友都幾中意食雞😆佢嘅雞肉係來自博多🐥水滾之後，可以嚐下雞湯，之後再加雞肉入鍋！雞肉肉質鮮嫩！食完一round 雞，就可以加埋蔬菜落去！蔬菜吸收左雞汁味，好好食！☺️之後我地叫左牛油果軟殼蟹卷! 飯卷入面包住軟殼蟹，加埋新鮮嘅牛油果，食落幾fresh!另外，明太子玉子燒都幾出色😍入面ge 明太子勁多，好中意食！最後叫埋黑豚肉叉燒鍋燒烏冬😆😆黑豚肉煮得幾香😍，叉燒味幾出！

已經係上個月食嘅餐 我又搵唔返個餐牌以我印象去寫呢個食評🤣黑松露魷魚冷盤魷魚好似係muji買隻包裝魷魚小食(唔知有無人食過 偏酸嘅)唔好食🤣唔知咩名魚生呢個最好食 一杯好似水嘅飲品咩記得叫咩雞反正就好"鞋"口個味又唔好食壽喜燒呢個好難整得難食湯底偏咸不過最正常㗎啦推薦度 4分當時趕時間 見到呢間幾多人 所以膽粗粗去食所以就少伏不過可能其他食品會好食掛 大家可以去試下🤣