華香雞

营业中

休息中

今晚又到｛華香雞🐔｝食晚餐，小店空間唔大，唔算坐得好舒服，不過店員好好，會儘量安排多啲位置俾食客，所以即使嗌到成枱都係嘢食，都唔會好迫👍🏻加上店員好Nice同殷勸，加分！✴️華香雞＋茶薰雞雙拼雞✴️雞肉走結實路線，有嚼頭，唔係好滑好嫩嗰款～茶薰味好濃，連雞肉都有煙薰香氣💨華香雞就普通啲，味道較淡～✴️金牌滷水拼盤✴️有豬腩肉、豬手、豬耳、雞腎同滷蛋🥢好實在嘅一碟滷水，無咩花巧嘅調味，食落唔會好鹹好甜，唔錯👍🏻

88蚊一人豪華套餐拎走，招牌寫明呢個套餐入面係雞雙拼+雞腎，返咗屋企先發覺店家未俾雞腎，轉咗豬腩片。關鍵在於成個流程完全無人告知或征求意見，店家完全自作主張。我唔食豬同埋聞到豬肉陣味會嘔，咁所以呢餐飯完全無辦法食落口。打電話同店家argue, 店家話「可能係雞腎賣嗮」，之後cut咗線，再無聯絡。如果賣嗮點解你唔出聲，反而靜雞雞咁轉咗豬腩片？點解強賣d客唔食嘅嘢？宜家香港d食肆服務真係離嗮譜，唔怪得d人週末個個北上深圳食嘢。

餐廳主打華香雞和茶香雞，另外亦提供鱸魚煲和蠔仔煲，是一個不錯的健康外食選擇。餐牌印上字句「懷舊的味道，健康的國度」。.🥗 一人豪華套餐 $88套餐包括華香雞拼茶香雞、鮮雞腎、雞湯白菜、老火湯、白飯（+$3轉黃薑飯）。✿ 招牌華香雞「秘製招牌白滷水浸製而成，經典口味，雞味濃郁」✿ 烏龍茶香雞「秘製醬油及烏龍茶煙燻製成，茶燻味濃，齒頰留香」雞肉尚算嫩滑，但也視乎部位。華香雞沒有甚麼特別，像一般的鹽焗雞。茶香雞能吃出淡淡煙燻味，但茶葉味不突出，味道像煙燻鴨胸。不過兩者的味道都比較停留於雞皮表面，像我這些不吃雞皮的，味道可能沒有很濃郁。✿ 鮮雞腎爽口入味，帶點沙薑味。雞腎是很適合增肌減脂的部位，每100g有16.6g蛋白質，只有2g脂肪。✿ 雞湯白菜清淡不另加油的焯菜心，是外食少有能吃到健康少油的菜。✿ 老火湯紅蘿蔔豬骨湯，湯料不多，略帶清甜。✿ 黃薑飯黃薑粉含有薑黃素，是一種抗氧化物，有助抵抗自由基對細胞的侵害，提升身體免疫力，以及延緩衰老。薑黃素亦具有抗炎的功效，對舒緩關節炎有一定的作用。此外，薑黃素亦可抑制血小板聚集和血栓形成，有助減低患上心血管疾病風險。薑黃粉亦可以調節脂肪代謝功能，協

今次去灣仔食晚飯，想搵間老牌啲嘅茶記食飯，最後搵咗一間算得上只係半間茶記嘅華香雞，因為間餐廳主要係食雞，見到餐牌話餐廳係1988年開業，老過我本人，叫咗一個四寶套餐，一個沙茶牛腩煲，另加一杯凍好立克，夥計好有禮貌，仲驚我哋啲衫會整污糟，幫我哋安排過埋啲嘅位置坐，不過第一句同我哋講普通話，照睇我同我嘅另一半都唔似旅客，可能有好多旅客嚟呢度幫襯啦。 佢嘅四寶套餐有華香雞、茶香雞、滷水豬耳同埋滷水豬腩片，上枱個樣唔太討好，打卡就麻麻，招牌係華香雞，但真心感覺華香雞冇咩特別，唔當佢係咩特別菜式嘅情況下味道都唔錯，茶香雞反而好有驚喜，我哋兩個都覺得茶香雞比起華香雞好食，茶香雞係真係有茶葉味，係好似將茶葉煙燻咗落去啲雞度嗰隻味，唔會過分濃烈，至於滷水豬耳，同埋滷水豬腩片係合格，但唔算出色，所以再比我揀，我會揀叫個淨茶香雞。 之後嘅沙茶牛腩煲，非常出色，個沙茶汁好正，撈飯一流，後悔叫咗佢小飯，個煲係木桶加煲上，上到枱嘅時候係咋咋聲，仲好滾，所以上咗菜冇耐啲沙茶汁就越來越少，但係佢啲配菜洋蔥加少少汁撈飯已經夠晒味，個牛腩唔係話牛腩專門店食嗰啲崩沙腩，只係普通牛腩，但係啲牛腩一啲都唔差，肥瘦均勻，亦都煲

行過灣仔，肚子有啲餓，嗱，就入去這間有啲檔次嘅餐廳坐低。首先畀我黎個泰式咖喱牛腩飯，吔，個牛腩超級夠哂火喉，咖喱香濃得滯，仲有啲脆脆嘅洋蔥同西芹做底，真心解渴又過癮🍛。再點嗰個一人豪華套餐，正！可以一次過試到原味同茶香雞，講真，啲雞滑嫩過人，肉質鬆化，巴閉！仲有現剁嘅雞腎，啖啖新鮮。呢碟烏龍茶香雞飯，都係一絕，雞肉含汁，好過癮。食得出佢哋份量夠，價錢公道，正宗香港味道，下次有空，仲要返嚟試過。🐔🥢🍵

▪️𝑷𝒆𝒓𝒔𝒐𝒏𝒂𝒍 𝑳𝒖𝒙𝒖𝒓𝒚 𝑺𝒆𝒕 $88一 人 豪 華 套 餐ᴡᴀʜ ʜᴇᴜɴɢ's sᴘᴇᴄɪᴀʟ ᴄʜɪᴄᴋᴇɴ ʀɪᴄᴇ . ɢɪᴢᴢᴀʀᴅ . ᴅᴀɪʟʏ ᴠᴇɢᴇᴛᴀʙʟᴇ . sᴏᴜᴘ華香雞 + 茶香雞 . 雞腎 . 雞湯白菜 . 白飯 . 老火湯.Was in the mood for sth as old school local comforting food, and what's better than a dish of Cantonese-styled roasted meat rice ? The chicken served here wasn't limited to the plain & soy sauce flavors, but they also provides options of sand ginger, spicy, drunken and their famous oolong tea smoked one, which elevated the chicken's own umami well. The chicken ha

話說喺灣仔轉角頭，發現咗間洗唔刷嘅小店，聞著門外飄嚟嘅香氣，就知道要入去一探究竟。今次唔係鬼馬飲嘢，而係嚟試下佢哋嘅茶香雞，一聽就知唔同凡響！店內氣氛細水長流，等菜等得舒舒服服。上嚟盤茶香雞口感，真係嫩滑得滯，烏龍茶嘅香氣嗆鼻，一啖食落，層次感一啲都唔失色。另外嘅滷水拼盤都好出色，尤其係滷得啱啱好嘅腩肉，夠晒香夠晒滑!最後，一碟清新嘅上湯菜心，撈埋啲甜美嘅湯汁，正喎！全程食完，心情好到爆炸，肚子都係滿滿嘅幸福感。呢家店，無論係點心定係主菜，都令我拍桌叫好。下次有機會，一定再黎返撐下腰，食多幾次！

華香雞叫得華香雞，當然係雞最好食。枱局似茶餐廳，多數人都係快食快走。*華香雞拼茶香雞飯 $60華香雞似鹽焗雞，感覺比較普通。茶香雞用烏龍茶葉燻製，雞肉滑而有彈性，帶淡淡茶香，大推！白飯冇一粒係完整嘅，超級削超級硬，好似未煮熟咁。例湯係豬肉節瓜湯，略油但唔錯飲。金牌滷水飯 (一人份) $65鮮雞腎+滷豬耳+滷腩片+滷豬手+滷雞蛋滷水味道淡，唔夠入味、唔夠香，腩片、雞腎比較好食，其他感覺普通啲。薑黃飯就真係不了。

$100都唔洗，有成份雞➕雞湯白菜➕白飯➕老火湯，仲要係灣仔，真係好難得❗️講緊嘅係依間位於灣仔駱克道嘅「華香雞」，咁抵食一到食飯時間好多人幫襯㗎🤩✴️一人豪華套餐✴️套餐有茶香雞&華香雞&滷雞腎、白飯、老火湯同雞湯白菜，有齊肉菜飯湯，份量仲要唔少😍✴️茶香雞&華香雞&滷雞腎✴️餐廳嘅招牌菜一定係雞肉～茶香雞帶有陣陣茶薰香味，而華香雞就係白切雞，兩款雞嘅雞肉都嫩滑無比，一啲都唔柴😋滷雞腎好入味，非常有咬口，越食越過癮🤩

華香雞今日我同同事係灣仔附近做完野，見到有間門面充滿中國風情的中菜餐廳，標榜所有食品不添加味精、雞精、 糖精、醋精、香精，夜晚食飯時間仲要坐滿哂人。第一次聽茶香雞，原來係用烏龍茶令雞添加茶香味，實在特別！我叫了華香雞拼茶香雞飯，試哂兩款雞😃$60包老火湯及飯。店員仲會問你要白飯定黃薑飯！跟餐送的老火湯，這湯是由老闆用老火熬製而成，味道非常濃郁。湯的材料非常豐富，有雞骨，豬骨及花生等等，每一種材料都能充分釋放出自己的香味。值得一提的是，這碗湯的份量非常足，一碗湯下肚，整個人都感到暖暖的，非常舒服飽足。華香雞嫩滑帶咸香，茶香雞帶茶香，配埋薑蓉，非常惹味！我非常欣賞薑蓉，切得非常幼細，一啲都唔油，仲好香，絕對是認真制作！同事揀了沙茶牛腩煲飯餐，包老火湯及飯 $57，一大盤，熱騰騰，牛腩肉質夠冧，仲有爽滑嘅牛筋，加入洋蔥，香草等，牛腩軟腍夠入味！老闆非常好客，更主動問客人食物質素如何，又同不少街坊客人傾計。不含味精的認真制作，配埋自家老火湯，猶如食了住家飯般滿足！

灣仔老字號華香雞✨一人豪華套餐（$88）套餐包括有華茶雞飯、鮮雞腎、雞湯白菜、白飯和老火湯，有齊兩款雞可以試，一次過滿足你兩個願望。華香雞和茶香雞肉質都好嫩滑，個人喜歡茶香雞多一點，因為表皮味道重一些。✨豉汁白鱔飯（$73）豉汁蒸白鱔味道很好，白鱔口感Q彈，可惜份量有點少，套餐配白飯、老火湯或者熱飲。

「調教。朋友」食雞專家 🐣🍽️ 華香雞🏡 灣仔駱克道368-374號百齡大廈地下G2號舖～～～～～～～～～～～～～～～～～～～～～🐣 華香雞拼茶香雞飯 ($60)望落平平冇華香雞及茶香雞🐥，食落先知原來呢隻雞完全唔簡單阿，問店員先知原來華香雞用左白滷水再加多種香料浸泡既，雞肉肉質夠滑咬落有彈性，雞皮都充滿香料味。而茶香雞就用左豉油滷水加烏龍茶葉煙燻，入口帶香甜仲帶住獨有既茶香，伴埋自家製既薑蔥蓉，連埋黃薑飯一齊食，性價比絕對係高阿！👍🏻🐮 原味清湯牛腩 ($57)清湯牛腩份量好多，而且肉質炆得軟腍，夠哂鮮味，煮出黎既牛腩清湯清而不濁，鮮味牛味勁濃，連旁邊既白菜及菜心都吸哂湯汁，食落好好味，跟餐仲可以配埋一碗上湯米粉，確實唔錯唔錯🤠🐟 欖角鱸魚煲 ($63)原條鱸魚大大條砍件分開，就算件件厚肉，蒸完魚肉食落都係滑溜溜，火侯控制得剛剛好，配埋砍碎左既欖角，陣陣既欖角咸香，令到鱸魚食落特別惹味。😋🍲 南瓜紅蘿蔔雞腳豬骨湯 (跟餐)老火湯日日新鮮每日都會唔同款，火喉足夠味道清甜，飲完都唔會口渴，真材實料阿！ 👍🏻#feed_your_friend #調教朋友 #調教你朋友個胃 #foodie #

《華香雞》這店，以前很多地方都看得見，但亦已經多年未見，一直以為絕了種，直至早前放工走去港灣道體育館打波，沿路經過駱克道才發現原來仍有營業。雖然店鋪小小卻有人在門外排隊，且不少是操普通話的，想必都是慕名前來。由於鄰近公司，放工便與波友同事去試它一試。點了個二人套餐，包含華香雞和茶香雞雙拼、滷水拼盤（豬手、豬腩肉、豬耳、滷蛋、雞腎）、雞湯香菜、黃薑飯、白飯、兩碗湯或飲品。茶香雞的確特別，雞肉滲出淡淡茶香味，明顯吃得出這茶香不是浸出來的，而是煙燻的香氣，應該頗講究慢工出細活。不過，原來是凍食，個人認為如果是熱食，說不定更為香醇。至於華香雞，老實說，味道偏淡，要沾醬吃才比較有味道，但雞味比市面一般雞肉濃郁。滷水拼盤有驚喜，尤其豬手和豬腩肉，特別入味，肉質也嫩，相當好下飯🍚。

媽媽喜歡傳統的味道，她愛吃雞和蒸鱔。今天放假便帶她去灣仔駱克道華香雞吃午餐。華香雞出名好食又經濟。今日叫了個一人豪華套餐，有一碟雞和雞腎，一碗飯，一碗老火湯和一份雞油白菜。碟雞有華香雞和茶香雞各一半，華香雞香滑鮮嫩有雞味，雞肉鮮甜，雞皮薄。茶香雞別有風味，雞肉雞皮都有煙燻茶香，好食。雞腎新鮮有咬口。老火湯足料好飲，內有豬骨，雞脚，冬瓜，红蘿蔔，薏米等。雞油白菜淋甜。白飯可加$3轉黃薑飯。華香雞的蒸鱔新鮮惹味。我們叫了一份豉汁蒸白鱔飯，白鱔用盤上熱辣辣，份量足，鱔入口香滑鮮味，配菜洋葱中芹好味。白飯改了又香又有益的黃薑飯。熱奶茶香濃有茶味。小食滷水蛋和紹興醉雞蛋都不錯。兩個人食飽飽，人均消費$100元，不用加一，抵食。小店用心經營，服務不錯，讚!

由銅鑼灣向灣仔方向行過少少就到，呢度約有十八個位，星期五晚，坐無虛席，店長好有耐性，態度有禮。一人豪華套餐 $88華香雞 + 茶香雞 + 滷雞腎 + 雞湯白菜 老火湯：紅蘿蔔蓮藕湯配白飯 (轉黃薑飯 +$3)華香雞 - 肉質嫩滑，少少香料味茶香雞 - 煙熏味較重，似有茶味豉油雞豉汁白鱔飯 $73米粉 +$5套餐份量嘅蒸鱔大約有六件，用木桶裝著啫啫聲送上枱，唔想食飯嘅可加$5改為米粉，都幾大碗㗎凍檸茶 +$3估唔到中菜館嘅凍檸茶，竟然唔錯喎！熱杏霜 $15