影片
更多
2024-03-14
600 浏览
今次去湾仔食晚饭，想揾间老牌啲嘅茶记食饭，最后揾咗一间算得上只系半间茶记嘅华香鸡，因为间餐厅主要系食鸡，见到餐牌话餐厅系1988年开业，老过我本人，叫咗一个四宝套餐，一个沙茶牛腩煲，另加一杯冻好立克，伙计好有礼貌，仲惊我哋啲衫会整污糟，帮我哋安排过埋啲嘅位置坐，不过第一句同我哋讲普通话，照睇我同我嘅另一半都唔似旅客，可能有好多旅客嚟呢度帮衬啦。 佢嘅四宝套餐有华香鸡、茶香鸡、卤水猪耳同埋卤水猪腩片，上枱个样唔太讨好，打卡就麻麻，招牌系华香鸡，但真心感觉华香鸡冇咩特别，唔当佢系咩特别菜式嘅情况下味道都唔错，茶香鸡反而好有惊喜，我哋两个都觉得茶香鸡比起华香鸡好食，茶香鸡系真系有茶叶味，系好似将茶叶烟熏咗落去啲鸡度𠮶只味，唔会过分浓烈，至于卤水猪耳，同埋卤水猪腩片系合格，但唔算出色，所以再比我拣，我会拣叫个净茶香鸡。 之后嘅沙茶牛腩煲，非常出色，个沙茶汁好正，捞饭一流，后悔叫咗佢小饭，个煲系木桶加煲上，上到枱嘅时候系咋咋声，仲好滚，所以上咗菜冇耐啲沙茶汁就越来越少，但系佢啲配菜洋葱加少少汁捞饭已经够晒味，个牛腩唔系话牛腩专门店食𠮶啲崩沙腩，只系普通牛腩，但系啲牛腩一啲都唔差，肥瘦均匀，亦都煲
佢嘅四宝套餐有华香鸡、茶香鸡、卤水猪耳同埋卤水猪腩片，上枱个样唔太讨好，打卡就麻麻，招牌系华香鸡，但真心感觉华香鸡冇咩特别，唔当佢系咩特别菜式嘅情况下味道都唔错，茶香鸡反而好有惊喜，我哋两个都觉得茶香鸡比起华香鸡好食，茶香鸡系真系有茶叶味，系好似将茶叶烟熏咗落去啲鸡度𠮶只味，唔会过分浓烈，至于卤水猪耳，同埋卤水猪腩片系合格，但唔算出色，所以再比我拣，我会拣叫个净茶香鸡。
之后嘅沙茶牛腩煲，非常出色，个沙茶汁好正，捞饭一流，后悔叫咗佢小饭，个煲系木桶加煲上，上到枱嘅时候系咋咋声，仲好滚，所以上咗菜冇耐啲沙茶汁就越来越少，但系佢啲配菜洋葱加少少汁捞饭已经够晒味，个牛腩唔系话牛腩专门店食𠮶啲崩沙腩，只系普通牛腩，但系啲牛腩一啲都唔差，肥瘦均匀，亦都煲得好腍，沙茶好入味，绝对系有水准之作。
最后杯好立克，正如我所讲，间餐厅顶多叫做半间茶餐厅，所以杯好立克都系水准之下，可以嘅唔需要叫嘢饮，整体唔错，价钱亦尚算实惠。
四宝套餐
68 浏览
0 赞好
0 留言
沙茶牛腩煲
51 浏览
0 赞好
0 留言
张贴
