影片
营业时间
今日营业
11:30 - 23:00
星期一至日
11:30 - 23:00
以上资料只供参考，请与餐厅确认详情
中午出去食飯見到呢間專食雞既”華香雞”，望完餐牌都覺得幾吸引於是就決定一試，用雞黎做招牌菜就當然一定要試雞，於是叫左個華香雞拼茶香雞，另外再叫左一個沙茶牛腩煲，兩個餐都揀跟例湯。見佢應該係主打健康，個例湯飲落都唔覺有落味精幾清甜。雙拼雞上菜一望都果然真健康，岩岩好都係雞胸位置，低脂之選! 幾欣賞佢薑蓉係自己打，唔會太重鹽，食落唔會過咸幾舒服。就咁睇表面2款雞顏色就好似切雞拼油雞咁，而事實上華香雞食落去味道都的確似係白切雞，無乜驚喜。反而茶香雞一入口好濃烈既煙燻茶香湧入鼻腔，就算雞既部份係比較鞋，但香味有補救到，如果下次再食一定會叫茶香雞就算。另外叫既沙茶牛腩煲一上菜滾住咁黎，沙茶味好香濃，個汁用黎送飯一流，牛筋煮得好淋好食，而牛腩就比較普通，可能唔夠肥所以比較有咬口，如果有淨牛筋叫就好。不過話晒呢間餐廳本身主打食雞，咁就對牛腩唔會太高要求。
继续阅读
今晚又到｛華香雞🐔｝食晚餐，小店空間唔大，唔算坐得好舒服，不過店員好好，會儘量安排多啲位置俾食客，所以即使嗌到成枱都係嘢食，都唔會好迫👍🏻加上店員好Nice同殷勸，加分！✴️華香雞＋茶薰雞雙拼雞✴️雞肉走結實路線，有嚼頭，唔係好滑好嫩嗰款～茶薰味好濃，連雞肉都有煙薰香氣💨華香雞就普通啲，味道較淡～✴️金牌滷水拼盤✴️有豬腩肉、豬手、豬耳、雞腎同滷蛋🥢好實在嘅一碟滷水，無咩花巧嘅調味，食落唔會好鹹好甜，唔錯👍🏻
继续阅读
88蚊一人豪華套餐拎走，招牌寫明呢個套餐入面係雞雙拼+雞腎，返咗屋企先發覺店家未俾雞腎，轉咗豬腩片。關鍵在於成個流程完全無人告知或征求意見，店家完全自作主張。我唔食豬同埋聞到豬肉陣味會嘔，咁所以呢餐飯完全無辦法食落口。打電話同店家argue, 店家話「可能係雞腎賣嗮」，之後cut咗線，再無聯絡。如果賣嗮點解你唔出聲，反而靜雞雞咁轉咗豬腩片？點解強賣d客唔食嘅嘢？宜家香港d食肆服務真係離嗮譜，唔怪得d人週末個個北上深圳食嘢。
继续阅读
餐廳主打華香雞和茶香雞，另外亦提供鱸魚煲和蠔仔煲，是一個不錯的健康外食選擇。餐牌印上字句「懷舊的味道，健康的國度」。.🥗 一人豪華套餐 $88套餐包括華香雞拼茶香雞、鮮雞腎、雞湯白菜、老火湯、白飯（+$3轉黃薑飯）。✿ 招牌華香雞「秘製招牌白滷水浸製而成，經典口味，雞味濃郁」✿ 烏龍茶香雞「秘製醬油及烏龍茶煙燻製成，茶燻味濃，齒頰留香」雞肉尚算嫩滑，但也視乎部位。華香雞沒有甚麼特別，像一般的鹽焗雞。茶香雞能吃出淡淡煙燻味，但茶葉味不突出，味道像煙燻鴨胸。不過兩者的味道都比較停留於雞皮表面，像我這些不吃雞皮的，味道可能沒有很濃郁。✿ 鮮雞腎爽口入味，帶點沙薑味。雞腎是很適合增肌減脂的部位，每100g有16.6g蛋白質，只有2g脂肪。✿ 雞湯白菜清淡不另加油的焯菜心，是外食少有能吃到健康少油的菜。✿ 老火湯紅蘿蔔豬骨湯，湯料不多，略帶清甜。✿ 黃薑飯黃薑粉含有薑黃素，是一種抗氧化物，有助抵抗自由基對細胞的侵害，提升身體免疫力，以及延緩衰老。薑黃素亦具有抗炎的功效，對舒緩關節炎有一定的作用。此外，薑黃素亦可抑制血小板聚集和血栓形成，有助減低患上心血管疾病風險。薑黃粉亦可以調節脂肪代謝功能，協助身體的壞脂肪分解，增加好脂肪形成，幫助身體產熱，提升新陳代謝瘦身的效果。.$88能吃到豐富又健康的晚餐，有雞有菜有湯，性價比不錯，只是味道沒有很大驚喜。.健康評分：5/5性價比：5/5.華香雞 (灣仔)灣仔駱克道368-374號百齡大廈地下G2號舖
继续阅读
今次去灣仔食晚飯，想搵間老牌啲嘅茶記食飯，最後搵咗一間算得上只係半間茶記嘅華香雞，因為間餐廳主要係食雞，見到餐牌話餐廳係1988年開業，老過我本人，叫咗一個四寶套餐，一個沙茶牛腩煲，另加一杯凍好立克，夥計好有禮貌，仲驚我哋啲衫會整污糟，幫我哋安排過埋啲嘅位置坐，不過第一句同我哋講普通話，照睇我同我嘅另一半都唔似旅客，可能有好多旅客嚟呢度幫襯啦。 佢嘅四寶套餐有華香雞、茶香雞、滷水豬耳同埋滷水豬腩片，上枱個樣唔太討好，打卡就麻麻，招牌係華香雞，但真心感覺華香雞冇咩特別，唔當佢係咩特別菜式嘅情況下味道都唔錯，茶香雞反而好有驚喜，我哋兩個都覺得茶香雞比起華香雞好食，茶香雞係真係有茶葉味，係好似將茶葉煙燻咗落去啲雞度嗰隻味，唔會過分濃烈，至於滷水豬耳，同埋滷水豬腩片係合格，但唔算出色，所以再比我揀，我會揀叫個淨茶香雞。 之後嘅沙茶牛腩煲，非常出色，個沙茶汁好正，撈飯一流，後悔叫咗佢小飯，個煲係木桶加煲上，上到枱嘅時候係咋咋聲，仲好滾，所以上咗菜冇耐啲沙茶汁就越來越少，但係佢啲配菜洋蔥加少少汁撈飯已經夠晒味，個牛腩唔係話牛腩專門店食嗰啲崩沙腩，只係普通牛腩，但係啲牛腩一啲都唔差，肥瘦均勻，亦都煲得好腍，沙茶好入味，絕對係有水準之作。 最後杯好立克，正如我所講，間餐廳頂多叫做半間茶餐廳，所以杯好立克都係水準之下，可以嘅唔需要叫嘢飲，整體唔錯，價錢亦尚算實惠。
继续阅读