半熟工房 (已結業)

甜品癮起, 入左vcity呢間半熟睇睇..今次買左呢兩款:半熟朱古力撻雖然出左一段時間, 但之前淨係食開抹茶芝士撻同埋原味芝士撻, 都一直未試呢款! 一買完即刻在店內食埋先...原來好好味囉... 拎上手仲係暖暖地, 一咬真係不得了, 朱古力味好香濃!! 入面既朱古力餡保持一貫既半熟滑溜質地, 好似朱古力mousse咁, 撻面口感都正, 一樣好香朱古力味, 就連撻皮都有朱古力味,  唔係普通既牛油撻皮! 雖然全部都係朱古力味, 但好彩又唔會好甜, 所以食完一個都唔覺膩口~ 瞬間鯨吞一個冇難度! $22一個, 我覺得抵食過4,50蚊既心太軟好多..完熟水果蕃茄啫喱包裝盒好靚好吸睛, 原價好似賣$16定17, 而家買任何一樣野再+$9就買到了~ 咁抵就當然試試佢啦...回家後即刻試下! 口感幾特別, 唔係以前食開既四方果啫喱嗰種, 而係類似寒天嗰種口感.  味道黎講, 蕃茄味好香, 酸甜度亦恰到好處, 好清新既感覺, 幾好食, 有驚喜!! 鍾意食蕃茄味既人應該會比like

好不容易等到芝士撻熱潮過去，終於可以來試一下這大熱抹茶芝士撻！店舖就在屯門西鐵站C出口，位置便利。走進店內沒有預期的香氣四溢，原來試業期間的芝士撻都是由牛頭角工場運來，不是新鮮即焗，略為失色。抹茶芝士撻 $22整個抹茶芝士撻包括餡料和撻皮都是一抹青綠色，撻面平坦，不像一般的漲卜卜。抹茶芝士餡非常細滑，入口溶化；茶味香濃，甘中帶苦；惜撻皮偏軟，欠鬆脆，可能因為非新鮮出爐，室溫之下亦不見流心效果。單從味道來說相當不俗，但口感則可更佳，價錢亦偏貴，希望遲些會有新鮮焗製的芝士撻吧。

一直去呢度都只係買芝士撻吃, 見佢都有好多其他甜品出左, 好奇心驅使下決定今次試下啦!西餅櫃內放左好多唔同款...件件都精緻好好味咁, 煩惱左一陣最後要左呢個Mango Mille Feuille, 中文應該係芒果千層酥或者拿破崙. 估唔到原來好好味呀! 口感好鬆脆~酥皮又薄又脆~ 芒果粒又甜又軟唔會酸, 中間既吉士醬和cream好濃滑好好味, 成件事好有層次!相當GOOD 雖然$45一件西餅感覺有少少貴, 但食到一件好味既拿破崙 $45其實係抵食!另外, 仲試左"布雪", 開頭唔知咩黎, 經店員解釋下再睇下產品資料覺得蠻吸引, 就買來試試看吧!  買左雲呢拿, 抹茶同埋朱古力flavour.  拎上手感到佢好輕柔, 軟綿綿的, 食落去好鬆軟, 口感唔錯, 而裡面夾住既餡好香滑, 甜度亦恰到好處, 就算同表面的糖霜一齊食都唔會過甜.  而我試呢三隻flavour之中,  其實各有各好食, 抹茶flavour就特別D~因為仲帶有淡淡既茶香! 下次會試埋海鹽焦糖同埋士多啤梨flavour!

Happy Friday來一頓快樂甜品下午茶, 到了半熟工房選購了兩瓶半熟紅豆綠茶布甸和一件布雪~ 好好味!! 滿足了~半熟紅豆綠茶布甸:上次試過了焦糖雞蛋布甸, 今次紅豆綠茶布甸依舊質地很軟滑, 吃落去口感好creamy, 綠茶味幾香, 仲有一層紅豆在底部, 幾好食! 下次會試埋芝士布甸布雪:之前睇人地網上的相片以為是細細個的, 今日見到實物原來都幾大個~有4款味道, 首次先試一試原味. 兩片軟綿綿的鬆軟蛋糕, 中間夾著creamy香滑的北海道3.6牛乳忌廉, 好味道! 牛奶味和蛋味都好香~很喜歡這個蛋糕~又唔會過甜, 食完仲透心涼. $15咁大個好抵食!

本身已經食過幾次芝士撻，今次一入到鋪頭見到布雪幾吸引，15蚊一個，就買左黎試，外面有蛋糕既鬆軟，好soft，裡面好似夾住雪糕咁，味道唔錯！仲有其他味道揀，最後都係試原味

今日經過 v city 行入initial 嗰頭 見到間半熟工房 咪諗住試下啲cake 半身想試個芝士撻 但可惜自己太飽 所以唯有食其他 我今次叫咗baked cream cheese cake 同抺茶仙縱 Baked cream cheese cake 芝士味唔濃 同時都唔香 我好後悔🌚另外 抹茶仙縱 其實係一層馬卡龍 再一層raspberry cream 食落口唔會感覺到馬卡龍種甜好突岀 但始終一般🙁 同價黎講 有好多選擇都好食過佢

今晚放工入左屯門同朋友食晚飯, 晚飯後行行下見到原來商場開了一間半熟工房, 就去買少少甜品吃啦! 本身見到芝士撻好想買...不過個撻都幾大隻, 食完飯又怕食唔落, 所以唯有留番下次先試啦. 最後同朋友揀左呢款"半熟焦糖雞蛋布甸"($22)一人一樽.拎上朋友屋企慢慢嘆, 呢個布甸真係勁正...首先係布甸好有雞蛋味, 牛奶味亦都好香, 真係食到北海道牛奶果種味. 布甸既質地好軟好滑, 口感好好, 平時食開既雞蛋布甸都冇呢一款咁"林"咁好食既質感.  加上仲有少少焦糖在樽底, 撈埋一齊食仲可以用焦糖味中和左布甸既甜膩! 買果時見到仲有另一隻芝士布甸, 下次一定會再試下!

今日行街見到芝士撻好想食買左7件，2件個朋友要，5件我預埋屋企人職員話原味芝士撻要等10分鐘我要左2件原味 2件朱古力 1件抹茶但返屋企先發現佢變左1件choco 2件抹茶由於原味同朱古力新鮮出爐既關係芝士餡較軟心，不會太漏抹茶味比我想像中偏淡，冇咩苦澀味朱古力味好濃，有d 似mousse以上3款味較愛原味，因另2款會蓋過芝士味，甚至食唔出有芝士既感覺

話說對上一次喺北海道旅行，肥妹女友口痕走去試食日本嘅芝士蛋糕，肥妹女友猛讚人地試食豪爽，一個大約手掌咁大嘅芝士蛋糕，比四分一你試，一放入口，果種口感香滑到不行，芝士味濃，70-80蚊有8粒，望住出面白雪雪嘅雪景，都真係咪話唔寫意！講返轉頭，返返黎現實，就因為上次品嚐到咁美妙嘅芝士蛋糕，今日經過呢間半熟工房，見到呢盒半熟芝士蛋糕，突然鈎嘅起北海道美好嘅回憶，老老豆豆，我真係什少會買雜食or甜品，通常都係肥妹女友自己狗衝去買，㩒都㩒唔住，但今次我好順勢咁同店員講要五件裝，仲比埋錢，我覺得果一刻有種鬼迷心竅嘅感覺返到屋企沖個涼，安坐家中，係時候品嚐一下呢個港產芝士蛋糕嗯，打開個盒，唔係幾聞到芝士味，滑，的確夠滑，嗒落芝士味都夠濃郁(當然日本的味更濃)一件蛋糕咬三口，蛋糕嘅細滑就好似mock左殼嘅雞蛋咁滑，以本地薑黎講，有呢種質素都算係咁，當然平返小小就更好啦～眨下眼食左两件，沖返杯日本綠茶，睇一下日本風情畫，就好似去左日本咁~今晚早啲訓先！

半熟系列食品而家大行其道,耳聞日本另一個人氣品牌準備來香港，公司附近商場最近開了半熟工坊,而家不用再排隊了 ,每次經過屯門店冇人龍,就算放工去買好易買到，今次買了曾經推出綠茶半熟蛋糕，半熟工坊同台灣另一個品牌食法有分別，台灣個個半熟蛋糕亦買過，台灣個個蛋糕可以凍食同熱食冇問題，半熟工坊呢個只可凍食，其實買過原味試過熱食，個人覺得熱食比凍食,今次吃綠茶半熟蛋糕，講賣相的話,香港本土品牌的確比台灣個個好睇,味道大家各有千秋，我覺得半熟工坊拎出去行一陣街方便好多，當我買完綠茶蛋糕返屋企有些小期待，坦白咁講,我有些小失望，綠茶味道不夠濃郁，綠茶個種回甘味道吃不出,甜味就剛剛好，綠茶半熟蛋糕比原味貴10元,我真是不習慣凍食,凍食味道真是差些小，屯門店服務都OK啦,好彩不用排隊，屯門店相比TST店人流有所不及，勝在方便我這個新界人以後不用去太遠 ,價錢85元有5個 ,我用來做早餐，下次只會買原味味道綠茶半熟蛋糕，綠茶味不夠濃郁，至於綠茶回甘味道好少,勝在甜味剛剛好賣相半熟工坊比較好睇Ｄ服務我覺得都OK環境屯門店算是3間分店,地方最大和裝修最靚，在店内不會感覺太迫價錢85元/5個

芝士撻雖然大行其道但係好快就畀另一個風潮蓋過咗 就係半熟芝士撻 因為有好多鍾意食芝士撻嘅人都會發覺中間嘅芝士流心雖然叫流心但係流得唔夠快亦都唔夠軟滑口感 所以為咗滿足另一批追隨更高層次嘅食客們所以研發出嘅半熟芝士撻 雖然今日係平日但係仍然要排隊 我排咗差不多20分鐘就可以買到半打半熟芝士撻 芝士撻係牛油批邊所以好重牛油味 咬落去好香脆好有口感 中間係半熟芝士 芝士味好濃郁比傳統芝士撻更為突顯芝士嘅香味 入口可以做到即溶效果 難怪每日都有好多人慕名而來

朋友生日，咁啱屯門開咗呢間半熟工房，今次都係第一次去試～呢間出名既係芝士撻，但今次買咗Japanese Green Tea Layer黎試，綠茶味重，雖然有白朱古力，但感覺唔會太甜，中間仲有紅豆～至於個cream咩味我就唔係好食得出喇～食完都唔會好濟～我地仲配埋枝果酒～不過唔配好啲～haha~

今曰見到這分店沒有人排隊，我就二話不說的買了綠茶芝士撻試試看。芝士撻用紙袋盛著，大小同bake 的相約，但撻皮明顯比較薄，但依然香脆可口。芝士饀的綠茶味道濃郁，帶少回甘味，但有點蓋過了芝士味。感覺食綠茶撻多點，而不見流心效果。以二十二元買個小小的綠茶撻而又要排隊的話，應該不會了。

原來喺屯門都開左分店，見人少少買左個芝士撻試下。芝士撻真係要熱辣辣咁食先正，好彩呢度嘅拎上手都係熱嘅。size好似一般蛋撻咁大，流心度唔錯，撻皮亦都鬆化，但芝士怪會認為芝士味唔夠濃。呢個價錢黎講整體一般。

半熟甜品已經融入了我的生活𥚃，很多芝士甜品也有半熟名稱，日本的芝士半熟甜品已經令香港人著迷半熟工房其實是凱施餅店的𣄃下品牌半熟芝士蛋糕$75～一盒5件，芝士味濃厚口感幼滑，中間流心效果非常好味，軟滑香濃的芝士味好突出，一口氣食2個也沒有問題綠茶味芝士半熟蛋糕$85～綠茶味香滑，但沒有甘甜的味道，有別於一般綠茶味蛋糕，但味道也不錯芝士味也香濃，但小妹較like 原味這兩款味道的半熟也是朋友送給我的,感謝我的好友給我送上美味半熟蛋糕