半熟工房 (已結業)

老闆過時過節通常請食美心水果撻，今次搞搞新意思，請食芝士撻。係幾有新鮮感，個皮好脆，有少少杏仁味，芝士餡亦沒有過熟，有流心感覺，而且食得出有兩三種芝士既味道，不過太飽滯和太邪惡，如果細一半會好d。我好多同事都無食，可能怕太肥、卡路里太高，剩左咁多，所以我食左兩個。😂😂我真心覺得芝士撻唔係個個岩，熱潮過後如果無新野出，就好快做唔住。

有一陣子，半熟芝士撻大受追捧，還記得在銅鑼灣某日式超市有專門店，排隊等著朝聖的人，簡直是神龍見首不見尾，為了吃個撻而花時間排隊，在下實在不願意，熱潮過後，能站得穩住腳未關門大吉的，應該水準不會太遜色吧？這天惠顧的是她，本身只在凱施餅店寄賣，後來開了專門店，除了芝士蛋糕之外，還有半熟芝士撻供選擇。半熟芝士撻(原味)撻皮戳脆不糊口，中間的Cream Cheese 呈流心狀態，濃郁芝士香中帶著少許忌廉芝士獨有的酸味，一人獨享也不會太膩，二人共享更可再來一客。半熟抹茶芝士撻再來一客當然要試試其他口味啦，來個在下最愛的抹茶口味吧，呈墨綠色的她，色澤已經先給了好感，內餡也是展現綠色的更期待，立馬咬一口，抹茶的味道已經感覺到，再吃多口時，抹茶味就更有回甘的餘韻，那麼芝士味呢？那麼霸道的味道當然還存在啦，芝士味中滲抹茶香，抹茶味又滲著芝士香，小的較喜歡這個口味呢。

除左芝士撻，半熟工房都有唔少side products, 今次就試左半熟芝士蛋糕同布雪， 半熟芝士蛋糕咬落去超軟，但又唔會散，中間部分係芝士，都係入口即溶，一d都唔膩，一次過食2,3件都得。 而布雪就好似泡芙咁，中間夾住d cream, 有好多唔同味揀，今次試左雲尼拿，朱古力同士多啤梨，d cream好幼滑，唔同味都好出，值得一試！ 而家唔同分店有唔同既package優惠，可以去睇下！

仲記得一開頭開嘅時候排長龍真係為咗一個半熟芝士撻，隔左一排之後終於唔使排隊就買到喇！如圖所見試咗三款產品第一款係比較迷你嘅芝士蛋糕，第二係布雪，另外就係比較昂貴嘅全個芝士蛋糕準確來講迷你嗰款芝士蛋糕，係三個產品入邊最吸引嘅位，所以推介！但係比較昂貴嘅芝士蛋糕也很好只不過昂貴了！好似泡芙樣嘅布雪呢就有四五種口味，今次試咗抹茶口味都有好口感！

今晚同老婆系屯門食完晚飯，行經vcity時買左半熟工房布雪蛋糕，老婆話食過好好味，咁我都幾有興趣試下，所以買左一盒番屋企試。之前食過佢既芝士蛋糕，味道都吾錯。今次呢款個名都好特別，蛋糕質地入口非常鬆軟綿密，中間cream非常重奶油香味，老婆話覺得甜左d，但我又覺得ok喎😆

系屯門食完飯番屋企前去半熟工房買盒布雪蛋糕比老公試下，因上次去朋友屋企，在朋友推介下試食，又真系好好味喎。所以今日見屯門有分店，拿拿聲買盒來食，順便等老公都試下正野😁😁原來除左原味，仲有朱古力味，開心果味，但得番原味同朱古力味。由於上次食到尾聲時覺得有d過甜，老公話吾要朱古力味，所以買左成盒都原味😂蛋糕面有層糖粉，好似舖左層雪咁，配合番個名😂 蛋糕質地好鬆軟，幾滑口，中間層cream真系好香😋😋

查實呢款芝士蛋糕都興左好耐, 但我就好out地一直未去試, 咁岩今個月頭見到OPENRICE手機APP出左優惠劵可以用85折買盒5件裝, 於是就驅使我去左屯門VCITY買左一盒黎試了. 呢款蛋糕係用北海道特濃奶油芝士再配日本麵粉同法國牛油黎整既,  個半熟口感真係幾特別, 以往未食過咁樣口感既芝士蛋糕, 咬入口會覺得寧舍細膩同軟綿既, 質感好幼滑, 而且仔細望真D件蛋糕有分上下兩層唔同質地咁, 上層係一大層好creamy既半熟芝士, 下層就有D海棉蛋糕做個底部. 味道黎講亦都係好OK, 芝士味即使咁濃郁但又唔會覺得漏, 可能因為佢個口感同埋每件都係細細件啦, 所以用黎做飯後甜品真係岩晒. 平時就咁買一盒五件無折扣要$75, 雖然淨睇價錢上有DD貴, 但咁好味既話之後間唔中都會繼續買黎食.

芝士撻（$22）👅好耐之前試過Bake既芝士撻幾濃味而且係流心既😍半熟既芝士撻就唔係流心，而係入面軟滑既口感😆撻有原味、抹茶同朱古力😜😜原味我覺得少膩🤔不過芝士控應該會幾like😗我就最中意抹茶味😋唔甜而係帶苦甘味🍵朱古力都唔錯👍🏻甜度岩岩好似心太軟😝😝個撻底就普普通通啦～有個食法係放入雪櫃雪凍黎食🤗🤗味道會更香濃同埋好似食緊雪糕咁😙😙😙最中意食呢到既布雪😋軟綿綿既海綿蛋糕夾住北海道忌廉👍🏻

上星期日要返公司加班...本身灰到爆...但好彩老細都識做, 又請食晏又請食甜品. 食完個甜品都開心滿足...就係呢個叫布雪既甜品. 老細專登過vcity買甜品比我地食, 我今次係第一次食, 個樣都幾可愛, 好似一個放大既marcaron, 而實際上佢係一件夾心蛋糕, 聽落好似冇乜特別, 但食落去蛋糕出奇地非常鬆軟...口感好得, 雞蛋味好香濃, 夾住D朱古力cream食落好柔滑, 好正. 朱古力味幾濃又唔會死甜, 唔會有好甜膩既感覺. 上面有D糖霜甜甜地 (可能因為糖霜所以個名有個"雪"字?) , 整體好食呀! 同事就食左抹茶味同原味聽講都唔錯.

上星期試左double fromage - chocolate flavor, 包裝幾靚, 用左一個圓木盒裝住, 打開後即刻聞到朱古力香味! 上面奶白色一層有著清香既cheese flavor, 唔係好濃烈果種芝士味, 而類似係tiramisu用既芝士咁! 呢層仲有陣香香地既牛奶味~下面深啡色一層就係最期待既半熟朱古力, 呢層朱古力味勁香濃, 口感濕潤, 有少少似Brownie入口即溶咁樣, 兩層夾埋一齊食都幾好味,  overall 甜度恰當, 質地亦都好軟滑, 吃落口果種口感都幾正. 下次都可以encore!

新推出左個半熟奶皇芝士撻 意想不到既流心效果 個款有九成似周記點心奶皇西多士 黃油溢出既樣何其邪惡 食落奶皇部分都平均每啖有滿滿既味道 愛奶皇既朋友勿錯過 而芝士部分未算濃烈 所以整體就好似食奶皇包既味道 有股咸香殘留口腔 夠晒傳統風味 撻皮酥脆 今次我好buy!

奶皇芝士鐽😍😍😋😋😋下層奶皇鹹香味適中，又唔太甜，而且大廚今次專登減輕咗芝士饀的芝士味，用奶味重的芝士嚟做饀，令奶皇味特出之餘又唔會無哂芝士味。至於改良後的撻皮做到鬆脆的效果，同奶皇簡直係絶配，值得推介。

出左一段時間...終於去買了這個半熟芝味二重奏蛋糕試~ 它有原味, 朱古力和抹茶三款口味的. 今次買左原味試下先~ 蛋糕用上北海道芝士及忌廉及九州雞蛋造, 蛋糕第一層係質感軟滑既忌廉芝士, 第二層係芝士味道超級香濃既北海道芝士, 最底層就係輕柔既海棉蛋糕...整體來說半熟芝味二重奏蛋糕口感真係好幼滑, 食落好light,  上層少少似mousse, 下層則creamy濃稠啲, 一口就食到雙重口感, 仲唔係好甜, 唔會覺得漏, 一句講晒..好味道!!

下午3點3 tea time,去半熟工房買了新出奶皇芝士撻，剩返最後2個，好彩買到要盛讚個撻，好好食撻皮鬆脆牛油味濃，芝士cream好light,奶皇咸蛋味香，仲有粒粒咸蛋碎，口感足，奶皇撻中間仲係流心ga個人覺得好食過原味同抹茶，味道豐富d索價22蚊，值得一試

半熟工房又出新口味，今次係香港人都喜歡的奶皇口味！上星期同Mr.K去尖沙咀上完調酒班，立即去買兩個當消夜。見差不多收舖外賣就好。店員細心包好，臨走時仲提醒我地最好快點吃，流心效果會更明顯。奶皇芝士撻　$22最後都係第二朝的早餐，隔左夜除左唔熱外，半熟口感依然在，明顯見到有芝士層同奶皇的分層，酥皮夠脆身鬆化，當然趁熱食會更吸引。奶皇餡有沙沙質感，咸咸香香夠，有點像吃流心奶皇包，芝味不太明顯，不會太膩。相比以往的口味，這個最得我的歡心，我可以自己KO一個。Kawai 口味排行：奶皇＞朱古力味（有人Share就最好）＝ 抹茶 ＞原味。