半島精品店與咖啡廳

营业中

休息中

大王要放假冷靜，放假前送黎兩個Cake.本身未食過, 睇賣相普通, 但係見到就百般滋味在心頭.食落有朱古力味, 唔太甜, OK. 但係Cova既朱古力cake就好味好多.可能心情影響, 冇乜胃口, 心有所失, 期待星期五有好消息!!

時間與味道 Peninsula Boutique Chestnut Roulad HK$60 見今日早左收工, 急急忙又跑到尖沙咀辨點事, 心思思買了二件栗子卷辨完事到返屋企後已經倆個多小時於是急不及待地解開拍照 記憶中和我 09 年尾買到的樣子差不多, 也是我喜愛的栗子多到爆 大注放進口中時, 居然有點點酸味 ??? 不相信..再食…..再食… 食下食下倆件卷已餘下半件, 咁大個女係首次會食唔晒 …. 好可惜的樣子 之後成晚腸胃已唔多聽話 最後要睇醫生收場 其實都估估下件卷係咪因為過長時間處於室溫而變味, 但死都唔信邪 , 於是食左 都係自己衰, 當又上多一課囉 ! 苦了甜胃 ~

月餅食得多，半島的年糕還是第一次試。今年出了三款口味，分別是原味、薑汁柚子味以及黑芝麻味，我買了三盒(兩盒黑芝麻、一盒薑汁柚子)，送了兩盒俾人，留番黑芝麻自已品嚐。煎了幾件來試，剛煎起，外層自然香脆，裡頭是煙韌，味道稍甜，帶點黑芝麻的香，蠻不錯的。我想，如果可以減些少甜度，再加蛋去煎，會更加對辦。老豆話唔值咁既價錢，不過半島這個品牌，信心保証，係咁上下啦！

一月下旬失驚無神一盒味道唔錯的半島朱古力，其實唔多喜歡半島的白朱古力，但佢地黑朱古力味道唔錯，尤其是夾芯餡，外脆「卜」脆，餡夠流芯亦夠能，可可味濃，不錯的，當然用作送禮，相信會更令人開心。謝謝。

星期六,契媽仔仔結婚請左我一齊去咁大個女, 真係第一次要半島好大,好靚,好高貴呀!!!一入門就有隊樂隊係度拉, 好似去左外國咁8點正式入席食物同外面既大酒樓唔係差好遠..又唔係特別好味真係貴在氣氛好!!!聽契媽講,一圍都成萬幾蚊真係有錢至考慮啦..如果唔係就對自己荷包唔住啦最欣賞佢個蟹肉魚翅..好粗既魚翅!!!好足料...

先多謝友人的豪氣，這個半島約定很美好呢。在酒樓吃過晚飯，就來吃個士多啤梨忌廉卷吧。外皮仍是脆脆甜甜的，內裡的忌廉頗滑也很鮮，有點點士多啤梨味。蛋糕也算鬆軟，整體水準果真是不賴的。尤其這次是驚喜的飯後甜品，心情大好之下任何食物也加分了。所以話，心情好與壞也會影響味覺的。還有盒朱古力拖肥！包裝精緻，朱古力也很滑，水準中上啦。做這行，也要勇敢向前，各位往昔戰友加油呀！

鄙人喜食栗, 如炒栗, 又或甜湯; 卻極討厭吃栗子蛋糕, 蓋因從未試過一次是好吃的, 大多數餅店的出品都是有點微苦, 再加一點的霉味, 好像隔夜的"叔"味。懷疑所有餅店都是用同一間供應商的罐頭栗子醬, 所以全部都同一樣味, 霉, 叔, 苦。試過多次之後, 從此不再吃栗子蛋糕。女友知小弟喜嘗新, 買來了半島的栗子卷。小弟一見即苦笑, 唔係化, 咁玩我呀...無計, 照食。竟然無霉, 叔, 苦味。仲幾好食喎, 難得...在小弟眼中, 這個栗子卷就好像發出了幸福的光環一樣...從此小弟可以多一個美味選擇了～～～～不過...這個栗子卷的的缺點是, 栗子味極輕極微, 必需十分留心才會覺出那淡淡的栗子味來。

一早已得知半島推出栗子卷~但一直都冇有機會買黎一試…今晚去開sogo shopping, 就下晝打去留定先~費事去到冇晒….其實當我打去時都只剩番3件~收工即刻過黎拎餅~因為呢度close 19:00…定價$30/件..價錢可接受~件頭唔細…大概吋半x三吋半.. 放上raspberry做presentation~卷住既蛋糕好軟熟~入面既栗子蓉佔左7成~栗子蓉口感好滑…唔太甜~食到少少栗子粒…最好係完全冇Swiss roll既白色cream~行完街..消耗左d體力~有呢件dessert做宵夜~真滿足~唔知道它會供應到幾時呢….

早已聽聞半島酒店的西餅水準一流.第一次接觸係中秋迷你奶黃月; 睇網上食評都知,個個有讚無彈,因為真係好得!另一馳名係士多啤梨瑞士卷,不過我未試過.有日,同事即興地預訂了半島西餅的新產品 - 栗子瑞士卷.外型同士多啤梨瑞士卷如出一轍,只係中間的cream變成栗子蓉.賣相精緻,拎上手第一個感覺係'好濕',因為中間極大範圍係栗子蓉; 大力少少都會整爛件蛋糕,所以食的時候都有少少狼狽...食落口大大'pat'栗子蓉好滿足! 質地OK滑,出奇地唔太甜. 外層蛋糕相對地較薄同濕,如果可以'實'些少會更perfect.

遲來遲來遲來了的食評過左國慶, 過埋中秋, 過埋重陽, 先黎寫月餅。說真的, 真係遲左好多, 不過有心唔怕遲啦今年又有客拎月餅上公司, 分到一個迷你蛋黃月及一個迷你奶黃月。迷你蛋黃月就無食到, 屋企人食左奶黃月上年都食過一次的了, 大大舊奶黃, 充滿著奶香, 又帶著點點的咸香, 一口, 兩口, 己解決了整個月餅。食完, 仲回味緊個月餅, 真想食多幾個。今年吃了半島, 九龍酒店, 奇華, 美心的奶黃月, 中秋節真的很快樂 !!!

有1年..考完a-level暑假到了dfs工作,同事們推介半島迷你奶黃月餅~因為有DISCOUNT..今年就買一盒試下啦~~去到CANTON MARKET話賣曬.....失望之際..有個同事話有1人留左一合...可以比住我先...立即笑逐顏開.....包裝好精緻...送禮不二之選~!!!!!而月餅皮薄餡靚...迷你SIZE...唔會滯~少少蛋黃香....好味..聽人講叮下會好食D..等我下次

知道佢會推出限量栗子卷 於是經常check 住推出日期, 點知等左幾個星期先推出 今日放工幾經辛苦買了三件栗子卷, 足足用了二個鐘先回家品嘗到於是急不以待, 拍照取出一件…份量 :十足形態: 正常的大蛋卷味道 : 清香栗子味, 栗子忌廉幼滑可口, 不甜溜, 蛋卷佔比例不多, 整件卷有70% 以上是栗子蓉, 栗子迷必食 連食倆件當晚飯

去年經朋友推介買了半島迷你奶黃月餅試, 食過後覺得超正, 所以今年繼續支持. 雖然整體PACKING跟去年一樣, 但貴氣仍然十足, 而月餅既水準都不變, 果然係高級酒店出品. 雖然係迷你奶黃月, 但個奶黃餡一d都唔迷你, 細細個但皮薄餡多, 已經好明顯將奶黃餡成為主角, 食時已可以品嚐到'啖啖'好香既奶黃, my favourite, 一個人食一個都唔膩, 如果用microwave'叮'一陣, 當個月餅暖暖地, 而d奶黃餡溶溶地咁食, 仲正呀.

除了傳統的月餅，也喜歡任何有奶黃的食物，而半島的奶黃月餅，試問我又如何抵抗呢？包裝精美也不用說，怎說也是六星級酒店的出品，門面功夫一定做得足，而每個月餅細細個的，一個人一次也可吃光整個，方便企理，不錯。說得久了也說回食物，其餅皮是介乎蛋糕及蛋撻牛油皮的中間，吃起來油潤香綿，但當然沒可能如蛋糕有鬆厚的感覺吧，畢竟這層月餅也真的是皮薄餡靚，內層的餡其實是奶黃加蛋黃的混合物，蛋黃是均勻的混進了奶黃餡之內，吃起來既有蛋黃香，也有奶黃的奶香，咬感鬆而不實，真的是一件很不錯的作品。在此也先祝各位食友中秋節快樂，人月兩團圓。

Got the mini moon cakes from Peninsula boutique, eight cute moon cakes in a box, two layers of four.The pastry was very buttery, and when the packet was opened, you could smell the butter from the pastry.The pastry was about 4mm thick, and tasted like the Taiwanese pineapple roll pastry, but softer.The egg custard in the middles was warm orange in colour, and the texture was dense like cheesecake.It was not too sweet, with full creaminess of the custard.