半島漁港/阿翁火鍋館

营业中

休息中

半島漁港/阿翁火鍋館📍：將軍澳唐德街1號將軍澳廣場1樓L1-104號舖🚗：將軍澳地鐵A2出口 步行8分鐘📞：+852 2368-3588💲：~HKD100/head for dimsumFood quality✔️：鮮蝦菜苗餃、流沙奶黃包👌🏼：半島水晶蝦餃、蟹籽燒賣皇、瑤柱火腿灌湯餃、蠔皇鮮竹卷、百花釀魚肚、蒜蓉蝦春卷、鮮蝦腐皮卷、蜜汁叉燒腸粉❌：椰汁紅豆糕總結：🤔話說我爸同我講想去半島飲茶 我打咗嗰突 後尾發現此半鳥非彼半島 真係令人貽笑大方 今次嚟飲茶🫖所有小點都正正常常 唔貴合理又幾好食 唔怪得咁爆場🤔蝦餃 燒賣皇同灌湯餃都大舊足料👍🏼🤔蠔皇鮮竹卷 百花釀魚肚同蜜汁叉燒腸粉都唔錯👏🏼🤔炸物嘅鮮蝦腐皮卷同蒜蓉蝦春卷就比較普通😋比較推薦係鮮蝦菜苗餃同流沙奶黃包 前者飽滿蝦都大粒 後者流沙包流沙效果一流😜😨好大間酒樓同埋超爆場 繁忙時段要輪候 服務就太忙冇咩人留意到你 舉手要舉一段時間先有人理你🫨

香港地已經好少地方無限時任食，適合三五知己一路食一路傾，有幾款湯底可以揀，我哋揀咗先食重慶辣雞鍋：雞肉嫩滑，香辣度適中，好惹味，之後仲可以轉芫荽皮蛋湯打邊爐環球海鮮盤：有海蝦、八爪魚仔、扇貝、青口，聖子都好新鮮，正到爆刺身拼盤：估唔到酒樓刺身都有依啲質素，刺身厚切新鮮，好有驚喜牛頸脊：油花分布均勻，牛味濃郁，食落好嫩滑，食左好多碟，好滿意至尊水餃皇：皮薄餡多，食落口感豐富蠔皇鮑魚扣玉掌：鮑魚大隻彈牙，同鴨掌都好入味（只提供一次)食完呢啲再食雞煲，都已經飽咗一半，最後轉湯底打邊爐，配料都好多選擇，有肉、海產、丸、餃子、蔬菜和面類任飲我覺得鱔片同鵝腸都好好食，好脆口，不停encore，店員服務好好，主動加湯收嘢食材新鮮無限任食值得一試

話說上個周末去咗將軍澳廣場嘅「半島漁港」，呢間餐廳以新鮮海鮮為賣點，食材每日直送，質素保證！🤩 今次我哋重點試咗幾道推介菜式，每款都係鮮味爆燈，絕對值回票價～等我逐樣同大家慢慢講！👇👇**清蒸藍瓜子斑🐟** 一上枱就被佢清新嘅賣相吸引，魚身雪白，油亮亮嘅，鋪上簡單嘅蔥絲同薑絲，蒸得啱啱好，魚肉細緻嫩滑，入口即溶，仲帶有天然嘅鮮甜味，完全唔需要過多調味，已經好滿足～✨**豉汁蒸大鱔🦈** 大鱔肉質厚實又彈牙，配上濃郁嘅豉汁蒸出嚟，啲豉香味滲入每一絲魚肉，鹹香味濃但又唔會搶走魚嘅鮮味，呢個真係必點之選！🤤**一蚊餸：白切雞🐔** 呢個一蚊餸真係抵到笑！白切雞雞皮爽滑，雞肉鮮嫩，仲帶少少雞油香，配埋佢哋嘅特製薑蔥醬，味道簡單得嚟又令人回味～一蚊食到咁高質，真係無得輸！🔥**白灼海蝦🦐** 鮮活海蝦一斤，白灼到啱啱熟，保留咗蝦嘅鮮甜同彈牙口感，蝦殼輕易可以剝開，沾少少醬油就已經好好味，呢個真係蝦迷嘅天堂～🦐💕**食後感：** 每一道菜都保持住高水準，食材夠鮮，味道清而不淡，啱晒鐘意海鮮同原汁原味嘅朋友～而且價錢合理，份量十足，食得飽又開心，真係無論家庭聚餐定朋友飯局都啱晒！😌

海鮮孖寶（$228起）好抵食，可以自由選擇兩款，有菜有肉有海鮮有主食選擇！超級推薦！同屋企人揀咗-清蒸藍瓜子 $298份量足，唔會好細條魚，清蒸方式保持魚的鮮甜，搭配大量蔥絲，沒有腥味，撈飯最啱另一款揀咗-燒乳鴿（2隻）燒製後乳鴿外皮十分酥脆，調味剛剛好另+$108 竹笙頂湖上素竹笙吸收了高湯的鮮甜，搭配菜心同大量雜菌，清爽脆口晚市必點 +$1 燒味 （2-4位） 至尊燒鵝皇 （星期1-5晚市，公眾假期除外）濃郁的燒香氣，燒鵝外皮帶有微微炭焦香，鵝肉肉味濃厚，油脂豐富，好鍾意佢哋嘅酸梅醬，鵝肉沾點酸梅醬後多咗種酸酸甜甜嘅味，更開胃清新👍🏼👍🏼

今日帶朋友去將軍澳廣場半島漁港食晚飯，之前食過佢地嘅一蚊燒鵝覺得唔錯，今次食過返尋味。酒樓面積好大，座位都好寬敞，坐得好舒服。我哋叫咗一蚊燒鵝，一啖咬落去，皮脆肉嫩，仲帶有少少煙燻味，實在好好味！跟住我哋又點咗清炒莧菜，清脆爽口，完全唔油膩，正好平衡咗燒鵝嘅豐腴。翠塘滑豆腐都唔可以錯過，豆腐滑得如絲，配上蝦仁和帶子，滲透入豆腐入面，口感一流。然後上湯焗海蝦伊麵，海蝦好新鮮，伊麵吸咗湯汁後更加入味，真係唔捨得停口。最後，仲有吊燒雞，雞肉嫩滑，皮脆肉Juicy，真係食到我哋心滿意足。整體嚟講，半島漁港真係唔錯，唔單止食得好，環境又好，絕對值得再返嚟！

發現 成日去嘅AEON樓下… 竟然有間好味中菜~ 超級大間, 仲要有優惠! 等嘢食嘅時候, 唔想睇電視/撳手機…可以睇魚樂無窮~ 打理得好好, 乾淨企理, 我忍唔住 慢慢睇, 開心心~ 仲可以睇師傅燒乳豬~ 我又係睇咗好耐… 好開心我哋揀咗: 海鮮孖寶 $298藍瓜子 拼 金銀蛋浸時蔬孖寶抵食喎,有海魚食, 仲要唔細條架, 咁開心嘅!?份量震驚咗我哋, 係超級足料!莧菜好嫩口, 完全冇渣, 我哋都忍唔住一路食一路讚~ 至尊燒鵝皇 $1 我地呢份係例牌 (2-4人量)p.s 逢星期一至五晚市 . 只限堂食成件事 好認真! 1/4 隻原來都幾多架~有個爐暖住, 食得慢都唔怕凍晒~ Nice!椒鹽鮮魷 $128份量口感都唔錯啊~近近地,原來係有坐得寬敞嘅好味中菜~店長勁親切, 同事們都好友善啊, 我同屋企人黎緊放假會黎飲茶的~

今日咁次 夜晚就去左打邊爐食完都覺得唔錯 我哋叫左個雞煲 雞煲啲醬汁好好味 少辣少麻 岩岩好 但肉質叿算係新鮮 不過唔算難食 都可以嘅因為係雞煲 服務員話食完可以換湯底 咁我哋換左清湯 清湯有白蘿蔔同白菜仔 都好足料 一開始有一碟刺身 刺身數量唔多 另外有一碟熟食 入面有鮑魚鵝掌 打邊爐材料 款式都多選擇 整體我覺得牛肉好味 魚皮好脆海鮮都ok 丸類就一般般 有啲韌蔬菜種類都幾多 唔係得3-4款飲品種類唔算多 但都可以接受既因為都多人 所以服務員都好忙 要等都算值得食

這間酒樓是趕客酒樓，不單止一早趕客走，還有很多垃圾服務，正如其他食客所講，全將軍澳最差的一間酒樓👎，以為多人等位就唔憂做。所謂經理部長比起其他員工態度更惡劣，截單時間已經催收枱，未夠鐘已經問都唔問就一手收走水壺茶壺，最緊要方便自己盡快收工。熟客就可以不用等位不用搭枱直入不在話下。垃圾級經理背住食客大大聲講晒粗口，旁若無人，粗口爛舌，怪不得上樑不正下樑歪，以後招呼熟客好了，應該貼出告示 “生客恕不招待”，老闆能夠容忍這些員工莫非大家都是同類人🤔

週末和屋企人去飲茶，食物質素一般，未食完嘢就被部長叫我哋盡早埋單，3:30左右已經被叫四至五次，仲熄埋燈趕客，垃圾服務. 唔怪得知香港人唔留港消費，商量不正下樑歪。

首先，我們在等待入座時已經等了將近45分鐘，並且在叫到籌號後，當我們到前台打算拿票入座時，職員卻以我們只有五人為由拒絕讓我們入座，要求我們繼續等。我不明白這樣的規定，明明已經叫了籌號卻不讓入座。當我們試圖了解情況時，職員以敷衍的態度回應：「算啦算啦，入啦，五個人咁鍾意坐大枱。」當我們終於入座後，有另一位職員來整理桌面。我的家人提醒她地上有一灘污積，因為地點在走廊，擔心其他客人會滑倒。但該職員卻以惡劣的態度回應：「見唔見我地好忙呀，都比你地坐左大枱啦！」然後她隨即離開。之後，她帶來的清洗碗碟的兜跌了在地上好幾次，幸好有其他職員注意到並提醒她該用具不衛生。當我們詢問該職員的名字時，她拒絕告知。我們又去詢問另一位經理，但他的回應同樣敷衍，聲稱會處理此事，卻不願意立即給予我們任何具體的解答。我要求知道該職員的名字，但他似乎假裝沒有聽到，便轉身離開了

服務態度非常惡劣，食物質素差，服務態度差，不論是經理或是員工或是送遞食物，都是差，只會跟相熟客人友善，對其他客人一律置之不理，還會說客人閑話，或對罵客人！對相熟客人可以不用搭枱，其他嘅一律都需要搭枱！1. 門口帶位員工冇禮貌，相熟客人不需要等位，直接入座，2. 經理級，隨機幫忙，首選相熟客人，其他一律視而不見！3.普通員工, 反而比較好,因為冇得選擇做與唔做！4.送遞食物員工, 牛肉需要黑醋,佢同我講話我麻煩要求多🤯5.收錢員工, 也是相對比較好,但似收數多過收錢！總括來說，整體全間酒樓都是非常差，不會再由下一次，嚴重差評！

得閒黎呢頭行，夜晚想打邊爐，呢間門口位姐姐又好熱情咁介紹，見佢講得幾詳盡，又會送鮑魚，價錢又唔貴（8點半後有8折），就試下入到去，發現食小菜嗰邊人多過打邊爐呢邊，打邊爐連埋我都係得3張枱。送嗰啲野，佢地開頭話有選擇，但係埋左枱後就話冇哂，我比佢地呃左入黎囉😵‍💫😵‍💫不過黎嗰隻鮑魚幾大隻，同去婚宴食嗰啲差不多，味道唔錯，不過食完會比較濟😅😅（但係當初見有燕窩選，點知之後得返鮑魚一樣，sosad😑😑)另外送嗰碟刺身併盤，睇上去都ok送嗰碟牛肉好靚，幾新鮮，好味👍不過再要既話就要加錢，我都係要普通嗰啲算。不過之後任食嗰啲牛就差啲，但都ok既配菜區都有唔小選擇，菜都算新鮮個鍋都可以選，仲比我地食鴛鴦湯底，算係咁成餐正常，感覺唔錯👍不過好多送既野，2選1變送剩一樣，呢樣就差啲，尤其隻鮑魚，食完都唔洗食太多其他野啦🙄🙄🙄

今日假期，忙就一定系㗎啦！但將啲脾氣發喺客人身上，簡直要不得，話說今日飲早茶！第一輪食完成枱面都係嘢，諗住再叫嘢食，於是叫個侍應執吓嘢，叫咗幾次都當聽唔到（可能喺房入面啦），唔緊要自己黎啦！啱啱拎出去嘅時候就撞見個侍應入嚟就叫住佢幫手執嘢啦，佢一句話＂我唔得閒＂（語氣極之晦氣，面又黑）但見佢個手乜都冇拎到，點樣唔得閒呢？莫非佢嘅工作只係入嚟巡房？今時今日咁嘅服務態度怪不知香港人多數選擇北上消費啦！

今天屋企聚會去了半島叫了個套餐，春日迎夏歡喜宴一圍。之前食過這間酒樓的套餐，都覺得可以，但今次這個套餐，可以說十分差，大蝦球伊面，蝦球無味，翡翠炒彩鳳蚌片，超咸，完全唔掂。沙律海鮮卷，完全好少沙律，唔好食。紅燒竹笙海皇翅，完全唔熱，燒鵝亦都比以前差，冇乜味道。飄香荷葉飯，飯質太軟身，太淋，唔好食。今晚餐廳冇乜人，唔知廚師在做乜嘢，完全唔比心機做餐。所以以後都唔會再去，超難食，我知點解噤多人上大陸食飯。今晚這間餐廳已經唔算多人，但廚師唔知攪什麼，完全唔掂。

今日母親節！訂了套餐加龍蝦！六時三十分入坐！六時四十五分上菜！未到十分鐘！上了四個菜！當時巳叫停勿上菜！再過五分鐘！再上兩個茶！部長只回應無法停！下次仲會再去？埋單六千！食到一肚氣！知道為何港人北上！沒有服務可言！食物味道一般！完全欠服務！八時十分巳走人！亦沒有人在門外等！唔知點解趕客食得咁快！