半島漁港/阿翁火鍋館

营业中

休息中

半島漁港因新開的關係，推出很多晚市1蚊雞，我同呀妹欣欣特別去一探究竟，因為同事們都話超抵食!我們2人叫了椒絲腐乳炒通菜，真的很大碟，而且鑊氣十足，很香口又勁惹味，我們很喜歡!馬拉盞豚肉芥蘭煲很入味，而且芥蘭炒得很爽口，又辣又正，我們吃光光了!一蚊竞然可以order燒鵝四分之一隻，又香又濃又大碟，而且還有鵝脾，我吃到心花怒放，我自己覺得一蚊嘅燒鵝有如此(正)嘅質素，真的可以保持水準，而且皮脆肉嫩,今晚真的大滿足了!

老仔呀B話今日唔想煮飯，佢話最好街食，將軍澳廣場近日開了一間超大的半島漁港，平日晚上晚晚爆滿，所以今天晚上準時收工吃親飽!環境超光猛而且己坐得8成人，我們很好彩有一個窗口位!有4成客人打边爐，但我們反而想食特惠孖宝的上湯焗海蝦伊麵底配鹽燒大連鮮鮑!我們等了十五分鍾，上湯焗海蝦伊麵底熱辣辣上，海蝦一点也不欺場，有8到1O隻舖在伊麵上，而且伊麵也很多汁，老公吃了一口己說海蝦十分爽口，而且伴伊麵來吃，味道很香，我們也吃光光了!另外鹽燒大連鮮鮑火喉燒得很香，而且鮮味彈牙，很有鐵板燒的感覺，這個套餐才288元，難怪客似云，真的抵食!

尋日一家人去將軍澳行街喺將軍澳廣場睇完一個以荔園做主題既展覽，喺附近見到一間叫【半島漁港/阿翁火鍋館】並標榜無限時任食火鍋，老公又話想打邊爐，所以今晚晚飯決定選這兒了，一行四人到達後立即安排入座，店員亦很有貌，現場環境唔錯新裝修地方又大，坐低後侍應好快將調味料拼盤送到枱上，嘢飲方面就有兩個雪櫃有啤酒、汽水、烏龍茶自取，嘢食方面我地叫左個重慶雞鍋(啲雞件香口味美 辣度適中 最重要係冇限添加 正👍🏻)、招牌手切牛頸脊(限量供應)、羊肉片、美國肥牛片、鵝腸、墨魚滑、魚皮餃、脆鯇片、白鱔片同竹笙……等等，整體食物質數好有水準，特別推介手切牛頸脊，真係好鮮甜好有肉味肥瘦適中，再加埋每人一客鮑魚鵝掌、至尊水餃皇、刺身同豐富海鮮拼盤等等，真係一餐非常滿足的打邊爐👏🏻👏🏻整體食物，環境，店員服務都好好(時常來加湯同收碟)，這間【半島漁港/阿翁火鍋館】絕對有下次同值得向大家推介😋😋😋

將軍澳廣場新開左間阿翁火鍋，呢度嘅火鍋好抵食$298就有豐盛海鮮拼盤，再加火鍋任食環境好闊落，仲有好多張檯，唔駛驚要等位蠔皇鮑魚扣鵝掌坐低一陣，就端上呢碟鮑魚鵝掌，仲係出煙熱辣辣的！鵝掌屬貴價菜式，呢度係真材實料用鵝掌炆得好入味，又夠腍鴛鴦鍋我哋揀咗鴛鴦鍋，皮蛋芫荽拼沙嗲湯底！皮蛋芫荽湯底夠清新，仲加左我鍾意食嘅馬蹄勁正。沙嗲湯底就不過不失，不過滾耐左就有癡底的情況，需要經開攪拌！至尊水餃皇水餃勁大隻，中間全部都係蝦隻，口感好爽彈，水餃皮又夠薄極級牛頸脊呢個牛非常靚，脂肪分布好平均食到好濃嘅牛味，肉質軟滑得黎，仲有啲彈口估唔到係呢度可以食到咁高質嘅牛環球海鮮盤有龍躉魚、海蝦、蠔、青口、帶子、蟶子好豐富又新鮮海鮮洗得好乾淨，蟶子好爽甜，我哋掌握時間啱啱好，完全唔韌帶子都唔野小，好大隻呀第一次食到熟左帶子嘅甜味證明夠新鮮！黑豚肉牛肉出色，豬肉都唔錯！口感好軟滑，完全唔肥膩四寶丸係手打丸黎架特別好食！其他火鍋配料都好新鮮呢度嘅火鍋好高質呀

夜晚屋企人想食中菜🔥，所以就黎左半島漁港食啦🥳首先要介紹嘅係呢度有$1燒味食⭐️，真係超級抵，有至尊燒鵝王、海南文昌雞、紅燒bb鴿😝。我地就揀左至尊燒鵝王，個皮真係燒得好脆😌，而且燒鵝都超級肥美❤️。另外我地仲叫左自選燒味拼盤😛，有半島香妃雞、蜜汁叉燒王，兩樣同樣高質😗，貴妃雞本身好夠滑，而叉燒仲要係我最愛嘅半肥瘦叉燒💕，夠曬惹味。蔬菜方面就叫左馬拉盞豚肉炒芥蘭煲🥬，用左馬拉盞炒食落更加香🤤。

一個不用400元，可以食到的3寶晚市優惠餐其中有貴價龍躉兩味、美極煎海蝦、燒腩仔，簡直是匪夷所思，加一蚊仲可以有文昌🐥、紅燒BB 鴿、至尊燒鵝王選一款，真的是超……超值，可以在新開張的半島漁港食到，真開心地方闊落，環境乾淨衛生龍躉第一味 - 炒球魚多過菜，真是少見，仲係大大件超厚龍躉無骨腩，魚脂豐富滑溜，入口滋味無窮，啖啖肉第二味 - 清蒸魚的純鮮味盡出，新鮮彈牙這二食，在其他酒樓單點差不多要250到350，所以一定要試下，抵抵……美極海蝦美極鮮露煎香，上枱已經香氣四溢，蝦肉鮮嫩，越食越好味燒腩仔肥瘦均勻，特別是皮的部位，香脆可口，和老公讚不絕口加一蚊，有半隻雞文昌雞皮薄肉嫩唔肥，雞味特濃，就算是夠餸都要叫呢餐抵食，味道好，一定要介紹比朋友共享

今日去開將軍澳見新開左呢間酒樓就同朋友去試下啦。首先我就叫個小菜，醋撈海蜇，味道酸酸地好開胃，而且海蜇又好彈牙。主菜方面，我就揀左個京蔥醬爆安格斯肥牛，呢個菜式真係好夠香，特別係京蔥同肥牛再配上醬汁好夠惹味。另外，滑蛋炒蝦球同樣地好正，蝦球真係好大隻，而且份量又好夠多，最正係d蛋炒得好夠滑。今日受到經理推薦就再叫左個豐料老火湯，個湯真係好足料，淨係睇d湯渣都見到個湯真係好豐富，而且味道都好夠濃郁。

尋日放假上左去住將軍澳嘅朋友屋企打麻雀，大戰左10個鐘頭之後終於散場，因為打到午餐都冇食，所以大家都特別肚餓，朋友就話屋企樓下有間新開冇耐嘅酒家不如去試下，跟住4條友就落樓了，去到後原來係一間叫「阿翁火鍋館」的酒家，門口知客就問我哋想食小菜定打邊爐，我地睇完門口餐牌一致決定打邊爐，最重要嘅原因係寫明《無限時》可以慢慢食慢慢傾，講返呢度嘅環境新裝修都幾富麗堂皇，枱與枱之間好有空間感，唔會擺到密質質，坐得好舒服，飲品方面火鍋放題當然啤酒汽水都係任飲啦，嘢食我哋叫左個雞煲(可無限加雞的)，雞件惹味嫩滑辣度適中好食，我哋仲追加多咗1 round添，跟住陸續送上呢個餐包嘅刺身拼盤有: 三文魚、希靈魚、墨魚同北寄貝；海鮮拼盤有: 蟶子、生蠔、海蝦、青口同龍躉片，刺身同海鮮拼盤都好新鮮 跟住再嚟鮑魚同鵝掌同樣出色牛頸脊好有牛肉味，睇啲紋理就知係靚貨，水餃皇就足料蝦肉爽口彈牙，其他任食配料如: 美國肥牛、豬肉片、羊肉片、鵝腸、蝦滑、魚皮、竹笙同墨魚滑都水準唔錯，特別推介鱔片同脆鯇片，因為太好食嘅關係我哋都叫咗好多轉，肉質非常爽彈，呢間阿翁火鍋館無論食物質素同侍應服務都好好，今餐打邊爐我地真係好滿足又好

朋友住將軍澳, 佢介紹去食中菜, 坐得舒服, 去到估唔到咁大間, 睇到餐牌有$1優惠, 至尊燒鵝皇1/4隻, 即刻叫碟先, 燒鵝皮好有光澤, 食落皮脆肉嫩，有成隻大鵝脾, 肉質好滑, 餸飯一流, 小菜叫了非常開胃的脆皮菠蘿咕嚕肉$138, 估唔到係原個菠蘿上枱, 咕嚕肉既皮好脆口, 肉質夠淋, 最欣賞係用新鮮菠蘿炒的, 好清甜, 份量都多, 菜叫了金銀蛋莧菜$98, 有濃湯墊底, 莧菜索晒啲濃湯味道。最後驚喜, 還有糖水送, 今日係紅豆沙, 唔會太甜, 好味。

呢間位於將軍澳廣場嘅酒樓終於開幕😍，今晚就專程帶屋企人去食番個晚市火鍋放題啦🥳.呢度嘅火鍋放題食物選擇好多😎，無論係飲品定食物都好豐富，而且重要係無限時🤩.無限時任飲任食 $298/位.重慶雞鍋估唔到呢度仲有雞煲可以食⭐️，重慶麻辣味夠曬香，而且雞肉又多件有夠滑😝.阿翁極級牛頸脊呢碟牛肉相當高質❤️，肥瘦均勻，咬落又唔會有筋，而且牛味都好出💕.刺身拼盤估唔到呢度都會有刺身食😆，而且種類繁多，仲夠曬新鮮添😗

今日行過將軍澳廣場，開咗間新酒樓阿翁火鍋館，見到門口大大招牌，任飲任食海鮮火鍋，非常吸引，一定要試吓🍻🐟入到酒樓裝修唔錯，座位非常寬闊，店員有禮貌💁‍♀️先來一個雞煲，唔會太辣，雞肉嫩滑😚海鮮火鍋拼盤，有生蠔，聖子，蝦，龍躉片和青口，配埋鴛鴦湯底，材料又新鮮，真係好味😋每人一份，鮑魚鵝掌，鮑魚夠淋，鵝掌入味又唔黐骨😇一定要試吓，這裏的水餃，大大隻，材料十足👍我們還叫了響鈴，炸魚皮，蟮片，菜…..都好好食😊這裏啤酒汽水任飲，真係想唔飽都幾難😄😄

這酒家位於將軍澳站附近，剛剛新張不久，難得跟男友二人剛好放假，便來試一下。下午二時已經是下午茶時段，等位很快，因不足四人是要搭枱。（我個人不太介意搭枱）菜苗鮮蝦餃皮薄餡靚，菜苗夠嫩，沒有渣也冽又有苦澀味蝦肉鮮爽彈牙，整體不錯。流沙奶黃包很久沒有吃過好吃的奶黃包了！當下非常驚喜！包點上枱時暖暖的，包皮鬆軟，甜度適中，有淡淡咸蛋黃的味道。就算包皮凍了，內裡還是流心。醬汁鳳爪炸鳳爪吸滿醬汁又夠稔，正常水準。份量也正常，有少許墊底的花生。個人不太喜歡墊底的不知名配料，這個還好。醬汁金錢肚醬汁偏甜，我覺得可接愛。金錢肚炆得夠稔也入味，老人家也應該能夠吃。叉燒腸粉腸粉皮夠滑，叉燒份量足。但整體味道一般。蟹籽燒賣我覺得挺好吃，但男友覺得偏肥膩。豬肉跟蝦肉混合得剛剛好，鮮味又彈牙。紅油抄手不推薦，不好吃。個人喜歡川辣的醬汁，這款不合我跟男友的口味。還有個咸水角，忘了拍照。咸水角味道不錯，正常水平。整體點心質素不錯，上枱都是温熱的。雖然是搭台，但大家也有足夠空間。全場9成滿座，平日下午茶來説相當旺場。服務也不錯，上菜速度適中，每次一兩籠，速度剛剛好。很怕一次過上太多點心，因為很快便會吹涼。清理枱上吉碟也

收費：周一至四每人298再加一環境：一般酒樓，闊落嘅上菜速度：好似好抵，但四人一枱嗌肥牛，寫一碟嚟兩塊；於是寫兩碟，都係嚟兩塊；忍唔住寫六碟，嚟四塊。雖然冇限時，不過一個鐘內除咗佢提供每人一份嘅嘢之後，我哋一共寫咗九碟肥牛，嚟咗八塊。至於其他食物，一係等好耐，一係直接冇出現，情況就可想而知⋯⋯食物尚算正常，不過如果想任食嘅話，應該冇乜鋪頭可以上菜上得咁慢同咁「孤寒」。中間更加追過工作人員三次，最後出動經理先上多八塊肥牛。呃，應該好難有下次⋯⋯

今日同女友係將軍澳食飯，大家又覺得放題/打邊爐悶，網上搵到一間平日$1燒味優惠，我地覺得抵就試下店內乾淨清潔燒鵝即場製作，$1又好吸引，所以叫左閒日仲有其他優惠，平！我地揀左龍蝦伊麵$398餐，雖然特價餐，但份量很多，龍蝦份量多，啖啖肉，而家肉質唔硬，不會像橡膠咬不開，配上湯好食主角出場，燒鵝夠熱即整，皮汁多夠脆，肉質都嫩滑，出面這樣食都要$100，真的抵火腩炆大鱔煲，火腩大大件不會散開，肥瘦適中不錯，大鱔肉厚嫩滑有鮮味，火腩肉味夠，咸鲜惹味，夠鑊氣蒜蓉菜心蒜味夠，夠晒爽甜埋單食左咁多野先479，我地食唔晒要拎走，食物質素不錯同坐得舒服，值得下次再來惠顧

好耐無食過中菜！知道附近新開左間酒樓，就同爸媽黎試下！酒樓格局好開揚，闊落又光猛，都坐得幾舒服一坐低梗係睇下食咩啦！其實黎之前已經睇中左呢個$398既2-3人餐，有蝦有魚又有燒味，好似幾抵食！仲有呢個$1優惠，無理由唔食架？！首先到既係$1既至尊燒鵝皇，呢度係1/4隻！燒鵝個味都夠，肉都嫩滑，側邊個酸蘿蔔都用黎去油膩感岩岩好，如果個皮都脆就正啦！不過$1真係好抵食呢個係餐入面既例牌燒腩仔，肥瘦均勻而且個皮都係脆既！幾好美極煎鮮海蝦，好香味道比較濃，個殼都脆卜卜可以食埋，唔錯呢個係龍躉兩味入面既蒜子陳皮蒸頭腩，龍躉肉厚，個皮夠煙韌，又唔會蒸得太老，有淡淡陳皮味，都幾好味第二味係油泡龍躉球，呢味好夠鑊氣，又有少少菜中和下，唔錯夾埋差不多$500埋單，3個人5個餸，飽晒！