半島漁港/阿翁火鍋館

营业中

休息中

今日約咗三個長輩食晏，其中一個長輩提意嚟呢間飲下午茶，話平時間唔中都會專登搭車入嚟呢度食嘢，話呢度大坐得舒服，味道唔錯，仲話呢間嘅食物比其他分店好味添。我哋點咗好多點心，不過老人家胃口唔大，其他都係我同朋友包底。燒汁煎釀茄子，新鮮煎起好味。家鄉鹹薄撐。馳名燒腩卷，裏面嘅腩肉好有份量，我哋再點多一份。黑椒牛仔骨，都好多肉，唔會大大舊骨。魚肚棉花雞球。鮮竹牛肉球。爽滑牛肉腸。蟹籽燒賣皇。家鄉鹹水角。流沙奶皇飽，流心效果滿意，味道都可以。鮑汁炆雞腳。味菜鵝腸炒河，鵝腸好爽口，唔係漂白嗰啲。濃湯水餃雞烏冬，其中一個長輩話雞無雪味，冰鮮得嚟質素好。

同朋友星期日想不到有什麼午餐好吃，我們便會去半島漁港飲下茶，都頗推介大家去半島飲茶㗎，因為食物點心全部都幾好味，比一般酒樓的質素還要高，款式多選擇，大家不妨一試！但更加值得推介的是他的晚市打邊爐，因為食物實在太豐富，一開始會有很多刺身冷盤，感覺還算新鮮的，冷盤之後還會有打邊爐、雞煲等，雞煲還算非常惹味，值得一試！而且飲品都是免費自取的！環境方面，半島是非常大間的酒樓，非常多枱，因此每次我們晚上去打邊爐，都必然會有大枱，不需等很久時間，大家可以一試！❤️❤️

Happy Friday 決定放工嚟將軍澳同同事打個邊爐🤭呢間其實都嚟過幾次，平時嚟係因為生日個位有半價，今次就冇啦😂三個人 星期五每位$328加一。一如既往7,8點左右已經滿場，咁啱有枱😆首先我哋叫咗個雞煲，唔係好辣，麻辣嘅味道幾好👍🏻之後就叫咗個皮蛋芫荽湯底，好基本啦😌反而配料我哋唔係叫好多，佢俾咗一份牛頸脊我哋，都幾好食😋同埋有三粒餃子，正正常常。另外飲品任飲，我都係飲咗幾盒冬瓜青檸😂今次嚟食唔知係咪胃口細咗，兩個女仔加一個男仔都唔係食到好多嘢🤫而且我覺得質素好似冇之前咁好，如果冇生日優惠，正價都幾貴下🫢

轉手前公司聚餐食過，可能都有同同事飲茶，但上手裝修老土，地下、洗手間唔太乾淨，中老年人多。冇辦法興趣去食。依家空間感多了，乾淨企理咗好多，霸到窗邊位當然更舒適啦～食物都好味咗少少。因為有同事，所以冇乜特別影相除咗雪山包個底有啲濕之外，其他都唔錯~~特別喜歡金菇肥牛炒河，好多肥牛!其他嘢奶皇包燒賣、蝦餃蜜糖脆雞翼、薄撐等等全部都好味~因為人多，除翻開每人先$88但食咗超多嘢～菜心都好靚會encore la!

Feb 23, 2022: 我地一行四人，坐低時侍應上咗一碟鵝掌，我地試食過覺得有酸味，向侍應反映，侍應之後告知經理，經理走來只拿走碟鵝掌，但全無表示不好意思亦無作任何補償，當無事發生。現場亦唔只我地一枱投訴鵝掌有變酸味。到我地吃完晚餐埋單後離開中，因友人行動有少許不便，行得已較慢。有個女部長忽然走來質例問我地坐邊張枱，埋咗單未，截住唔比我地走。真係好離譜。如有疑問都應問得有禮貌啲，但都係好羞辱顧客。如果有心握數都唔會行得咁慢。佢check咗我地已埋單後不但無道歉，仲自辯話點解我地咁大反應。嘢食一般，服務令人髮指，以後唔會再光顧，無謂貼錢買難受。

入將軍澳跑完個靚步，成班跑友一行8人去食1蚊燒鵝！碟野一來，咬第一淡，umm ~ 肉質鮮嫩，好juice👍🏻*真心唔係度度燒鵝啲肉都嫩滑所以一蚊黎講，呢間算有誠意！燒鵝汁非常多，再加埋有醃蘿蔔解膩，令成件事錦上添花🤓酒樓幫我哋係碟燒鵝下面點蠟燭keep溫，算幾有誠意！👍🏻呢碟野可謂「性價比」嘅極致！🤪*ps : 要夠8個人先可以$1燒鵝因為我地呢次係等齊人先上碟😂半島漁港（將軍澳店）評分：90/100

話說今日放假，無聊聊唔知有咩做，老公建議去飲茶🍵，其實將軍澳區有好多酒樓，位於將軍澳廣場呢間，經常行過都見到門口超多人等位，所以今日一於試一試，下午茶時段2點🕑到4點🕓, 好在2個人好快有枱，下午茶當然有特價點心，小食, 唔少得當然係燒鵝奶粉！兩個人點了八樣嘢，茶介每位$8燒鵝瀨粉 $23.80瑤柱火腿灌湯餃 $23.80鮑汁雞腳$23.80半島水晶蝦餃$30.80燒賣王$27.80潮州粉果$17.80鮮竹牛肉球$21.80蜜汁叉燒腸$24.80食物方面樣樣都中規中矩，個人比較喜歡燒鵝瀨，鮑汁雞腳，點心上餐速度算快，清台次數易頻密，感覺良好總結💝：埋單$231, 超值👍， 新裝修，樓底又高又開揚，唔會太嘈，下次會試打邊爐或者晚飯小菜！

冬至去咗飲茶，下午2:49 ，點咗一碟炒牛河，一籠蝦餃，一籠燒賣，等到3:10 ，催咗佢一次，侍應完全冇反應，話只係等咗10幾分鐘，再等吓，3:12分，燒賣到，等到3:30 ，再問多次，點解蝦餃同埋炒河粉未嚟，侍應入廚房睇，出返嚟又話就快到。之後，到3:40 ，忍唔住又問多侍應一次，呢個時候侍應走來，話俾到乾炒牛河我哋，但係蝦餃因為點心師傅收咗工，已經冇啦，只有最後一個同我哋講冇蝦餃嘅侍應道歉，其他之前兩個，一個話我等咗10幾分鐘好正常，另外一個又冇反應。結帳嘅時候去到收銀枱，見到啲侍應係咁鬧啲顧客，因為佢哋問關於賬單收款嘅問題，可能錯並不在於侍應，不過佢哋嘅態度十分惡劣，呼喝顧客，情況實在令人嘆為觀止。雖然點心手工好，炒河粉都炒得唔錯，不過咁嘅服務態度，真係實在令人覺得卻步，希望佢哋自己檢討吓，雖然係忙，但係都唔好呼喝顧客。

難得放假，屋企人想食中餐，所以就book左位黎呢間酒樓食飯。之前黎過幾次都唔錯，所以屋企人就建議再黎食唔知係唔係因為假期，平時嘅menu套餐冇左，小左野簡🥲明爐極品BB豬(例牌) $188例牌一碟有8舊，bb豬都幾脆，肥瘦適中，推介！蜜桃京都骨 $138大大舊又啖啖肉，醬汁略微鹹左啲，但酸酸甜甜幾好味，撈飯啲飯中和返！西芹腰果炒蝦仁 $138較為清淡的家常菜，d蝦好大隻，成碟餸唔需要調咪已經好食～孖寶 $4381）翡翠炒星斑斑球配菜唔多講～重點係個班球度，斑球好大舊，雖然啖啖肉，但肉質較鞋，唔知係味整得太耐，魚皮好厚，咬唔斷係食唔到嘅2）金銀蒜蒸清斑腩一上到抬呆左，個賣相已經唔得，個feel勁似跌左再執返咁😮‍💨😮‍💨斑腩仲要係又腥又鞋，唔惦🥺覺得呢個價錢呢個質素真係太差…..好失望發覺繁忙日子佢地嘅質素都差好遠😮‍💨😮‍💨我諗特別日子都唔會考慮再黎！建議平日黎質素會較好🫣

好耐都冇出街食過中菜， 妹妹推介咗呢一間抵食中菜， 我哋仲一次試咗兩個餐㖭醋撈海蜇海蜇非常爽口而且，口感豐富彈牙， 同出面買 獨立包裝嗰啲冇得比冰燒三層肉個名好好聽， 問咗部長叔叔原來係燒腩仔🐽小菜揀咗黑椒🍆茄子🐮牛仔骨， 🐃牛仔骨份量唔少妹妹推介嘅🍑蜜桃冰梅骨，酸酸甜甜好好味個餐仲要白飯白粥任裝🤣後來追加晚飯孖薑蔥焗本灣肉蟹🦀，食得薑蔥肉蟹， 除咗鍾意食蟹都係鍾意薑蔥， 因為聰可以索曬啲汁， 薑蔥分量唔少👍🏻金蒜銀蒜蒸元貝， 正正常常冇乜驚喜最後仲有陳皮紅豆沙

海鮮酒樓來來去去都係供應嗰啲貨色，有時真係想自己去街市海鮮檔買。但係買咗又冇咁嘅條件同埋能力，去煮得好食，攞去酒樓加工係一個選擇。難得呢啲商場酒樓都肯做，感覺幸福，唔使再走過去鯉魚門俾人劏，或者去觀塘舊區了。今次喺大本營街市買，攞上去整。簡單的陳皮蒸泥鯭，大師傅整到啱啱好，唔太熟、唔太生，用匙羹一推就成塊肉離骨起⋯ 喺屋企我永遠都整唔到。上湯龍蝦米粉底，自己根本冇可能整到呢個又霖又脆嘅米粉。要食得不一樣，交俾師傅做啊，加工費肯定係平過鯉魚門村。

上湯焗美州龍蝦伊麵招牌菜之一龍蝦數目不少，絕對夠3-4人食用～食龍蝦最怕係要自己剝殼又怕整傷手，又怕整污糟隻手酒樓貼心地為龍蝦去殼，可以方便食用龍蝦味道好鮮甜、好彈牙👍🏻上湯伊麵都好入味果然龍蝦配伊麵係最夾👍🏻因為伊麵唔會搶左龍蝦既鮮甜而且伊麵係偏淋身，容易入口，好入味😋

之前有瑜伽班同學推薦半島晚上自助火鍋，生日月份五人有一人免費。但一直找不到飯腳，所以未有機會品嚐。今次在下午茶時間光顧，新年期間暫停下午茶價錢優惠，不過肚子打鼓，沒想太多。門面寫「本酒家茶市全場搭檯」，當天卻可二人享一枱，感覺好兆頭，新春走運！包羅萬有（鮑魚燒賣）$36.8燒賣用蝦肉配搭半肥瘦豬肉，撇開肥膩感，肉質是Q彈有嚼口的。新年還加入人人愛的「發財」（髮菜）。迷你鮑魚增添貴氣，口感既柔軟又好意頭，新春期間當然熱賣！燒汁煎釀茄子 $26.8放入口先嚐到香口挺身的魚肉，繼而是咬落似肉非肉的茄子，口感甚有層次。再配合鹹甜適中的醬汁，很有尋味順德的感覺！香煎蝦米腸 $23.8雖然蝦米數量頗少，但腸粉煎到微焦金黃色，食得香口時又覺軟滑，灑上芝麻再點甜醬麻醬，吃出兒時回憶，不得了！醬皇金錢肚 （大點 $32.8）牛肚肉質軟嫩，燜得超淋，香濃柱侯醬汁滷入牛肚的每個蜂窩，好食到停唔到口。香麻义燒酥 （中點 $28.8）賣相吸引。從义燒酥側面見到層層叠的酥皮，就已經好期待。但食落卻不似預期，酥皮有微微「油益」味，「淋」咗並不酥。义燒餡料有點乾涸，而且欠燒烤醬味。雞蛋豬腳薑 $40 （點心紙印有「推

晚上七時多，工作完畢的同伴傳來這單張，沒頭沒尾的？僅供參考？抑或是想食，現在來個「隱性邀約」？海鮮拼盤加刺身加牛頸脊加極級水餃加華貴菜式再加無限時火鍋任食，在幾年前是個新「玩法」：那時在皇室堡的醉翁亭 (後來改名為海南四季，兩家都結業了，也不妨開名) 首次嘗試，體驗非常之好，更呼朋引伴去吃，但後來難逃「跌Watt」的厄運。現在幾乎原版重視，更有合時羊腩煲，哪有不試之理？算一算路程，到達時剛八點半，有八折，馬上出發！星期一的「夜食」晚市，居然十分熱鬧；我壓根兒不知道今年的冬至早了一天，翌日便是！所以不少應該是來做節的小家庭顧客。瞄了一眼冬至菜單，六人餐要$2,480！嘩，「報復式」消費，迎來「報復式收費」？雖然這晚是以假期價計算放題收費，但仍有八折，用火鍋作為兩口子的做冬之夜，實在是 (馬後砲) 好主意！我在途上時，同伴已點了羊腩煲，到我入座的一刻，便熱辣辣的在爐上滾著了，馬上開動！未吃飽？沒關係，羊腩每人幾件，在這時節剛夠補身也打開了胃口。快快吃完、讓出爐頭，湯底和只送一份、不設仼食的食材隨即上桌！久未到酒樓吃火鍋了，刺激起「當年」喪叫的回憶，就來個煮辦煮碗，後果當然⋯⋯大堆頭食材在前

晚上來這酒樓食小菜, 叫了優惠四寶及一元的燒鵝優惠, 所有餸菜都在中上水準, 尤其是一元的燒鵝, 比起很多正價酒樓的燒鵝還要好食, 羊腩煲、小炒王和龍躉兩味都做得非常好, 分量都很足夠. 一元的優惠有三種選擇是燒鵝、文昌雞和極品BB豬, 我們見到很多枱都叫了BB豬, 份量亦相當大碟, 望落去亦都好好食. 服務員的態度良好, 對客人有傾有講, 非常正面. 當晚差不多全酒樓滿座. 我們帶了兩支紅酒, 亦沒有收我們開瓶費. 這是一間將來會再去食的酒樓.